عمري كنت نظن أنها كاتكرهني لهاد الدرجة .. الرقم لي تاصل بيها كان هنا من المغرب .. غير قال الو .. عرفتو حاااااتتتممم
حاتم : الو
رؤية : الو شكون معايا ؟
حاتم : معاك حاتم
رؤية : عليييك كانقلب اش ديك الخدمة درتي ا حاتم كيفاش قدرو يشدوك بسبابك ها هي رغد رجعات و دمرات لي كاع داكشي د تلت سنين لي أنا نخطط ليه
حاتم : رؤية بلا متجهليني كن خبرتيني أن غالي غادي مهمة كنت اناخد الحذر
رؤية : انا باش انعرف أ حاتم .. منين كاتهضر نتا ؟
حاتم : من الحبس دخلو ليا هاتف .. سمعيني ا رؤية ايلا ماعطيتينيش الفلوس كانقسم لك أنني غادي ندخلك معايا ف هادشي و غادي نقولهم كاع داكشي لي كاين بلي نتي لي قتارحتي عليا هادشي ههه
رؤية : واياااااك ا حاتم و تديرها انا غادي نرسل ليك الفلوس لي بغيتي ولكن متجبدنييييش انا دابا لحد الآن عندي الورقة الرابحة و لي هي ولد غالي لي حاملة بيه ماتجيش و تدمر لي كاع داكشي لي أنا كانخطط ليه
حاتم : عندك يوماين و ترسلي ليا الفلوس انا انرسل لك اينا حبس انا .
طييييط طيط طيط ..
شداتني الدوخة ماقاداش نتيق كيفاش دارت فيا هاكا علاش ديما أقرب الناس ليا كايطعنوني ف ظهري و يغذروني فلول هاجر دارتها بيا زوج د المرات و دابا ختي اه عرفتها كاتكرهني ولكن ماشي لدرجة تكون هي لي دبرات لي هادشي .. هاد العذاب كامل لي عشتو هي سبابي .. ماقاداش نتيق سديت الحاسوب ديالي و خرجت نقولها ل غالي .. دخلت للمكتب ديالو مالقيتوش هبطت لتحت باش نقلب نقلب عليه مالقيتوش بانت ليا وحدة من الخدم
أنا : ماشفتيش فين هو غالي ؟
هي : عاد خرج دابا شوية ا لالة
انا : اهم شكرا ...
تميت طالعة فالدروج باش ندخل لبيتي نهز تيليفون و نتاصل بيه أنا مزال طالعة و ه تخرج فوجهي رؤية ..
رؤية : اوووه مالك مزروبة
أنا (غمضت عيني ): رؤية زولي من وجهي
رؤية : ههههه واش مزال مغادي تستسلمي ؟ (دارت يديها على كرشها ) فخبارك بلي انا هازة ف كرشي الوريث الشرعي د عائلة العمراني و لا لا هههه ؟
أنا (غوت ): رووووؤية حييييدي من كمارتي
كحزت ليمن كحزات معايا كحزت ليسر كحزات معايا
أنا : روووووؤية حييييدي من وجهي .. راني معصبة اندير فيك شي مصيبة
رؤية : هههه و ايلا ما حيدتش اش فجهدك ماديري ؟
كحزت ليمن و دفعتها باش نطلع .. مع كنا ف الدروج .. تهزات و جات طايحة مدردبة ف الدروج
أنا : لاااااااااا روووووووووووؤيااااااااااا
هبطت كانجري ف الدروج باش نعتقها وصلت لها لقيتها مغيبة و دم هابط منها
انا : اهئ اهئ اهئ لاااا رؤية للا فيقي فيقي شي حد يعتقهااااا اهئ اهئ دخل واحد من الحراس مني سمع غواتي شافها ف ديك الحالة هزها
أنا : اهئ اهئ اهئ عافاك عتقها يدها لشي مشفى
طلعت كانجري عيطت ل غالي
غالي : الو حياتي
أنا : غالي غالي اهئ اهئ عتقنيييي
غالي : رغد مالك هضري .. رغد جاااوبيني واش رؤية اداتك تكلمي متصعرينيش
أنا : اهئ اهئ لا لا رؤية اهئ اهئ
غالي : رغاااااد هضريييي
أنا : انا.. أنا اهئ اهئ رؤية طاحت ف الدروج و غيبات و كان الدم نازل منها
غالي : شنننننننو .. صافي صافي انا جاي .
___
كنت خرجت مشيت للخدمة اتاصلو بيا .. مني كنت راجع اتصلت بيا رغد و خبراتني انو رؤية طاحت من الدروج و نزفات مشيت كنجري باش نوصل دخلت كانقلب على رغد كانت لفوق ف البيت دخلت بجهد لقيتها جالسة كاتبكي
أنا : رغد فين هي رؤية ؟
رغد : اهئ اهئ اهئ راه داها واحد من دوك لي على برا المشفى
أنا : شكون ؟؟؟ اينا واحد فيهم ؟
رغد : معرفتش معرفتش اهئ اهئ داك الصلع طويل
انا : صافي صافي انا خارج
رغد : ديني معاااك اهئ اهئ
أنا : أوف سربي راسك يلاه ..
لبسات دغيا و دارت فولارها وصيت الخدامات على رغدة و مشينا للسيارة اتصلت ب هاداك لي قالت لي رغد قالي داوها ل واحد الكلينيك
أنا : رغد عاودي ليا كيفاش طرا هادشي ؟
رغد : اهئ اهئ اهئ
أنا : رغد هضري بلا متعصبيني من الصباح ونتي تبكي
رغد : اهئ اهئ غ..الي اهئ ياك غادي تيقني ياك اهئ
أنا : علاش لي مانتيقكش ؟ هضري ا رغد
رغد : اهئ دا..با دابا كنت طا..لعة فالدروج ياكا اهئ اهئ هي خرجات ف وجهي بدات كتستفزني بغيت ندوز ماخلاتنيش عصباتني دفعت فيها و زدت .. مع دفعتها زلقات و جات طايحة اهئ اهئ
بالصدمة ضربت الفران و شت فيها
أنا : شششنننننو ؟؟؟
رغد : اهئ اهئ اهئ شتتييييي اهئ عرفتك ماغاتيقنيش
درت يدي فوجهي لمدة كانستوعب هادشي و رغد كاتبكي
رغد : اهئ اهئ اهئ 😭
أنا : رغد راه ماشي ماتيقتكش .. راه ..راه .. اووووففف اش هاد المصيبة
رغد : راه شنو اهئ اهئ
أنا : رؤية غادي تقولهم نتي درتيها بلعااني و بغيتي تقتلي ولدها باش مانطلقكش ..
رغد : غالي أقسم بالله العلي العظيم ماكانكدب عليك اهئ اهئ والله مادرتها بلعااني
أنا : أنا تايق فيك ا رغد .. كانتيق فيك كتر من راسي .. ولكن هوما كاعما ايتيقو أوف ...
ديماريت و اتجهت لكلينيك .. غير وصلت لقيت هاداك كي تسناني ف الباب قالي راه دخلو يعتقوها .. نعت لي فين طلعنا كانجريو .. بقينا مدة و حنا كانتسناو حتا خرج واحد الدكتور ..
رغد : عافاك ا دكتور كي بقات؟؟
الدكتور : واش نتوما من عائلتها؟
رغد : اه اه انا ختها
الدكتور : للأسف .. ماقدرناش نعتقو الجنين و لكن المريضة لاباس عليها ولكن اتعطل باش تفيق و غير تحل عينيها يمكن لكم تشوفوها
اش هاد المصيبة تاني رغد جاتها هستيرية د البكاء و انا شادها
رغد : اهئ اهئ اهئ أنا السباب ا غالي أنا السباب اهئ اهئ اهئ
أنا : شششششش. . رغد .. رغد باراكا عليك راكي مريضة..
اضطريت اني نعلم دار عمي .. و قلتها لدارنا جات ماما .. بقات واقفة معانا تال الليل و حنا كانتسناو رؤية تفيق .. قال لينا الطبيب حتى لغدا عاد ا تفيق رجعنا فحالنا .. و بليل مني جينا نعسو بدات رغد كاتبكي جريتها لعندي
أنا : رغد .. باراكة عليك .. أنا والله تا متيقك غير ماديرش هاد الحالة فراسك الولد مامكتابش ليه يعيش كون ماطراتش هاد الحادثة كانت اتوقع حاحة أخرى قدر الله وماشاء فعل
بقيت كانهدن فيها حتى نعسات ..
فقنا بكري .. فطرنا و مع 9 جات مرات عمي بوحدها قالت لنا انو عمي ماقدرش يجي على ود الخدمة
إحسان : قولو ليا كيفاش طرا تا طاح لها الولد ؟
أنا : امم .. طاحت من الدروج
إحسان : الله على بنيتي مسكينة يعلم الله حالتها انا لي مجربة تخصار .. قبل مانحبل ب رغد خصرت بغا الحماق يترمى عليا
أنا : ايوا ماشي ولاد الدنيا ..
مشينا للمشفى .. وصلنا ل قدام الغرفة دخلات مرات عمي بوحدها بقينا كانتسناوها مدة .. و رغد كاتسنا على اعصابها .. حتى خرجات بوجه ممحي من الملامح قربات لرغد هزات يديها و عطاتها لها بتصرفيقة للوجه مشيت كانجري و كحزت رغد و عنقتها
رغد (شادة حنكها ): ما..ما
إحسان : سكتييييي اااااخر مرة تعيطي ليا ب ماما دييييما كانجي من جيهتك و نكون بجنبك ولكن باش توصل بيك لدرجة تدفعيها بلعااني باش تجهض و متزوجش بغالي هادي لي عمرني نسمح لك عليها ا رغد .. عمرررري
أنا : مرات عمي ماتغلطييش فيها الله يخليك
إحسان : سكت حتى نتا جاتك من الجنة و الناس عجبك الحال
رغد : اهئ اهئ اهئ مامااااااا
إحسان : سالينا . ماتزيديش معايا الهضرة الله يعرضكم السلامة نتي و راجلك من دابا نتي وياه عمرني نعاود نشوف وجهكم خرجو عليا من هنا
رغد : ماما سمعيني اهئ اهئ اهئ
ماداتهاش فهضرتها و دخلات لغرفة د رؤية و سدات الباب .. رغد بقات تبكي تبكي .. عيييييييت مانسكت فيها .. حتى سخفات .. ايكون طاح لها السكار بديت نعيط عليهم باش يدخلوها يعتقوها .. دخلوها و بقيت انا على برا .. غير المصايب و المشاكل. . كاتبقى فيا رغد ماجاها من عند هاد العائلة غير المصايب و المشاكل من نهار دخلات ليها .. أنا عارف دابا غادي تكون تمنات كون عمرها عرفاتنا والا بصح عمرها كانت بنتهم من نهار دخلات ل عائلتنا تصلط عليها حاتم من بعد تصدمات مني عرفاتني انا راجلها و ماكنتش حاملاني فلول .. من بعد عرفات بلي مها حيا و من بعد ماتت و بلي هي غير مربية عرفات راسها مريضة ب السكار. . عمي تا هو يلاه عرفها مكاملاش أسبوع بدا يعايرها عانات ف حملها و كانت غادي تموت .. و خطفوها فقدات الذاكرة و مابقا ما طرا لها .. و دابا مرات عمي ماسمعات حتى الهضرة ديالها باش تحكم دغيا تيقات رؤية .. أنا واخا ماكنتش حاضر ولكن انا عارف رغد مزيان ماتوصلش بيها انا تحاول تدير لها إجهاض بلعكس و اكيد اتكون هي استفزاتها .. بقيت كانتسناهم حتى قالو ليا بلي يمكن لي ندخل عندها .. دخلت لقيتها مازال مغيبة .. بقيت نتسناها حتى تفيق ..
____
عشت شحال من حاجة ولكن عمر شي حاجة فحيااااتي ضراتني فقلبي قد هضرت ماما .. شحال صعيبة الواحد يكون مظلوم .. و الأصعب هي ماماك تقولك عمرك توريني وجهك .. مع العلم انو انا ماعشتش حياتي كاملة معاهم يلاه هادي ربع سنين وانا معاهم .. كانحس بموس مخشي فقلبي ماعطاتني حتى فرصة أني نشرح لها ولا واش تال هاد الدرجة كاتبان ف وجهي اني مامزياناش و خبيثة لدرجة نبغي نقتل طفل بريئ مزال ماجا للدنيا .. مع حليت عيني .. دموعي رجعو يسيلو لا اراديا كلشي إلا ماما .. نفاتني من حياتها بكلمة وحدة عمرني نشوف وجهك .. كانتمنى اني نرجع اللور و عمرني نعرف اني عندي عائلة أخرى فكل مرة كايقهروني فيها فلول كان بابا .. و مع ذلك عمرني حسيت هاد الإحساس .. صحيح انو ماشي مدة طويييلة و انا معاهم ولكن ماما هي أقرب شخص لقلبي .. حسيت بيد شدات فيدي دورت وجهي كان غالي .. شفت فيه ب عينين دامعين و حطيت يدي على حلقي
أنا : كانحس هنا بشي حاجة واحلة لي ا غالي .. و بقلبي بحالا موس مغروس فيه .. ماعطاتنيش فرصة اهئ اهئ اهئ
غالي : ربي كيشوف ا رغد .. و عارف أن شنو كانت نيتك و انا متيقك.. و غادي نكون بجنبك ديما
أنا : كلشي تال ماما ا غالي كلشي .. نتقبلو ايلا ماما تكرهني كانفضل نقتل راسي على نبقا عايشة هاكا ..
غالي : ستغفري الله ا رغد .. و باراكا من الهضرة الخاوية نوضي دابا خصنا نمشيو باش ترتاحي و يكون خير إن شاء الله
نوضني غالي و هزني بين يديه و مشينا بحالنا و انا راكبة معاه ف السيارة .. تفكرت واحد الحاجة
أنا : غالي .. تعقل فلول قبل كاع مانعرف بلي نتا هو لي مزوجة بيه .. باش كنت نيت ف هرهورة
غالي : اه عقلت علاش ؟
أنا : كنتي قلتي ليا بلي كنتي حاضيني حيت داير الكاميرات
غالي : اااااااااااااااااه كيفاش مشات من بالي .. صافي غير نمشيو غادي نقلبو ..
رتاحيت واحد الشوية على الأقل كاينة شي حاجة كاتبت برائتي غير وصلنا طلعنا للبيت غالي جبد الحاسوب ديالو و انا جالسة حداه جبد التسجيلات د البارح قلت ليه الساعة ب الضبط .. و انا نبان طالعة ف الدروج و خرجات لي رؤية .. بقا غالي كيشوف و كيسمع مني قالت هي ديك الوريث الشرعي د عائلة العمراني بدا كيضحك
غالي : هههههه الوريث الشرعي ؟ ههههه من نيتها هادي
فجأة تفكرت علاااااااش طرا هاد الفيلم كااااامل كيفاش نسيييت .. نسيت شنو سمعت مني طرا هادشي
أنا : غالي .. تفكرت واحد الحاجة ولكن اتواعدني ماتدير وااالو حيت الظروف لي فيها ماتسمحش
غالي : شنو .. ؟ هضري خلعتيني
نضت جبدت الحاسوب ديالي و بديت نقلب على دوك الرسائل .. و عطيتو يقرا ..
غالي : ك..كيفاش ..؟ دابا هي لي غيرات النتائج. . رغد ايلا شديتها انقتلها بييييدي
أنا : غالي تهدن .. هادشي دابا لي عطيتك تقرا والو قدام لي اتسمع .. مني قريت و سمعت هادشي هبطت كانقلب عليك مالقيتكش و مني كنت طالعة هي فاش خرجات ف وجهي ..
طلقت ليه مكالمة ديالها مع حاتم .. غالي كايبان لي ضاغط على يديه و ولا حممممرررر وقف بلا مايهضر بقا غادي ماجي قدامي .. حتى كيبان لي هز واحد الطبلة د الزاج وزدحها مع الحيط انا شت هاد المنظر تكمشت فبلاصتي ..
غالي : ايييييييلا مااااندمتش *طيييط**طيييط* مي ماولدات فيا غير الخلا .
أنا : غ.. غالي
غالي : شنوووووو ؟؟؟؟؟
أنا : أ. .أ (معرفت مانقول لقيت حاجة وحدة اتهدنو هي ايلا بكيت اضطريت ندير دموع التماسيح ) اهئ اهئ اهئ علاش كاتغوت عليا
شافني كانبكي جا لعندي
غالي : رغد .. ماتبكيييش .. ماتبكييييش ماشي وقت دموعك ا رغد عارفاني كنضعف قدامهم
أنا : غالي اهئ اهئ ياك كتبغيني ياك اهئ
غالي : اه اه و بزاف
أنا : كنحلفك بحياااااتي ماتدير لها و اااالو عافاك ا غالي
غالي : رغد حسي بيا .. هادشي كامل على قبلك واش ختك من دمك و لحمك دير فيك هادشي مانقدرش ا رغد مانقدرش
أنا : غالي اهئ اهئ حلفتك بحيااااااتي
غالي (من بعد صمت ): حلفتيني ب الغالي .. ولكن مغاديش ندوزها لها هاكا بسهولة
عنقتو شحااااال حتى حسيت بيه بدا يطفى .. و أنا مزال معنقاه سمعت تيليفون ديالي صونا شت شكون كان بابا
غالي : شكون ؟
أنا : بابا ..
غالي : أري انا نجاوبو ..
غالي : الو .. اهم اهم. . ساليتي .. ساليتي ؟ .. ماغاديش تخليني نهضر .. اهاه واخا .. أجيو كلكم عندي بالعشية .. أنا كانتسناكم .
قطع ..
أنا : اش قالك ..
غالي : ماديريش ف بالك ماقال تا حاجة مهمة
أنا : تا هو قال نفس داكشي لي قالت ماما
غالي (جلس حدايا و شد وجهي بين يدو ): رغد .. سمعيني هوما لي خاسرين مني غادي يشوفو التسجيل و يسمعوها هي و حاتم ديك الساع هوما لي غادي يطلبو السماحة
أنا : علاش أنا ماعندي زهر ا غالي علاش اهئ اهئ
غالي (حاول يضحكني): امم شكون لي كذب عليك على لي عندو انا ماعندو زهر ههه
أنا : ههههه الله يخليك ليا يا ربي
غالي : و يحفظك ليا يا ربي
قبل جبيني قبلة طويلة و ضمني ليه .. حتى داني النعاس .. و نعست ..
فقت غير على خصلات رغدة كايدوزو على وجهي
رغدة : ماااااماتي وايك آب
أنا : همممم شنو بغات مني هاد القطة مكاتخلينيش نعس همم اشنو ندير فيها
نضت كانهرها مع هي مهرارة هههههه
رغدة : هههههههههه ما..ههههه ماااا نوووو ههههههههههه
أنا : يلاه نوضي باراكا عليك
رغدة : هههههه مامي ميمة و papi زااااو
أنا : شكون فيهم إحسان ولا زينب ؟
رغدة : ميمة إحسان
هزيت رغدة و هبطت بان ليا غالي جالس معاهم .. كيتناقشو حتى وقفت
ماما شافت فيا بنظرات بااااردة و دورات وجها .. ضرني قلبي عاوتاني .. بابا يلاه بغا يهضر و هي تحط ماما يديها عليه
ماما : أحمد ماتحرقش اعصابك معاها
نزلت رغدة و مشيت لعندهم
أنا : دابا نتوما تبريتو مني ؟
ماما : حسبيها كيما بغيتي
انا : متأكدين نتوما واليديا الحقيقين ؟ ههه واش متأكدين الصراحة درنا غلط أننا مادرناش تحليل ل ADN كانظن أنكم غير غطتو
ماما : بصاح يمكن درنا غلط ملي مادرناهش حيت انا بنتي مستحيل تدير هادشي لختها
هضرتها نزلات عليا كيف السم .. هبطو دموعي ديك الساع. .
انا : اها ؟ .. واخا (ابتسمت ) كانقسم ليكم بلي خلقني وخلقكم حتى غادي تندمو على أي كلمة قلتوها ف حقي .. أنا حاشة واش ندعي فيكم انا ماشي مسخوطة ولكن ربي كيشووووف و نتوما ظالميني و قهرتوني و انا اصلا مريضة
بقاو ساكتين ماجاوبونيش
أنا : غالي عافاك هبط الحاسوب ديالك و ديالي
غالي طلع باش يجيبهم و انا جلست
ماما : مكاينة تا حاحة كاتبرر فعلكت بلا ماتحاولي
أنا : هاديك ماشي فعلتي يعني ماغاديش نبررها نتوما ماخاسرين والو غير شوفو و سمعو و حكمو و متنساوش أنا مرييييضة ة مكانتحكمش ف اعصابي ..
هبط غالي .. دار لهم الشريط لي مسجل بداو كي تفرجو شافو كيفاش أن رؤية هي لي خرجات ف وجهي و ماخلاتنيش نطلع وانا غير بغيت ندوز و هي زلقات و شافو كيفاش تخلعت و غوت و تبعتها باش نعتقها
ماما عضات على شفايفها و شافت ف بابا ..
#
ماما عضات على شفايفها و شافت ف بابا ..
أنا : دابا أنا لي مامزياناش ياك !
غالي : مزال تسمعو دابا و تشوفو لي يصدمكم
عطيناهم قراو الرسائل مافهمو والو
بابا : شنو هادشي ؟؟
أنا : غالي سمعهم الشريط الصوتي
طلقو لهم سمعو الهضرة .. بابا دار يدو على راسو و هبطو
ماما : اويييييلي على بنت الحرام اويلي اويلي واش هادي بغات تقتلني
انا : دابا سمعتو هادشي لي نطلب منكم هو علاقتي بكم تبقا سطحية من الأحسن حيت عدبتوني بما فيه الكفاية رؤية من نهار حطيت رجلي معاكم و هي كل مرة تدير ليا حاجة فشكل أنا عييت أقسم بالله و بابا تا هو ديما كان كيهني و نتي دابا كملتي من الأفضل نبقاو مزيانين و وقتما تبغيو تشوفوني مرحبا بيكم مي و با على راسي و عيني
ماما : بنتي اهئ اهئ اهئ عافاك سمحي لينا حنا لي غالطين عارفين راسنا اهئ اهئ
أنا : استغفر الله ا ماما .. ولكن تعقلي دابا شوية اش قلتي .. قلتي ليا بصاح يمكن غلطنا مني مادرناش التحليل
ماما : بنتي اهئ اهئ اهئ صافي عافاك سمحي ليا
أنا : اهئ اهئ أنا جرحوني و هينوني و متخليو ماديرو و مني تساليو قولو سمحي لينا ا بنتي انعاود نقولها انا ماشي مسخوطة ا ماما ماشي مسخوووطة ماقلت لكم تا حاجة د العيب انا بغيت علاقتنا تبقا مزيان
غالي : الصراحة كل مرة كاديرو لها حاجة ف شكل و تقهروها مع العلم أنها مرييييضة
أنا : مننكرش اني كاندابز مع غالي ولكن ف حياتو عمرو شك فيا و لا قلت ليه شي حاجة و كذبني مني عاودت ليه اش طرا قالي أنا كانتيق فيك كتر من راسي و انا لي بنتكم ماسمعتوش ليا ماعطيتونيش فرصة .. و لي كيزيد يكمل عليا .. هو انو ماشي نتوما لي كبرتوني .. هادا كايحسسني بالفرق لي بيني وبين رؤية و رضى .. هوما بالنسبة لكم ملاك مكايديرو والو انااااا لي فعايلي فعايل بنات الحرام انا لي كنت نخرج مع غالي و مابيناتنا والو انااااا لي مكانسمعش الهضرة .. ههه أنا لي دفعت ختي باش تجهض فلخر طلعات ختي هي مدبرة لي ف هاد المكيدة
بابا : بنتي .. استغفري مولاك حنا غاااالطين عارفين راسنا انا مقادش نهز فيك راسي .. بغيت الأرض تشق و تبلعني ف هاد اللحظة .. معرفتش اش اندير مع هاد البنت أقسم بالله معرفتها منين خرجات لي
غالي : أنا كون ماحلفاتش عليا رغد بالله حتى كنت ندير فيها شي حاجة
بابا : نعذرك ا ولدي .. نعذرك انا بغيت نمشي دابا ندفنها و هي حية
غالي : بإمكاني ندخلها للحبس ايلا بغيت و نتا أدرى ا عمي
ماما : اهئ اهئ معرفت فين نحط وجهي .. بنتي العار لاما سمحيلي لينا
أنا : ماما انا حاشة حتى نكون غضبانة عليكم حاااااشة و لكن خليوها مع الوقت والله .. عمري تجرحت هاكا .. و كلشي تجمع لي فخطرة الخطف و حاتم رؤية نتوما .. عيييييييت أقسم بالله بغيت نمشي لشي بلاصة بعييييدة مافيها حتى شي حد عييت
ماما قربات ليا .. و عنقاتني استسلمت ل حضنها و طلقت العنان ل دموعي و انا معنقاها .. بقينا بزوج بينا نبكيو حتى سكتنا
ماما (شدات وجهي بين يدها )مسامحة لي ياك
أنا : اهم .. وليت عنقتها تاني. .
أنت تقرأ
اسيرة عيونك ( قصة بالدارجة المغربية )| مكتملة .
Romanceقصة مغربية بالدارجة من تأليف : يسرى . مقدمة : قطرات مطر على نافذتي، احتسي فنجان قهوة.. و تعود بي الذاكره للماضي .. ألم فضييع بقلبي وعقلي ..و تفتح جراح و عودة للصراع ...ذاكرة أتلفت و عادت بجمرة و بغصة. .أكان حلم هذا ؟ عودي للماضي و صارعي. ..اتيني بف...
