حليت باش ناخد الماكلة كيبان ليا سعد و معاه زوج رجال .. سعد كان كيشوف ف واحد التيليفون و كيضور وجهو .. قبل كايشوف ف جيهتي سديت الباب و مشيت كنجري .. هابطا ب البنوار ديالي ..و حفيانة .. شعري فازك. . شافوني و تبعوني غرفتي كانت الفوق هبطت كنجري ف الدروج و هوما تابعني و هو يبان لي المصعد يالاه خرج منو واحد و أما ندخل و بركت على الطابق الأرضي .. اكيد غادي يسبقوني .. مفكرتش فيها .. و انا مزال كنفكر و شي حد حبس المصعد و انا نخرج .. هوما ايحسابلهم راني مزال هابطة لتحت .. مشيت كانجري دخلت بين الأجنحة .. تخبيت .. و بقيت كنطل .. كنلهث و نشوف شكون تابعني .. حتى كانحس ب شي حد سد لي فمي .. دورت وجهي و انا نشهق .. صافي قفرتها ..
هو : ششش ... (حيد يدو على فمي )
أنا : please .. help me .. اهئ اهئ اهئ
هو : شش .. hold on .. (بشوية )
أنا : they will kill me .. اهئ اهئ
هو : اوكاي .. متخافيش كاعما اناديك
كان هو .. مول العينين .. جرني لغرفتو و سد الباب ..
انا : امم .. حتى نتا معاهم ياك غادي تعطيني ليهم
هو : شكون هوما ؟ ههه
أنا : العصابة
هو :هههههه شكون قالك انا مع العصابة انا مع البوليس
احاي .. قفرتها صافي ليوم ندخل الحبس
أنا : ادخلني الحبس ؟ ياك اهئ اهئ
هو : على لي كي سرق الألماس فين أنديوه ؟ هه
أنا : امم .. سمعني I swear (كنحلف لك) انا مكنعرف والو هوما كيهددوني يلا مادرتتش هادشي يقتلوني
هو : شكون هوما ؟
أنا : ديك العصابة .. و انا بغيت نخرج لهم على الخطة .. انا كنت باغا ننتاقم من البوص و ندخلو تا انا الحبس
بقا سااااهي فيا مدة ..
أنا : هيييهو .. هضر ..
هو : معاك معاك .. كملي ..
أنا : صافي ساليت
جا حدايا و بدا يقرب انا تكوانسيت تبلوكيت و تبلونطيييت حط يدو على حنكي غمضت عيني و ملت براسي بلا مانحس .. كنستشعر لمساتو لخدي ..
هو : شكون نتي ؟ ..
حليت عيني .. وعينينا مركزين ف بعضياتهم. . بقينا نقربو بلا منحسو. . كأنو ماشي انا لي كانتحكم ف راسي .. قربنا حتى كان على وشك شفايفنا يتحطو على بعضياتهم
فيقني غير دقان مجهد .. كحزت عليه
أنا : هءءءء قفرتها
هو : هيه .. هيه تهدني
انا : صافي هادي اللخرا ليا اهئ اهئ اهئ ايقتلوني هنا
هو : دخلي دخلي الحمام يلاه ..
انا : ولكن ..
هو : صافي هضرنا .. دخلي و سدي عليك
دخلت للحمام و سديت عليا ..
_____
غير حليت .. كاتبان لي سارة خارجة من المصعد .. لابسا بنوار و حفيانة .. و غادة كتجري تا دخلات لواحد البلاصة و بقات غادا و كطل .. حتى سديت لها فمها بيدي .. ماتت ب الخلعة هدنتها .. و دخلتها لعندي .. بقيت كنهضر معاها .. واش حتى صوتها بحالها ميمكنش .. سبحان الله العظيم .. يخلق من الشبه أربعين .. هي كاتهضر و انا ساهي . . حركاتها كلشي كلشي هي .. قربت ليها واحد اللحظة و حطيت يدي على حنكها .. وقلت .. شكون نتي .. كنا اندخلو فقلبة حتى ..
قاطعنا صوت الباب كي تفرع ماشي حتى الدقان قلت ليها تخبا ف الحمام .. مشيت حليت كان سعد و معاه زوج الرجال واحد فيهم تم مدرم. . ايه ايه الله أودي الشريف فين غادي
انا : هيه هيه.. فين داخل ا سيدي خرج
سعد رجعو و هضر : سمح لنا ا سيدي كنقلبو على هاد البنت ماشفتيهاش .. وراني صورتها
أنا : آه .. هادي شتها قبيلة هنا .. يمكن هبطات معرفتش
واحد من هادوك هضر
- خلينا نتأكدو واش كاينة ولا
دفعتو بجهد ؛ ا سيدي انا مراتي معرية لداخل تدخل تشوفها
سعد دفعني و قالي بشوية نضربو و انا نضربو ضربة نيت عطيتو ب بونية للوجه
دفعتهم ب 3 و سديت الباب .. و مشيت كندق على سارة
أنا : سارة .. خرجي صافي مشاو
سارة (حلات الباب ): بصح .. شككككرا بزاف (عنقاتني )
بقيت مصدوم .. عاد بادلتها العناق .. شوية سمعنا الدقان بشوية. . بغات تنوض
أنا : غير جلسي متخافيش ..
دخل سعد
سارة : ناري .. ماما. . صافي اهئ
سعد : سارة .. متخافيش مني .. عرفتك هنا أنا قلت لهم يهبطو لتحت و انا انبقا هنا
سارة : .. باش عرفتو بلاصتي
سعد : أري يدك (شعل الفلاش د الهاتف ديالو خدا يديها و بدا يدوز ) شفتي ..
أنا : اش داكشي دايرين لها
سعد :. . دايرين لك جهاز تتبع يمكن باش كنتي درتي حادثة .. داروه لك
سارة : ااااه .. ايوا .. كي غادي ندير نحيدو
أنا : كيفاش حادثة ؟
سارة : قصة طويلة من بعد و نعاود ها لك
سعد: غالي عافاك جيب شي معقم .. و قطن و جيب موس
سارة (قلباتها دارجة ب هضرتها صدماتني حيت كانت كاتهضر بالإنجليزية ): اهيااااااا تا شمن موس ولا قطن جهلتي
انا كنت غادي تلفت كنشوف فيها مصدوم
أنا : مغربية ؟
سارة : حتى نتا مغربي ؟ ايوا قالو معرفت ههههههه
مشيت جبدت داكشي
سعد : هانتا جبد لها نتا داك الجهاز من يديها انا انهبط و ندير راسي كانقلب عليها انقولها يمكن ف الطابق التحتاني ولا لفوق
أنا : واخا كون هاني
خرج و جبدت داكشي جلست حداها و جريت يدها
سارة : اهئ اهئ حرام عليك
انا : بغيتي يلقاوك انا معنديش الاشكال خليك شغلك هاداك
سارة : امم اوكاي اوكاي .. انا راه شوكة و كنضربها بزز عساك هادي
بديت نطلي لها الكحول و كنهضر فنفس الوقت
أنا : علاش مالك ؟
سارة : حيت أنا ..اييييييي
أنا : .. متخافيش تحملي ..
سارة : اهئ اهئ
حليت لها فين كاين داك جهاز التتبع بالموس .. مكانوش عندنا باش نديرو هادشي جبتها لها .. ومسحت لها يديها ب الكحول تاني من الدم و درت لها الضماضة .. و هي كاتقصح و تأوه .. فكراتني غير ب .. 😒😒 لاوحت هاداك الجهاز كان داير بحال شكل د الكارت ميموار
سارة : شكرا بزاف عمري نسا خيرك
انا (ابتسمت ):لا شكر .. على واجب
_____
مني تخبيت ف الحمام .. سمعت صوتو و هو كيتغاوت معا هادوك .. بقيت تماك حتى قالي خرجي .. خرجت مشعرتش براسي و عنقتو .. بادلني العناق .. شوية و هو يجي سعد كنت مخلوعة فللول ولكن الحمد الله تا هو وقف معايا و خبرني انو زارعين ليا فيدي جهاز تتبع .. غالي .. اااه سميتو غالي هه هو لي حيدها لي ولاوحها شكرتو عمرني ننسا خيرو ..
غالي : كيفاش قلتي ديك القضية د الحادث ..
أنا : آه كنت دايرا حادث و شحال و انا مغيبة يمكن تماك داروها ليا .. أنا معرفتش هاد الناس اش بغاو عندي
غالي : سارة ايلا تعاونتي معانا كنواعدك اني انا لي انوقف بجنبك باش مايتخد فحقك حتى إجراء
أنا : انا راه باغا داك البوص يتشد .. ولكن عمرني شتو مني هضر معايا كان الظلام و مشفتوش فوجهو ..
غالي : و الألماس فين هو ؟
انا : ناري الألماس .. خليتو ف الغرفة ديالي
غالي : يلاه ..
انا : فين .. ؟
غالي : نجيبو الألماس ايبقا عندي حيت ايرجع ل بلاصتو و باش ماتكونش التهمة عليك تابثة
أنا : واخا .. لي بغيتي ..
وقفت و هو يبدا يطلعني من راسي ل رجلي ..
أنا : مالك كتشوف فيا
غالي : شوفي راسك نتي كي خرجتي هه
أنا : نااااري .. السلامة .. راه تلقفت منت يلاه خارجة من الحمام ..
غالي : جلسي نتي .. هنا.. اتصلي خدمة الغرف قلهم يطلعو لك لاكارط ديالك لهنا ..
داكشي لي درت جابوها ليا و عطيتها ليه نعت ليه فين حطيت الألماس .. مشا .. بقيت نتسناه مدة عاد رجع
أنا : لقيته ؟
غالي : حتى شبت. . ناري فين مغجقاهم
انا : هههههههه
بقيت انا وياه كنهضرو واحد الساع قالي واحد الهضرة صدماتني
غالي : فخبارك مراتي كانت كاتشبه لك بزاااااف
أنا : كانت ؟
غالي : اه .. حيت ماتت .. تشوفيها ؟
أنا : ايلا سمحتي
جبد الهاتف ديالو و وراني تصويرة فيها هو و .. أنا. . آه انا ميمكنش .. هادي أنا .. تسرط لي لساني .. ماقدرتش نهضر
غالي : مالك هههه شتي شحال كاتشابهو .. كاين الفرق فلون العينين و الشعر و الخالة لي زايدة أما حتى صوتك و حركاتك كلشي بحالها .. كتشبهي لها بزااااااااف ..
أنا :أ.. أش س..ميتها
غالي : رغد .. سميتها رغد..
بديت نحس ب السخفة .. انا اصلا ماواكلاش السكار بدا يطيح ليا .. و عاد كمل عليا .. هادشي شافني كانفقد الوعي ديالي
غالي : سارة .. هيهو .. سارة مالك جاوبيني
أنا (بصوت ضعيف ): السكار أي..طيح .. ش..شي حاجة حلوة .. عافاك
غالي (حل عينيه فيا ): شششششنو. ..
مجا فين ينوض كنت غيبت ...
أنت تقرأ
اسيرة عيونك ( قصة بالدارجة المغربية )| مكتملة .
Romanceقصة مغربية بالدارجة من تأليف : يسرى . مقدمة : قطرات مطر على نافذتي، احتسي فنجان قهوة.. و تعود بي الذاكره للماضي .. ألم فضييع بقلبي وعقلي ..و تفتح جراح و عودة للصراع ...ذاكرة أتلفت و عادت بجمرة و بغصة. .أكان حلم هذا ؟ عودي للماضي و صارعي. ..اتيني بف...
