اسيرة عيونك ( قصة بالدارجة المغربية )| مكتملة .

19

دازت تلت شهور .. تلت شهور وانا مستحمل رؤية  على ود الحمل غير جات الأم ديالي عيطت ليها تجي تجلس  معانا باش فنفس  الوقت تحضي لي بنتي كيما سبق لي قلت انو مكنتيقش  ف رؤية نهائيا .. أنا  دابا كنتواجد  حدا قبر  حبيبتي  لي كنزورو زوج كل سيمانة  .. القوة  لي كنمتلها  هاد الاسبوع  كاااامل  كانجي  لحدا قبر مرتي  و كتمشي  مكرهتش  يدفنوني  حداها. . علاش  خليتيني  ا رغد علاش حياتي  ماشي حياة  بلا بيك  .. لولا بنتنا  كون تبعتك حتى انا .. كتر من ساعة و انا حدا قبرها  كنهضر  معاها .. من بعد  رجعت لدار  دخلت لقيت رؤية واقفة  لي ف الباب 
رؤية  (دايرة يدها فنصها ): على السلامة
شفت  فيها و ماجاوبتهاش و زدت  تبعاتني و هي كتهضر
أنا :  إيه راني كنهضر  معاك .. فين  كنتي .. غالي جاوب 
ضرت شت بيها بتخنزيرات  كون كانو  يقتلو  كون ماتت
أنا :  و نتي مالك ؟  ماشي شغلك نخرج .. ندخل  مانباتش  هنا كاااع  .. ماشي سوقك  فيا و باراكا من الهضرة  كضرني  ف مخي
رؤية :  أ  سيدي انا مراتك و من حقي نعرفك فين كنتي و منين  جيتي 
انا  (ببرود ): مراتي هي رغد . فين بنتي رغدة ؟
خرجات  ماما من الكوزينا 
ماما : ولدي  جيتي .. على سلامتك
أنا :  الله يسلمك ا ماما (دارت لي بعينيها  بمعنى  اش واقع تا انا درت ليها يعني مكاين والو )فين رغدة ا ماما؟
ماما :  راها ف بيتها ا ولدي
ابتسمت  ليها و زدت  خليت  رؤية بحال الجماد  تماك واقفة  طلعت عند رغدة  لقيتها كاتلعب  ف بيتها 
أنا : هممم اش كادير  حبيبت  باباها 
شافت فيا و ناضت  كاتجري  هزيتها  كانعنقها و نبوسها  جلست و حطيتها فوق حجري   لاحظت انو عينيها  حومر بزاف 
انا : رغدة !! مال عينيك  حومر كنتي كتبكي 
رغدة :  امم تت(حركت راسها  مم ليمن  ليسر )
انا :  بنتي  واش عارفة لي كايكدب  اش كيدير  لي سيدي ربي كايعلقو  من شفارو  ..
و هي  تفركع البنت بحالا كانت كاتسنا غير  شي حد يقولها لها باش تبكي  عنقتها 
انا :  شششش .. صافي ا بابا صافي .. ماك ا حبيبة  ؟ علاش كتبكي 
رغدة :  اهئ اهئ  توحست  مامي  اهئ اهئ  طاطا  لؤية تاتغوت  عليا ماسي  بحال  مامي اهئ
قطعات ليا فقلبي .. و رؤية حسابي  معاها  من بعد .. كتغوت عليها حيت ماشي هي لي ولداتها و تعدبات  عليها و كانت اتموت  على قبلها  سكت  رغدة بزز و من بعد هبطنا باش نتغداو  .. كنتجاهلها  كايكون  شي حديث  داير  بيني و بين  ماما كتبغي  تشارك فيه مكنعبرهاش  و رغدة لي بنيتة  صغيرة و كندخها  معانا  ف الحديث  و هي لا ..
حتى  زدحات  الفورشيط  مع طالبة  طلعت عيني  كنشوف  فيها
أنا : مالنا ؟
رؤية :  واش أنا هنا جمااااد  تمثال  شنوووووو  علاش مكتعبرونيش  ؟
أنا (ببرود ): علاش وقتاش  هضرتي ؟
رؤية :  علاش كادير  لي هاكا راني زعما حاملة بولدك  علاش رغد مكنتيش  كاتعامل  معاها هاكا
انا  (خنزرت فيها ): متجبديش  رغد على فمك
رؤية :  هاديك  راه  ختي كيفاش منجبدهاش  على فمي
أنا :  نفكرك شكنتي  كاديري  لها شحال هادي  ؟ آه بعدا آخر  إنذار  ليك تعاودي  تغوتي  على رغدة  غادي نسيفطك  للفيرما  تجلسي  بوحدك و الخدامات  هوما لي ايقابلوك  
رؤية :  واخا ... واخا ا سي غالي دابا تندم على هادشي
أنا  (زدحت يدي مع الطبلة و ووقفت ): نعاااااااام  عاودي  عاودي مسمعتش 
ماما (كترضني  لبلاصتي  ): ولدي  عافاك نعل الشيطان
انا :  لا واش سمعتيها  ههه قالت  لك نندم  ههههه
ماما :  غااااالي la petite (الصغيرة)
شت ف رغدة كانت مخلوعة 
أنا :  رؤية طلعي دابا لبيتك  منشوووووفش  كمارتك  يلا يلا  نوضي
طلعات بلا متناقشني  و انا هزيت  رغدة جلستها  عندي  و بقيت  نبوس لها فراسها  باش  متبقاش خايفة .. كنتمالك اعصابي حيت حاملة أما كون درت فيها شي عاهة من هادي شحال ..  مني  كلينا و سالينا ماما طلعات ل رؤية ماتاكل  على ود الحمل و انا عيطو  ليا فالخدمة  على شي حاجة  ضرورية  مزال  معرفت  شنو ..
رغدة :  دادي فين غادي ؟
أنا : للخدمة ا بنتي
رغدة  (شافت فيا بحزن ): اممم .. ثافي 
أنا :(نزلت لمستواها  ): مالك ا حبيبتي  ؟
رغدة  (عنقاتني ): أي لوف يو دادي
أنا  (بستها ): اووووو  أي لوف يو تو هوني  عطي  بوسة  ل بابا  ف هاد الحنك  .. مم و هادا تاهو  .. واري  داك فميم  صغيرور  نبوسو   موااااح 
نضت  خليتها  كضحك و خرجت .. للخدمة .. قالو لي شي حاجة ضرووورية  بزاف معرفتش  شنو واقع  و ليوم عندي خاوي  مخدامش  فشكل  .. مكايديرو  هاد القضية  ايلا  يلا كانت شي حاجة خطيرة  بزاف. . طريق كاملة  و  أنا كنتسائل  شنو  يكون  زعما ؟  حتى و صلت  ..