اسيرة عيونك ( قصة بالدارجة المغربية )| مكتملة .

22

صدمة العمر .. ماقادرش نتيق .. بديت نوريها صوري انا ورغد .. ظنيت أنها تصدمات من الشبه لي بينها و بين رغد .. لكن مني ذكرت ليها سميتها بدات تفقد الوعي .. قالت لي السكار اطيح ليا .. مستحيل .. مراتي ماتت ف الحادثة و شت الجثة ديالها و بكيت عليها و دفنتها بيدي .. و شت التحاليل بعيني .. التحاليل كانت متطابقة مع د عمي .. غيبات .. و أنا مزال مصدوم .. معرفتش اش ندير عندي حاجة وحدة هي لي غادي تبت ليا ..
بديت نحيد لها البنوار .. بشوية .. كأني خايف حيدت و شت ف كتفها .. آه هي كانت عندها واحد الخالة تماك ف كتفها .. اتصلت بخدمة الغرف قلت لهم يرسلو لنا شب دكتور دابااااا ..
جلست ف الأرض و انا شااااااد راسي مايمكنش مايمكنش .. انحماق شكون دار فينا هادشي شكون .. معرفتش .. جا الدكتور .. دار لها مصل .. خرج .. بقيت شحال واقف لبست حوايجي و هبطت للبار لي كاين ف الفندق ..
~~~~~~~~~عند رغد~~~~~~~
العودة إلى الحاضر ♢♢♢
شريط حياتي كولو داز قدامي .. آه انا رغد العمراني .. من بعد ما نزل لي السكار .. كان هادا بحال حلم .. بقيت مدة و انا مصطحة .. كان مصل دايز لي فيدي .. حسيت براسي ارتاحيت نضت و اتصلت بخدمة الغرف يطلعولي فنجان قهوة باش نريح اعصابي.. دغيا جاو حليت الباب خديتو من عندهم و مشيت جلست حدا النافذة. . كانت الشتا كتصب .. استرجعت هاد الذكريات وعاودت لكم ربع سنين من حياتي .. من نهار تقلبات و دخل لها حاتم بن جلون .. كيفاش تقلبات حياتي مني عرفت راسي انا ماشي رغد الوزاني بل رغد العمراني .. و عرفت راسي مزوجة من 14 لعام .. ولكن عرفتو تا درت 19 لعام .. كيفاش بغيت راجلي .. و كيفاش عانيت مع مرضي و حملي .. هادشي كامل كنت انا كانحكيه ليكم حتى ل دابا .. مني رجعات لي الذاكرة .. كرهت راسي و عفت راسي .. صلاتي لي كنت منفوتهاش .. حجابي .. مابقيتش دايراه .. توحشت بنتي .. لي عام الله كيف دايرا. . توحشت واليديا .. توحشت أهلي و حبابي .. توحشت غالي .. معرفتوش فين مشا غير غايجي غادي نطير عليه. . تفكرت دابا واحد الحاجة لي غادي تعاوني لا انا لا غالي .. عرفت شكون دار فينا هادشي .. اكيد حاتم تفكرت مني حليت عيني اول مافقت الذاكرة شت زوج أشخاص .. واحد فيهم كان حاتم مقدرتش نتعرف عليه حيت كنت فاقدة ذاكرتي .. الصوت لي هضر معايا نهار اول عملية ليا .. كان صوت حاتم .. غادي ننتاقم منو شر انتقام حيت فرقني على راجلي و بنتي .. غادي ننتاقم .. لولا غالي معمرني كنت نتفكر ..
(فهاد اللحظة رغد كانت مزال كطل من النافذة ديالها بينما غالي كان ساهي و كيشرب .. لحظة كان لحنها حزين .. هو كان يتصنت ل اغنية born to die كان لحنها مناسب لهاد الحدث ..)
كانشرب كاس مور كاس .. و ياريت غير نسكر و يكر فيا هاد الشراب .. يا ربي نفهم اش واقع .. شريط حياتي من نهار شفت رغد فيه دايز بين عيني .. و حكيتو ليكم .. و ها أنا دابا كانصارع هاد الذكريات .. بقيت نفكر نفكر نفكر .. وخرجت بنتيجة وحدة .. هي خصني نهضر معاها و تشرح ليا .. علاش دارت فينا هاكا علاش خلاتني انا و بنتها كنتعدبو علاش ..
___
و انا مزاااال كنتفكر كاع ذكرياتي أنا و حبيبي .. كأني يلاه دابا كانعيشها. . سمعت الباب تحل .. قلبي ضرب بجهد .. بحالا اول مرة انشوف غالي .. حطيت كاسي د القهوة و مشيت كانجري تلاحيت عليه ..
أنا : اهئ اهئ اهئ غالي حبيبي .. و أخيرا توحشتك توحشتك بزاااف اهئ
تصدمت . . حيت بعدني عليه .. كحزت و طلعت عيني لي باكيين لفراقو . . و شفت فيه
أنا : غ..غالي مالك ؟
غالي (ضحك باستهزاء ): هه مالي ؟ و كتسولي من الفوق .. تصدمتي ياك مكنتيش متوقعة أننا نتلاقاو
أنا : غالي .. اش كاتقول ؟ ش..شهادشي ؟
غالي : خليييييتيني ست شهووووور كنتعذب ا رغد ست شهووور .. و انا كل سيمانة كنمشي لقبرك و نبكي .. كل نهار كنموت باش كاتجي بنتنا و تقولي فين هي ماما ؟ مكنعرف اش نقولها .. فالوقت لي نتي عاااايشة .. هه و وليتي لي مع العصابات
انا : اهئ اهئ غالي .. اهئ هادا ظنك فيا ياك اهئ
غالي : سكتيييييي سكتي علاش كاتبكي علاش
انا : لااااااا ماساكتااااش و اتسمعني بزز منك أنا كنت فاقدة الذاكرة واش فهمتيها ولا لا فاقدة الذاكرة و لولاك نتا عمري كنت نسترجعها باش غيبت رجعات ليا و تفكرت كلشي و نتا جالس تلوم فيا حسابلي غادي تجي تعنقني و تقولي توحشتك مكنتش متوقعة
منك هاد الكلام الجارح مكنتش اهئ اهئ
غالي : .. فقدتي الذاكرة ؟ولكن كيفاش .. رغد حاولي تفهميني انا .. ان. .
انا : نتا شنو ؟ شنننننو سكت سكت عرفتي ديرني باقا ميتة و دفنتيني انا غادا بحالي و دير كأنو هادشي غير حلم و داز انا انكمل انتقامي راسي
تخطيتو و زدت غادا بحالاتي متجهة للباب حتى كنحس بيدو جراتني لعندو بجهد و تزدحت مع صدرو .. مجيت فين نهضر حتى شفايفي كان سرطهم. . قبلة كانت كفيلة طفي الغضب لي كانحس بيه و تمحي ديك الهضرة لي قلت كأنها عمرها خرجات من فمي .. استسلمت للقبلة ديالو .. و تجاوبت معاه حيت توحشتو .. توحشتو بزاف حبسنا .. حتى كانت نفسي غادي تقطع .. حبسنا و حط راسو على راسي ..
غالي : توحشتك ا رغد توحشتك توحشتك بزاف
أنا : غالي. . كنبغييييك اهئ اهئ
جلسني على الاريكة هبط لمستوايا .. كيمسح دموعي ..
غالي : حياتي .. وقت الدموع سالا دابا .. غادي تحكي ليا كلشي من نهار حليتي عينيك و نتي فاقدة الذاكرة .. و انا كنواعدك .. وعد حر د الرجال هادا لي دار فينا هادشي مغاااديش نرحمو
أنا : انا براسي مغاديش ندوزها ليه و ايلا ماقتلتوش بيدي مانرتاحش