فقت فالصباح كانت رغد مزال ناعسة فوق مني ماقدرتش نتحرك مابغيتش نفيقها لبارح مامعسناش بكري و اكيد اتكون عيات .. هزيت التيليفون شت شحال ف الساعة كانت 9 .. هادا هو الوقت لي كاتفيق فيه رغدة و بلا شك غادي تجي لعندنا .. يعني اضطريت نفيق رغد .. بديت ندوز يدي على شعرها ..
أنا : حبيبتي .. فيقي .. يلاه بدات كاتكسل بشوية و ولات عنقاتني
انا : رغد فيقي راه اتجي رغدة تلقانا هاكا. .
هبطات عليا. . و دارت مخدة من فوق راسها نضت انا كانلبس حوايجي .. و هي دخل رغدة هاااا ماقلنا ..
رغدة: مااامي دادي 😍😍😍
أنا : رغدة اجي ا بنتي نمشيو للحمام (هزيتها ) رغد نوضي لبسي ..
رغد : اممم صافي سمعتك
دخلت أنا ورغدة للحمام غسلت لها وجها و حكات سنيناتها ..
أنا : يلاه نوجدو ل ماما الفطور
رغدة : ياس ياس ♡~♡
هبطنا للكوزينا وجدت الفطور هادشي أقل مايمكن ندير
حتى تمات هابطة لابسا بنوار و كتنشف شهرها ب فوطة
رغد : اههمم هادشي ولا عندكم مجهد ههههه رغدة نتي لي وجدتي ل ماما هادشي
رغدة : ياس مامي ههههه انا و دادي 🙅
رغد : اووووه اجي نبوس حبيبتي .. ياااا الله اش هاد العسل عطاني سيدي ربي شحال حلللوة هاد البنت اناكلها انا
انا (همست لها فودنها ): ماشبعتكش مني كليتني لبارح هممم شافت فيا و غمزتها
رغد : احم .. يلاه دوزو تفطرو .. خدات لانسولين و ضرباتها ف فخضها عاد بدات تفطر .. وحنا كانفطرو سمعنا الدقان نضت انا نحل .. كان عمي و معاه رؤية ..
تأففت و خليت الباب محلول باش يدخلو .. طليت على رغد ..
أنا : رغد طلعي بدلي عاد هبطي باباك و رؤية جاو اومات لي ب واخا ضورت وجهي لقيت رؤية كاتشوف فيا .. تخطيها و زدت للصالون ..
عمي : اش داكشي درتي لبارح ا غالي حنا كبر منك واجب عليك تسمع لينا
أنا : عمي باش نكون معاك صريح انا مغاديش نطلق رغد
عمي : اووووووفف
دخلات رغد جات تسلم على عمي و هو يكحز بلور
رغد : با..با
عمي : ما باباكش اش داكشي درتي لبارح
رغد : اش درت ا بابا شدرت ؟
عمي : خالفتي كلامي و تبعتي هادا
رغد : هادا ا بابا سميتو غالي و راجلي منقدرش نخالف كلامو و اصلا كلكم عارفيني شحال كانبغيه شنو دنبي أنا كنت فاقدة ذاكرتي فرقوني على راجلي و بنتي وفلخر نرجع نلقا راجلي تزوج و بيمن بختي
عمي : ايوا اش دنب هادا لي فكرش ختك
رغد : بابا بغيت نفهم علاش ديما كاتجي من جيهة رؤية علاش منهار جيت و نتا كاتفضلها عليا واش كاتظن اني مكنحسش ولا مكانفهمش واش ديما غادي يبقى داك الفرق بيناتنا (عينيها تغرغرو ) هي بنتكم و كبرتوها نتوما أما أنا .. كانو مربييني ناس خرين و تا دازت 17 لعام عاد تلاقينا
عمي : رغد اش كاتخربقي را بزوجكم بناتي
رغد : هههه باينة تعقل اول سيمانة يلاه عرفتكم فيها اش درتي لي فيها عايرتيني ف شرفي و دابا ست شهر وانا ربي لي عالم بداكشي لي دزت منو ياك يلاه لبارح جيت شوف دابا جاية نسلم عليك قلتي ليا ما باباكش هه .. تال هاد الدرجة
عمي : رغد .. بنتي سمعي..
رغد : ههه ياك عاد كنت ماشي بنتك هههه بابا .. عرفتي شي مرات تمنيت لو أني مكنتش بنتكم بصح ولا كون معرفتكمش كاع .. رؤية رؤية رؤية كاتبان لك فحال شي ملاك نازل من سما ولا معرفتش شنو عييت منكم والله حتى واحد ماقدر كاع داكشي لي دزت منو يلاه كي جيت نيشان طلقي من غالي .. اوا لي نقولك ا بابا انا مغاديش نطلق منو راجلي و كانبغيه و كيبغيني
أنا : عمي .. صافي خلي رؤية انا غادي نتكلف
عمي : كيفاش ؟
أنا : صافي غير خليها انا غادي نلقا حل
رغد (خرجات فيا عينيها ): غاااالي شكاتقول
أنا : رغد رؤية حاملة بولدي مايمكنش نخليها
رغد شافت ف رؤية و انا نحصل رؤية شافت ف رغد و دارت لها ضحكة الانتصار
رغد ناضت معصبة و طلعات للبيت نضت نوصل عمي للباب
أنا : عمي دابا نتا لي ف فاس عافاك تكلف لي باش تعرف شكون بدل التحاليل و عاد القضية د السيارة
عمي : واخا إن شاء الله ا ولدي
خرج و سديت الباب و ضرت كانشوف ف رؤية ..
شت فرؤية و ربعت يدي ..
أنا : دابا اش انديرو معاك نتي ؟ هفف
رؤية : ساهلة طلق رغد و تزوج بيا
أنا (صفقت): واو .. فكرة زوينة (كنت ضاحك و جمعت الضحكة )
درت فحالي و طلعت لعند رغد للبيت لقيتها كاتبكي
أنا : رغد اش قلنا دموع لا .. راه كنكره نشوف دموعك هابطين كايحرقوني فقلبي
رغد : اهئ اهئ خرج عليا تا نتا و سير عند هاديك لي هازة ولدك
أنا : رغد ؟ اش كتروني دابا كيفاش سير عندها
رغد : كيفما سمعتي سير عندها
أنا : انا كنعرف وحدة لي مامات ولادي هي نتي .. مغاديش ندي عليك
رغد : واش بنت لك حمقة أنا ماتديش عليا صاف بعد مني قدامهم قمعتيني قلتي لهم خليها أنا انلقا حل و كلشي عارف شناهو هاد الحل تطلقني باش تزوج بيها ماشتيهاش كي بدات دير لي واحد الضحكة زعما غلباتني
أنا : شكون قالك ماشتهاش ؟ شفتها .. رغد سمعيني مزيان الكلام لي قلتي ليا داك نهار دخل ليا الشك أنا قلت تبقا معانا باش نعرفو اش تحت راسها و يلا كان فعلا هادشي كانت مخططة ليه و كان عندها دخل فهادشي غادي تشوف مني غير الويل كنحلف لك ب رب الكعبة اندمها
رغد : .. و ايلا ماكان عندها دخل ؟
أنا : امم .. معرفتش ولكن ايلا اضطريت نتزوجها انتزوجو غير تولد انطلقها و نرجع لك .. و كوني على يقين انو غير ورقة لي غادي تجمعني بيها لا غير .. نتي هي حب حياتي و عقلي و روحي كلي ليك نتي حتى وحدة مغادي تشركك فيا
رغد : اهئ اهئ شركوووووني فيك ولي عطا الله عطاه على ديك الكرش لي هازاها كيدرتو لها ..
أنا : رغد ماتخلينيش نتعصب انا حكيت لك كلشي ماعاقلش على شنو طرا .. و واخا طرا فروحي و عقلي كان معاك نتي حيت انا تخيلتها نتي و ظنيت راسي نعست معاك ماشي معاها
رغد(عنقاتني ): غالي هادشي كامل فمن حبي و غيرتي عليك ماقادرش نتخيل أنها هي .. تقربات ليك والله كون كانت شي وحدا خرا ندوزها ولكن رؤية ... ختي لا لا عدوتي هاديك ماشي ختي انا حمارة اه حمارة حيت انا لي دخلتها ل داري استحمراتني خلاتني حتى تقت فيها عاد غضراتني و ماتقووووولش ليا أبدا نتا كنتي سكران ياك يعني هي كان بامكانها تضربك بشي حاجة لراس تغيب ولكن لا هي استحلاتها و ماحبساتكش يعني كانت باغا داكشي
أنا : دخت ا رغد دخت ...
رغد : كانكرهااااا من أعماق قلبي
أنا : كانفكر باش تطبقي داكشي لي قلتي ليا ..
رغد : اينا هو ؟
أنا : قلتي باغا تختارقي لها هاتفها ولا حاسوبها .. هانتي سمعيني غادي نمشيو كاملين لهرهورة انجلسو تماك و نتي شوفي كيفاش تاخدي لها الهاتف باش تقادي المهم نتي عارفة داكشي ديالك
رغد : هههه علاش مافخباركش معاك سارقة محترفة ؟ سرقت الألماس عاد نحير فيها هههههههه
أنا : عارفك ا حياتي علاش قادة .. أمم فين هي رغدة ؟
رغد : دخلتها ل بيتها قلت لها تجلس تماك تلعب
أنا : آه. . يلاه انا اندخل ندوش و نتي حضي مع رؤية لا دير لنا شي مشكل
رغد : اهم .. واخا ا حبيبي
من بعد ما دخل غالي يدوش بديت نجمع البيت حيت كان مزال مرون مني كانهبط كاتبان رؤية واخدا راحتها .. دار باها ل قديمة مني ساليت خرجت لصالون و جلست اونفاص معاها و طلعت حاجب و هبطت لاخور هههه تصدمت من الجانب ديالي الشرير ماحسابليش انا شريرة هاكاك .. بقيت مخنزرة فيها حتى هضرات
رؤية : احم .. فيا جوع
أنا : هههه ايوا ؟ من بعد
رؤية : وجدي لي شي حاجة
أنا : مسمعتش مسمعتش .. عاودي هههههههه واش انا خدامة عند باك نوضي ا حنينتي را الكوزينا و شمري على دراعك ولا فالحة غا فالزواق
رؤية : علاش كاتعاملي معايا هاكا أنا مالي اش درت لك زعما ختك
انا : هووووولي فااااك هههه شكون كيهضر ؟؟ لا من نيتك ياك ؟
رؤية : اشنو دنبي انا .. غالي هو لي تعدا عليا ..
أنا : مسكين حبيبي نعذرو بقوة مكايبغيني حسابلو نتي هي انا ههههههه (جمعت الضحكة )رؤية ماشي عليا انا راني بنت بحالي بحالك و لي فراس الجمل فراس الجمالة غير زولي داك القناع د "أنا الملاك الطاهر " اصلا نتي منهار جيت و نتي حاطة عينك على غالي و مع ذلك دخلتك لداري ا رؤية باش فلخر طعنيني فظهري
رؤية : ايوا مني نتي عارفة و انا عارفة بغيت نقولك واحد الحاجة راك نتي لي بديتي الحرب أنا كانبغي غالي من شحال هادي نتي لي جيتي و خديتيه لي
أنا : نكونو واقعيين باش يلاه جيت نتي كانت عندك 17 لعام ههههه 17 لعام و كاتبغي غالي لي كانت عندو 34 عام انا غالي جمعاتني بيه غير الصدفة لقيت راسي مزوجة بيه مني كانت عندي 14 لعام ههه يعني ديك الساع كانت عند 12 لعام بغينا بعضياتنا بلا منحسو و قبل كااااع مانعرفو لا ولد عمي ولا انا خاطفيني يعني انا ماديتوش ليك
رؤية : اوووف شحال فيك د الهضرة كاسيطة يا ربي سلامة من لخر انا عمرني مكانخسر شي حرب مم كيما كيقولو "l'âge n'a pas d'importance " واخا كبير عليا الحب ماكايعرفش العمر .. مم هه فالصراحة انا مكنتش باغا هادشي يطرا ولكن عجبني الوضع هههه
أنا (ضغطت على يدي ): رؤية عارفاني مريضة متعصبييينيش ولا أقسم بالله حتى ندير فيك شي مصيبة
نضت دغيا قبل مانوض نضربها مني كيدير لي شي حد هاكا ماكانتحكمش فراسي واخا تكون ماشي غير حاملة نوض نضربها دخلت كانسوط و كانبركم غير بوحدي .. دخلت مع الخرجة د غالي من الدوش
غالي : رغد مالك معصبة ؟
أنا : دددييييكككك المرض د رؤية كااااتعصبني عارفاني مريضة و كاتلعب لي ب اعصابي والله تا ندير فيها شي حاجة ..
غالي (ضمني): حبيبتي ماتديهاش فيها .. خليها تقول لي بغات ف آخر المطاف كاتبقاي نتي لي سرقتي قلبي ..
انا : اااه غالي اش ندير بلا بيك مابقيتش قادرة نزيد نبعد عليك والله
غالي : عمرنا نبعدو على بعضياتنا ..
كحزت عليه .. أنا : عرفتي اش قالت لي قالت لي أنا لي بديت الحرب و هي كانت كاتبغيك قبل مني هههه قالت لي أنا سرقتك ليها
غالي : علاش أنا فين عمري كنت ليها ؟ الله يستر .. المهم حبيبتي انا غادي نمشي للخدمة نتي بداي توجدي من دابا يعني على تيساع باش نمشيو غدا ل هرهورة .. أنا انجيب بعدا سيارتي هي لولة و نرض للوالد ديالي و نجيب ل ديك الحمقة حوايجها و حتى حوايج رغدة بقاو تماك مهم راه انجي معطل عندي مايدار ..
أنا : الله يعاونك ا حبيبي
خرج غالي اول حاجة درتها هي توضيت و صليت بقيت نصلي و نبكي نبكي نبكي .. على الله ربي يغفر ليا على ليام لي كنت خليت فيها صلاتي و حجابي .. صليت فلول الصبح من بعد بقيت نصلي غير النوافل معرفتش شحال صليت بالضبط مهم بقيت نصلي حتى دخلات لعندي رغدة
رغدة : مامي علاس تتبكي
أنا (عنقتها )امم والو ا حبيبتي وااالو غير توحشتك بزاااااف بزاف بزاف عرفتي قداش قد السما و الأرض و البحر كوووولو
رغدة : تا أنا مامي بزااااااااااااف أي لوف يو
أنا : حتى انا أنا حبيبتي. . حتى انا
نضت هبطت نوجد الغدا و من بعد طلعت كانجمع فلحوايج كل مرة شوية .. حتى وجد الغدا و جلست أنا ورغدة و ديك المريضة كاتاكل و تفرنس كي الراس المشوط حاولت نتجاهلها .. سالينا جمعت داكشي و غسلت الماعن .. حتى تدق الباب مشيت نحل ظنا انه غالي ولكن لقيت ماما و خالتي زينب سلمت عليهم و دخلتهم .. درت لهم اتاي .. وجلست معاهم حاولت نبين لماما اني مقلقة منها بزااااف حيت ماجاتش من جيهتي داك النهار
ماما : رغد .. يمكن لنا نهضرو ؟
أنا : اكيد هضري ..
ماما : لا بوحدنا .. اوميت لها ب اه ..
طلعنا ل بيتي و سديت علينا ..
ماما : علاش كاتعاملي معايا هاكا انا ماماك ا بنتي ماماك حشومة عليك
أنا : اشنو درت ا ماما ؟ كانتعامل معاك عادي
ماما : كضحكي مع مرات عمك و تهضري معاها و أنا لي ماماك كاتجاهليني
أنا : غير جاب لك الله مكاين والو من هادشي
ماما : واش على داكشي د البارح؟
أنا : ماما ياك عارفيني منين دزت بلا منهضرو على أني ماشي نتوما لي ربيتوني و داكشي لي داز عليا ف صغيري دابا تخطفت ياك ؟ فقدت الذاكرة اشنو دنبي انا ؟ ها ! علاش ديما كاتجيو من جهة رؤية أنا ماشي شغلي فيها حاملة منو ولا من غيرو تعاودها راسها أنا مغاديش نطلق من غالي واخا تنطابق السما مع لرض .. و هادشي كاااامل لي دزت أنا منو والله ماقدرتوه لبارح نتي و بابا جيتو من صفها بحالا غير هي لي بنتكم ولكن عادي اصلا انا ولفت عارفة راسي ماغاديش ناخد بلاصت رؤية و رضى
ماما (بدات تبكي ): حرام عليك ا بنتي علاش كاتقهريني هاكا أنا اصلا ديما كانلوم راسي حيت ديك الليلة مابقيتش معاك و تخطفتي و نعاود نقولها لك نتي بلاصتك بوحدها لا رضى لا رؤية اياخدوها كنظن انك أم و غادي تفهميني نتي طرف مني .. طرف منييي كيفاش غادي نكون كنفضل واحد على لاخور نتي بلاصتك بوحدها حيت نتي مكبرتيش حدايا حدايا و قدام عيني مقدرتش نحميك اهئ اهئ
أنا (عنقتها ): قتليني و مانشوفش دموعك ا ماما عافاك ماتبكيش على قبلي
ماما : انا عارفاك شحال كاتبغي غالي و شحال هو كيبغيك و أنا عارفا شحال صعيب عليكم أنكم تفارقو والله ا بنتي هنا ماجيت لا من جيهتك ولا من جيهتها نفكرو غير بعقلنا اش ادير هي و هيا حاملة اش غادي دير ؟ اش ايقولو ناس جايبة ولد الحرام انا متأكدة انو مجرد ماتولد غالي غادي يطلقها و يرجع ليك و كنواعدك ايلا تعكسات انا غادي نبزز عليها تطلق
انا : ماعرفتش ا ماما ماعرفتش فهموني اهئ اهئ واش نتي تقدري تطلقي من بابا تقدري ؟
ماما : لا ولكن للضرورة أحكام
أنا : حتى نشوف دابا نساو هادشي حاليا حتى نفكر
ماما واخا ا بنتي .. لي بغيتي
هبطت من بعد ماتريضينا انا و ماما هبطت ..بقينا نهضرو انا وياها و مرات عمي حتى دخل غالي مدخل الفاليزات و مني جا كايسلم عليهم وصل ليا انا و باسني ف شفايفي حسيت برؤية تزيراااااات و انا اكيد عجبني الحال هههههه ماما و مرات عمي بداو يحنحنو متسوقت لا انا لا هو .. جلسو شوية من بعد ناضو دوزنا داك النهار و بليل جات رغدة لسقات فينا ههههه ماقدرتش نرضها لبلاصتها حيت كنت توحشتها واخا غالي بدا ينكر مسكين استسلم للأمر الواقع لاغد ليه فقنا و تجمعنا باش نفطرو تجاهلنا رؤية كأنها مكاينااااااش كانضحكو بيناتنا و مع رغدة كأنها هي مكايناش انخرج فيها دوك الأعصاب د البارح .. فطرنا و جمعنا الحوايج و مشينا لهرهورة توحشت تماك بزاف .. اصلا عزيزة عليا الدار لهيه حيت تماك فين تولد حبي انا و غالي .. دخلو الحوايج .. بالعشية انا جالسة على برة فداك الكرسي لي كي عجبني هاديك هي بلاصتي ديما حتا كانشوف حبيبتي و ختي جاية كاتجري من جيها د الطوموبيلات نضت حتى انا كانجري لعندها و شكون غيرها غيثة حبيبتي تلاقينا ف الوسط و تعانقنااا و كانبكييييو
أنا : اهئ اهئ توحشتتتتتك ا صاحبتي توحشتك بزااااااف
غيثة : اهئ اهئ والله ماتكوني بحالي ماقاداش نتييييق معجزة معجزة والله آآآآآاه ا حبيبتي خليتي بلاصتك كبييييييرة بزاااااف
أنا : آه يا ختييي .. كاين شلا منعاود لك .. (كحزت عليها ) فين الكرش اويلي
غيثة : هههه راني ولدت الحمقة هادي 4 شهور باش ولدت
أنا : نااااري فين البرهوشة أري نشوفها
سمعت تحنين شت مور غيثة كان خويا رضى جار البوسيت ديال بنتهم مشعرتش و تاهو طرت عليه كانبوسو و نعنقو و نبكي .. شحال وانا معلقة فيه و هو معنقني
غيثة : كولي ليا راجلي هاد الباسلة هادي هبطي
أنا : خووووويا موتي بسم
رضى : هههههه اناري و مزال ما بغيتي ديري عقلك
أنا : ياككككا مالي ماشي ختك
رضى (باس راسي ): ااااه ختي صغيورة
نزلت حيت كنت معلقة فيه هههه و مشيت نشوف بنتهم
أنا : اووووه اشنو سميت هاد الكتكوتة
غيثة : إسراء
أنا : يا ختي مااااشاء الله (هزيتها) ماشي كاتشبه ليا ولا غير جاب لي الله ؟
غيثة : هيا ف الحقيقة كاتشبه ل مرات عمي و نتي كاتشبهي لماماك يعني كاتشبه لك
أنا : سكت سكت من التفلسيف ديالك يلاه دخلو لداخل .. دخلنا لداخل قلت لهم يوجدو شي حاجة و يحطو ها لنا
و هي تم هابطة رؤية .. غيثة شافتها و هي تقلب عينيها
غيثة : اووووفففف. .
رضى (خرج فيها عينيه )؛ غيثة ..
غيثة : صافي .. هاني ساكتة ..
جات سلمات على غيثة و رضى .. جلسات معانا واحد خمسة د قايق و هي تقول ل رضى بغيت نهضر معاك واخا نخرجو .. و خرجو
غيثة : يا ربي جن لي فيا ماكايحملهااااش .. ماجاتكش عجب دغيا حملات من غالي مافهمتش انا غالي كيفاش قدر يتزوجها
أنا : علاش مافخباركش ؟
غيثة : اوهو بالعمى شنو ؟
أنا : عرفتي تقوليها لشي حد نوريك
غيثة : والله مانقول شي حاجة
أنا : ايوا يا لالة واحد النهار غالي كان سكران دخل لدار بنت ليه أنا ظن راسو نعس معايا مني فاق لقا رؤية بدات تبكي عليه .. راكي عارفا ديك الدراما ديالها ايوا قالت لو اغتصبتيني و تزوجها
غيثة : يااااااك علييييها السيد جا كيقولنا تربي بنتي و يدخل و يخرج ف الهضرة وانا نعييييق ايوا صافي يخليها بالخلا .. دابا اش غادي ديري نتي.. قتلت ليا ماما داكشي لي طرا لك و قالت لي مني بنتي زواجهم تبطل يعني نتي دابا مرات غالي
أنا : أنا مراتو ايني وايز .. معرفتش ا ختي انا طلع ليا هادشي ف راسي انا شاكة فيها بزاف ...
غيثة : كيفاش ؟..
أنا حتى نتأكد من كلشي و نقولك ..
غيثة : شحال تحطي دابا راها مشات تبوحط على رضى باش يجي من صفها
أنا : أعلى ما فخيلها تركبو وا عرفتي بدات كاتقولي نتي بديتي الحرب .. ناري مريضة مريضة بزاااف عندها شي عقدة نفسية سميتها "رغد"
غيثة : ايوا صافي انا عارفة غالي كيبغيك واخا ماعرفت اش يطرا والله لا وصلات ليه ..
بقيت انا و غيثة على الهضرة كانعاود لها على هاد الكارثة لي تصلطات علينا.. جلسو معانا يوماين هي و رضى و رجعو ل فاس على ود الخدمة د رضى .. ماسخيتش ب غيثة انتوحشها .. أنا كانحاول ناخد التيليفون د رؤية ولكن المسخوطة ماكااااتطلقووووش شااااداه .. ليوم كنا جالسين نتغداو
رؤية : غالي ايوا .. ؟ واش انا انبقا عايشة هاكا وسط منكم ونتوما كالسين تحابو قدامي و هاد الولد لي فكرشي بحالا ماشي ولدك واش بغيتي ناس تبقى تهضر فيا و فعائلتنا واش ماغاديش تزوجني ؟
غالي (تأفف): رؤية ماشي وقت هاد الهضرة كاناكلو دابا
رؤية : ماكاينش لوقت اصلا لي نهضر معاك فيه يا ايما خارج ولا محشي مع هادي ف داك البيت
أنا : هههه أولا ا حبيبة هادي سميتها رغد تانيا هادي مراتو ثالثا ماشي شغلك نتخشاو ف بيت ولا فين ما كنا ف هادو أمور خاصة بينا ..مم حياتنا زوجية هي لي بقات لك تدخلي فيها هههه ايوا صافي داكشي لي بقا
غالي : اش بغيتي دابا ا رؤية ؟
رؤية : لقا لي حل هاء
غالي : أما مزال مشغول مع الوراق حتى نقاد كلشي و يكون خير .
نضت انا وياه .. أنا جريت رغدة و مشيت نغسل لها يديها خليناها كي الحمقة طلعت من بعد عند غالي كان ف المكتب ديالو ..
أنا : امم غالي بصح كاتصاوب الوراق ؟
غالي : كانقاد غير وراقك نتي باش بلا مانتعدبو و نمشيو للمحكمة كانحاول نقادهم بلا هادشي .. حيت دابا قدام القانون نتي ميتة
أنا : اهم فهمت ..
خرجت من عندو .. وأنا نشوف تيليفون رؤية محطوط مشيت كانجري و هزيتو .. و مشيت خديت حاسوبي برونشيتو معاه اول حاجة درتها هيا هزيت كاع دوك المعطيات ديالها حطيتهم عندي و من بعد درت واحد التطبيق يدخل عندها باش أي حاجة دارتها ف تيليفونها سواء كان اتصال و لا رسالة ولا أي حاجة غادي تدخل لعندي بقيت نتسنا تطبيق حتى دخل و خرجت من غرفتي و مشيت كانتسلت يلاه حطيتو و انا نسمعها كضحك نااااااري محملتش راسي .. دورت وجهي و بقيت غير كانشوف فيها
رؤية : هههههههههه مسكيييييينة حسابلك ادخلي و تعرفي شنو فيه ههههه
هزاتو و وراتني الشاشة زعما راه فيها الكود رتاحيت حيت معاقتش بيا حساب ليها غير باغا نقلبو لها و نشوف اش فيه ههههههه
رؤية : تت تت تت ههههههه لا ا ختي حبيبتي واش انا بنت لك مكلخة نزل تيليفوني بلا كود
تجاهلتها و زدت و هي تشدني من يدي
رؤية : لمرة جاية كانصحك ماتقربيش ل حوايجي
أنا : كاتهدديني ؟ ههههه
رؤية : عتابريها كيفما بغيتي نتي حرة ههه
نترت يدها و زدت بحالي .. طلعت للبيت و دخلت نشوف داكشي لي هزيت من عندها دخلت كانشوف الرسائل .. بقيت نقرا تا وصلت لواحد الرسائل .. كنت متأكدة انو عندها علاقة .. كنت متأكدة .. الرسائل كانو فيهم غير هضرتها هي ..
-ماتعاودش تتاصل بيا .. كاتجبد ليا الصداع
-عطيتك فلوسك عطيني التيساع
-ماغاديش نزيدك أكثر اصلا راك غير بدلتي النتيجة ..
يعني هي عرفات اني حية و هي لي غيرات النتائج .. كنت عارفة انو عندها علاقة و انا مزال ف حوار مع راسي و هي تطلع لي انو واحد الرقم كيتاصل دوزت المكالمة .. و كانت صدمة عمري ..
أنت تقرأ
اسيرة عيونك ( قصة بالدارجة المغربية )| مكتملة .
Romanceقصة مغربية بالدارجة من تأليف : يسرى . مقدمة : قطرات مطر على نافذتي، احتسي فنجان قهوة.. و تعود بي الذاكره للماضي .. ألم فضييع بقلبي وعقلي ..و تفتح جراح و عودة للصراع ...ذاكرة أتلفت و عادت بجمرة و بغصة. .أكان حلم هذا ؟ عودي للماضي و صارعي. ..اتيني بف...
