دينا رغد لعند الطبيبة الصراحة عارف هادشي إيجي صعيب على رغد هي كانت كاتاااكل بزاف و عاد الصقاطة قالت لي طبيبة ديالها منبقاش نعصبها و قالت لي بلي ايولي راسها قاصح يعني اتولي تنكر بزاف اتولي تعكس فشي حوايج و تعصب لكن منديش عليها حيت غادي تبرد و ترجع فكلاهما و منتجاوبش معاها ايلا كانت كتغوت هادشي قالتو لي الطبيبة بيني و بينها دازت ربعيام و هي ديك الماكلا محاملاااهاش كاتاكلها غير بزز إ لنا كل مرة كتبغي ضرب الأنسولين كنطعميها من قبلاتي لي كاتطير بهم للسما و عاد كانضربها لها بقات لي يوماين و نرجع للخدمة معرفتش كيفاش انخليها بوحدها و هي مولفاااني بزااااف ليوم بالعشية كنا جالسين ف بيت النعاس هي متكية على الفرشة و انا كنقاد شي وراق هي لي طلبات مني نجلس معاها فالبيت عوض المكتب اكيد مخصرتش ليها خاطرها واحد الساع و هي تنطق
رغد : غااااالي .. توحشتك
أنا (شت فيها بمكر ): حتا انا هههه
رغد : معاك بصاح والله تا توحشتك و بزاااااف
حطيت الوراق لي فيدي و نضت جلست حداها و عنقتها؛ ها أنا حداك تنترات من يدي و جلست فوق مني عيني ف عينيها
أنا : رغد .. مزال كنهضر صدماتني
طارت عليا ببوسة عمرها كانت لها ههه قلبتها انا الفوق و هي التحت نقبل بعضنا بشوق و شهوانية توحشنا بعضياتنا بزاف كاتحل ليا الصداف و شفاهنا لا زالت على وضعية الالتساق شي عشرة الدقايق و حنا هكاك كانسمعو خطوات كتقرب و ماقادرينش نبعدو الصوت غادي و يقرب كانسمعو البوانيي كاتحل و هي دفعني طحت ناعس على الفرشة كانلهثو انا وياها كانت مرات عمي وقفات كاتشوف فينا
إحسان : ملكم؟
رغد (كتلهت ): ها. . أوف لا .. لا والو ا ماما
إحسان (علات حجبها ):غالي مالك تا نتا ياكما مريض؟
أنا : لاا. . لا لا مامريضش
إحسان (ابتسمت ): اممم ايوا تكايس لي على بنتي ههه هبطو ديرو كاسكروط
أنا : صافي ها حنا جايين (خرجات شت ف رغد و تفركعنا بالضحك ) هههههههههه
رغد : ههههههههه كنا انحصلو
أنا : كاديري لي هاكا واش باغا تحمقيني ؟
رغد (جات فوق مني تاني ): والله ا حبيبي غير حيت توحشتك هههههه هزيت يدها و بستهوم و شت فيهم و عاد لاحظت انها معندهاش الخاتم و أنها مخرجاتش بحالها بحال كاع البنات معطيتهاش صداقها لا عرس لا والو ...
هبطنا كلينا بقات هي مع مها و انا مدهي مع واحد القضية فكرت غدا ندير حفلة ل رغد واخا غير بيناتنا خليتها تا كانت بوحدها و هضرت مع مرات عمي باش تقول ل عمي يجي منها نيت تصالح هي وياه و يجي تا خوها واخا مكانحملوش و رؤية ايلا بغات تا هي تصالح معاها و عاد نعيط ل غيثة و واليديا و صاحبتها سكينة اتصلت بمحل د الفساتين دومونديت على واحد الفستان و سيفطت لهم مع واحد من رجال لي خدامين عندي على ود القياس. . الماكلة و داكشي مكاينش فيها المشكل كاينين الخدامات الخاتم انشريه لها غدا مهم عندي هو متحسش بالنقص تعشينا بليل دوزنا ليلة حمراء حتى عيات رغد و نعسنا
_____
فقت متعبة من ليلة الأمس دخلت دوشت و خرجنا فطرنا مجموعين قاليا غالي عندو شي شغل يقضيه و يرجع بقيت انا و ماما واحد اللحظة قالت لي
ماما: كتهلاي ف راجلك؟
أنا: ماعرفت انا لي كان عرف هو كنبغيه و عايشين مزيان ههه
ماما: سمعي ا بنتي هانتي الراجل كايبغي المرا تكون مهلية فراسها و مهلية فيه تا هو واخا كاينين دابا الخدمات راه خصك مرة مرة نتي توجدي ليه و تحسسيه انكي مهتمة بيه
أنا : على هو كايخليني لي كانوي نديرها كايقولي علاش كاينين الخدمات
ماما : امم .. ايوا يلاه نوضي معايا نمشيو ل شي صالون
أنا : لاش ؟
ماما : كون تسمع الهضرة و نوض
مشيت معاها و بدينا نتساراو فللول بدات تشري لي لي شوميز دو نوي أنا حشمت والله و هي كاتقولي راه هادشي عااادي من بعد مشينا للصالون دارو لي لاسيغ و قادوني دارو لي مايك آب زوين و مني كنا خارجين لقيت غالي واقف حدا اللوطو ديالو ابتسم لي وصلت عندو و نزل باس حنكي و طلعت انا و ماما وهو كل ساعة ايهز يدي و يبوسها و انا كنحشم .. قدام ماما و تا هي غير تفرنس دخلنا للفيلا من الباب اللوراني و سولتو علاش
علاش قالي راه الباب لاخور خاسر دخلنا للدار و طلعات معايا ماما للبيت و انا نلقا فستان ابيض زويييين عيني غرغرو
ماما : تبكي نوريييك اتخصري المكياااج
أنا : هههه صااافي هانا لبساتو ليا و خرجنا وصلت للدروج و هو يخرج بابا بقيت مصدومة جا باس لي راسي قالي : سمحيلي بزاف ا بنتي كنتمنى تنساي داكشي لي طرا ديك المرا عافاك شت ف ماما لقيتها كاتوسل لي بعينيها تاني منكونش بنت الحرام ولا نولي مسخوطا عنقتو بجهد و مسح لي على شعري و هي تطلق اغنية د برونو مارس I think I wanna marry you بابا كروشا يدي و تمينا هابطين فالدروج كاتبان لي خالتي زينب و عمي كمال بابا براسو تصدم و عاد بان لي حبيبي كان كيبان جنتلماااااان جا زويييييين شتو ابتسمت لا اراديا هبطت بابا عطاني ل غالي باس يدي و كروشاها و خرجنا للجردة كانت رؤية و خويا رضى غيثة و سكينة صاحبتي و واحد كان واقف حدا رضى يمكن صاحبو كان زوين مفورمي و طويل عندو لحية كحلة خفيفة و وحدا تا هي كانت حدا رضى من الجهة لاخرا معرفتهاش شكون هي و عاد ماما و بابا لي كانو مورايا و خالتي زينب و عمي كمال دخلني غالي فرقصة رومانسية و همس لي ف ودني "جيتي زوينة " ابتسمت و رضيت عليه بنفس الطريقة "علاش كنت خايبة؟ " قالي : هههه بالعكس غير طاح عليك السر
أنت تقرأ
اسيرة عيونك ( قصة بالدارجة المغربية )| مكتملة .
Romanceقصة مغربية بالدارجة من تأليف : يسرى . مقدمة : قطرات مطر على نافذتي، احتسي فنجان قهوة.. و تعود بي الذاكره للماضي .. ألم فضييع بقلبي وعقلي ..و تفتح جراح و عودة للصراع ...ذاكرة أتلفت و عادت بجمرة و بغصة. .أكان حلم هذا ؟ عودي للماضي و صارعي. ..اتيني بف...