#عيون_الريم_ونظرات_الصقر
#طيبة الربيعي
||البارت الثامن عشر||
سمعت صوت نسوان وسلام بينهن وبين ماما.... بس شنو صوتهن عالي ولهجتهن غريبة خايفة لا ماما متوافق بسبب البعد واللهجة واني متأكدة حتعارض.... بس املي بربي وابابا حبيبي....
بذيج زواجتي فرحت ودكت طبل متأكدة هل مرة حتكون ردة فعلهة غير...شوية ودخلت للمطبخ شكلهة طبيعي بس بي بعض الغرابة
ام وعد: سويلنة حلا وخدري الجاي
وعد: حاضر
طلعت واني بديت احضر بس شنو ايدي صارت هزاز ماعرف لا اركز ولا اتصرف عدل... خلصت كلشي وتأكدت مناسية شي....
باوعت لنفسي بالمراية شايلة شعري كباية مرتبة ولابسة ثوب ربع ردن رصاصي حصر وكصيف... جميلة غضنفر....
اخذت الصينية سميت بأسم الله ودخلت....ارجف رجف سلمت وقدمت اول شي لمرة جبيرة ماما كالت قدمي لام غضنفر....يمة متت بكاعي يعني حجو وية ماما بالموضوع....'طيبة_الربيعي'
مركزت وية ماما بس لاحظت وجههة صاير طماطة بس مو بكدي.... وبنية لخ تطلع بكدي بس شكلهة ممعتنية بنفسهة ووحدة ثانية وجههة بشوش.... كلهن لابسات عبي عالراس استغربت....يعني اعرف المحافظات محافظين جداً بس مو بهذا زمنة يعني العباية متنلبس هواية مقارنةً بأيام زمان...
بس حلوات يعني محبوبات....بس الأماية شكلهة مدري شلونة حواجبهة مرفوعات فد موب عبالك عجوز شمطاء هههه، قدمت للجميع وكعدت
ام غضنفر: خالة شسمج انتي
باوعتلهة ميتة بكاعي
وعد: وعد
ام غضنفر: وتعرفين غضنفر مو
انصدمت هاي شبيهة شلون تحجي هيج كدام ماما.... ماما باعتلي بنظرة تخوف
ام وعد: يعني شنو تعرفة ام غضنفر
ام غضنفر: اي عيني مو همة جانو يداومون بنفس الجامعة ويعرفون بعض
ام وعد: اها'طيبة_الربيعي'
ام غضنفر: عيني منطول عليكم ابني خابصنة بالمحروسة بنتكم ويريدهة علة سنة الله ورسولة
ام وعد: نتشرف بيكم بس غير نعرف منين ما منين الولد اعزب متزوج وين عايش
هية هاي اللحظة الي جنت خايفة منهة.. . ماما تقبل اذا متزوج وعندة بنية؟
ام غضنفر: عيوني قابل نغشكم
ام وعد: لا حبيبتي بس غير نتعرف بالأول
ام غضنفر: جا من هسه اكلج ابني متزوج وعندة بنية والحمدلله عيشتنة سنعة وجيوبنة متروسة مثل عيونة
ماما حسيتهة ضاجت.... ماعرف لان عرفت متزوج وفوكاهة عندة بنية مدري من طريقة كلام ام غضنفر... هو اني صراحةً هم ضجت بس ميخالف اني اريد اكون من نصيب غضنفر هل شغلات متأثر بية....
بقو يتناقشون ماما تسأل وذيج اجاوب والعكس همينة بس حسيت ماما تريد تنهي هل نقاش بأي طريقة حتة من كالو نترخص مكالتلهم لا بعد وكت رأسان كالت الله وياكم... من طلعو سدت الباب واندارت علية'طيبة_الربيعي'
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
