اسيرة عيونك ( قصة بالدارجة المغربية )| مكتملة .

24

خرجت  من السيارة و هزيت سلاحي وصيت  رغد باش متخرجش من  السيارة  درت ل voice recorder   ف التيليفون  .. حتى شافني  حاتم من البعيد  كيبان لي تصدم وصلت قدام                                      
أنا  (هزيت السلاح فوجهو  ):  هههههه و أخيرا
حيد نظاضرو  و  هو مصدوم 
أنا :  للأسف  خطتك مانجحاتش   .. مم .. هه ولكن قبل مادخل  الحبس  بغيت  نعرف اش مشكلتك  معايا ؟
حاتم :  هههه الحبس واخا حلم ولكن مني تقابلنا  وجها لوجه  غادي نعاود  لك علاش لا  خصني نرضي  فضولك قبل ماتموت   هههه من نهار كنت و انا هو البوص  درت المستحيل باش نقرب لك حيت نتا  كنتي من هادوك لي مكلفين  بقضية  عصابتي  ..  أنا  لي قتارحت  على الأب ديالي  شركته   تنافس  شركة  د باك  و مني سرقت  الوراق بالصدفة  لقيت  د زواجك  ههههه ولكن كيفاش  أنا  عارفك  مامزوجش  بحث ف القضية  و لقيت  رغد ههههه تقربت  ليها كانت خطتي  اني ناخد  من عند الوراقعن طريقها   و لكن  للأسف  فشلات  لي خطتي  بسبااااابك   جاتني صاحبتها  ف الطريق صدقات  واعرة عليها ههههههه  الصراحة جاياني  ضحكة  و انا كانشوف ف عينيك  هاكا هههههه شحال مكلخ  والله  شتي  الموت د هاجر و داك السيد لي شديتوه  لي زعما كنت أنا شريك  معاه كلو كان كدوب  ههههه خطة  باش ماتبقاوش  متابعين  عصابتي  هجر ماماتتش  كلشي كان تمتيلية  هي كانت عارفة انو رغد غادي تشفق  عليها
و هي كانت ماغاديش  تكمل ليك باش لاغد ليه  مني تجي تكون ماتت واخا نتا نقلتيها ل مستشفى  آخر  ولكن درتيها  مزيانة  كانت فصالحنا هههه على باش سمعتيني  فدروج هادشي كامل صدفة ؟  هه  تت تت تت لااا ههههه أما بالنسبة لهاداك لي شديتوه ههه كان مسكين  محتاج باش تعيش عائلتو وقالي يدير المستحيل باش نعطيهم الفلوس فدخلتو لحبس باش تنساوني وقضية الرشوة هه كيما كيقولو  الفلوس كادير الطريق فالبحر خرجت منها بحال الشعرة من و سط العجينة وهادشي لي درت لك نتا و مراتك ههههه فانتقاااام  مني تصدمت دورت  وجهي  كانشوف  ف لي معايا  ..
واحد  اللحظة  سمعت  صوت رغد                                    
رغد :  غاااااااااااااااليييييييييييي                  
تلفت كانشوف
طاااااااااااااق  (صوت الرصاص )
رغد تيرات  ف واحد من رجال  حاتم كان  مصوب  مسدسو  لجيهتي  ..  بمجرد  ماشفنا  داك المنظر  لي معايا  تيراو  ف رجال حاتم لي بقاو  طاحو 
رغد (هزات المسدس  ف جيهة د حاتم و هي كاتبكي): ليوم  داااااكشي  لي علمتوني  انطبقووو  فيييييك  كنت ندوز  كااااع هادشي لي درتي  فينا  إلا  أنك تحاول تقتل  غالي ااااالا  هادي
أنا :  رغد نزلي  السلاح  .. نزيله
رغد :  غااااالي  حييييييد  حيييد  من وجهي  ليوووووم  نقتلك  ا حاتم ليوووووم
حاتم :  هيه متهوريش  واش بغيتي  دوزي  حياتك فلحبس  على قبل واحد مايستاهلش  بحالي
رغد :  هههههههه عارف راسك ماتستاهلش  ههههه .. نتوما هيه .. شدوه  يلااااه  شدوه  .. قبل مانقتلو 
شافو فيا  اوميت  لهم بعيني  با اه
تحاماو  عليه  ب ربعة  و شدوه  دارو ليه  المينوط  ..
قربت  ل رغد و حيدت  لها  المسدس  و عنقتها 
رغد :  اهئ اهئ 
أنا :  شششش  .. صافي ا حياتي صافي كلشي سالا دابا كلشي ..
بقيت ندوز  على  شعرها  و ظهرها  تا حسيت  بيها ترخات  ..لقيتها  سخفات  هزيتها  بين  يدي و هضرت  مع  هم
أنا :  تكلفو  بيه  هادي  خدمتكم و غادي نسيفط  التسجيل  للمغرب  فيه كاع اعترفاتو..
طلعت  رغد و مشيت لأقرب  مستشفى  لقيتو   .. كان نزل لها السكر .. دارو  لها  مصل  حتى  رجعات لوعيها  ..
رغد : مم .. غالي .. غالي
أنا  (قبطت يديها ): انا هنا ا حبيبتي  
ابتسمت  ليا  رغد؛  شديتوه  ياك ؟
أنا :  امم .. آه  غير رتاحي دابا و ماتفكري  ف حتى حاجة  ..
بقيت  نتسناها  حتى صحات  شويا  و هزيتها  و مشينا  للفندق
___