#عيون_الريم_ونظرات_الصقر
#طيبة الربيعي
||البارت الثاني عشر||
ورة اربعة ايام بالضبط دخلت اثمار تبجي....راحت علة مكتبهة تلم وتبجي... اني وسعاد انقهرنة عليهة... منعرف شصاير...كامت سعاد وكفت يمهة
سعاد: شبيج اثمار ليش تبجين
باوعت لسعاد ورجعت باوعتلي
اثمار: اشكرج ست وعد، كطعتي رزقي بسبب موضوع اني مالي دخل بي، انشاءلله تخلصين وضميرج يرتاح
ورجعت تلم... اني انقهرت وحسيتهة مظلومة....كلشي ولا اكون ظالمة.... اكون مظلومة اهون من ما اكون ظالمة.... غضب الله عالظالم فضيع'طيبة_الربيعي'
وعد: اذا مو انتي حلفي عالقرءان
مباوعتلي: شيفيد بعد، بعد ما انفضحت وصرت اني المنافقة والفتانة
كمت وكفت كبال مكتبهة: اذا تحلفين هسه انج مو انتي الي لفقتي هل كلام عني وخليتيني فرجة لليسوة والي ميسوة ماخليج تنقلين
باوعتلي: العميد شطب اسمي بعد
وعد: اكو قلم ويرجعة، ماريد بس تريحيني انج مو انتي الي سويتي بية هيج
اثمار: مستعدة احلفلج بتراب ابوية مو بس عالقرءان انو مو اني الي طلعت عليج هل كلام، جيبي القرءان خلي احلف
عدنة قرءان بالمكتب عالرف...جبتة وحطيتة كبالهة.. راسأن خلت ايدهة وكالت
اثمار: اقسم بكتاب الله وبكل كلمة وحرف موجود بي مو اني الي طلعت عليج هل حجي يا وعد، ولا اني الي شوهت سمعتج وخليتج علج بحلك العالم، وتراب ابوية محجيت عنج ولا جبت سيرتج كدامهم
اباوعلهة تبجي وتحلف....صدكتهة لان اليحلف عالقرءان جذب مرايد روحة وماعتقد هية غبية لهل درجة انو تخاطر بروحهة وبآخرتهة علمود وضيفة
سعاد: هذا هو اثمار لتبجين، وعد كلبهة طيب وانسانة راقية وواعية مستحيل تقبل بالظلم
وعد: هسه جاية'طيبة_الربيعي'
طلعت امشي بالممرات واذكر شلون عانيت بهل اربع ايام.... شلون جرعت السم الي طلع علية....اربع ايام واني النوم مزايرني ولا شفتة بعيني.... اربع ايام واني اتكلب علة جمر بالليل وبالنهار....
وصلت لمكتب العميد ودكيت الباب.... بقيت بالربع ساعة اقنع بي وابررلة... بالنهاية اقتنع لان كتلة علة مسؤوليتي.... بس ياريت محد يحجي بالموضوع بعد كون ينلف بوصلة وينشمر بالتنور....
طلعت منة مشاعري باردة.... ماعرف شداحس ولا شلون اتصرف.... رجعت للمكتب شافتني اثمار كامت
وعد: ماكو داعي تبجين، وضيفتج بعدهة هية هية محد يسلبهة منج
باوعتلي بتمعن: اشكرج، مقصرتي'طيبة_الربيعي'
اخذت كتبي وطلعت....خلصت محاضراتي ومن خلصت دوام طلعت للبيت....الوضع بالبيت هو هو... ضرغام يشتغل وية بابا وعايش ويانة نفر من العائلة وبابا فرحان بي ولان محضة بخلفة ولد اعتبر ضرغام ابنة....
أنت تقرأ
عيون الريم ونظرات الصقر
Romansونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
