#عيون_الريم_ونظرات_الصقر
#طيبة الربيعي
||البارت الثالث||
وعد: مأذيتك بشي؟
غضنفر ...استغربت من سؤالهة.... اباوعلهة شلون تباوعلي باستفسار وقلق
غضنفر: لا، ليش هل سؤال
وعد: معاملتك سيئة بس وياية، ممسويلي شي بس نظراتك ونرفزتك مني دليل علة انك عندك مشكلة وياية، بس مداشوف اني مضوجتك بشي حتة تتعامل وياية بهل طريقة
معرفت شحجي شجاوبهة....تفاجئت حيل ابد مامتوقع تسألني هل سؤال... مامتوقع اصلاً منتبهة لطريقة تعاملي تجاههة ولا متوقع مهتمة لهل درجة...بس ثبتتلي الاهتمام باين بعيونهة....'طيبة_الربيعي'
ردت اتهرب منهة ماعرف ليش....يمكن لان ماعندي جواب لسؤالهة المفاجئ والمحرج بنفس الوقت
غضنفر برسمية: لا ست وعد انتي متوهمة، عادي اتعامل وية الجميع بنفس الطريقة ماعتقد مقلل من احترامي تجاهج او مقلل من شأنج لخاطر تسأليني هل سؤال'طيبة_الربيعي'
وعد ...ضجت من طريقة كلامة وأكثر من جوابة المابي جواب علة سؤالي...هو مو صوجك صوجي....اني مكبرة راسك ومنطيتك اهمية اكبر من حجمك
كمت: لعد اعتذر فهمت طريقة تعاملك بصورة خاطئة، ياريت تنسة كلامي وتنسة السؤال الي وجهتة الك، من رخصتك
غضنفر ...راحت واخذت لون وجهي وياهة... شصار قبل شوية؟ هلكد مبين علية؟ كمت راسي مفتر فر...
'طيبة_الربيعي
هو انة اكدر انسة عطرج لخاطر انسة كلامج... افتريت لحد ما بدت محاضرتي....شرحتلهم وكبل طلعت ماخليت الطلاب ياخذون من وكتي لخاطر تساؤلاتهم.... وهاي اول مرة اسويهة...
بعد ماشفتهة الة بنهاية الدوام....طبيت جانت تحط غراضهة بالجنطة باوعتلي ورجعت دنكت....داخلي يكلي حاجيهة بس عقلي يكلي شتحاجيهة....شتكللهة؟ اغار عليج؟'طيبة_الربيعي'
شلون اغار هاي مو غيرة ماعرف شنو بس اكيد مو غيرة....ميولد الغيرة غير الحب والحب ماحس بي تجاههة....صعب هل شعور ماعرف شلون اوصفة
وعد ...رجعت للمكتب داخلي يفور وعقلي مشتعل نار...علة شنو هل رفعة الخشم...حطيت نفسي بموضع الحمقاء لو مسائلتة ولا مسويتلة اهمية مجان جاوبني بهل طريقة...
شكد ما جان اسلوبة هادئ حسيت نفسي فشلت وتمنيت اختفي من الوجود...خلصت دوامي بشكل عادي وطلعتة من دماغي...'طيبة_الربيعي'
بس بنهاية الدوام لكيت نفسي احضر بغراضي عالسريع اريد اطلع قبل لا اشوفة....وماعرف ليش منطيتة هل اهمية المفرطة...دخل يباوعلي مهتميت....
اخذت جنطتي سلمت وطلعت...وصلت للبيت شفت سيارة رسول، لا اله إلا الله ناقصني اني....دخلت من المطبخ وتفاجئت بي كاعد وية امي... استلم
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
