ولات عندي عادة نعصب رغد كتعجبني و هي معصبة .. تيقنت من أحاسيسي نعم فعلا كنبغيها من بعد آخر نهار دوزاتو معايا بسمة نهيت علاقتي بيها فالوقت لي كاتكون رغد ناعسة كايكون واحد القنط
.. واخا انا مكانعمرش معاها بزاف لكن هي لي دارت الحس فهاد الفيلا مني كانت مظلمة هاد الأيام خديت عطلة لي بزز عطاوها ليا حيت عندي هدف واحد هو رغد تولي تبعيني جات عندي لبارح طلبات مني تجيب كتوباتها لكن رفضت معرفتش علاش لكن مبغيتهاش يمكن تشوف داك حاتم ربما كتكن ليه شي مشاعر بالإضافة معايا مغادي يخصها تا خير لا بغات من بعد تدفع باك حر ونجيب لها الأساتذة تال عندها لكن باش تعتب باب الفيلا أبدا. . من الآن فصاعدا رجلي برجليها ، تبدل تفكيري جذريا كيفاااش وحداخور يشوف فيها ، منستحملش و هذا هو سبب لي مخليني منهضرش معاها بزاف فقط بحركاتها العفوية و طريقة د الهضرة ديالها كاتهيجني هي كاتهضر و أنا كنتخيل راسي تلاحيت عليها بغيتها تا هي تبادلني نفس الشعور كانتسائل كيفاش قدرات تسلل لقلبي بهاد السرعة ههه ماغديش نلوم بابا حيت خلاني نعيش شعور افتقدتو هادي خمس سنين أو بالأحرى هاد الإحساس عمرني حسيتو لا مجال للمقارنة بين رغد و ديك الخائنة لي كنت وهبتها كل مانملك فاللخر لقيتها مع أعز صديق كاتخوني معاه من تماك وليت منعزل
على العالم الخارجي مابقيت كانتيق فحد لبنات ولاو عندي وسيلة ل تفريغ نزواتي تا جات دابا رغد معرفتش كيفاش اندير نخليها تبغيني حيت انا عارف كيفاش كاتشوفني داك الشخص لي جا فجأة و دمر ليها حياتها لكن هي معارفاش حتى انا معندي دخل فهادشي .. حسيت بيها قنطات مشيت ندخل عندها كنت انقولها وجدي راسك انخرجها ة تشري لي بغات وصلت ل باب بيتها سمعتها كاتغني ماشاءالله صوتها جميل جدا بقيت مدة ولنا كتصنت ليها كاتغني لكن ظنيت ان الكلمات موجها لحاتم حسيت بغصة فقلبي لكن تغلبت على مشاعري ودخلت لعندها وانا مكشر و ياإلهي ماذا رأيت كانت يلاه خارجة من الدوش و واقفة قدام المراية ملوية عليها فوطة وشادة فوطة كتنشف بيها شعرها بقيت مبهوظ مننكرش حركت ذكوريتي بلا منحس زادو بيا رجليا لعندها هي كاتبان لي مصدومة مجات فين تهضر تا طرت عليها بقبلة امتص رحيق شفتيها الذي لاطالما حلمت أن اتذوقه ظهر تجاوب من طرفها بدات تاهي تدخل لسانها مع لساني كنا نقبل بعضنا ببطء بحالا تاحاجة ماتبعانا و العالم كامل واقف فقط من أجل هذه القبلة حاولات تحط يدها عليا لكن كنت كنهبط يديها بلا منشعر دفعتها مع الحيط وطاحتلها لفوطة مشتهاش فاللول ولا هي حسات أنها طاحت لكن بمجرد مقاصني جسدها الغص رجعت اللور.. مزال اول مرة منقدرش نقرب تقدر تاخد عليا نظرة خايبة مابغيتش نتسرع. .
_____
كانت سلات مني الوداد ( الدورة الشهرية ) و دخلت ندوش من بعد مخرجت وانا كنشف شعري هههه بعدا قلت مع راسي انجرب تانا نخرج غير بالفوطة ساعة ندمت دخل عليا غالي وغير شافني مامنعش راسو اقرب لي و بدا يبوسني تجاوبت معاه طاحت لي الفوطة و عاد تواعا رجع اللور عطاني بظهر و قال ..
غالي : سربي راسك لبسي دغيا انخرجو
خرج و سد الباب ناااري معرفتش علاش تجاوبت معاه دابا اينويني شي وحدة خايبة ندمت أوف .. وجدت راسي لبست عادي و خرجت لقيتو واقف كايتسنلني شافني مطولش فيا الشوفة و زاد الحمد لله مغاديش يحاول يفكرني فداكشي لي طرا بقا غادي وانا تابعاه وصل لواحد للكاراج و تحل اطو ماتيك تبعتو واواو شحال د الطوموبيلات ركب فوحدة لي كيركب فيها ديما .. ركبت معاه كسيرا و بقا الصمت تا وصلنا .. بقيت كنشوف فيه
غالي : مالك كاتشوفي فيا .. هبطي
أنا : و حتى نتا اتهبط
غالي : بغيتي نمشي ؟
أنا : لا .. زعما لي بغيتي
غالي (ابتسامة جانبية): هبطي هبطي
هبطنا انا وياه و دخلنا منكذبش عليكم كاع الأنظار كانت متجهة لينا أو بالأحرى ليه هو حيت كان عاطي للعين ههه وخاصة انه هو زوين طولة والقلدة و عاااد أنا لي غادة حداه كنوصل للنص فيه كانبان قصيورة حداه هههه
بقينا غاديين و انا كانشوف كاع البنات كيشوفو فيه و عاد كاين لي كتغمزو معرت علاش حسيت بالغيرة معرفتش كيفاش قبطت يدو و شابكت صباعنا هو شاف فيا و شاف فيديه كانتسنا يغوت عليا لكن طرا العكس زير على يدي و ابتسم ليا تا انا بلا منحس بادلتو الإبتسامة و بقينا غاديين وأنا فينما كاتبان لي شي كسوة كنحوال بلا مكايتشاور معايا كيدخل يخدها ليا و يقول لي قيصيها كندخل نقيصها ونخرج عندو عجباتو كاياخدها لي معجباتوش كيبدا يخصر فوجهو الصراحة اول مرة نحس بهاد الفرحة معاه غي كنولي معاه كانسا حاتم و مايجي منو كاع وليت نكرهو ولا غالي هو لي ف بالي زعما نقدر نكون .. اووففف المهم دوزني لواحد الصالون قاليا هاهو ايضرب شي ضورة ويرجع عليا وصى دوك البنات عليا و غي شافوني جرروني دارو ليا لاسيغ ليا كاملة واخا ماكان فيا والو حيت نهار عرسي زعما ب حاتم كنت مشيت الصالون جاو بغاو يصاوبو ليا حجباني رفضت حيت معنديش معاهم المشكل بقاو عليا بالهضرة تا قادوهم ليا دارو لي سوان لوجهي و صاوبو ليا شعري واخا هو اصلا مصاوب من عند الله جا غالي .. و انا نخرج مشافنيش كان كايخلص و سولها عليا مني قالت ليه ها هيا بقا كااااايشوف. .
__
من بعد متراجعت .. طلبت منها توجد راسها باش نخرجو مكنقدرش نطول فيها الشوفة كاتجعرني نخاف نغتصبها ههه مشينا و هي مقاداش تهز فيا عينيها باينا حشمانا مني مني هبطنا للمول الأعين كانت متاجهة لنا بزاف و انا ديما كانصادف هاد المواقف لبنات كايبداو يغمزو زعما بحالا انا غادي نديها ف وحدة غمزاتني و لنفرض انه كون ماكان حد فحياتي مغاديش نديها ف وحدة كتغمز انا غادي نبغي وحدة تكون داخلا سوق راسها و متهزش عينها ف الرجال ما علينا هي كاعما لاحظات أعين الرجال لي كانو كايشوفو فيها انا فديك اللحظة مكرهتش نخبيها فيا ميشوفها حد يلاه كنفكر نقبط يديها و هي تشابك يصابعنا شت فيها بانت فيها أنها كتسنا شي ردة فعل مني خايبة لكن انا فرحت بهاد التصرف زيرت على يديها و ابتسمت ليها بادلاتني تا هي الابتسامة بقينا نضورو مخليت ما شريت لها هي كاتبان الفرحة خارجة من عينيها وانا حاضي كل تصرف كادير كأني كنحاول نحفض حركتها و تصرفتها و الوقت لي كادير هاكا مني كاتشوف شي حاجة كتعجبها كدير واحد الإبتسامة من القلب و كتجرني كتقولي شوف واش هادي تجي معايا و كيفاش كتهز يديها و دير شعرها مور ودنها .. حمقاتني .. ف هاد الخرجة نسينا كاع دوك الخلافات لي كانو بيناتنا بحالا حنا بصح زوج مزوجين و خارجين يضورو شحال هادي مفرحت فعلا هاكا من بعد ديتها للصالون و مشيت تقديت انا شي حوايج و مني رجعت عليها و شتها صطاتني آه هي زوينة و زادت زيانت بقيت حال فيها فمي و هي تبدا تشير ليا عاد انتبهت ليها هاد المرة انا لي شديت يدها و كملنا ضوران تا وقفات لي حدا واحد البوتيك د الحلوة
رغد: عاااافاااك بغيت الحلوة
أنا : لا الحلوة خايبة يلاه زيدي
رغد : عااافاك ياكا (دلات فمها )
أنا : الحلوة ادير لك غير السوسة
رغد : مااعنديش السوسة .. الله يسهل عليك شو دابا كنرغبك شو كي كاتبان بنينا (دارت لي عيون البرائة ) بلييييييز
أنا : هذا قدري .. يلاه دخلي ..
دخلنا و هي بدات تكيل خليتها على خاطرها و شريت داكشي و فاللخر كلات واحد جوج حلوات و قالت لك تال دار و تاكل واحد الساعة وقفات قالت فيها الجوع
انا: صافي زيدي لدار و كولي
رغد (مربعة يديها و كاتشوف ف السما ): ماشي شغلي انا ماغديش ندخل للدار بجوعي
أنا : ولايني راسك قاصح
خرجنا مشينا للباركينك يلاه انحل اللوطو صونا تيليفون كحزت عليها باش نهضر كنت عاطيها بالظهر تا كانسمعها كتغوت ضرت لقيت داك الحمار د حاتم واقف عليها ..مشعرتش والله تا نزلت عليه بالضرب كحز عليا
حاتم : مالك نتا ضراك شي حاجة ولا حسدتيني حيت كاتبغيني
أنا : أ تمشي ولا غاندفن مك هنا أ الشماتا
حاتم (كايشوف ف رغد): حبيبتي ياك كاتبغيني يلاه نمشيو مع بعضياتنا داك نهار غير كنت سكران يلاه نمشيو
رغد جات تخبات مورايا و شدات ف تي شرت ديالي مزيرا عليها بجهد
رغد : بعد مني كنكررررهك متعاودش تقرب ليا
داك المنظر ديالها و هي كاتبكي و مخبيا فيا يعني دايرا فيا ثقة أني انا لي خصني نحميها منظرها بورشني و زاد شجعني أنني منخليهاش حاتم تقدم باغي يجرها وأنا نشنق عليه
انا : متعاااااودش تحلم تحط عليها يدك فهمتي و نزلت عليه بالضرب مفقت حتى غيب و خليت مو تماااك ملاوح كي الكلب درت لقيتها كاتبكي مشيت عنقتها
أنا : شششش .. صافي أنا معاك
رغد (خاشيا وجها فيا ) اهئ اهئ غالي متبقاش تخليني بوحدي عافاك
أنا : عمري نخليك بوحدك شش.. (كندوز علا شعرها) محدني معاك عمر شي حاجة خايبة طرا لك شديت لها وجها و مسحت لها دموعها و حنيت شوية و ..
—
كان غالي ايديني نمشي ناكل جاه اتصال و كحز كيهضر مني مشى و هو يوقف عليا حاتم
حاتم : حياتي توحشتك (جا بغى يعنقني دفعتو )
أنا : بعد مني ا الغدار متقربش ليا
حاتم : رغد غير سمعيني
انا (بديت نغوت ): عطيييييييني التسااااااع و مكنحملكش بعد مني
سمعني غالي جا و بدا يعطيه فالعصى و كايتعاير هو وياه كحز حاتم و بغا يقرب ليا تخبيت ف غالي و هو نزل عليه بالضرب تا غيب ضور وجهو لقاني كنبكي بدا يسكت فيا قلت لو متعاودش تخليني بوحدي كتفى انه يعنقني و يطمني هز ليا وجهي بين يديه الكبيرة و نزل لمستوايا و حط شفايفو على ديالي و غرقنا فقبلة كانت قبلة كلها حب نعم .. حب انا كنبغيه تأكدت من هادشي مني كان هو و حاتم فدقة وحدة محسيت بولو من جيهت حاتم من غير الكره و متحرك فيا والو لكن كي شت غالي حسيت بالأمان و قلبي بدا يضرب ف المية كان كيبوسني و الدموع ديالي كايسيلو ههههه بوسة مالحة شي خمسة دقايق عاد حبسنا و حنا كانلهثو تقاضا لي السوفل هبطت راسي حشماااانا ماقاداش نشوف فيه وليت حمرا و هو يطلع ليا راسي بصبعو
غالي : علاش اتحشمي
انا عاد مازاد حشمني صافي وليت انطرطق بالحموريا
غالي : رغد معندك لاش تحشمي نتي مراتي و أنا راجلك. . صافي
انا (حركت راسي بلايجاب وانا مهبطة راسي) : اهمم..
غالي (باس راسي ): يلاه .. تمشي تاكلي مازال فيك الجوع ؟
أنا (بابتسامة ): آه اه
غالي : يلاه طلعي ههه
طلعت جلست و تا هو طلع ديمارا واد قبل مايزيد هبط لجيهتي غمضت عيني ساعة هو صاوب ليا غير الصمطة
غالي : هههه متخافيش ماغديش ناكلك
أنا : ماقلتش ليك غاتاكلني هيهي
غالي : تحل ليك الفم ها ههههه
سكت و درت ل جيهت الشرجم
غالي : وا صافي غا ضحكنا معاك (مجاوبتوش ) رغد عدويا نهضر مع شي حد و ينخلني
أنا : اييييوا ها أنا هضرت يلاه
غالي : مهم هضري متخلينيش كنهضر كي الحمق
أنا : واخا نسولك
غالي : سولي ..
أنا : علاش قلتي ل بابا يزوجني ليك
غالي تا نهبطو و نجلسو و نعاود لك حيت كنصوك دابا
أنا : واخا .. وصلنا ل اكدال حط اللوطو و دانا ل KFC
(عندي قصة حب مع دجاج كنتاكي 😍😍)
جلسنا هو لي مشا ضومنضا و رجع هو خدا قهوة و انا خدا لي مونيو و بدينا نهضرو
أنا : ايوا مغاتقوليش ؟
غالي : انا براسي تفاجأت بزواجي بيك
أنا : كيفاش زعما
غالي : بابا هو لي عندو الشركة و مني عقد صفقة مع هاداك .. كنقصد باباك و دارو الاتفاق ايلا خسرها باباك غادي يزوجو بيك لكن فالحقيقة هو كان باغي يزوجك ليا انا كيفما باباك وهمك بالقضية د الورث نفس الشيء دار ليا زرع لي الورقة بلامانحس و لاني كانتيق فيه مشكيت والو شوية هادي خمس سنين مكان فخباري والو .. عاد عرفت بزواجي بيك قالها لي الأب ديالي بديت نقلب عليك نهار شتك ، شتك مع حاتم .. حاتم هو ولد مول الشركة لي منافسة مع الشركة د الوليد هادي عام باش تسرقو شي وثائق من الشركة من بعد عرفت من بابا أن فيهم ورقة د زواجي أنا وياك كنظن أنه قلب وعرف انك مفخبارك والو استغل الفرصة باش يقربك ليه و يقرب لينا حنا
أنا : هاااااااايداك دابا تا نتا مكنتيش عارف دابا نتا لي كنتي كاتبعني ؟
غالي : ههه رادا البال مع راسك،مرة كانكون لنا مرة رجال ديالي
أنا : كنتي كاتبان لي شرير فللول
غالي : و دابا ؟
أنا : شويا و كان ههههههه
غالي (الصمت )
انا : هييهو .. (كنشير بيدي ) الو
غالي : انا معاك .. زيدي ايه شرير و شارف
أنا : انا قلت شارف ؟
غالي : ههه تنكري مكنتيش كتقولي عليا شارف
أنا : أ .. أنا ؟
غالي : اااااححح عليك الكذابة و باباك مريض .. هههه ولايني خطيرة مع راسك
أنا : صافي نسا عليا هادشي خليني ناكل
غالي : واخا هانا ناسي ههه
أنا : مالك كضحك بالغرام
غالي : بغيتيني نبقا مشرع فمي ؟
أنا : وا لا .. وا صافي ماعت كاتجيني صارم بزاف ديما مخنزر طلقها تسرح
غالي : من اليوم مغانبقاش عاقدها يلاه غير رتاحي ليا مع راسك
من بعد ماكلينا مشينا بحالنا دخلنا للفيلا حط اللوطو و خرجت مشيت انا طلعت نيشان لبيتي و دخلت للطوليط كانت حابساني بيبي من بعد توضيت و خرجت نصلي ساليت هزيت تيليفون بديت نرون فيه تا لوقت العشا عيطو ليا باش نهبط ناكل هبطت و جلست تا جا غالي ضحك معايا و جلس وليت الصراحة كنستغرب فشكل ولا كيجيني و هو ضاحك ولفت تخنزيراتو ههههه
___
هبطت نتعشا لقيت رغد ضحكت معاها بقات غير كاتشوف فيا
انا : مالك ؟
رغد : أ .. لا والو غير جاتني فشكل حيت ضحكتي
أنا : هه ياك نتي لي قلتي ليا متبقاش عاقدها ايوا خنزرت مشكيلا ضحكت مشكيلا
رغد : لا غير بقا ضحك كاتجي معاك
أنا : ياك ؟
رغد : (عاد تواعات ):امم.. أه
جابو العشا بدينا نتعشاو و بدات تاني طيش برجليها مهضرتش معاها هاد المرة غير خليها هههه
رغد : اجي نقولك واش عندكم شي فرع د الشركة ف ميريكان ؟
أنا : لا علاش ؟
رغد : بصاح ؟ و حتى الشركة د حاتم معندهومش ؟
أنا : لا معندهومش
رغد : عرفتي واحد النهار كان قالي بلي شركة ديالهوم بن جلون كروبس منافسة ل العمراني كروبس الصراحة ماديت ماجبت واخا غيثة تا هي كنيتها العمراني كان قالي بلي عندكم بجوج فروع ف ميريكان و كان مشا واحد الخمس ايام ل تماك
انا : وقتاش هادشي ؟
رغد : شي شهر و جوج سيمانات
أنا : بصاح ؟
رغد : أه .. ساعة طلع كداب ولكن العيب مني انا لي نية
أنا : رغد .. مزال كتبغيه ؟
رغد : انااااا؟ ابداااااا أكن له الكره لا أكثر
انا (طلعت حاجبي متسائل ) : أهم ؟
رغد :والله العظيم صاف مبقيتش كنبغيه حيت (سكتات )
أنا : حيت شنو ؟
رغد : أ .. ولو
أنا : كملي هضرتك ا رغد
رغد : وا غي حيت داكشي لي دار لي و صافي
أنا (إبتسامة جانبية ): هه واخ الالة.سالينا مشينا نغسلو يدينا كنا طالعين فالدروج وهي وقفات قدام غرفتها
انا : رغد من اليوم بيتي هو بيتك اتبداي تنعسي حدايا
رغد (تلونات ): أ. . كيفاش
قربت لها :؛رغد انسولك و جاوبيني بصراحة حيت هاد الجواب بنسبة لي مصيري و كنتمنى تكوني صريحة معايا .. واش كتحسي ب شي حاجة من جيهتي ؟
رغد : شنو .. كيفاش هاد السؤال هادا ؟
انا : سؤالي واضح .. بغيت جواب(بقات ساكتا ) واخا.. طلاقك ايوصلك فهاد الأسبوع .. (درت انزيد حسيت بيديها طوقاتني من اللور )
رغد : كنبغيييك نتا واعدتيني عمرك تخليني نتا لي بقيتي ليا فهاد الدنيا من بعد ماما عافاك بقا معايا ضرت لعندها و شديت يدها و قلت لها : تا انا مازال على وعدي معمري نخليك (جريت نيفها ) بغيت نخليك تكري 😌
___
اعترفت ليه بحبي مقدرتش قالي غادي يصيفط لي طلاقي احاي تا مالو هبل حتى طحت عاد قالك طلاق كي قالها و دار تلاحيت عليه من اللور قلت لو كنبغيك هه المسخوط غير استفزني باش نطلقها اصلا غير لا مابغاش يفهمها بوحدو كون ماكنتش كنبغيه منتجاوبش معاه مني يبوسني حاتم لي كام يسحابلي كنبغيه باسني مرة وحدة و محملتش راسي و هادا .. احح بوستو شحال حلوة كون كنتو بلاصتي متسخاوش هههه
غالي : ايوا يلاه انبقاو واقفين هنا زيدي
أنا (متوترة ): أ .. معرفتش (حكيت فراسي )
غالي : اش ماعرفتيش ؟
أنا : ماشي حشومة زعما
غالي : رغد نتي مراتي و أنا راجلك شنو لي حشومة ؟ واصلا انا عارفاك فاش كتفكري ههه غي زيدي ماغديش ندير لك داكشي عارفاك خايفة غير انعسو و صافي
أنا : واخا تسناني نمشي نغسل سناني و نجي
غالي : يلاه زيدي قدامي
دخلت عسلتهوم و هو كايشوف ساليت و هو يزيد بقيت تابعاه تا دخلنا لبيتو
غالي : ايلا ماعجبكش ديكور ديالو نبدلو من غدا
انا : لا لا بالعكس كايعجبني الكحل كانرتاح فيه
غالي : بحالي إذن
أنا : ع تا نتا ؟
غالي : اه..
جلست فوق السرير و هو كان كيبدل محشمش قدامي .. دورت وجهي للجيهة لآخر ا
غالي : رغد مالك
أنا : لا والو .. غير شتك كتبدل و ضرت بحالي
جا قدامي و جرني وقفني : نتي بنتي ليا ماغديش تفهمي هاد "حنا مزوجين " طار عليا ببوسة ترخيت معاه و هو كيقبلني صافي لنا دبت .. بدا يزول لي البيجامة و شفاه ديالنا لازالت ملتقيا تا بقيت ب دو بييس هو كان لابس غير الشورط فوسط القبلة كنتحسس صدرو الضخم لي كيدوخ أي بنت (إلا هجير هههه ).. حتى سخفت و بعدت ولكن درت مقلقة حيت حسيت بيه هو غير باغي يفرغ فيا و صافي ..
غالي : مالك تاني ؟
أنا : غالي نقولك الصراحة انا كنحس بيك غير باغي تفرغ فيا شهواتك و صافي
غالي (معصب ): رغد ماشي حيت انا صارم اتقولي انا عديم الإحساس لداخل د كل واحد ماكيعلم بيه غير الله ماشي حيت مكنتقنش الكلام المعسول تقولي هادا ماكايبغينيش و لأول مرة انقولها من بعد سنين مضت انا كنبغيك ا رغد لواحد الدرجة انا مقدرتش نصدقها كيفاش بنت صغيرة خلات قلبي لي مات يرجع يعاود ينبض الطريقة الوحيدة لي لقيتها نعبر بيها على حبي ليك هي هادي ..
انا (عنقتو ): غالي سمحلي اهئ اهئ والله انا غير بقيت ماثرة من آخر حاجة وليت خايفة نتيق فاللخر نتغدر
غالي : (دوز يدو علا شعري ) انا غادي نحاول نكسب ثقتك حيت مابقات تاحاجة فالدنيا كتهمني من غيرك كأنو العالم ولا بالنسبة لي سميتو رغد
انا : ههههههه تا انا ولا عندي سميتو غالي
غالي : شحال زوينة ضحكتك
جرني و دخلنا وسط الفراش تغطينا و جرني لعندو و انا ناعسة على صدرو و كانلعب ليه فيه ههه لواحد هو ليستغل الفرص
أنا : غاااااليييي
غالي : نعام ا حبيبتي ؟
أنا : نقص من لحيتك شوية
غالي : ههه و علاش
أنا : كتقرصني مني كاتجي تبوسني
غالي : هادي غير كتقرصك وكاتنساجمي عام الله كون مكنتش تقرص فين نوصلو هههههههههه والله تا قتلتيني بالضحك
أنا : هيهي صافي بعد مني خليها و لا gلس غي متبقاش تبوسني
غالي: ههه لا ميمكنش منبوسكش بغيتيني نحماق
أنا (هزيت كتافي ): حماق ياء
غالي : ايوا نحماق و ديك الساع تفرجيا و شوفي اش أيدير فيك الحمق ياك حمق حمق
انا: ههههه صافي غير كنضحك معاك ا حبيبي
غالي : اااححح على حبيبي كي خرجات من فمك
أنا : فخبارك ههه اول مرة نشوفك كضحك هاكا لدرجة جيتيني فشكل
غالي : نتي لي رجعتي ليا ضحكتي عرفتي شحال هادي ماضحكت هاكا والله
أنا : ااااجججججي لهنا فكرتيني
غالي : ماااالك ؟
أنا : كيفاش ديك القضية د بسمة هاااا !
غالي : كتغيري عليا ؟
أنا : كتر ملي كتصور
غالي : ههه هاديك صفحة و طويتها نهيت علاقتي بيها داك النهار
أنا : يا ويلك و نشوفك كتهضر مع شي وحدة ولا قريب لها نقتلك
غالي : نقدر نعتبر هذا تهديد منك و لا شنو ؟
أنا : آه تهديد، نموت و مانبغيكش نشوفك مع شي وحداخرا
غالي : آآآآآاه ا رغد اش درتي ليا ههه كون شي وحداخور قالها ليا كون قطعت ليه لسانو قبل مايكملها
أنا : ههههههههه ماقاداش نتيق تا انا كيفاش وليت كنبغيك بهاد السرعة. .(بقيت ساكتة عاد هضرت ) غالي عاود لي على راسك شنو كتبغي و على حياتك مم و شحال عندك من عام ؟
غالي : هههه انا شارف عليك بزااااف
أنا : وا غي قول
غالي : 34 عام هههه شارف ياك
انا : لا ا حبيبي باقي صغير العمر ماشي مشكل
غالي : شوفي كنوعدك مغاديش نخلي الفرق د العمر يدير مشكل بينتنا انمشي معاك على قد عمرك (باس راسي )
أنا : عاااارفا راسي برهوشة ههههههههه
غالي : ههه بالعكس تصرفاتك كيحمقوني
أنا : فكرتيني اش قاضية داك البيت
غالي (منفعل ):نساي داك البيت عليك اصلا ماغاديش يتعاود يتحل
أنا : واخا (درت عطيتو بالظهر )
غالي : مالك تاني ؟
أنا : ما مالي والو
غالي : تقلقتي ؟ (دورني) سمعيني انا ماضي ديالي كولو عامر بالبنات داك البيت عندي معاه قصة ولكن أنا سديت هاد الكتاب من نهار وليت كنبغيك و مابغيتش نهضرو على هادشي حيت معندو تا معنى
أنا : آه واخا مزيان
غالي : انا عارف كيفاش ماتبقايش مقلقة مني
جا فوق مني و باس راسي و حنكي و داز لحنك لاخور و نزل لفمي استسلمت ليه تا عيينا عاد حبس
أنا : واااااا كتقرصني ماتبقاش تبوسني
غالي : ههههه هاني جاي
أنا : فين غادي ؟
غالي : للحمام
انا (عاد سرات معايا ): أ. . واخا سير 😳
_____
باش كنت كانبوسها صافي حسيت براسي غادي ندير فيها شي حاجة غير حبست و دخلت للحمام نقاد اموري و رجعت عندها بقينا كنهضرو عاودت لها على النهار وصلتها عند حاتم و بقينا نضحكو بقينا ليل كامل و حنا كنهضرو عرفت عليها شحال من حاجة و تاهيا كذلك تعرفات على شخصيتي كيدايرا بقينا هاكاك تا نعسات هي فوق صدري بقيت كنتأمل ملامحها الطفولية ماشاءالله ملاك و ناعس بقيت نلعب بشعرها تا نعست. . مني فقت لقيت راسي حاضنها من اللور و رجلي محاوطين رجليها إحساس ولا اروع تفيق حدا لإنسان لي كتبغيه تحركت بشوية باش منفيقهاش و كحزت اللور و بقيت نتأمل فيها و بديت نلعب بشعرها شي ربع ساعة و هي تفيق
رغد : صباح الخير (كتكسل بشوية)
أنا : صباح نور حبيبتي .. ياكما فيقتك ؟
رغد : لا لا ههه فقت على خاطري .. شحال ف ساعة
انا : هادي العشرة .. يلاه نوضي لبسي باش نهبطو نفطرو
رغد : ههه واخا
لبسات بيجامة ديالها لي حيدتها لها لبارح ههه و مشات للحمام تسنيتها تا خرجات عاد دخلت موراها خرجت ملقيتهاش خرجت لبيتها لاخور لقيتها جالسة كتمشط شعرها مشيت كنشم فعنقها و طبعت قبلة فيه تا سمعت احم احم
ضورت وجهي انا ورغد تعصبت كانت وحدا من الخدم
انا : كنزة! كنقولكم ديما بقاو دقو الباب قبل مادخلو أو لا ؟
كنزة : سمحلي ا سيدي كنت غير باغا نفيق لالة رغد حيت مادام خديجة لي صيفطاتني
أنا : صافي سيري و عيطي ل خديجة تجي تهز حوايج رغد تديرهوم ف بيتي
رغد : غالي غير خليني انا نجمعهم
انا : كنزة سيري قابلي شغلك (خرجات درت شت ف رغد ) لا ها هي خديجة اتجي تجمعهم
رغد : وا لا حشومة سيدة قد ماما و تجمع حوايجي
أنا : رغد راه انا كنخلصهوم باش كايديرو هاد الشغل ماشي غير خدامين بلا أجر ما جبتهم و كنعطيهم الفلوس إلا باش يديرو خدمتهوم
رغد (حطات المشطة بحزن ): صافي
انا:حبيبتي (هزيت يدها بستها )نتي هنا مراتي يعني نتي هي الأميرة د هاد القصر مخصك تديري والو متافقين ؟
رغد (ابتسمت و امائت بالإيجاب): اهممم
هزيت المشطة و بديت نمشط لها شعرها و بديت ندير لها الضفيرة
رغد : ههه كتعاملني بحال ايلا نتا بابا
أنا : ههه راكي بحال بنتي
رغد : ياك ؟ مابقيتش حبيبتك؟ صافي من اليوم نعيط لك بابا
وا هوووووب ..
____
أنت تقرأ
اسيرة عيونك ( قصة بالدارجة المغربية )| مكتملة .
Romanceقصة مغربية بالدارجة من تأليف : يسرى . مقدمة : قطرات مطر على نافذتي، احتسي فنجان قهوة.. و تعود بي الذاكره للماضي .. ألم فضييع بقلبي وعقلي ..و تفتح جراح و عودة للصراع ...ذاكرة أتلفت و عادت بجمرة و بغصة. .أكان حلم هذا ؟ عودي للماضي و صارعي. ..اتيني بف...
