اسيرة عيونك ( قصة بالدارجة المغربية )| مكتملة .

8

دازو تلت يام و انا و غالي نتلاقاو من ليل ليل نتخباو ههه ولا كان كون غادا تا كيجرني فشي بلاصة و يبدا يبوسني نهار تالت تلقيت صدمة فعلا صدمة كنت كالسة و حاطة قدامي قرعة د الما كل ساعة نشرب و نوض للطواليط و هو يسولني خويا رضى
رضى : مالك كل ساع نايضة للطواليط و كتشربي الما ؟
أنا : وا كتجيني الشحفة و كنشرب بزاف و كنمشي ل طواليط
رضى : واش من شحال هادي و نتي هاكا ؟
أنا : شي زوج سيمانات علاش ؟
رضى نوضي لبسي يلاه معايا مشيت لبست و خرجت انا وياه داني معاه ل اوبيطال لي خدام فيه سولتو علاش قالي غير ندير ليك التحاليل حيت هادشي ماعاجبنيش داكشي لي دار لي أنا غير ساكتة خرجو لنا التحاليل ف ساعة و الصدمة كانت قوية عليا انا مريضة بمرض السكري.. انا ديابيتيك يعني انا حياتي كاملا ا يبقى فيا هاد المرض طحت من هول الصدمة مني فقت تماك بقيت غير نبكي نبكي رضى داني عند طبيبة مختصة حيت هادا ماشي اختصاصو قالت لي بلي هو جاني بسباب شي صدمة تلقيتها و بسبابها ترمى عليا قالت لي نشري لانسولين و قالت لي هادي نضربها قبل الفطور و قبل العشا ناري تخلعت منقدرش نضربها فيا قلتها ل رضى قالي هو لي يضربها ليا من تماك و انا مغيرة حس بيا غالي قاليا نخرجو مني نسييت شوية رجعنا لقيت بابا
نزل عليا بواحد التصرفيقة بقيت غير كانشوف و شادة على حنكي هز بابا تيليفون و فيه تصويرة ديالي أنا و غالي كانتباوسو نيت هنا ف الدار
بابا : لعنة الله عليك اااا بنت الحرام بغيتي تلطخي ليا اسمي ف الأرض. . هاااا دوي دايرا لي داري بورديل شكككككون نتي ها شكون نتي باش توسخي لي شرفي رؤية بنتي عمرها دارت لي هاد الشوهة لي درتي نتي جاية غير البارح و دايرة المصايب هز يديه ايضربني شدها غالي (بابا هز عينه شاف فيه) نتااا مزاااال عندك الوجه تبان درتك ولدي و جيتي تفلا على البنت
غالي : حدك تما ا عمي خليني محترمك انا بديت نشهق بالبكا و ماما كتبكي و غي كتشوف، هاد الفعلة ديال رؤية باينة
رضى : نتا واش باغي تنتقم ا الحمار هااااا دويي
غالي دفعو و شنق عليه: نتاااااا ااااخر واحد يهضر سحابلك دوزتها ليك ؟
أنا : اهئ اهئ
بابا : سكتي و لا نكمل عليك الحمارة
انا ديك الجملة د "شكون نتي" و "جاية غير البارح و دايرا المصايب " كيترددو ف الأذن ديالي إحساس عمري حسيتو فحياتي ..إحساس خايب
أنا : شكراااا شكرا بزاااف اهئ اهئ أنا مضراتنيش الضربة قد ما ضراتني هضرتك فقلبي. . غتندم بزاااااااااف ا سي أحمد كلشي إلا شرفي
بابا : ومزاااال عندها الوجه لي تهضر
أنا : اااااه مزاااال عندي الوجه ولكن بصح شكون انا ؟ أنا غير بنت زهرة و عبد السلام .. انا غي جيت البارح كيف قلتي نتا و سمحولي بزاف حيت دخلت لحياتكم و خصرتها كيفما دخلت انخرج تمنيت فهاد اللحظة لو أني معرفتكومش انا و غالي مزووووجيييين واش عرفتي شناهي مزوجين انا هي هاديك لي تدخلتي باش نتزوجو و ماقلتيهاش ليه
هااااد الدااار عمرني نعاود نعتب عليها و داااابا كيما دخلت انخرج بنتكم رغد لي تخطفات مني كانت عندها عاماين عتابروها مزال مخطوفة ولا من الاحسن ماتت
بابا بقا حال عينيه رؤية بقوة الصدمة جلسات ماما حبسو دموعها و ضحكات خويا بقا حال فمو
بابا : ك..كيفاش مزوجين علاش خبيتو علينا ؟
غالي : ااااه مزوجييين كيفما خبيتي عليا أنا خبيت عليك طلعت انا كنبكي و جمعت حوايجنا و هبطت
ماما : رغد بنتي لا لا عافاك متمشيش اهئ اهئ
أنا : ماما سمحيلي ولكن كلشي تال شرفي انا كون بغيت نخرج للطريق كون خرجت شحال هادي خمس أشهر و انا عايشة بوحدي كانت عندي الفرصة سمحيلي على هاد الهضرة ولكن نتووووما لي مربيتوش بنتكم مزيان قدها قداش سيري سوليها على القبلة فين جات والله متعرفها الحمد لله انا عارفا اش بيني و بين لي خلقني وعمري درت حاجة لي تعصيه راكي ا تعرفي فين تلقايني اتلقاي داري محلولة ليك ا ماما وقتما بغيتي انا منقدرش نعيش معاكم هنا
شت ف بابا : مزاااال متزاد لي يغلط ف شرفي
شت ف رؤية : عنداك يسحاب لك راني معارفاكش مولات هادشي و شنو كيضور ليك فراسك لي فراس الجمل فراس الجمالا غالي يلاه نمشيو
ماما : رااااغاااااد اهئ اهئ اهئ
أنا : ماما عافاك متبكيش انا ديما انبقا نهدر معاك و بقاي تجي عندي عنقتهااااا
بابا : بنتي..
أنا : و ياااااك و تقولها انا ماشي بنتك بنتك هي هاديك لي حداك لي عمرها لطخات لك سمعتك فالارض أما أنا غير بنت زهرة و عبد السلام واخا بعدا كانو مكايخليو مايديرو فيا رباوني مزيااان الحمد الله و دابا عمرك اتشوف كماااارتي حيت هضرتك مزاااال هنا كضرنني فقلبي (ضربت جيهت قلبي )
خرجت و عاد تبعني غالي ديمارا طريق كاملا و أنا كنبكي تمنيت عمري نعيش هاد اللحظة
غالي : رغد باراكا منقدرش نشوف دموعك
انا : اش عندي مندير ا غالي من غير البكا اهئ اهئ
سكت اللوطو و هبط و جاني من الجيهة لاخرا عنقني بجهد و خشا وجهي فصدرو
غالي : غوتي و بكي ايلا كان هادشي يريحك بقيت كااانغوت و نبكي تا رتاحيت واحد الشوية شد وجهي بين يديه
غالي : رتاحيتي ؟ حركت راسي باس راسي
ورجع ديمارا
درنا ساعة و ربع وصلنا لهرهورة طلعت وطحت كاو نعست غير باش نسا اشنو وقع فقت بليل لقيت راسي لابسا بيجامة يمكن غالي هو لي بدليا .. قررت اني نسا داكشي وغادي نكمل حياتي كأني معرفتوش و بابا مات الله يرحمو .. هبطت كانقلب على غالي قالت ليا وحدة من الخادمات راه فلاصال دخلت لديك صال لقيتو كايتريني الحديد
أنا: حبيبي نتا هنا
غالي(دار شاف فيا ): ههه صباح الليل
أنا : ههههه نتا لي بدلتي ليا ؟
غالي : شكون من غيري ؟
أنا (مشيت جلست قدامو ): دابا شحال كاتهز ؟
غالي؛ تلاتة منك ههههههه
أنا : لاواه انا را فيا 60 كيلو
غالي : اه اه اه شحال غليظة نقصي شوية
أنا : واش بصح انا غليظة
غالي : و بزاف اش ديك الكرش خارجة
انا (شت ف راسي ): بصح (بحزن)
حط ديكشي لي فيديه و جا هزني بحالا كايتريني بيا كايطلعني و يهبطني
غالي : هههههههه غي كانضحك ا الفليليسة ديالي وزن الريشة
أنا : واااا نزلنييي
غالي : و تبوسني؟
أنا : واخا يلاه (ولا هازني من تحت بيطاني و بستو )
غالي : لا بغيتها كبيييييرة
أنا : يا ايما اتهبطني ولا نضربك
غالي : ااااوه خلعتييييني
أنا : واااا مامااااا هبطني اهئ اهئ
غالي : بوحاطية مع راسك
أنا : و بزاااااف ندخلك الحبس لا بغيتي
غالي : ههههههههه (تم هازني بحالا هاز بنتو ) توحشتك
أنا : فيااااا جووووع
غالي (مخرج عينيه ): ياااااك متوحشتينيش
أنا : عارفا عقلك المومسيخ نخاف نقولك تا انا تفهمني غالط هههههه
غالي : كيبقيتي بعدا .. شوية ا حبيبتي
انا : صافي نسا .. داكشي حسب كأنو عمرو مطراش ومنعاودوش نهضرو فداك الموضوع
غالي واخا ا حبيبتي
بقا هازني و غادي بيا الحمام
غالي ؛ زيدي دوشي ليا
أنا : على الراس والعين
دخل وحطني و بدا يزول حوايجو و انا بديت نعمر ليه البانيو و نقاد ليه لي برودي بقا هو بالبوكسر و دخل ل تماك و انا بقيت ب ديباغدوغ و شورط قصيور باش منفزكش حالتي بديت ندير ليه شامبو بحال شي بيبي و نمشط ليه فشعرو و هو عاجبو الحال
غالي : رغد اش بان ليك؟
رغد : اشنو لي بان لي ؟
غالي : اجي ندوش لك (غمزني )
رغد : لاااااا ندوش راااااسي شكرا
غالي : ااااجي لهنا
بغيت نهرب لقيتو ساد الباب بالساروت و بدا يدير لي الضحكة د الأشرار
_____
عارف كي نسي همومها غير نحضنها كاتنعزل على العالم الخارجي وكتولي فعالمي انا ..شوفا مني كتنسى المشاكل داكشي لي حاولت ندير منين رجعنا نعسات فاقت بليل لقاتني كنتريني هزيتها و قلت لها دوش ليا لمساتها كاتبورشني جريتها بزز هههه منقدرش نشوفها قدامي و مندير ولو عيب ف حقي ،مامشيت تا لعبنا ماتشات فالحمام و فالفراش تا نعسات فوق مني، عرفت راسي هديتها كون منعساتش نزيدها خليتها ناعسا فوق مني و نعست تا انا فقت على يديداتها الصغيورين كايلعبو فالدقن ديالي بقيت ساد عيني و انا نعضها بشوية و هي تغوت اااااااي شرير
انا : والله كون محشمت نكمل دابا طروحة د البارح
رغد : كنت غالطة فيك ا الوحش
أنا : وحش ؟ 😒واخا حاولت نفراني شوية
رغد : تفراني؟ لاواه الزعتر (جات تنوض و انا نزير زعما تجلس ) خليني نوض
أنا : واش مزال مغاديش تعرفيني انا خصني ديما المقابل باش ندير أي حاجة ببساطة لا بغيتي نخليك تنوضي عطيني مقابل
رغد : واااا ..
مجات فين تهضر كنت قلبتها لتحت و انا فوق منها و كنبوسها بدات تنتر فللول فللخر لوات يدها عليا و استسلمت تا شبعت وطلقتها ناضت اتجر ليزار و نايضة
انا : هيه هيه و انا معجبتكش
رغد : غاااااليييي خليني نوض
أنا : واش شديتك نوضي ياه
رغد : واش انوض عريانة ؟
أنا : كاين شي حد من غيري هنا ؟لا تا واحد صاف نوضي
رغد : انا لي عارفة اش يضور لك فداك الراس
انا : هههههه لا كان على داكشي راني شااايفو ما مرة ما جوج هههه لا ديتي ليا ليزار نخاف عليك نتي 😉😉😉 هههههههه خرجات فيا عينيها و تزنكاات و ناضت كاتجري للحمام و خلاتني كنضحك خرجات
شيرت ليها ضورت وجها مجاوبتينيش انا : هيه رغد غي شوفي فيا ضارت محاملانيش
رغد : ششششنو ؟
غالي : عقلتي على البارح (غمزتها )
رغد (شيرات عليا بمشطة ): بعععد منيييي
عاد نضت انا ندوش دوزنا النهار غير تماك انا وياها ديتها للاسطبل و ركبتها فوق الخيل عجبها الحال المهم عندي هو تنسى داكشي لي دار ليها باها لاحظت أن مكلتها نقصات ماشي كي كانت وكااالا طلعنا نعسو و بدينا نهضرو
رغد : غااااالي ... (كتلحنها )
أنا : رووح غالي. .
رغد : واخا نسولك ..
غالي : اهم .. سولي ا حبيبة
رغد : ....
____
جينا نعسو بغيت نسول غالي
أنا : تقدر طلقني؟
غالي : نطلقك؟ مااالك جهلتي ؟
أنا : بغيت غي نعرفك شحال كاتبغيني. . دابا شناهيا الحاجة لي متلا طرات و تخليك تطلقني ؟
غالي : ماغديش نطلقك واخا يوقع لي يوقع و إلى مثلا غرك الشيطان و مشيتي عند شي حد من غيري مغنطلقكش انقتل مك نتي وياه
أنا : اااااويلي مالنا على هاد الهضرة
غالي : سولتيني جاوبتك يلاه نعسي دابا
أنا : واااا دابا مالك مكاتفاهمش انا غير سولتك انا اصلا منقدرش نخونك راه كنبغيك بكل جوارحي كل حاجة فيا كتعيط باسمك نتا
غالي : تا انا عمري بغيت شي حد قد لي كنبغيك والله نتي هي روحي منقدرش نتخيل حياتي بلا بيك مكرهتش نخبيك قلب مني ميشوفك حد .. أه فكرتيني بغيتك ديري الحجاب
أنا : إن شاء الله انديرو متخافش
غالي : فاقرب وقت .. مبغيت تا حد ايشوفك من غيري
أنا : مغيياااار ههههههه
غالي : اجي بعدا .. واش كتشربي حبوب منع الحمل؟
أنا : ههههه واش نتا ديما كتغفلني و تقولي حبوب منع الحمل هههههه لا ،كون هاني أصلا انا بغيت بنيتة ولا وليد غالي صغيور ثمرة حبنا ولد ولا بنية يشهدو على حبنا
غالي : اجي اش بان لك نديرو دابا محاولة
أنا : خليييييني نعس
غالي : غير ضحكت معاك ا حبيبتي متخافيش هههههه
أنا : وا مكاتشبعش انا هادشي كنت غير نسمع بيه دابا وليت كنعيشو
غالي : على لي عندو العسل ا يشبع ؟
أنا (تمخششت فيه ): نعس ا حبيبي نعس
بقينا هاكاك تا نعسنا انا حاولت نسولو حيت خفت لا عرفني انا ديابيتيك يطلقني بغيت غير نطقس الأحوال لكن معنديش الجرأة باش نقولها لو مزال عاد خصني نشري لانسولين ونعاود ندير شي تحاليل و نتبع مع الطبيبة لي تعطيني الريجيم لي نتبعو فقنا تاني فطرنا وانا نعيط لسكينة هي الوحيدة لي غادي تفهمني واتنصحني طلبت منها تجي عندي و كاعما رفضات اصلا هي باقا هنا فالمغرب .. دازت ساعة و هي تجي عندي كنت ديك الساع جالسة مع غالي فالجردة شفناها داخلا بللوطو ديالها تا هبطات قربات و وقفنا بزوج غالي ابتسم لها و مد يدو صافحها و انسحب بكل لباقا و خلانا بزوج باش ناخدو راحتنا بديت نعاود ليها على واليديا لي عاد عرفتهوم و شنو دار لي بابا و على مرضي و قلت لها راني مقادراش نصارح غالي
سكينة : كاع هادشي لي دزتي منو صعيب و انا متفهماك ولكن كيفما غالي وقف معاك ديما خصك تصارحيه ايلا طولتي فالسكات تيقيني.. غادي طيحي فمشكل معاه و ايشدك من هادي و يقولك مكانتيقش فيك نتي خبيتي عليا حقيقة مرضك
أنا : ولكن خفتو ايلا عرف يتخلى عليا
سكينة : بالعكس علاش ايتخلا عليك غالي شاب قاري و متفهم و زيدون هادشي د الله ماشي نتي لي بغيتها ل راسك بالإضافة هادشي يلاه عرفتيه ول بارح صارحيه و مغاتندميش
عنقتها؛ شكراااا بزاف ا سكينة نتي لواحيدة لي كنرتاح لك أنا ليوم أنصارحو
سكينة : نتي راكي دابا صاحبتي مكاينش الشكر بيناتنا وقتما بغيتيني عيطي ليا كنت فالمغرب راه نجي لعندك كنت ففرنسا راه التيليفون ما بيناتنا بقات جالسا معايا واحد الساعة من بعد مشات طلعت لقيت غالي فالمكتب ديالو خدام فشي تخربيق
أنا : حبوووووبي
غالي (كان داير نضاضر د الخدمة ابتسم ليا):مشات؟
انا : اهم مشات.. بقيت انا مجبدة ليه فواحد الفوطوي كنلعب فتيليفونو و هو خدام و بديت كنقول مع راسي نقولها ولا بلاش ؟
أنا : غالي ساليتي ؟
غالي : تقريبا علاش ؟
أنا : بغيت نهضر معاك
غالي : هانا كنسمعك .. اش كاين ؟ يلاه ا نهضر و هو يدق الباب
غالي : دخل.. دخلات
كنزة : سيد الغالي واحد المرا و واحد السيد قالو ليا راه الوالدة د لالة رغد و خوها
أنا : بصااااااااح انا هاااابطة
غالي : وقفي .. تسناي تا نهبط انا وياك
أنا : امم .. واخا قال لكنزة تدخلهم و يحطو لهم شي حاجة
هو المسخوط عاد بدا يتقل عصبني غير مكان فيا لي يتناقر معاه هبطنا و غالي شاد لي فيدي لقيت ماما و رضى جالسين تلاحيت على ماما كنعنقها وهي كاتبكي و تبوسني : بنتي علاش خليتيني اهئ اهئ أنا قلت يلاه لقيتك و دابا اتخليني
انا : ماما متبكيش راكي عارفا آش دار فيا راجلك أنا ديك الدار منعتبهاش لي بغاني يجي يشوفني
ماما : كيفاش راجلك ا بنتي هداك را باك
أنا : سمحيلي انا عندي قاصح خير من كذاب ا ماما هو شك لي فشرفي و عرضي كون دار بحال الناس و جا سولني اش هادشي كنت انشرح ليه ولكن هو ضربني و جرحني مزال ضربا والله مقصحاتني بحال هضرتو قاليا ا ماما شكون انا ؟ شكون انا باش نطيح بيه عاد جيت البارح عادي. . اصلا انا عارفا بلي ما غاديش ناخد بلاصت خويا رضى و رؤية معمري منسى منين جيت هوما راهم كبرو معاكم على عكسي انا لي غير عاماين و عاد جيت هادي سيمانة (عيني عمرو دموع )
ماما : لا ابنتي متقوليش هاد الهدرة اهئ اهئ نتي بلاصتك بوحدها اكيد مغانفرقش بيناتكم كلكم ولادي
ولكن نتي راه حرموني منك واخا نبقا معاك حياتي كاملا كاعما نشبع منك منتنسايش انكي نتي خبيتي علينا يعني خصك تقبلي أي ردة فعل دارها باباك
انا: راجلك ايلا قالك شي حاجة واش ادري بها و لا لا ؟
ماما : اكيد ابنتي الطاعة د الزوج واجبة
أنا : ايوا تا انا هكاك ا ماما غالي راجلي و قالي متقوليهاااش انا مكان عليا غير نطيعو
ماما : .. نتي تعرفي ا بنتي انا جيت نجلس معاك شي سيمانة و من بعد نرجع ايلا بغيتي
انا : واش كتفلاي عليا انا مكرهتش نبقا معاك حياتي كاملا انا خويت تماك على ود ب.. زعما راجلك
رضى : انا مغاديش تسلمي عليت ؟
أنا اويلي .. راه تدهيت مع ماما سمحلي اخويا عنقتو سمعت صوت تحن حين درت
غالي : انا انخليكم دابا ابتسمت ليه هو بان لي دار باش يطلع جلست حداه وهي تهضر ماما
ماما : فخبارو ؟
أنا : اش فخبارو؟
ماما : بلي راك مريضة بالسكر
انا (تنهدت ): لا يلاه كنت انقولها لو و نتوما تجيو
رضى : رغد طرات بيناتكم شي حاجة ؟
انا : من مور هادشي .. لا مدابزناش
ماما : رضى حشومة ..
رضى :ماما راه هادشي ضروري .. رغد عنيت بيها واش طرات بيناتكم علاقة جنسية؟
أنا (تزنكت ): الصمت (يا لكلاخي )
رضى:نفهم بلي طرات .. اممم خديتي حبوب منع الحمل (حركت راسي ب لا ) شحال من مرة؟
أنا : امم. . ت.. تلاتا د المرات
رضى (ضرب على الطبلة ) : رغد واااش عرفتي دابا الخطر لي عليك
انا : مفهمتش. . كيفاش ؟
رضى : مخصكش تحملي ا رغد مخصكش راكي مريضة
أنا (بديت نبكي ): اهئ اهئ أنا باش ايصحابلي اهئ
رضى : واخا هكاك نتوما يلاه فللول دزواجكم كنتو باغيين تولدو دابا ؟
أنا : آه حنا لي بغينا
رضى : (قبط يدو تاني و ضربها )اناااااني
-اه انااااني عندك شي مشكل ؟
ضرنا كااااملين .. الله ا ميمتي. . غالي 😖
____
منين سمعت رضى تكلم كنت متأكد انه اقول عليا شي حاجة بقيت كنتصنت عليهم فعلا تصدمت كيفاش رغد فيها السكار بقيت نتصنت شكيقولو دابا هي ايلا حملات عليها خطر سمعتو كيغوت عليها متحملتش و باش قال عليا أناني و انا نخرج ليه
أنا : آه أنااااني عندك مشكل ؟
رضى (ناض ): كيفاش بغيتيها تعذب هصضضصر
انا : يا غادي تسكت ولا غادي نوريك شغلك انا عارف المشكل ديالك نتا ماباغيهاش تحمل مني
رضي :ك ..كفاش ماباغيهاش تحمل منك أ..انا ماشي شغلي سوقكم هاداك انا غير على مصلاحتها
أنا : كنعرف شحال من وحدة ولدات و هي مريييضة
و حنا كنتغاوتو مرت عمي بدات تغوت ضرنا لقينا رغد طاحت مشيت كنجري هزيتها بين يدي
أنا : رغد حبيبتي فيقي .. ديناها للوبيطال دخلواها دخلت معاها بوحدي دارو لها مصل و بدينا نتسناوها تفيق عاد دخلات مرات عمي و دخل الدكتور
أنا : مالها ا دكتور؟
الدكتور :طاح لها السكار حيت ماواكلاش مزيان و ماضارباش لانسولين
بقات شوية عاد فاقت لقاتني شاد لها فيدها
رغد : غالي. . ماما
انا : حبيبتي انا حداك
رغد : غالي سمحلييي حيت خبيت عليك
أنا : شششش صافي احبيبتي معندك لاش طلبي السماحة عارفك كنتي غادي تقوليها ليا عنقتها وجات مرات عمي تا هي بقات حداها دازت شوية خرجناها و رضى مكانش مشيت انا و مرات عمي ديناها عند طبيبة مختصة طلبات لينا تحاليل أخرى اخرجو غدا و عطاتها واحد الكينات تشربهم غير بيدما يخرجو التحاليل باش تحدد لها نوع الأنسولين لي تولي تضرب رجعنا بالعشية عرفت بلي رضى رجع حيت عندو شي عملية ضرورية رجعنا تعشينا مجموعين مع مها و طلعت انا ورغد للبيت و انا نسولها ايمتا عرفات
رغد : ول بارح نهار دار لي بابا ديكشي كنت جالسة مع رضى و شافني كل ساع نشرب و نمشي لحمام و هو يديني حيت شك و درنا التحاليل خرجو فيهم راني مريضة قالت لي الطبيبة بلي ترمى عليا بشي صدمة طرات ليا
انا: و من وقتاش و نتي كتشربي الما و تمشي الحمام
رغد : مني جيت لهاد الدار و انا هاكا
أنا : يعني انا السباب؟يمكن مني عرفتي بالقضية د الزواج ياك ؟
رغد : معرفتش مكايهمش هادشي مكتاب ربي غير كايدير السبب .. دابا انا انولي كل نهار نضرب ليبرا؟
أنا : معندك مديري ا رغد خصك ضربيها
رغد : اويللللي والله منقدر انا نضربها ل راسي
أنا : انا انضربها لك ا حبيبتي نعسي دابا غدا خصنا نفيقو بكري حسن عندنا ميدار ..
_____
داز يوم متعب بزاف عييت نعست فحضن غالي واليوم فقنا بكري باش نمشيو نجيبو التحاليل و نديوهم عند الطبيبة ماما رفضت أنها تبقا بوحدها قالت لينا رجلها على رجلينا جبناهم و مشينا لعند الطبيبة حددت لي الريجيم قالت لي 100 غرام من اللحم و 100 غ من الحوت منتعداهاااش ف النهار خصني ناكل غير الخصرة المصلوقة الحلاوة نضرب عليها إلا فحالة طاح لي السكار الديسر مناكلش لي حلو بزاف متلا غير التفاح مكاين مشكل إيلا كليتو البنان غير ننساه قالت مكاين باس إلا مرة مرة شربت مثلا عصير د البرتقال لانسولين انولي نضربها قبل الفطور و قبل العشا و أصرت لي على العشا ضروري نتعشا منعس إلا و انا واكلا و حتى الفطور حيت هاد الوجبة هي لي غادي تعطيني الطاقة باش نمارس نشاطي اليومي بشكل عادي منعات عليا الصيام قالت لي منتعصبش و نتفادى أي حاجة واخا تكون صغيرة و يمكن تعصبني حيت دغيا غادي نفعل و تقدر تجيني نوبة و نولي كولي نترعد و لا نغيب مني قالتها تفكرت نهار عصبني غالي هو و غيثة و ضربني طرالي هاكة قالت لي تاني نتفادى نتجرح واخا غير جرح صغير على مستوى الرجلين و خاصة فالاصابع حيت مكاتبغيش الجرحة تسد وتقدر تعفن و يقطعو متلا رجلي الله يستر خرجت نوعا ما محبطة حياتي اتولي صعيبة من دابا مشينا شرينا الأنسولين و مشينا للدار و مني بغيت نضربها لراسي واااالو ماقديتش جا خداها لي غالي من يدي و هبط فمو ل فمي و نسسسسسيت راسي تا حسيت بواحد الوخزة فدراعي بعدت لقيت غالي ضربها لي و جبد القطن و الكحول و مسح لي
ديك القطرة د الدم لي خرجات من دراعي
غالي : انا لي انولي نضربها ليك هاكا
عنقتو : بلا بيك اش ندير ؟
غالي : انا لي اش ندير بلا بيك ؟
أنا : ناري اتولف لي هاادي و تزاد تاهي فالحساب نهار متكونش منقدرش نضربها هههه
غالي : مغنخليك تا نهار بوحدك
أنا : و مني اتبدا الخدمة ؟
غالي : هههه انفيقك معايا ضربيها و فطري و رجعي نعسي
أنا : هههههههههههه صااافي
ماما هضرات مع الخدامات و على النظام د الأكل لي ايوليو يحطو ليا دوزت ربعيام ديك المااااكلة شحااااال باسلة ااااااوف مافيها تا ماذاق ديك الخضرة نيااااع طلعات لي فراسي قلت ل غالي انا لابقيت هاكا غادي نولي سفود ساعا ندمني بدا ينكر عليا و غير حاضيني كولي هادي متاكليش هادي ااااااوف مرضني و خلاص ماما قالت ليه مكتعرفش هي لي مراقبة لي الماكلة و نهار يعطيوني تاني الحوت باسل و اللحم باسل وااا عباد الله راني مريضة بالسكر ماشي ب لا طونسيو .. غالي باقي ليه غير هاد الويكاند و يرجع للخدمة ولفتو بزااااف معرفت اش ندير تاني ايلا رجع يخدم د تاني ماما مني اترجع بحالها غانقطع حوايجي و نحماق ..