لبارح كان فعلا يوم متعب فالخدمة كانخدمو على قضية لي عاماين و حنا كنحاولو نقبطو البوس ولكن فكل مرة كنلقاو كلشي مشا فزيرو القضية اصلا كانو خدامين فيها البوليس ولكن مني صعابت دوزوها لقسم المخابرات رجعت مهدود .. بركات عليا رغد بالهضرة ديالها و النكير نفاعلت و اخا مقصدت والو ولكن ضرت فيها و طلعت نعس ديك الساع فالصباح مالقيتهاش حدايا كنت عوال نحيح عليها لي اتخلي فراشها ولكن مني جيت نفتح الباب لقيتو مسدود تماك تفكرت اني سديتو و نعست يمكن دقات و مسمعتش مشيت للخدمة و رجعت مع 6 عوال نصالحها كانت جالسة فالجردة مشيت عندها نيشان
انا : رغد ..(شافت فيا و دورات وجها تاني بكل بطئ)رغد سمحيلي ..
رغد (ببرود ): علاش ا نسمح لك ؟
أنا : حيت غوت عليك البارح
رغد (محتافظة بنفس البرود ) تت .. عادي ماديرش فبالك
أنا : رغد غوتي و متباقيش تهضري ببرودة
رغد : انا فكرت مزيان ..
أنا : و من بعد ؟
رغد : حنا تسرعنا ..
أنا : مفهمتكش كيفاش تسرعنا
رغد : انا وياك تسرعنا حيت ولينا مع بعضنا كون خليناها هكاك كي اللول و تطلقنا حيت كيبان لي أنا وياك مغانتفهموش و انا معرفتكش مزيان كنت غالطة فيك و عاد نتا كاعما غادي تحمل مرضي هادشي و غير الطبيبة علماتك اني انكون هاكا (باستهزاء )ههه و نتا شنو مع أول مرة ضرتي فيا هه ولينا ف سدي خربتك
انا بقيت مصدوم فهضرتها زعما ديك الضورة لي ضرت فيها جرحاتها تال هاد الدرجة وخلاتها تفكر بهاد الطريقة و قفت و انا نغوت؛ اااااش هاد الهضرة د الزمر دابا
رغد : هادشي لي كااين و انا وياك علاقتنا كانت غلطة
جريتها من شعرها و هي مكادير تا شي علامة فوجها
انا :رغااااااد متصعرينيش
رغد : ايي .. طلقني ا غالي صافي .. ط ل ق ني
صرفقتها و هي طيح سخفات ف البلاصة ااااي ا ربي اش درت هاد البنت لي فيها يكفيها و انا كنكمل عليها مشيت كنجري بيها لأقرب مشفى و دخلوها لغرفة و انا كانتسنا تفو شحال حمااار انا بقيت نتسنا خرجات الممرضة
أنا : كيبقات واش طاح لها السكار ؟
الممرضة : السكار ؟؟
أنا : آه هي مريضة بالسكر
الممرضة : شنننننو !!!
انا : اششش واااقع ا لالة هضري
الممرضة : قلتي فيها السكار و المدام ديالك راه حاملة ف أسبوعها الثاني
نفرح و لا العكس د نفرح حيت طفلي .. كاين ف الاحشاء د الإنسانة لي كنبغي و لا نحزن حيت كاين خطر على حبيبتي و نقدرو نخسرو حتى ولدنا ؟
____\
تصرفيقة على إثرها سخفت حليت عيني ف غرفة بيضاء و مصل فيدي بديت نتأمل الغرفة بانت لي ممرضة ابتسمت لي و خرجات حتى دخل وراها غالي مطولتش فيه شوفا كأنو مكاينش كانشوف الفوق جا و جلس حدا راسي و بدا يلعب بخصلات شعري و انا وندور وجهي للجهة لاخرى واخا هكاك بقا يلعب بيهم واحد الخمسة الدقايق
غالي : حبيبتي .. شوية ؟
أنا : فاش غايفيدك لاقلت ؟ ياك نتا لي درت هاد الحالة
غالي : رغد مقصدتش والله هضرتك كتستفزني
أنا : داكشي لي قلت لك قبيلة مزال كايطرا انا وياك مغانتفاهمووووش و ماحد مابيناتنا لا ولاد لا والو واخا اصلا انا مغاديش نقد نجيبهوم لك أنا انعدبك معايا بزاف و ممكن نحرمك من انك تكون اب
بدا كايحمااااار و غمض عينيه :رغد سكتي
أنا : ماساكتااااش انا كنقولك الصراحة
غالي : راااااغاااد انا الولاد ايلا مكانوش منك مباغيهمش
أنا : ايوا راه مغاديش يكونو عندنا حيت وليت نشرب حبوب منع الحمل شراتهم لي ماما
غالي : نتييي حاااااملة واش سمعتي حاااااملة اش انديرو داباااا ها ؟ بغيتي طيحيييه ؟ دوي ! دابا نمشي نديك للطبيب و نزليه ايلا مكنتيش باغا تولدي
صافي ودني بداو يصفرو انا حاملة اكيد من المرات لي ماكنتش ناكل فيها الدوا حطيت يدي على كرشي
طرف من غالي دابا كاين فكرشي واش نفرح و لا نبكي
قاطع تفكيري غالي : هضري واش طيحيه ماحد الجنين عندو أسبوعين و ماعليك تا خطر
انا : لا .
غالي : كيفاش لا ياك نتي ماباغا ولاد ؟
أنا : ميمكنش نقتل روح لي فكرشي راه ولدي ولا بنتي منقدرش
غالي : رغد واش عارفة بلي هادشي خطر عليك ؟
أنا : مكايهمنيش و نتا لي كتهضر راه ولدك حتى نتا
غالي جا حدايا و عنقني : رغد سمعيني بصح ولدي ومكرهتش يكون عندنا ولد أو بنت ثمرة د الحب ديالنا ولكن راه انا مامستعدش نخسرك ا رغد والله تا نموت واخا داكشي لي درت معاك البارح غير كنت معصب اما نتي هي عويناتي كنبغييييك ا رغد واحق الله متصوريش قداش
أنا : غالي تا انا كنبغيك ولكن منقدرش نقتل هاد الولد اش ذنبو ؟
أنا عارفا دابا .. يمكن انا غادي نموت و هاد الولد لي فكرشي ايعيش واخا يعيش يتيم من مو غالي مغاديش يخليه يحس بالنقص رجعنا للدار و صليت صلاتي و نعست ديك الساع
أصبحنا و اصبح الملك لله فقت بكري هاد النهار حاسة بنفسي ضايقة المرا مني كتحمل من الرجل لي كاتبغي كاتكون طايرا بالفرحة إلا أنا احاسيسي مخربقة بين فرح و حزن لكن الحزن غالب عليا كانت 7 د الصباح فاق غالي دخل يدوش و خرج انا دخلت موراه غير غسلت وجهي و فمي و خرجت هبطت بلا ما نهضر معاه أو حتى صباح الخير مقلتها ليه هبطت كأن الفطور واجد قلت لهم ايجيو لي لانسولين هو ديك الساعة كان قرب يوصل للطابلة خداها من عند وحدا من الخادمات و جاي لجيهتي باش يبوسني ويضربها لي خديتها من يدو و ضورت وجهي و طلعت كمي وضربتها و هو علامات الاستفهام ظاهرة على وجهو : مم وقتاش وليتي ضربيها راسك
أنا مني عرفت أنك مغادومش ليا
غالي (عاقد حواجبو ): اش هاد الهضرة على الصباح كتافيت بالصمت و بديت ناكل جلس تا هو فطرنا فجو مكهرب و ناض فحالو للخدمة تفكرت أن اليوم غيثة عندها عشية خاويا خليت تا ضربات 12 و اتصلت بيها طلبت منها تجي عندي مرفضاتش ليا جابها الشيفور تال لعندي مع ديك الوحدة تغدينا بزوج وانا قررت نعاود لها
أنا : غيثة. . انا حاملة
غيثة : اااااااووووه مبرررررووووك ا حبيبتي فرحت ليكم إن شاء الله اكبر فعزكم
أنا : انا .. يمكن نموت
غيثة : يموت عدوك ولي مايبغيك
أنا : من نيتك ا غيثة واش ماعارفاش انه كاين خطر عليا
غيثة (حطات لي فيديها و حلات فمها): اويلي ك..كيفاش
انا : كيما سمعتي حيت كاع الأمراض المزمنة هاكا القلب الضيقة السكر .. كيكون صعيب يولدو ولكن انا ماغانطيحش ولدي غادي يتزاد وايكبر معا باه
غيثة : واش هبلتي ا رغد صافي راه ايلا مامكتبش لكم ربي الولاد تبناو صحتك أولى
أنا : هئ اهئ غيثة واش كتفهمي شناهي طرف مني راه رووووح كاينا هنا روح و موت وحدا كاينة انا ايلا مكتاب لي نموت علاش أنحرم روح أنها تجي لدنيا
غيثة (عنقاتني ): شششش .. احبيبتي متعرفي الخير فين كاين
أنا : داكشي لي كاين اختي. . بغيت نخرج
غيثة : فين ؟
أنا : نشري حوايج اندير الحجاب
غيثة هي دابا لبسنا و خرجت معاها ف للوطو ديالهم و هوما يحبسو اللوطو فالباب
الحارس : لالة سيد الغالي عاطي أوامر باش متخرجيش إلا معاه
أنا (قصحت وجهي ): دابا كتمنعني أنا مولات دار ؟ ايوا ا سيدي عيط ل سيدك الغالي قولو شكون قالي نخرج
الحارس : ولك..
انا : يلاه هااااك انا نعطيك تعيط لو و ديك ساع يوريك شناهي تحبسني و نتا عارفو كيداير منحتاجش نفكرك أولا ؟
ههههه وا ناري وجهي قااااصح قلبتو احسن قلبة واخا هادشي لي طاري لي ضحكت انا و غيثة من أعماق قلبنا حل لنا الباب بلا تا كلمة و خلانا نخرجو مشينا المول و بديت نتعزل ف الحوايج الطوال و شريت بزاف د الشيلان و عاد رجعنا للدار قبل مايرجع هزيت تيليفوني دخلت لليوتوب كانشوف طرق د كيفاش يتصاوب الشال بشكل زوين حتى واحد الساع اش طااااح لي فبالي ديك البطاقة البنكية لي كان دار لي حاتم مشيت دخلت للسيت ديال البانكا و حاولت نحل الكونط ديالي اون لاين الكونط مكايتحلش ولددد الكلباااا كان كاذب عليا حيت عارفني مغانستعملهاش فديك الوقت لي كنت معاه حيت وفر لي كلشي .. غير كذب عيا و تفكرت الوراق اكييييد تاهوما مزورين خصني تا نسول شي حد كيفهم فهادشي بقيت فالبيت تا دخل غالي بكري تاني شاف دوك الخناشي د الحوايج و بلا سلام ولا كلام قالي منين جاوك هادو
انا : خرجت
غالي ؛ كيفاش خرجتي ؟
أنا : خرجت انا و غيثة حيت بغيت نشري حوايج د الحجاب انديرو منين سمع الحجاب طيح كواريه اللرض و مسولش عاود و انا نسولو
انا : نتا واش تقدر تفرز بين الوراق مزورين ولالة؟
غالي : من الطيارة عطيتو دوك الوراق غير شافو تفركع بالضحك :هههههه واش هادو وراق د الملكية
انا : اه علاش ؟
غالي : هههههههه عمرهم مكايكونو هاكا .. بلاتي هنا سميتك كيفاش ؟
أنا : كان قالي حاتم بلي هاديك الدار راك عارف علاش كنهضر بلي كتبها بسميتي فهمتي
غالي : امم عرفت هاداك راه قلتها لك راه كداااب و صابك نية
انا : مول النية يغلب دابا يخرجو فيه دنوبي
غالي : كي داز نهارك ؟
أنا : عادي و نتا ؟
غالي :الحمد لله بدا يبدل حوايجو مبقيتش كانتسوق ليه
غالي : غدا انا جالس انمشيو عند الطبيبة
أنا : لي بان ليك
غالي : علاش وليتي تعاملي معايا بهاد البرود ؟
أنا : نgرنا مصيبة سكتنا موصيبتين
غالي : رغد تبدلتي عليا بزااااااف واش ماكاتبغينيش ولا شنو
انا : انا لي خصني نسولك حيت ديك المعاملة لي عاملتيني ديك النهار جرحااااتني بزااااف انا كنت كنهضر عادي و كنت باغا نقولك راه غير نهار بلا بيك كيدوز عليا صعيب نتا عايرتيني و سديتي عليا الباب
غالي :مسديتش عليك بلعاني سديت فللول و نعست غير نسيت و داك النهار أنا قلتلك كنت معصب
أنا : واخا هكاك متعاملنيش بديك الطريقة كون كنتي بصح كاتبغيني مغاتقولش لي ديك سدي خربتك
غالي (بقلة حيلة): سمحيلي
انا ؛ الصمت
غالي : رغد .. سمحيلي
أنا : عادي صافي نسا .
____
طلبت منها السماحة و خليتها على خاطرها تعشينا نعسنا كلا واحد فيه فقت لقيتها معنقاني و راسها فصدري و انا معنقها و رجليها و سط رجلي عجبني لحال لدرجة مبغيتش نتحرك غير باش نبقاو على هاد الوضعية شوية بدات تحرك بشوية بواحد الطريقة جنناتني بحال شي بنيتة صغيورة غمضت عيني ادعيت النوم حسيت بيها كادور بوجها يمكن كاتسائل كيفاش ولينا فهاد الوضعية و حنا نعسنا كل واحد فقنت حسيت بيدها كادوز على لحيتي خليتها و هي ترجع تاني تخشات فيا و كتلعب بيديها فوق صدري بورشاتني شوية و نقلبها و لعبو شي طروحة مع اللعب د الصباح يا سلام النهار كولو كيدوز زوين بديت زعما نتحرك زعما راه انفيقك و هي تحبس حليت عيني لقيتها سادة عينيها هههههه معامن هي تا انا استغليت الفرصة زعما مافراسيش و بديت لعب فشعرها واحد الشوية و حطيتها بشوية و نضت للحمام غسلت و جهي و رجعت زعما مزال ناعسة و انا نمشي بست راسها و هبطت للتحت مع كنت لابس شورت و لفوق ما لابس والو دخلت نتريني شوية و دخلت دوشت من بعد لبست بنوار و طلعت لبيتنا لقيتها ملوية عليها فوطة يلاه خارجة من الحمام تا هي بدلات قدامي مشات منها الحشمة وانا غير مصبر راسي كنت انطير عليها لبسات بيجامة عادية هبطنا فطرنا فصمت تا كسرت انا داك الصمت
انا : مني تسالي وجدي راسك انمشيو عند الطبيبة
حركت راسها و طلعات لبسات داكشي كان طويل و دارت الفولار جات زوينا بزاف لبست انا سروال جين و حذاء رياضي و كويرا سديتها حيت كان البرد بدا و مشينا انا وياها كانت غير لي موضة د الطبيبة مهم دخلنا عندها وحنا نقولو لها بلي حاملا .. جبدات الملف د رغد و بقات كترا
الطبيبة : حااااملة نو نو نو امبوسيبل حنا نشدو هاد الحالة كيفاش ا لالة عارفة راسك مريضة و حملتي مدرتي تا احتياط
رغد : مادام انا ماكنتش عارفة ديك الساع بمرضي عليها مدرناش الاحتياط و مني عرفت بديت ناخد حبوب منع الحمل ولكن كان فات الفوت
الطبيبة : تت امبوسيبل سيرو شوفو شكون يشد حالتها ..
انا (صعرت ): شككككون يسحابلك رااااسك حتى تهضري بهاد الطريقة واش غير نتوما لي كاينين فهاد المغرب لي اتشدو حالتها بديت نهلل عليها تماك و رغد غير كاتجرني و أنا عاد ماكانزيد نشعل و هي دخل طبيبة لي مكلفة بيها رغد شرحات لها اش كاين و حاولات تهدني
الطبيبة : صافي ا سيدي غير سمح لينا الطبيبة لاخرا معرفاتش تعامل و الحالة د السيدة ديالك انشدها راه حاجة عادية راه مريضات بالسكر و كيولدو عاد بديت نطفا شويا
___
ناري دار لنا الشوهة ف العيادة الجيران ساقو الخبار الحمد الله لي عتقات الطبيبة الموقف ..
جلسات الطبيبة و حلات الملف و بدلت تقرااا و تشوف ..
الطبيبة : المهم هو فالصراحة ايلا تبعتي اش غادي نقولك انطلبو الله ف الخير باش ماطرا ليك تا حاجة بالنسبة الريجيم لي كنت عاطياك اتبقاي هاد المرة متبعاه بالحرف باش تفاداي يطيح لك السكار .. و باش مايطلعش و مايكون تا خطر على الجنين و من الأفضل تكوني ديما مع شي حد باش لا قدر الله طرا لك شي حاجة متبقايش بوحدك تجنبي أي حاجة تعصبك خاصة فهاد الأربع أشهر الأولى حيت الحمل مكايكونش تابت ايلا تبعتي هاد النظام غادي دوزي تسع أشهر عادية ولكن الخطر هو فوقت الولادة
غالي : ك..كيفاش ا دكتورة؟
الطبيبة : المهم .. على حساب التحاليل لي عندي.. نتي عندك شوية ضغط الدم مرتافع .. و بما انك فيك السكر ف حجم الجنين غادي يكون كبير على حجمو الطبيعي و بما انه الضغط عندك تا هو ممستقرش فوقيت الولادة يقدر يرتافع و حيت حجم الجنين ايكون كبير ف هادا غادي يقدر يتسبب لك فنزيف قوي .. و لي يقدر يؤدي بيك للموت المهم لي نقولك راه العيالات كيولدو و هوما مريضين بالسكر و الحمد لله .. و تفاداي انه يطلع لك حيت ا تفقدي الجنين .. و كانتمنى حالتك تكون بحالهم ..
مغاديش نقولكم خرجت محطمة لا املي فالله كبير و لي مكتبها عليا هي لي اتكون ايلا مكتاب لي الموت مرحبا بيها و ايلا كنت انعيش الحمد لله توجهنا للدار وصلنا و طلعت لبيتنا و هو ينطق غالي
غالي: جمعي حوايجنا
أنا : علاش ؟
غالي : عندي دار فوسط المدينة هي لي كنت جالس فيها أما هنا كنت كتجي غير مرة ف الاسبوع و لا ف العطل
أنا (فرحت ): واااش ماكاين تماك لا خدامة لا والو
غالي : انا غادي نقول لشي خدامة من هنا تولي تماك
أنا : لا لا لا انا بغيت نكونو غير انا وياك و نهتم براجلي انا و نطيب لك أنا و داري انا نتكلف بها
غالي (ضحك): ياكما خايفة من ش وحدا لا تديني لك؟
أنا : ههههه لا لا عارفة راسي بوحدي فالقليب
غالي : اها؟ والهدرة د لبارح ؟
أنا : حالة غضب و صافي هههه
غالي : هههه مقبولة منك ا لالة
بديت نجمع فحوايجنا هو قالي نخلي ليه شي حوايج هنا ديكشي لي درت و حنا خارجين و انا نضور نشوف فداك الكرسي لي كايطيش
أنا : غالي كون غير نديو معانا داك الكرسي الطياش
غالي : هههههه زيدي راه كاين واحد تماك
أنا : ااااوه يلاه هههههههه شدينا طريق و صلنا دغيا اصلا غالي ماشي كايسوق كايطير شحال من مرة كايشدونا البوليس يلاه كايبغيو يهضرو كايعطيهم واحد الشارة كيعطيوه سلام و يزيد بحالو كايدييير الفوضى كيخلعني المهم وصلنا ..
كانت عمارة راقية وو الدار ف الريد شوصي دخل هو الشوانط وو حل الباب
غالي : دخلي برجلك ليمنا ابتسمت ليه وو قلت بسم الله وو دخلنا للدار من الدخلا بانت لي فيها الفوق وولتحت كانت كلها طاغي عليها اللون الأسود هادا هو ذوق غالي ولي كايوافق ذوقي سد الباب و انا نحيد الفولار و بقيت كانتسارا فالدار حمقاتني زوينة كوزينا كبيرة و فيها باب كايخرجك لل لاكور كبييير و كان مديكوري ب ديكور زوين كانت طبلة و فيها كراسا و عاد ف الجنب داير الكرسي الطياااش هههه و كاين جوج صالونات عاد الهول كاين حمام و طواليط الفوق كولو غرف كانو خمسة اللولة كانت بيت عادي فيه فرشة و بلاكار لي حداه كان مكتب التالت حمام و مرحاض مشروكين الرابع خاوي و الخامس بيت النعاس كان ف حال لي فهرهورة و فيه حمام قلب منو كان بيت كبييير و صلت بيه و أنا نتلاح فوق الفرشة
غالي : مرحبا بيك فدارك
أنا : دابا ا غالي نتا عندك هاد الدار و عاد الفيلا لاخرا قد السخط واش خدمتك كاتشد فيها هاد الفلوس كاملين؟
غالي : هههه كانتيري مزيان اه ولكن متنسايش الشركة
انا : و مالك الشركة خدام فيها
غالي : ههههه عندي الأسهم ديالي 50 ف المية و فلوسي ديما كايوصلو ليا و الفيلا د هرهورة ماشريتها ما بنيتها كنت قلت لك بابا كان فرق لينا الورث هاديك كتبها بسميتي انا و لي فساكينين دارنا فيها كاتبها بسميت غيثة و لي ف فاس خلالها بسميتو هو و ماما و و كاينا وحداخرا فحي الرياض بسميتو هادي شريها انا بفلوسي
أنا : هاااااايدااااك ايوا بزعطة
غالي : بنت لك برهوش ؟
أنا : لا بغيت نضحك سمحلي
بدا كيبان لي جاي لجيهتي و وجهو ممحي من الملامح تكعدت و بديت نرجع بللور تا كايبان لي فوجهي و انا لتحت و هو فوق مني
غالي : هههههههه توحشتك
انا : يخليك بالخلا خلعتيييني
غالي : ماتوحشتينيش
أنا : امم .. معرفتش
غالي (ويدو كتلعب فوجهي ): همم شنو معرفتيش؟
أنا : أ.. مم .. متبقاش دير لي هاكا كتوترني
غالي (ناض ): واخا لي بغيتي
نضت بدلت حوايجي وبديت نقاد الحوايج ف البلاكار و نضت انا نصاوب لغدا درت كرتان بالكفتة و مع شحال و انا غاطسة ف الكوزينا مشيت عندو للبيت لقيتو ناعس بقيت نتأمل فيه واخا مقلقة منو غير يزيد يرغبني والله تا نصالحو و انا نرجو من يدو؛ نوووض نوض نوض
غالي مفزوع : ااااش واااقع
انا : نوض تغدا هههه
____
لا فعلا ولات كتجيني رغد تزنزنااات كدير بحال الدراري الصغار فيقاتني واحد فيقة خايبة باش نتغدا ساعة مني نضت الغدا شفع لها واخا أنا انبدا نتعامل معاها بجفاء حيت هاد النهار عصباتني درت لها الخاطر بما فيه الكفاية تغديت وانا ساكت تا نطقات
رغد : وا هضر اتبقا ساكت (مدليا وجها )
انا : اش نقول ؟
رغد : كيجاك الغدا؟
أنا : مابيهش .. المهم الجوع يوكل و صافي(بغيت نعصبها )
رغد (بدات تبكي ): اهئ اهئ من قبيلا وانا كنوجد لك باش تقولي مابيهش
اضطريت اني نحط ديكشي لي فيدي و نراضيها كنحس عندي مسؤولية بحالا كنربي طفلة صغيرة مخصنيش نقلقها و ايلا تقلقات نراضيها بقيت نطبطب عليها و نقولها غير ضحكت معاك ..
أنا : صافي ..؟
رغد (كتجمع البكية و تمسح دموعها ): امم..
انا : يلاه نوضي غسلي وجهك را ولا مالح
رغد : ههههه واخا
هي كانت وجدت لراسها ماكلتها و نقبات غير شوية من الكراتان دوزت نهار و انا مكانحااااشيهش لها تا طلع لها دم
رغد : واااا هضر معايا متنخلنيش متعاملنيش ببرود
انا : نتي لي قلتي ليا متبقاش تقرب لي غير هي بطريقة لبقة أو لا ؟
رغد : اهئ اهئ اهئ
أنا : وا ناااري على بكايا
كنظن أن الهرمونات هوما لي كيلعبو لها بالنفسية ديالها حيت غير كتبكي و تلعب ب شي تخربيق عمري شفت هاد العجب بقيت نشوف و واش عندي ماندير هاد الفترة صعيبة خصني نكون بجنبها راضيتها و قلت لها سمحيلي و اصلا ديكشي لي كانت ضور عليه من الصباح ههههه بقيت انا وياها نضحكو شوية لعب تا دخلنا فقبل مشاو بينا رجلينا نيشان للبيت مارسنا الحب كنت موحشها وكذالك هي لانو ظهر تجاوب من عندها بطريقة مفاجئة هههه بحالا كانت كاتسنا غير ايمتا نتلاحمو من بعد ماتهدييينا ولعبنا اشوااااط و أشواط انا نايض تا كنسمعها شهقات درت عنها
رغد: ظ..هرك
انا شت فالمرايا ظهري كولو قميش محسيتش بيه وانا نبدا نضحك: هههه هاديك نتي ا المشيشة ديالي
رغد: انااااا؟ لا لا مستحيل منديرهاش
غالي : ههههه الله يعطيك عقل شنو كنا دابا كنديرو
رغد : وااالو اش عندنا منديرو
غالي : بغيت غير نفهم اش كاديري لي راه لحد الآن مستغرب فراسي غالي قبل متجي نتي ماشي هو هادا
رغد : علاش كي كنتي ؟
غالي : . .
من بعد طروحا لعبناهم بدينا نديو و نجيبو فالهدرة
انا : علاش كي كنتي ؟
غالي (تنهد ): تعرضت لصدمة هادي خمس سنين خلاتني نتبدل ولات عندي المرأة غير باش نلبي الغرائز ديالي عمرني فكرت فأني نتزوج أو حتى نبغي شي وحدة لي كنت كنرتابط بيهم كنت كنوفر لهم كلشي كان كيكون بيناتنا عقد فيه الشروط ديالي و ايلا قبلات بيهم مخصها تخلف ب حتى شرط و الا العقاب كيكون خايب معاملتي معاهم ماشي كشي واحد مع حبيبتو أو خطيبتو
انا : ؛ كيفاش .. ؟
غالي : لقاء ديالنا كان كيكون فالويك آند يعني ماشي كنخرجو لا ..كنت غير كنمارس معاهم لكن بطريقة وحشية كنت كنبغي نشوفها ف أسوء حالة
انا : ناااري و هوما كايبغيو؟
غالي : العقد مكتوب فيه كلشي .. بحال دابا مثلا ممنوع عليهم يعيطو ليا بسميتي نيشان حيت هاكا كيخالفو شروط العقد يا أيما سيدي و الأكثرية كيعيطو لي سيد الغالي .. واخا انا مكاتعجبنيش هههه كتشرفني
انا : ولكن ديك بسمة داك النهار جات باستك وقالت لك شيغي
غالي : انا متأكد انو شي حد من الخدم هو لي وصل لها الهدرة عليك يعني عرفاتك كاينة و بغات دير هاكاك بلعاني سيارتها قدامك لكن خدات عقابها وكانت سبة بالنسبة لي باش نهي هاد العلاقة
أنا : و شنو كنتي كتشرط عليهم
غالي : مثلا ضروري ميشربو حبوب منع الحمل ممنوع انهم يشربو ولا يتناولو شي مخدر الوقت لي بغيت نعيط لهم و نقولها اجيو يجييو بدون أي نقاش و اصلا هادشي مكانش بلا مقابل كنت مأمن ليهم الحياة لي يتمنى أي واحد يعيشها
انا : خلعتيني فخبارك
غالي :أنا غير عاودت لك كنت باغي ندوز عليك فللول الجحيم لكن اول مرة قربت ليك كنتي ناعسة على برة كان تحرك شوية البرد و هزيتك بين يدي و نتي مفقتيش و تخشيتي فيا. . من تماك خديتي قلبي
أنا : امم .. هي انا محظوظة ههههه
غالي : هههه لا انا لي محظوظ لي جزاني الله بيك
أنا : غالي .. اش طرا حتى تبدلتي و وليتي خايب ؟
غالي : كنت كانبغي واحد البنت لكن حصلتها كتخوني مع واحد صاحبي
أنا : متسوااااااش يخ على بنادم
غالي : ماشي كلشي تفكير ديالو بريئ
أنا : واايييييه والله .. المهم عندي هو كانبغيك و فرحانة حيت هازة فكريشتي طرف منك واخا يكون هادشي خطر عليا و نمو (قبل منكماها حط يدو على فمي )
غالي : شششش واااياك و تعاودي بزوجنا انربيو ولدنا ولا بنتنا انا غا نشوف لك أحسن أطباء هوما لي ايولدوك إن شاء الله
أنا : إن شاء الله
دازت ربع شهور و كرشي بدات تبان فهاد المدة ماما هي لي معايا مقابلاني صاحبتي سكينة مشات لفرنسا ولكن مسانداني ديما كتعيط غالي دوزتها عليه بالبياااان ف تلت شهور اللولا مني بداو يبانو أعراض الوحم مبقييييتش كنحمل نشم ريحتو هههه مكانخليهش يبات حدايا و مني كانوض بليل كانوض دايرا يدي على نيفي و نقولو يجيب لي اش تشهيت واخا بعد المرات نتشها شي حلوة غير كيقولي دوقي شوية و صافي كنت سولت تاني غيثة على حاتم قالت لي بلي من مور العرس ديالنا المزيف ما بان ف ليسي ، بابا فرح لحملي ولكن مقلناش ليه على الخطر لي كاين عليا و واخا هاكاك انا مؤمنة بربي ولي مكتبها عليا هي لي غادي تكون رؤية ختي طلبات مني السماحة استغربت من تصرفها لكن قالت لي أنها كانت حمقة و هضرات بلا عقل مهم سمحت لها انا قلبي ماشي كحل ليوم غادي نمشيو نشوفو انا و غالي الجنس د الجنين خدا يوماين باش يبقاها معايا و مع اصلا سالات الفترة د الوحم مابقيتش ما حاملاهش ها هو غالي كتسناني هبطت عندو و تجهنا عند الطبيبة متصوروش فرحتي و راجلي حدايا حيت اول مرة غادي يمشي معايا هو ديما مشغول دخلنا و دارت لي داك السائل على كرشي و غالي مزير على يدي
الطبيبة : اااوه الحالة د الجنين مزيانة تبغيو تسمعو اول مرة دقات لقلب د بنتكم ؟
أنا (بعينين عامرين ): قلتي بنتكم ؟
الطبيبة : اه عندك بنيتة
غالي و الفرحة خارجة من عنيه هز يدي و باسها و هضر : اه ادكتورة بغينا نسمعو دقات قلبها
لحظة مؤثرة بالنسبة لينا بزوج كنسمعو قلب بنتنا الصغيور كيضرب طاحت على وجهي دمعة .. شت فغالي مسحها بخفة بحالا ماباغيش يوريني الجانب ديالو الضعيف من بعد ما سالينا داني غالي للمول و دخلنا للمحلات ديال الرضع و بدا يشري فالحوايج لبنتنا دوك الحوايج صطاوني زويونين ف للون الوردي ولاو عويناتي فيهم قليبات ماخلا ماشرا بالفرحة دومونضا على جوج فرشات كل وحدة و شكلها سولتو علاش قالي على وديت تا الفيلا لي ف هرهورة خص يكون لبنتي بيتها رجعنا محملين دخلنا للدار ماما بان لها داكشي غوز
ماما (بفرحة ): بنت ؟
أنا : اااااه ا ماما عندي بنيييتة
ماما (عنقاتني ): مبرووووك ا بنتي
غالي ؛ همم .. و انا متباركيش ليا ؟
ماما : هههههه اجي تا نتا نعنقك
غالي : رغد انا لي انسمي البنت
أنا : هاه ؟ شكون لي هازها ف كرشو انا و لا نتا ؟
غالي (همس لي فودني ): و شكون دارها انا و لا نتي (بغمزة )
انا : كون تحشم هههه بقينا نضحكو واحد الساع سمعنا الدقان مشيت نحل و تصدمت .. .
أنت تقرأ
اسيرة عيونك ( قصة بالدارجة المغربية )| مكتملة .
Romanceقصة مغربية بالدارجة من تأليف : يسرى . مقدمة : قطرات مطر على نافذتي، احتسي فنجان قهوة.. و تعود بي الذاكره للماضي .. ألم فضييع بقلبي وعقلي ..و تفتح جراح و عودة للصراع ...ذاكرة أتلفت و عادت بجمرة و بغصة. .أكان حلم هذا ؟ عودي للماضي و صارعي. ..اتيني بف...
