حياتي مرتبطة بخدمتي آخر حاجة نفكر فيها هي اني نربط راسي بشي واحد و خاصة اني كنكره الجنس اللطيف كايعجبني فقط نعذبهوم و نتلذذ ف التعذيب ديالهم .. هاكا غادا حياتي حتا للنهار لي عرفت راسي فيه اني مزوج هادي خمس سنين الوالد قالي راه بلي هادي خمس سنين باش جا يفرق لينا الورث ببني و بين ختي دخل لي ديك الورقة بلاما نحس و مضيت عليها صعرت فعللللا قالي راها كتكون مع حاتم بن جلون العدو اللدود د عائلتنا وقالي انه خصني نحمي ها منو بما انها مراتي مشيت جبدت معلومات على ديك البنت حيت كلشي ساهل نظرا لخدمتي .. عرفت عليها كلشي .. تفكرت مني تسرقو شي وثائق ل بابا من الشركة .. انا مكندخلش ليه ف هادشي و كنت على شوية غادي نسمح فهاديك كاع واخا عارفو دايرها طريق باش يوصل لينا حيت فدوك الوثائق ايكون كان داك لاكت د زواجي بديك البنت لكن مني شفتها مقدرتش .. انا بصح مكانكن ليها تا شي مشاعر ولكن ما بغييييتش نخليها بين يديه زيادتا على واحد القضية .. بقيت ديما حاضيها بعد المرات كانت كترد البال و لكن ماشي انا دايما لي كنت كانتبعها كنت داير رجال مكلفين بهادشي .. تماك لقيت الشخص الوحيد لي يقدر يجيب لي الأخبار عليها هي ختي بما انهم نفس المستوى الدراسي بزوج باك نقلنا ختي .. و بسرعة تصاحبات معاها كانت كاتحاول تنبها لكن هي وقعت في شباك حاتم كانت قالت لي غيثة أن مها ميتا بحث فالامر لكن مكان لا شهادة وفاة لا والو عاودات حكات لي ختي داكشي لي قالت ليها رغد و انا نمشي مقصد لعندها فعلا السيدة مزالا عايشة و قلت ليها أنها تمنع دلك الزواج لي اصلا كان مزيف حيت ميمكنش هي مزوجة ايلا طلبو ليه دوك الوثائق طلب الزواج ايترفض يعني هو كان كاري العدول باش يكون زواج مزور و هي كانت أظن راسها مراتو على سنة الله ورسوله لكن كي يوصل ل مبتغاه ايلاوحها .. هنا تدخلت و تمنع داكشي و جبتها لداري انا داير الكاميرات فالفيلا كاملة ايلا فالبيوت اكيد عندي دار غير فالمدينة هي كانكون فيها بحكم العمل ديالي .. بعد المرات كنجبد الكاميرا نشوفها شكادير كاتبان لي كاتبركم بوحدها و تعاير فيا و تنعتني بالشارف كضحكني تصرفتها بحال شي طفلة عندها 7 ماشي بنت عندها 19 ههه بصح انا انقد نجيها شارف حيت عمري 34 سنة هههه لكن النهار لي سالات معايا هو باش تجبدات فالارض هههه لا هنا عرفتها مزال عقلها صغير .. باش بغات تهرب غير بالصدفة شت ف التسجيلات تا كاتبان لي البرهوشة كتسلت باغا تهرب محسيتش ايلا و انا خارج غادي لهيه باش نتبعها لحسن الحظ بان ليا هاداك لي كان جابد عليها الموس حسيت بحالا كايقيص لي الممتلاكات ديالي مبغيتوش يقرب لها ..
تماك نطقات ديك لي كانت معاها باش نساعدها قلت انا نمشي معاها فالخط باش نشوف فين نوصل معاها هههه صدقات محترفة فالكذوب اياياي بابا مريض .. ههههه سايرتها و باش كانت هابطة عند داك حاتم بان ليا هو ف الطوموببل كايتمعشق مع راسو ههه اكيد الليلة مغاديش يكملها ف السيارة ايطلع للبيت تماك سولتها واش نتسناها و قلت لها انبقا نص ساعة حيت عرفتها ماغاديش تكمل تا ربعها ههه و هي تم راجعا كاتبكي .. ممنعتهاش بغيتها تعرف داك لي سلماتو قلبها اش كيسوا و اليوم فاجئتها آخر حاجة كانت أظن هي انا هو غالي هههه فعلا لداخل ديالي مت عليها بالضحك ههههه و هي كاتحاول تبين أن كلشي عادي عيط لي الوليد قالي الحاجة لي مصدماتنيش حيت كانت باينة غير بابا تأكد منها .. و قالي راه ختك غيثة جاية باش تقولها لها مابغيتش قوة الصدمات يكترو عليها يكفي أنها تصدمات فواحد كاتبغيه و زواجها بيا و مها لي صدقات حية و عاد اتكمل مني عرفات غيثة ختي، تقدر طرا لها شي حاجة ايلا زادت عليها داكشي لي قال بابا اللهم انخلي تا للوقت المناسب و نقولها لها مني جات غيثة حاولت نمنعها و قدام رغد الشي لي عصبها وانا بصح ضريف لأقصى درجة لكن عدويا شي حد يهز عليا صوتو ولا أي تصرف مشابه ليه كلشي عارفني و ضارب لي حساب يدي كاتصبقني بذون سابق إنذار صرفقتها و جريتها من شعرها واخا مقصحتش معاها راه بحالا هريتها لكن هنا معرفتش اش وقع ليها بدات تغوت و ترعد ولات حمرا خفت لا يطرطق لها شي عرق و تموت هزيتها و هي كاتغوت و تضرب ظنا أنها كتدافع على راسها و هي بالنسبة ليا مكادير لي والو دخلتها للبيت و خرجت اتصلت بالطبيب مني جا هههه فعلا تفاجأت من ردة فعلها ومن الجرأة ديالها هزات اللامب و لاحتها عليه عصباتني غير جاتني فديك الحالة أما كون درت فيها شي عاهة من بعد خرجت عند غيثة
أنا : ديما كايطرا لها هاكا ايلا تعصبات ؟
غيثة : لا اخويا عمر طرات لها هاكا اول مرة فحياااتي نشوفها فهاد الحالة
انا: اممم .. المهم أ غيثة سمعيني مزيان قولي لها لي بغيتي ايلا داكشي لي قالك بابا
غيثة : ولكن علاااش
أنا : تقدر طرا لها شي حاجة غير حتى يدوز الوقت و صافي
غيثة : أوف صافي لي بغيتي
مننكرش ولا شغلي الشاغل هو رغد من نهار جيت شتها و هي ناعسة و هزيتها حسيت بشي حاجة انا قلبي مات هادي 5 سنين من نهار غدراتني البنت لي بغيتها كلشي ولا عندي كيف كيف .. لكن علاش هي لي ضراتني فراسي.. علاش !
فقت تال للغد ليه مع شي جوج .. خرجت من البيت و مشيت كنضور على البيوت بديت بد سيدهم الغالي دخلت لبيتو كان السهات فيه مابانش ليا بديت نشوف فبيتو بانو لي حوايجو محطوطين ما منعتش راسي أنني نقرب نشم ريحتو غير حيت زوينة متفهمونيش غلط واحد الساع و انا نقفز
غالي : شكاديري ؟
أنا : هئئئ بسم الله الرحمن الرحيم
غالي (باستهزاء ): شفتي شي جن ؟
أنا : أ .. آه .. لا لا مشفتش
غالي : هه كالما ماغاديش ناكلك
كان لابس بينوار يلاه خارج من الدوش شعرو كيقطر كان كيوت بدا كايقرب ليا شويا بشويا و انا نوقف و هو يجرني لعندو احاي مالو هادا علاش ناوي بدا يهبط راسو انا غمضت عيني كنتسنا شي بوسة بقيت ساداهم و شوية حليتهم لقيتو واقف و كيضحااااك ناااااري متخيلوش الإحساس ديالي مكرهتش الأرض تنشق و تبلعني خرجت كنجري و سديت لباب و بقيت متكية عليه كنقيص قلبي كايضرب ف المية تا خرجات لي غيثة فوجهي
غيثة : رغد. . ؟ اش كاديري هنا
أنا : أ. . لا والو .. ها ونتي مالك اصلا بعدي مني زولي من وجهي
غيثة : رغد عفاك خليني انا انعاود لك كلشي
انا (بقيت ساكتة كنفكر .. اكيد خاصني نرضي فضولي ): واخا تبعيني لبيتي
مشيت للبيت دخلت وهي تبعاتني و سدات الباب
أنا : يلاه انا كنسمعك
غيثة : انا بابا و خويا هوما لي رغمو عليا نجي نقرا ف ديك المدرسة على ودك .. حيت حاتم كان عرف بزواجك ب خويا معرفناش بالضبط شناهي الخطة ديالو لكن نتي كنتي وسيلة باش يوصل لينا انا كنت بعيدة على هادشي مكنتش كنعرف مشاكل الشركة حيت بعيدة عليها كل البعد و هنا هوما فهموني انه حاتم ايستغلك و انا خصني نحميك انا ماجيت ب تا هدف ا رغد والله هاداك حاتم كان داير ليك فخ و داك الزواج كان باطل و مزور اصلا انا حاولت نحل لك عينيك بطريقة غير مباشرة لكن نتي كنتي كتبغيه سمحلي بزاااف والله مكانت نيتي فيها شي حاجة اعتبرتك ختي والله (بدات كتبكي )
أنا (عنقتها): صافي ا ختي صافي متبكيش دموعك غاليين عليا
غيثة : اهئ اهئ واش سمحتيلي ا ختي ؟
انا: اه المسامح كريم اختي ايلا ربي كيسمح شكون انا ايلا كاعما غادي نسامح
غيثة : ههههه شكرا بزاف .. اصلا شكون بحالك مزوجة بخويا لبنات كايتهاتفو عليه
أنا : ايوا يشويني فيكم نتي وياه. . خوك باسل اختي
غيثة : والله تا ضريف و انا نوريك كيفاش تكسبيه
انا : همم..
أنا : نكسبو .. همم بصح
غيثة : ياس بايبي
انا : ها .. سيري سيري شتيني معشوقة فيه
غيثة : هااااااا حصلتيييي ا العفريتة
أنا : راه هو مسكين لي خصو يشوف كيفاش يكسبني دابا اااااناا و أعوذ بالله من قولة انا نديها فداك خوك
غيثة : ايوا باااااااز الله يعطينا كمارتك خويا فين يبان داك حاتم ديالك
أنا : ايوا اه زوين ولكن افعالو خايبين. . زين لا زين لفعال .. خصني نعاود لك شطرا لي معا خوك هههه دابا كنت باغا نشوف حاتم و عاوناتني واحد السيدة خسرات لها السيارة جاو وحدين باغيين يتعداو علينا عتقنا واحد السيد و وصلني لعند حاتم ساعة تصدمت لقيتو مع هجر كرهتو والله و داك السيد عاود رضني ليوم فالصباح كتاشفت بلي خوك هو هاداك لي وصلني
غيثة : نااااااااري قفرتيها والله لا دوزها لك بالساهل
أنا : ههههه ايوا صافي ماحنيت غا فعرسو انا اصلا انطلب منو الطلاق ما بغيت بو زواج دابا
غيثة : اهاه و مني كنتي اتزوجي بداك الحمار
أنا : كلشي تبدل تبدل اختي بغيت غير نقرا
غيثة : ختي .. ضبري مخك معاه ايلا نتي راسك قاصح خويا راسو حجرة
انا (بقيت ساهية ): همم
غيثة : واش كايعجبك غالي ؟
أنا (و ماواعياش ): و بزززاااااااف (تنهدت )
غيثة : شتييييييي شقلت لك
أنا (عاد تواعيت ): أ مالك خلعتيني خرجتيني من السهية ديالي
غيثة : واش ماوعيتيش اش قلتي ؟
أنا : اش قلت ..؟ ماقلت والو !
غيثة : سولتك واش كيعجبك غالي قلتي لي بزااااف و تنهدتي
أنا : احااااااا !!! انااااا 😱
غيثة : ههههههههه والله عادي كري كري ا صاحبتي والله منقولو شي لعبة
أنا : تلاحي من البسالة (غادا دافعاها )
غيثة : و ااااا ... تسناي نبوسك راني غادا بحالي
أنا : راني مبيوسة من شحال هادي سيري فحالك
تلاحت عليا المصيبة تبوس و تعنق عاد خرجات و هبطت معاها للتحت و ودعاتها وليت كندير بحالا هادي داري هههه واخا را داري ههههه مشيت لديك الكرسي لي كايطيش و بديت نطيش و نلعب برجلي و كنفكر و هو الصارحة هاد غالي بوكوص لكن شرير معنديش معاه اححح على العوينات تايشبهو لديالي شي شوية غير هو عندو فاتحين و مايلين الزروقة و انا عندي مايلين لخضر .. و ديك اللحية عندو كثيييفة. . رغد نعلي الشيطان ..
سست راسي من هاد الافكار و توجهت للكوزينة حليت الثلاجة و هزيت واحد آيس كريم د نوكا كنت مشهياه و رجعت لبلاصتي و ناكل و نتبنن تا بعت معايا صاحب دعوتي
غالي : مم .. عندي اوطيل هنا ؟؛
أنا : أ. . لا ها .. وشنو بغيتيني ندير ؟
غالي (ضحكة جانبية ): اش بان لك نديك تا ني عند حبيب القلب
انا (وقفت ): علاش كتقلب ؟
غالي (شد فكي مزير عليه ): مغاديش ندوز لك ديك المشية بالساهل. . فهمتي
انا (تنترت) : وااااش باغيين تحمقوني .. نزلتو عليا كي الردم ها نتي مزوجة وشنوونهار نهار زواجي ب وحداخور
غالي : ههه داك الزواج د الحرام بغيتي تقصدي ؟
أنا : هههههه على أساس زواجنا حلال انا وياك .. سمع ا سي غادي طلقني فهمتي حيت اصلا هاد الزواج كان بلا الرضى ديالي يعني زواج باطل
غالي : ههه واخا طيري و تنزلي غادي نبقا مزوج بيك بغيتي و لا كرهتي
مشا و خلاني انا معصبة و نيت كنطير و نزل .. بقيت هاكاك تا تهدنت شوية و طلعت لبيتي نجلس مكاين ما يدار تا عيطو ليا للعشا هبطت انا اللولة هههه ايوا لماكلة هادي كانت الطبلة طويلة و الكرسي الوسطاني باينة د غالي و جوج حداه دايرين فيهم الطباسل قلت يمكن اتجي غيثة و لا شي حاجة هاكا ..مشيت شديت الكرسي لي فالجنب ديالو و جلست مني بداو يحطو جات واحد الحقيرة و قالت ليا : لالة هاديك ماشي بلاصتك
انا : سمحي لي .. كتهضري معايا ؟
هي : اه ا لالة عافاك جلسي فالكرسي لي حداك
أنا : مكتوبة هنا سميت شي حد .. سيري الله يجيب لك معامن
هي : لا لة .. (قاطعها صوت غالي )
غالي : مالنا نتي ؟اش واقع
هي : سيدي انا غير كنت كانقولها تنوض من ديك البلاصة حيت ماشي ديالها
غالي : صافي غير سيري
هي : ولكن ا سيدي. .
غالي : وااااش ماسمعتيش اش قلت سيري ديها فشغلك تجلس فينما بغات من اليوم تا حد مايبقا يحاسبها كلمتها قد كلمتي مفهوم ؟
هي (حادرة راسها): واخا أسيدي
واو حسيتو خدا لي حقي منها طلع لي درابو هههه جلس بلا مايقول والو و هي تم داخلا واحد العاصفة ..
و هي تم داخلا واحد العاصفة
البنت : cheeeeeeeeri توحشتك
جات باستو ففمو نيشان انا بقيت نبلق ف هاد العينين ديالي هو اكتفى بابتسامة كانت طويلة عليا طايتها منحوتة أنا لي كنت نقول على راسي الطاي ديالي زوينة وليت نبان حداها لا علاقة
بدات تشوف فيا و فيه و هي تقولي .. أمم حبيبة عافاك هادي بلاصتي
أنا (بصدمة مصطنعة ): اوه بصح .. اش سميتك بعدا؟
هي (ببلادة ): بسمة علاش ؟
انا (وقفت ودرت راسي كنقلب على شي حاجة فالكرسي ) اوه حبيبة سمحيلي ملقيتش سميتك شوفي الكرسي لي حدايا يلا ماكان د حد جلسي فيه
بسمة (حسيت بيها تجننااااااااات ): غال..
غالي : بسمة .. تفضلي جلسي
بديت نشوف فيه كيهضر بواحد الرسمية فشكل و شت فيها وضحكت ضحكة د الأشرار هههه انا عارفا راسي طوب د السم لا بغات السم انا مولاتو و ندير لها ماكتر ايلا جبداتني لكن الصراحة جاتني الغيرة حيت باستو تحطات الماكلة بدينا ناكلو و انا و فيا قاعدة كانبقا نلعب برجلي و انا نقيصو المرة اللولة و التانية ولكن والله ماكنت كانديرها بلعاني مرة الثالتة تعصب حط الفورشيط و الموس
غالي (بعصبية ): رغااااد
احححح اول مرة تعجبني سميتي
انا (ببراءة )::نعام !
بقا يشوف و مالقى مايقول ورجع ياكل واحد الساعة قالي عقلي غني و بديت نزغنن بشوية صوت ممسموعش بزاف
غالي : مغاتهنيش الوقت؟
أنا : وااا مالي اش درت (دليت وجهي)
غالي : وقت الماكلة ماكانغنيوش
انا (بابتسامة بريئة ): صافي واخا
ناض من بعد وهي تهضر معايا ديك بسمة
بسمة : حبيبة ننصحك لوجه الله بلا متعذبي راسك معاه و تقولي ايولي ديالي .. حيت هو ديالي أنا و كايبغيني انا
انا (تلفت لها بثقة ): سمحلي لكن شكون نتي؟
بسمة (حسيت بيها تقمعات ): انا حبيبتو
انا : هانتي قلتيها لكن صححي المصطلح نتي عشيقتو*
بسمة : مهم كايبغيني
أنا : مكايهمش. . الحمد لله ياك انا مراتو واخا بيناتنا خلافات كانبقا مراتو و تا ايلا طلقت بشرفي الحمد لله مدرت تا حاجة حرام كييتك نتي لي غير يسالي منك يلوحك و شو شكون يهزك ديك الساعة دازو 100 قبل منك ا الزين و حسن ليك مادورييييش بساحتي .. واخا نبان لك برهوشة حااااق مولانا تا ندم ختي على نهار تزادت فيه
بقات حالة فمها نضت أنا نغسل يدي و مني راجعا كاتبان لي غادا و هو موراها ساكتين مكايهضروش بقيت طالعا موراهم محسوش بيا هو حل داك البيت لي ضرني فراسي و دخلو ايوا نتوما تعرفو حالتي ديك الساع معا راكم عافيني فضووولية .. مشيت نتصنت و ..
ولكن للاسف مسمعت حتى حاجة دخلت ل بيتي و خليت لباب محلول باش نشوفهوم ايلا دازو عيطت لسكينة بقيت نعاود ليها بدات توريني كيفاش نتصرف و لي كايعجبني فيها هي أنها كتصنت ليا مهم بقيت حاضية معاه تا بانت لي هي خارجة لابسة غير بينوار احااااااي .. و هو خرج موراها بحوايجو كي دخل غير داز هو انا تكعدت من بلاصتي و هو يرجع طل عليا
غالي : نقصي من الفضول شوية (غمزة )
تفففففو عاق بيا يخ محملتوووش لحقير لاخور 😒😒 هي دوزات ديك الليلة تماك لاغد ليه مشات وأنا يوماين كانت باقا ليا كان خصني نرجع نقرى و كان خصني نهضر معاه حيت كاع كتوباتي و داكشي بقا ف الدار لي شاري لي حاتم .. ف العشية تشجعت خصني نهضر معاه و قلت نهضر بآداب على ود مصلاحتي .. مشيت دقيت الباب و انا نسمعو كيقول تفضلي. . دخلت و بقيت واقفة
غالي : يلا .. دخلي شكاتسناي
أنا : امم ..
غالي : شكاين ؟
أنا : غدا اتبدا لقراية خصني نجيب كتوباتي
غالي : سيري لبيتك حسن لك
أنا : عافاك مبغيتش نتناكر انا وياك. . الله يسهل عليك خصني كتوباتي حيت انا قارية
غالي : بغيتيني نكون معاك صريح ياك ؟
أنا : آه ..
غالي : ايوا نجيك من اللخر لقارية نسايها
انا : أ ؟
غالي (كيلعب بالستيلو فيديه و كيهضر و هو غير مبالي ) : كيما سمعتي
أنا : تزوجتيني و انا معارفاش دوزتها ، تحبسني هاد الأيام هاااانية ولكن باش تحبسني من القراية لا لا لا مستحيل
غالي : ساليتي ؟
أنا : علاش نتا غير قابل للنقاش عمري عقلت على راسي طولت معاك الهضرة
غالي : هه انا لا جيت نتناقش معاك انفوت فيك شي دقة تفقدي فيها الذاكرة لذالك كانتفادا الهضرة معاك حيت كاتعصبني
أنا : نتا قريتي و شو فين وصلتي تبارك الله و انا باغي تحرمها عليا
غالي : كلشي عندك .. لذالك نسايها عليك
انا : و مالي منقرا منخدم ما والو غدا ولا بعدو كلا ايشد طريقو
غالي (وقف عاطيني بظهر ): لا تاواحد مغايشد طريقو طريقنا واحد
أنا : مكاتبغيني ما كانبغيك نتفارقو حسن
غالي (وهو خارج ) : شكون قالك مكاتبغيني ماكانبغيك؟
انا (مصدومة ): كيفاش ..
غالي (واقف حدا الباب ) : فهميها كيما بغيتي هاد الموضوع د القراية تسد .. تفضلي
خرجت بدون وعي من عندو مافهمتش كيفاش زعما يكون كيبغيني ؟ تت مايمكنش 😳😳😳
أنت تقرأ
اسيرة عيونك ( قصة بالدارجة المغربية )| مكتملة .
Romanceقصة مغربية بالدارجة من تأليف : يسرى . مقدمة : قطرات مطر على نافذتي، احتسي فنجان قهوة.. و تعود بي الذاكره للماضي .. ألم فضييع بقلبي وعقلي ..و تفتح جراح و عودة للصراع ...ذاكرة أتلفت و عادت بجمرة و بغصة. .أكان حلم هذا ؟ عودي للماضي و صارعي. ..اتيني بف...
