#عيون_الريم_ونظرات_الصقر
#طيبة الربيعي
||البارت الرابع عشر||
غضنفر ...من عرفت مطلقة احتاجيت وقت افكر شلون اقنع اهلي.... بيومهة ماطبيت للمكتب لحد ما عرفت بيهة راحت للبيت لان عقلي صدك توقف عن التفكير ودماغي انفر فر....
وصلت للبيت دايخ ومخنوك والخوف لاول مرة يكون مستولي على عقلي وكلبي لهل درجة....طبيت للبيت تغديت وريحت شوية....'طيبة_الربيعي'
قفلت الباب حتة لا احد يطب ويشتت افكاري...ضليت لليل صافن وافكر حيرة اجيبني وحيرة توديني.... زين اذا سنية بيهة مجال اكللهم تتشيع بس بيناتنة تضل سنية وعلى عقيدتهة ماعندي اي مشكلة مادامهة مسلمة والنبي محمد نبيهة.... هاي سالفة منتهين منهة....
بس شلون مطلقة واهلي كاتليني ازوج بنت عمي.... مايردون غيرهة لو مصبوبة ابذهب والكاتلني بنت عمي ماتحجي.... صح هنة مالهن كلمة هناك وهذا المضوجني بس المفروض عزة نفسهة ماتنطيهة توافق علة واحد تعرف بي مارايدهة وطلع منهم بسبب تخلفهم...
مدري شلون عقليات هاي يا ربي....انة مخنوك لان عفتهة بدون جواب من كلتلي متقبل تتزوج وحدة مطلقة....خايبة انة رايدج لو معوقة لو عقيمة لو بنص عقل لو مخبلة....رايدج رايدج بس المصيبة عندي شلون اقنعهة.... مصيبتين هماتين مو مصيبة وحدة...
'طيبة_الربيعي'
امي وابوي ثنينهم ساطرين راسي بالزواج من ثنين لا رايدهن ولا مفكر بعش الزوجية وياهن.... انوب هاي جديدة السالفة طلعتلي من امي طبتلي ذاك اليوم
ام غضنفر: ماماتي شنو رأيك تاخذ بنت عمك ووراهة بكم شهر تاخذ بنت خالتك عليهة؟ نسوان ثنين وشحلاتك وحدة تطبخ وحدة تنفخ
غضنفر بشبه عصبية: يمة صدك تحجين؟ بلة هذا حجي اخذ ثنين نسوان وانة بعدني ماماخذ الاولة
ام غضنفر: ماما داكلك ورة متاخذ الاولة، وشبيهة يعني لا انتة اول واحد يسويهة ولا اخر واحد، وصدك يا يمة وروح امي وابوي بنت خالتك درة ماتلكة مثلهة، جسم وشكل ورشاقة ومعدلة نادرة نادرة مو مثل بنت عمك العوجة
غضنفر: اسغفرالله، يمة لاتحجين عالبنية معناتهة تعيبين علة خلقة الله، وشبيهة شكرية وتعيبين عليهة احلة من بنت اختج
ام غضنفر: ويييع غدييي، شكرية ماتجي بأضفر من اضافر بديعة شتحجي انتة
غضنفر: يمة هو بس اسمهة فاول، رحمة للاديان عوفي هذا الموضوع
ام غضنفر: والله صدك انة شلون ماطخت بعقلي من زمان
غضنفر: يمة المركة عطبت وانتي كاعدة اتخيريني بين عباس وجعفر'طيبة_الربيعي'
كامت ركض عالمركة تشوفهة.... تذكرت هل موقف وضحكت.... تعيب علة شكرية الفقيرة وتمدح ابنت اختهة العوجة...والله ثنينهن خوش بنات وحبابات واتمنالهن زلم يحبوهن ويقدروهن.... انة ماكدر مستحيل اسعد وحدة بيهن...
انة كلبي يم ذيج ام عيون الريم وحلك المصقول.... اوف ربي لو هية لو ماريد....شلون اخلاق شلون ثقافة ورزانة.... يعني حتة حرام انة رجال تاعب علة نفسي اخذلي وحدي بس طبخ وتنضيف....
أنت تقرأ
عيون الريم ونظرات الصقر
Romansaونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
