Stay With Me || PJM || Completed

7. Shin Haera

Haera's P.O.V

Жин галзуу мэт л давхиж байлаа. Гэхдээ надад энэ таалагдаж байна. Хэн нэгний машинд суугаад салхи татуулан давхиагүй их удаж.

Тэд бидний хажууханд давхина. Жинтэй адилхан хурдтай явж байгааг харвал их л шаргуу зорилгодоо хүрэх гэж яваа бололтой.

Гэнэт машины зүүн цонх тас хийн хагарч нүд ирмэхийн зуур сум орж ирэн нөгөө талын цонхыг хагалан гарчихлаа. Дахин хэдэн сум нисэн ирж машины цонхнуудыг тэр чигт нь хагалж байв. Жимин буугаа гарган өөдөөс нь хажууд яваа машины хүмүүс рүү буудаж эхэллээ. Цагаан царайт буу авах гэж байтал Жимин түүнийг болиулаад,

"Та зүгээр сууж бай, би зохицуулчихна." Цагаан царайт Жиминийг үл тоон буу руу гараа сунган шархнаасаа болж хараасаар ойртох гэж хичээж байлаа.

Зөрүүд юм гээч.

"Юнги, чи гэмтсэн байгаа, больж үз!" Жин ууртайгаар жолоочийн суудлаас хашгирлаа.

Тэгэхээр цагаан царайтыг Юнги гэдэг хэрэг үү? Нэр нь ч бас цагаан санагдаад байх юм, эсвэл би солиотой юм бодоод байна уу?

Жимин рүү хартал одоо хүртэл нөгөөдүүлтэйгээ буудалцана. Гэхдээ нэг юмыг ойлгохгүй байна. Эдний хэн нь ч машины дугуй руу буудахгүй байх юм? Уучлаарай, гэхдээ хөдөлж байгаа машин руу хамгийн түрүүнд дугуй руу нь л буудаж хагалдаг биздээ? Би хамгийн түрүүнд нь тэгдэг, хэн ч байсан тэгдэг биздээ ер нь. Эсвэл эд нарын толгой нь үнэхээр хүрэхгүй байна уу?

Хэдхэн хормын дотор би эсрэг машины ард суугаа хацраа дагасан урт сорвитой, зивүүн царайтай залууг яг Жимин руу онилж байхыг нь анзаарч амжсан юм.

Би тэр залууг яг гохоо дарахын өмнөхөн хамаг хүчээрээ өөр хүмүүс рүү буудаад завгүй байгаа Жиминий толгойг доош даран өөрөө ч доошлоод амжлаа. Тэрний буудсан сум аймшигтайгаар хурдан ирж ард шил хагарах дуу гарлаа. Жимин Юнги хоёр нүдээ бүлтийлгэн хөдлөхчгүй суугаад байхаар нь Жиминий гарт байсан бууг шүүрч аван тэдгээр машинуудын дугуйнууд руу буудаж эхэллээ.

"Жин, илүү хурдтай яв." Би намайг зүглэн ирж буй сумнуудаас амархан бултсаар ихэнх машинуудынх нь дугуйг хагалчихлаа.

Жин ч миний үгээр хаазаа илүү гишгэн бид урагшаа яван харин ард хагарсан дугуйнуудтай аргаа барсан хэдэн машинууд, харааж орилсон баахан залуус үлдээ.