اسيرة عيونك ( قصة بالدارجة المغربية )| مكتملة .

Part 2

يسرى يسرى
عليت راسي نشوف شكون هادشي لي قال حبس جاتني الدوخة قربت نطيح و قفت و هي تشدني غيثة
أنا : م..ماما وسخفت واش كتعرفو شناهي بنادم ميت تشوفوه رجع كانت فكرسي متحرك واحد الرجل جارها مني فقت لقيت كلشي مجمع عليا للحظة ا يسحابلي كنت كنحلم .. بانت لي تاني ماما و مهبطة راسها نضت و مشيت كنجري عندها
أنا : حرااااام عليك ا ماما حرام عليك اهئ اهئ واش متأكدة انا بنتك ؟ حرام هادشي لي درتي فيا خليتيني بوحدي ا ماما بوحدي و بنت ماعندي لا حنين لا رحيم و نتي عايشة عيب عليك اهئ اهئ
ماما : بنتي ماشي لخاطري نتي عارفاني انا لا ماحركنيش شي حد منتحركش لا مابدلي شي واحد ماكاين لي يبدل ليا كنتي نتي يدي و نتي رجلي باش مشيت لعند خوتي للبلاد مخلاونيش نجي هو ما لي عيطو لك و قالو لك هاد الهضرة و شنو عند الميت مايدير قدام غسالو لا ماحركونيش منتحركش
انا (فعلا خلاتي مساخيط لكن عمري يسحابلي يديرو لي هاكا بصح ماما ماعندها ذنب عنقتها توحشتهااااا بزاااااف ): الله يااااخد فيهم الحق الله ياخد فيهم الحق حرموني منك .. كي درتي تا جيتي ا ماما ؟
ماما : هادشي علاش جيت ا بنتي أنا ماكانتش فخباري هادي شهر جا عندي واحد السيد ماعرفتش كي عرف بلاصتي .. المهم قاليا بلي نتي غادي تزوجي
أنا : آه ..
ماما : هادا ماشي مشكل ..
أنا : علاش ا ماما واش كاين شي مشكل ؟
ماما : بنتي خصك تصبري راسك راه انا براسي مكان والو فخباري منبغيكش تلوميني
أنا : ماااااما هضري راني على اعصابي
ماما : .. قالي اتزوجي ولكن هاد الزواج لي غادي ازوجيه بااااطل
أنا : كيفاش باطل ا ماما .. ؟؟؟
ماما : باباك الله يرحمو مني كانت عندك 14 لعام زوجك
أنا : شنننننننننوو؟ هههههه ماما واش كضحكي عليا ؟ زوينا هادي كيفاش زوجني
ماما : بنتي انا شت الوراق باباك قبل مايدخل لواحد الصفقة هو واحد السيد كانو دايرين اتفاقية حيت باباك كان الاحتمال انو يخسرها ب 70 % ولكن خاطر و داك لي دار معاه الصفقة مالقا ما عز عليه كتر من بنتو و قالو غادي نتزوجها. . باباك وافق اكيد
أنا : هادشي غير كنت عزيزة عليه عام الله كون مكانش حاملني
ماما : .. من بعد ابنتي هو جا عندك انا براسي تيقتو ديك الساع حيت قال لك سني على هاد الوراق ديال الورث باش مايخدها لك حد (تفكرت هاد الذكرى بابا عطاني بصمت و سنيت )؛ باباك دوك ليام كان كايجري و يجاري باش مايديوش ليه الدار كان سافر لكن تماك مات و جاو داو لينا الدار و خلاونا على الوطى ..

يسرى يسرى
ماما : مات و جاو داو لينا الدار و خلاونا على الوطى ..
أنا : اهئ اهئ. . لكن ا ماما دابا انا كنبغي حاتم و كنا انتزوجو (شت ف حاتم غير شاد راسو بيديه )
ماما : بغيتي تعيشي ف الحرام ؟ يلاه سيري .. تا حد ماحبسك
أنا : انا كنت ديك ساع قاصر هاد الزواج ممسجلش
ماما : مسجل ا بنتي حيت نتي سنيتي بيديك و عاد البصمة كاتزيد تتبث .. بنتي انا مانبغيش ليك حاجة خايبا لكن هادا هو المكتاب ديالك .. دابا سيري تجمعي حوايجك مغاديش تبقاي هنا .. طلعت للبيت لي حاطة فيه باليزتي و انا غادا و كندور حاتم منطق بحتى كلمة حيدت ديك التكشيطة بديت نقلب .. جبدت سروال كحل و شوميزا طويلة كحلة صافي بالنسبة ليا هادي النهاية ديالي غادي نتفرق على الشخص لوحيد لي بغيتو .. جايين تال آخر لحظة و حطموا لي أحلامي الوردية لي كنت بنيتها انا و الشخص لي تمناه قلبي .. مسحت داك المايك آب و حليت المشطة و جمعتو عادي و عيني كانو منفوخين بالبكا هبطت جار فاليزتي و انا نلقا غيثة قدامي .. تلاحيت عليها و كنبكييييي من أعماق قلبي و كنتنخصص لهدرة مكاتخرش ليا
انا : غي. . غي..ثة اهئ اهئ ختي اهئ أنا انمووووووت انحماق
غيثة: شششش صافي ا ختي سكتي باراكا عليك من البكا اطرطقي
أنا : غيثة راه كنبغييييييه اهئ اهئ اهئ را منتصورش حياتي بلا بيه اهئ
غيثة (شدات وجهي ): رغد لي فيها خير هي لي ايديرها الله نتي عارفا بينك و بين ربي متخليش هادشي يضعف إيمانك <<عسى أن تكرهو شيء و هو خير لكم >> خصك تأمني بالقدر خيره و شره قوي إيمانك و متخليش حاجة صغيرة تزعزعو .. صافي
انا (مسحت دموعي ): امم صافي ونعم بالله اختي
غيثة : هاكا نبغيك اختي .. متعرفي ربي اش مخبي ليك هادا غير اختبار بسيط صافي (عنقاتني )
هدرت غيثة هدناتني حيت عندها الحق الإيمان بالقدر خيره وشره معندي مندير هادشي لي مكتاب عليا
جرات عليا غيثة الفاليزا ديالي و انا هابطة فالدروج .. تا وصلت للتحت كان داك الراجل هو لي جار ماما اويلي عنداك ايكون هاداك راجلي ننتاااااحر .. مكاينش حاتم .. صافي دغيا تخلى عليا .. خديت الفاليزا من عند غيثة و بقيت غادا توصلت لجيهت ماما
انا : فين انمشي دابا ؟
ماما لدار راجلك .. تنهدت و خرجت من الباب كيفاش يلاه هادي واحد الساعة كنت أسعد الناس فرمشة عين الحياة هزاااتني تال السما و رضخاتني سعادتي كلها تحولات لتعاسة مكدبوش الأيام خدااااعة كانت نفس السيارة لي كتبعني .. اكيد ههه زوجي كان مراقبني شي رجال حلو لي الباب و طلعت .. غادا للمجهول