#عيون_الريم_ونظرات_الصقر
#طيبة الربيعي
||البارت العشرون||
فكيت عيني هاي من كل عقلهة؟ وشدراهة انة رحت لشكرية هية بس امي تدري.... اوف يا يمة ماتبطلين سوالفج الة تهجمين بيتي
غضنفر: وعد شنو بدت الغيرة من هسه
وعد: ههه غيرة؟ تعوفني وحدي بعرسي علمود اجيبهة وتكلي غيرة؟ هيج ميت عليهة لدرجة تعوفني وتروحلهة!
غضنفر: وهووو
وعد: اي وهوو ميعجبك اطلع نام يمهة، هو انتو كلكم نفس الطينة
شالت بدلتهة ودارت.... درتهة علية دفعت ايدي
وعد: وخر مني
غضنفر: انتي شبيج، مو جنة منتظرين هذا اليوم بفارغ الصبر طلعتي من خشمي خليتي العالم تحس صاير شي بينة'طيبة_الربيعي'
وعد: خل يحسون ميهمني
غضنفر: وعد واذا رحتلهة قابل عفتج العرس كلة هية ساعة
وعد: والة انتة العريس تعوف عرسك وتروح؟ مكدرت تكلف احد غيرك؟؟ لا لان انتة الي ردت تروح
غضنفر: بلة صدك تحجين انتي؟ مو انتي الكلتي بقيهة؟؟ شتريديني ماعترف بيهة وهية علة ذمتي
وعد ...مو مسألة غيرة بكد ما مسألة واجب.... المفروض ميتركني ويروح فجاة بدون لا احم ولا دستور.... بس من كال هيج حسيت الدمعة تريد تنزل وكوة لازمتهة
وعد: هذا هو
اجيت اروح جرني
غضنفر بعصبية: هو شنو الهذا هو، مالكيتي غير هذا اليوم تنكدين بي
وعد: اتركني وانسة هذا اليوم الأغبر'طيبة_الربيعي'
غضنفر ...هاي تخبلت اليوم انة ابو ابوي مسموط ومنتظر انفرد بيهة وهية سوت مشكلة من لا شيء
جريتهة لحضني: اليوم عرسي ماريد زعل
وعد ...دفعتة
وعد: غضنفر ابعد كتلك مااريدك
غضنفر ...ضلت ادفع ماترضة....وانة اليوم قافل بس من شفتهة بجت عفتهة
غضنفر بعصبية: هو انتي تريديلج حجة حتة تشردين، خرب بيج وبهل يوم الأسود'طيبة_الربيعي'
وعد ...تركتة ابجي ودخلت للحمام....بسيطة....هذا اول يوم ومشاكل الايام الجاية شلون يعني حتة مكلي رايحلهة عافني مثل الحيوانة.....
بدلت وسبحت وطلعت...لكيتة بملابسة كاعد ويدخن.... باوعلي بخزرة
غضنفر: شلون يعني انتي زعطوطة وتزعلين علة شي مايسوة
تركتة يحجي واخذت مخدة وجريت الغطة بالكاع
غضنفر ...شفتهة طلعت وانة روحي رايحة عليهة ماكدر الزم روحي....احاجيهة ضاربتني بعرض الحايط وانوبة جرت مخدة وغطة تنام بالكاع....ماتحملت مو لهل درجة
كمت بعصبية: كومي نامي عالجرباية لاتخليني اتخبل عليج كوومي!'طيبة_الربيعي'
وعد ...خفت لان كلش عصب
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
