خرجت ديك العشية مع سعد .. دورني ف مدينة سان انتونيو .. بقيت مبهوضة ف دوك البنايات الضخمة .. ولكن واخا بدلت الجو كانحس فقلبي شي حاجة .. شي حاجة ضراني بقينا كنضورو حتى عييت و رجعنا تعشينا نعست .. ولكن ضرباتني الفيقة .. على صوت سعد .. ولكن صوتو كان مخلط بصوت نسوي نقزت من بلاصتي و تكيت على الباب كنتصنت
سعد : ايييييمان متفرعيش ليا راسي
ايمان: دابا هادشي كاتسميه فريع الراس .. انا غير جيت نفكرك لا تنسى راسك .. راك خدام ماشي جاي تحاب ليا معاها
سعد : شوفي انا مابيني و بينها واااالو .. و اصلا شكون نتي باش دخلي فيا
إيمان :انا خطيبتك
سعد : ههههه ايوا ا لالة هادشي لي بيناتنا نسايه انا مبقييييتش باغيك .. طلعتي لي فراسي .. خرجي عليا منهنا ولا راك عارفاني اش ندير ..
إيمان : ك..كيفاش سعد اشكتقول .. عارفني كانبغيك هادي 8 سنين درت على ودك المستحيل
جيت نكحز طحت واحد الديكور كان تماك يخ تفرشت و درت راسي عاد فايقة و خارجة
انا (كنتفوه زعما ): أو .. سلام (ابتسمت )
إيمان (بضحكة د بزز ): hi !
أنا : (قربت و مديت لها يديا ): سارة
إيمان : إيمان ..you can call me emy
انا : nice to meet you emy (مشرفة بمعرفتك ا ايمي )
إيمان : نايس تو ميت يو تو .. سعد .. تا نكملو هضرتنا .. سارة آسفة على الإزعاج .. تصبحو على خير
أنا : good night !
خرجات و شت ف سعد : شحال ف الساعة ؟
سعد: 3 د ليل
أنا : امم .. شكون هادي ؟
سعد : never mind .. تا حد
انا (تلاحيت عليه ) : بلييييز بليز بليز قولي قولي
سعد : سارة سيري تنعسي
طلعت لو فوق ظهرو : والله ماقلتي لا هبطت
سعد : اااوووف صافي صافي she's my ex girl friend (حبيبتي السابقة )
أنا : همم الناس د الأحبة ههههههه
سعد : يلاه هبطي
أنا : نااااااااءح
سعد : ماغاتهبطيتش .. معرفتش كيف دار ليا جيت انا فوق السداري و هو قريييييب لوجهي بزاف مولفة انا وياه نتزافطو و كلشي ولكن عمرنا كنا بهاد القرب .. جاني إحساس فشكل و كنشوف فعينيه لي كايشوفو ف فمي و عيني .. و هو ي.. 😳
_____
من بعد ديك الليلة المشؤومة .. لي عاد مازادت كملات عليا .. كل ليلة كنجي سكران و نطيح دودة و ليت نتهاون حتى ف خدمتي حتى جا عندي ليوم رئيس ديالي
رئيس : .. العمراني اش هادشي
أنا : احتراماتي مون شاف (عطيتو السلام )
الرئيس : راحة .. اش هاد الحالة وليتي فيها راك ف الخدمة و ماشي أي خدمة .. اش هاد شب. . (طلعني من راسي تال رجلي ) شوف راسك كي لابس الصباط (هبطت عيني لقيت راسي صباط لابسو بحال البلغة ) و عاد ريحة د الشراب كاتععط منك .. زير شوية جيتيني معرفة.. عمك صديقي .. و عارف ضروفك أما والله مايعجبك حال .. والله مكنت نرحمك
خرج من عندي .. و خلاني كنفكر ولكن تفكيري مخرجني ب حتى نتيجة هادي هي الطريقة الوحيدة لي نسى بيها مشاكلي .. ولكن فكرت.. مشيت جمعت الوراق و دفعت طلب د الزواج و هضرت مع الرئيس ديالي قلت ليه راه بنت عمي هاديك .. خرجت لي الموافقة فظرف يوماين من بعد قررت اني ناخد 3 يام عطلة باش نصلح فيها غلطي .. و نتزوج ب رؤية .. داكشي لي درت خديت تلتيام رجعت للدار دوشت مزيااااان و شربت واحد جوج كيسان د القهوة باش نتوكض و مشيت جبت رغدة و مني جات رؤية علمتها .. جمعنا حوايجنا .. و اتجهنا لفاس .. وصلنا لقينا عمي و مرات عمي و رضى و غيثة كاينين غيثة شافتني طارت عليا تبكي و تبوسني و دازت من بعد ل رغدة مرات عني تا هي جات عنقاتني .. و شدات وجهي بين يديها
إحسان : ولدي .. اش هاد الحالة مالك ؟ تحت عينيك كحل واش ماكانعسش
اكتفيت ب الصمت .. و بقيت سارح فيها .. تخيلتها رغد نظرا للشبه لي ما بيناتهم سلمت على عمي و رضى و جلسنا .. شحال و حنا نتكلمو عادي تا قررت نجبد الموضوع
أنا : عمي .. فالصراحة المجية المجية ديالنا ماشي بلا سبب ..
أحمد : اشنو .. خبار الخير ؟
أنا : ف الحقيقة .. انا جيت باش نطلب يد رؤية منكم
غيثة : نعاااااااام شنو شنو شنو مسمعتش عاود
خنزرت فيها و ضورت وجهي كنشوف ف عمي
أحمد : اشنو هاد الهضرة ا ولدي .. هادي يلاه شهراين باش ماتت رغد ..و جاي طلب منا ختها
إحسان : غالي اش هادشي
أنا : رؤية عايشة معايا .. و انا فالصراحة ماغاديش نلقا حسن منها أم لرغدة انا ماغاديش نبقا حياتي كاملا بلا زواج و رؤية غادي تربي رغدة بحال بنتها كنتمنى تفهموني
غيثة : الله ا ختي رغد الحمد لله ما عشتيش تا شتي هادشي كون راك متي فيها
أنا : غييييييييثة سكتي ولا نووووض ن..
رضى : نوض جرب يلاه
أنا : نتا مهضرتش معاااك
رضى : را مراتي هادي ا سي كاااااانت محسوبة عليك هادي تلت سنين دابا محسوبة عليا و تا حد معندو الحق يحط عليها يدو .. و هازا فكرشها بنتي
غيثة : حيد ا رضى حيد اهئ اهئ خليه يجي .. مسكينة ختي رغد كون شافتك معاها كون سكت لها القلب
احسان : إيه ايه. . تهدن اش هاد الحالة
رؤية : مالي انا معجبتكش
أنا : رؤية صافي .. تا نتي
أحمد : صافي سكتو .. رؤية شنو بان لك فهادشي
رؤية : اكيد ا بابا منبغيش بنت ختي يربيها شي حد اللهم انا خالتها و نعوضها بلاصت مها
غيثة (كتعيبها ): نينينينيني. . انا .. بنت ختي باااااااز
رؤية : والله و ماتسكتي
انا : رؤيية
غيثة : آه. . أي اي.. لوجع مااااما .. وا ميمتي غانولد اهئ اهئ عتقوووووني وا الما الما اهئ
نضنا كنجريو هزيتها بين يدي و رضى سبقني هز اللوطو و تبعنا عمي و معاه كلشي .. رغم هاد الظروف ختي غيثة قتلاتني بالضحك
غيثة :ااااه .. (كتعضني ) مممم ولد الحرام هاداك هو سباب والله لا عودت تمغطت لك فديك الفرشة همم ا ربي رضى كيشوف فينا من المرايا و مكرهش ينوض يسد لها فمها .. وصلنا دخلناها دغيا و دخل معاها رضى بقينا حنا شحال كنتسناو. . أخيرا سمعنا بكاء ديال بنت ختي ..
_____
و هو يبعد ... و ناض ناري كان قلبي ايسكت ف ديك اللحظة
سعد : يلاه نوضي تنعسي غدا انسافرو خصك ترتاحي
أنا : اويلي .. فين ياكما للمغرب ههههه
سعد : لا .. حتى لغدا و تعرفي دابا سيري نعسي شيبتيني هاد الليل
مشيت نعس ديك الساع .. فصباح فقت مع شي 9 .. دخلت خديت دوش . . و خرجت لقيت سعد فايق لابس حوايجو
انا : صباح النور
سعد : مزال ماوجتي؟ نوضي سربي جمعي حوايجك
أنا : ايوا صافي ماتبعيناش البوليس
سعد : سااااارة متصعرينيش
أنا : : أوف. . صافي صافي
نضت ب الخف لبست حوايجي و جمعت كاع دوك الحوايج لي فالبلاكار و خرجت عندو
سعد : على سلامت لالة العروسة
أنا : أ نباتو هنا .. يلاه
سعد : باااااز
خرجنا طرق الباب و هز اللوطو .. و صلنا لمطار. . و دخلني من واحد البلاصة ل جيهت الطيارات و ركبنا ف طائرة
أنا : فين الناس ؟ وعلاش جينا من هاد الطريق
سعد : هادي طائرة خاصة. .
أنا : آآآآآاه ...
ركبنا واحد الربع ساعا قلعات .. بقيت انا متكية على الزاج حتى داني نعاس .. حيت مشبعتش نعاس بليل .. حتى كنفيق على يدين سعد كيحركوني
أنا : امم .. وصلنا ؟ دغيا ؟
سعد :ساعة و نص و نتي ناعسة
واه بزاف .. هبطنا و كان تا داك المطار خاص .. خرجنا ركب هو ف واحد السيارة وانا غير كنشوف . ركبت حداه
أنا : فين حنا ؟
سعد : حنا ف مدينة إل باسو
انا : فين جات هادي ؟
سعد : تا هي ف تكساس ..
أنا : سعد . . فخبارك انا عييت من هادشي ماعارفا راسي من رجلي و لحد الآن مازال شحال من حاجة غامضة و مزال مابغيتي تقولها ليا
سعد : سارة .. دابا تعرفي كلشي .. انا بحالي بحالك عبد مؤمور داكشي لي كيقولوه ليا كنديرو .. ولكن كنواعدك كلشي دابا يوضاح ..
بقينا شادين الطريق .. بان لي خرجنا على المدينة وصلنا لواحد الدار بحال شكل د فيرما ماجا حدانا والو غير الخلا و القفار. . هبطت و بقيت نشوف
أنا : اشنو انديرو فهاد الجايحة ؟
سعد : غادي تعلمي..
أنا : شنو انتعلم؟
سعد ؛ اتعلمي إطلاق النار ..
أنا : هااا ؟؟؟
_____
سمعنا بكاء بنت ختي .. بقينا شحال واقفين خرج رضى كولو حوايجو مجرورين و صدايف محلولين
أنا : امضرا ؟
رضى : الحمد لله .. كلشي داز مزيان
أنا : أوف. . الحمد لله على سلامتها
ضورت وجهي بانت لي رغدة بحالا عيات
أنا : رضى انا انعيط لمالين دار نقولهم را غيثة ولدات دابا انمشي لدار رغدة عيات
رضى : اه صافي .. مني تفيق انا نتتصل بيك
مشيت لعند رغدة لي كانت جالسة ف واحد الكرسي و كيديها النعاس
انا : اجي ا بابا .. هوب
رغدة : همم .دادي. . بغيت نيني
أنا : ها حنا غاديين لدار ا حبيبتي و شبعي نعاس
جيت خارج و هي تعيط رؤية
رؤية : غالي .. غالي فين غادي
أنا : غادي ل دار رغدة عيات
رؤية : ديني معاك
انا : انا غادي ل دارنا ماشي لداركم
رؤية : آه. . واخا صافي سمحلي
زت فحالي و هاد اللصقة تا هي بلاني بيها الله ماعرفتش كي غادي نتحملها حياتي كاملة
درت رغدة اللور و كسيريت تا وصلت لدار طلعتها لواحد البيت و نعسات .. عيت انا لدار باش نخبرهم بلي
غيثة ولدات .. قالت لي الوليدة ايجيو غدا ف الصباح
عيط لي رضى قالي راه غيثة فاقت. . مزيان مني فاقت رغدة هزيتها و مشينا للمستشفى دخلنا عندهم كانو دايرين البنت فواحد الفراش حدا ختي مشيت بست راسها
أنا : تكبر فعزكم ان شاءالله
غيثة : إن شاء الله اخويا
رغدة مشات تا طل على البيبي
رغدة : داااادي هادي ختي ؟
غيثة : آه ا حبيبتي تا هي ختيتك
رغدة : سنو سميتها؟
غيثة : امم معرفتش الصراحه .. غالي بغيت نسميها رغد على ختي رغد الله يرحمها
انا :لا .. بلاش رغد حياتها ماكنتش سعيدة .. سميها شي سمية أخرى ..
غيثة : مم صافي انا انسميها إسراء
ابتسمت ليهم. . ولكن لي لاحظت انو غيثة مكاتجيش عيني ف عينيه غير كضورهم و خلاص
انا : هيه .. أ ديك البرهوشة مالك ؟
غيثة (كضور فعينيها ): انا لا .. والو
أنا : شتك كضوري دوك العينين و مكاتشوفيش فيا
رضى تفركع بالضحك
غيثة: سكتت سكت
أنا : ااااه هههههههه هانية تا نتي منديش عليك
غيثة : صافي بعدو مني
بقينا كنضحكو تا رجعت بحالي للدار ..
____
أنا : و علاش انتعلم هادشي بالضبط
سعد : حيت هوما بغاو
أنا : شكووون هوما أسعد شكون ؟؟؟؟ أنا عييت من هادشي و ماغاديش نكمل فيه
درت غادا فحالي
سعد : فين عندك تمشي ا سارة فيييين
وقفت و بقيت عاطياه بظهر : فينما كان انا ماشي شغلي كملت طريقي حتى كانحس للي جرني و تزدحت مع صدرو
سعد : سارة سمعيني مزيان راه والله تا يقتلوك راه قلبهم مافيه رحمة غير ديري اش كايقولو لك
أنا (بديت نبكي ): علاش ا سعد مكتحسش بيا علاش اهئ اهئ واش انا انكمل حياتي هاكا .. ماعارفا علا راسي والو من غير سميتي سارة عندي 22 عام و كنت عميلة و لا معرفت شنو .. ماعندي واليدين ما عندي تا حد فحياتي عاوني ا سعد عافاك عافاك اهئ اهئ عييت. . ع.. ي..ت سخفت عاى صدرو .. مني حليت عيني لقيت راسي ف غرفة و سعد قابط يدي
أنا : سعد ..
سعد : سارة .. فقتي.. شوية ؟
أنا : امم .. شوية .. سعد انا منسيتش .. عاود لي كلشي دابا
سعد : اش انعاود لك ا سارة ؟ شوفي انا براسي عاد خدمت كيقولو ليا ندير شي حاجة كنديرها كل مرة كيقولو لي اشنو ندير و انا داكشي كنطبقو مكرهتش نعاونك ا سارة .. ولكن انقولك حاجة وحدة لي أنا متأكد منها ..
أنا : لي هي ..
سعد : مسميتكش سارة ..
أنا : اويلي و شنو سميتي
سعد : معرفتش انا نهار شتك قبل مندخل عندك قلت ليهم اشنو سميتها قالو ليا عيط لها بالسمية لي بغيتي هي فاقدة الذاكرة انا قلت بما أننا هنا ف أمريكا ف السمية لي سهلة ف النطق و كنسميوها تا حنا العرب هي سارة داكشي علاش قلت لك سارة أما أنا بحالي بحالك مكنعرف عليك والو .. خص تمتاثلي للأوامر معندنا منديرو
أنا : أوف. . يا ربي راسي ايتفركع عليا .. بغيت نسولك نهار حليت عيني و لقيت راسي ماعاقلة على والو شكون هادوك لي كانو تماك ؟
سعد : شكون .. كان غير الطبيب
انا : لا كان وحداخور معاه كاكاتبان فيه شخصية غير هو خرج نتا دخلتي موراه بشوية
سعد : معرفتش علامن كتهضري .. المهم هو دابا ديري داكشي لي قالو لنا باش نتفاداو المشاكل غدا انبداو التدريب
أنا : اهم .. (عنقتو ) شكرا بزاف ا سعد
سعد : (بادلني العناق): لا شكر على واجب
نعست و بقيت كنفكر اشنو تكون زعما سميتي .. واش عندي عائلة ولا لا بدا راسي يضرني عاوتاني .. استسلمت للنوم حتى لاغد ليه فقت طرفت و هبطت لقيت الكوزينا لقيت أنها مجهزة من أكل و أواني و كلشي و انا نقرر نصاوب الفطور عمري صابتو .. الصراحة معرفتش لقيت راسي كاندير شحال من حاجة معرفتش كيفاش عرفتها .. يلاه كي ساليت هبط سعد و شاف الطبلة
سعد : اووووه كي طرا وجرا حتى قررتي تديري الفطور
أنا : قلت الشغل و مدير .. زيد تاكل
فطرنا انا وياه فجو زوين من بعد خرجنا على برا باش نبدا التدريب دخلنا بحال واحد الكاراج كبيييييييير أنا غير تابعاه بدا كيقاد شي لعايبات و جلسنا فواحد الطبلة حل شانطة كانت عامرة ب السلاح و القرطاص جبد واحد المسدس و حطو قدامي بقيت نشوف ف السلاح و نشوف فيه تا نطق
سعد : هادا المسدس سميتو بيريتا 92 اف اس نوع ديالو نصف آلي طول ديالو 211 ملم ..
كحزو و جبد السلاح الثاني
سعد : هادا مسدس glock طول ديالو 186 ملم كيمتاز بخفة الوزن ديالو و الرماية تحت الماء
أنا : الرماية تحت الماء! هههههههههههه ياكما انمشي ندابز مع الحوت ههههه
خنزر فيا واحد التخنزيرات و انا نجمع الضحكة
أنا : احم .. كمل ..
جبد سلاح آخر
سعد : هذا توكاريف .. عيار 7.62×27 مم
طوله 194 ملم كايتعتابر من أحسن أنواع الأسلحة ملقب ب ملك المسدسات ..
مهم بقا يجبد و يوريني و انا سادة فمي لايمشي يتيري فيا كلشي ممكن جاني جدي بزاف فهاد الأمور مولفة ديما انا وياه الضحك ولكن مني جا وقت لخدمة تسيف عليا و لكن عجبني شيءا ما .. زوين و هو متمر و جدي و مخنزر اححح مني سالا التعريف ب أنواع المسدسات قالي انو جا وقت باش نبدا اول تمرين ف الرماية وقفت لبسنا واحد الكاسكات و هو قالي نشوف فيه كي كايدير ديكشي لي كان كانت واحد صورة بعيدة علينا و قف عمر السلاح و بدا ياخد العبار و بدا يتيري .. مني عطاني انا شديت الفردي بدات يدي كاترعد ويلي الفردي طيح لي يدي شحال تقيل
سعد : سارة .. تبتي و نتي ترعدي ليا هنا
قاد لي يدي و هي ترعد وا ههههه الهدف ف الشرق و انا تيريت ف الغرب مقال لي والو من عاودي مرة الثانية .. الثالثة والو ههههه وانا نطلع لو الدم حيدت الكاصك و كانشوف فيه
أنا (ببراءة ): مالك ؟
سعد : يااااااا ربي تصبرني يا ربي
____
قبل مانرجع للدار دزت انا و رغدة تعشينا ف الزنقة بحكم انو الدار مافيها والو . . عاد مشينا للدار نعستها وسط احضاني محاوط بنتي الذكرى الوحيدة لي بقات لي من حبيبتي .. حتى فيقاتني كاتبوس فيا و كاتهر
رغدة : دادي دادي دادي دادي فيك فيك فيك فيك
أنا : اممم صافي ا بابا خليني شوية و نوض
رغدة (باستني ف حنكي بوسة طويلة ): ممممموااح
متحركتش و ماجاوبتهاش بقات تبوس و تهر تا بغات تنوض
انا : اجيييييي لهنا شنو دابا ها.. نعضك ها ؟؟
رغدة : ههههههههه نو دادي هههههههه
يكفيني نشوف ضحكتها البريئة النابعة من القلب فهذا كايخليني فرحان .. وجدنا و لبسنا حوايجنا و مشينا لدار عمي .. لقيناهم كايفطرو جلسنا معاهم .. من بعد مشينا نشوفو غيثة .. حنا تماك جا الوالد و الوالدة .. جاو يشوفو غيثة .. الوالدة واحد اللحظة نتابهات ليا و جراتني و خرجنا
ماما : غالي حبيبي .. اش هاد الحالة وليتي فيها
أنا : مالي .. كيجيتك عادي .. الحمد لله
ماما : سكت .. كون غير خليتيني انا لي قابلتكم شو حالتك كي ولات
أنا : مااااما ماتزيديش فيها اصلا أنا قاد براسي و قاد ببنتي و عاد راه رؤية كانت معاوناني
ماما : رؤية ؟؟ اييييوا يشويني فيك رؤية ماهزات راسها عاد تقابل بنتك ..
انا : مالك كتهضري عليها هاكا؟
ماما : عنداك يحسابلك راني كنرضع صبعي راني من شحااااال هادي و انا فاهمة ديك رؤية ..
أنا : ايوا .. هاد رؤية لي نتي ماحاملاهاش انا غادي نتزوج بيها
ماما : شنو شنو .. واش حماقيتي مراتك يلاه ماتت ب شهراين .. و عارف نتا شحال هادي رؤية شكانت كدير ل رغد و نتا دابا أتزوج بيها
أنا : انا باقي صغير .. أ..أو حتا انا خصني نشوف حياتي و رغد متبغينيش نكون فهاد الحالة .. الله يرحمها واخا ماتت انبقا نبغيها. . ولكن تا انا خصني نبني حياتي و رغدة خصها لي يقابلها
ماما : و انا اش كندير ا ولدي انا نقابلها غير متزوجش ديك رؤية .. سمع انا ماغانخطبهاش ليك شوف شكون يمشي معاك
أنا : مااااما .. علاش كاديري معايا هادشي راه ماشي لخاطري شوفي .. مم انا مكنتش باغا نقول لك هادشي ولكن بنا انكي مي .. خصك تعرفي .. ولكن كنتمنى انك تفهميني
ماما : ها أنا ا ولدي .. يلا مافهمتكش شكون يفهمك
انا : واحد النهار سكرت بزاااااف مني رجعت لدار لقيت رغد قدامي .. مم المهم طرا ما طرا انا هادشي لي عاقل عليه ولكن مني فقت لقيت حدايا رؤية و كانت كاتبكي
قالت ليا اني جريتها بزز و كنت نعيط بسميت رغد .. آه انا اغتصبتها ولكن أما معقلتش على داكشي .. و دابا اماما خصني نصحح غلطي .. كلكم عارفين مادى حبي ل رغد و عمري نخون حبي ليها .. ولكن انا راجل و خصني نتحمل مسؤولية الغلط لي رتاكبتو
ماما (جلسات ف واحد الكرسي بالصدمة و دايرا يديها على راسها): آش هاد المصايب لي كيطيحو علينا من السما .. الله ا ربي
انا نزلت لمستواها : كنتمنى تفهميني ا ماما راه ماشي لخاطري
شدات وجهي بيديها .. : ششش .. صافي ا ولدي أنا ديما بجنبك .. ديييما
قالت لي ماما أنها اتهضر مع الوالد باش يكون شوية هادشي ب الأصول قلت لها انو خصني غدا نسالي كلشي حيت بعدو ارجع .. داز نهار عادي .. لغد ليه مشيت تاني عندهم ف الصباح و حنا جالسين على مائدة الإفطار كانت رؤية جابدة التليفون
رؤية : باااابا .. بغيت نشري واحد الحاجة اون لاين ولكن مابغاتش تشرى .. ايكون عندي مشكل ف الكونط ديالي
أحمد : انا لي بلوكيتها ليك واش نتي حمقة واش كل ساع مخرجة منها دوك المبالغ لمرة لولة مخرجة ليا مليون و نص و دابا 5000 درهم هي زوج .. واش انا دايرها لك باش تخسري لي ف الفلوس
رؤية : وا .. وبابا حرام عليك راه صاحبتي كانت محتاجاني انا ماشي بنت لحرام باش نشوفها باغاهم و نقولها لا و هوما عندي .. و اصلا اترضهم لي
أنا : صافي .. دابا متحتاجيش باباك لي يصرف عليك مني نتزوجو اتولي على مسؤليتي. . و بما انو تجبد هاد الموضوع ا عمي ف انا بغيت ليوم نكتب عقدي ب رؤية .. راه الدار ايجيو ليوم باش يخطبو رؤية منكم .. يعني يكون خطبة و عقد فدقة كيما عارفين رؤية كتقرا فالرباط و ساكنين ف نفس الدار يعني لاش نتعطلو .. غير انا مابغيت لا حفلة لا والو راكم عارفين يلاه ماتت رغد منقدرش .. و بالنسبة للموافقة راه خديتها
رؤية : هاء و أنا منفرحش براسي
شت فيها بتخنزيرة
عمي هبط راسو بقلة حيلة
أحمد : صافي .. لي بغيتو ا وليداتي انا ليوم نتكلف ب كلشي
أنا : واخا .. شكرا انا انمشي دابا نجيب مع رضى غيثة ختي .. مرات عمي هاهي رغدة عندك
إحسان : واخا .. أولدي
مشينا للمستشفى ماما و بابا جاو معايا و غيثة .. جات مع رضى . .
عمي بدا كيوجد لكلشي ماجات فين تجي العشية كان عندنا العدول .. و عقدنا العقد انا و رؤية .. ما فرحانش بلعكس كاره راسي لواحد الدرجة متتصورش كون ماكانتش عندي بنت لي نعيش على ودها كن كاعما ترددت باش نتبع رغد و نتهنى من هاد العذاب ..
باش كنا كنتكاتبو ختي غيثة كانت كاتبكي مكرهتش تا هي نوض عندها نعاود لها و نقولها راه رغد هي لي فقلبي و ها شطرا بيني و بين رؤية ولكن .. غيثة انا متأكد أنها اتقولها لرضى و يقولها ل مو و باه و ينوض صداع كبييير .. جمعنا حوايجنا باش نرجعو بقات فيا مرات عمي كانت كاتبكي ب حرقة اتجهنا للرباط كنشوف ف رؤية كاتبان لي فرحانة مفهمتش يعني خصها نوغمالمون تكون مقلقة هادي ماشي طريقة يتزوجو بيها الناس و عاد زواجنا واخا طرا داكشي قبل انا عمرني نقرب لها يعني غادي يبقى ف الوراق منقدرش نخون رغد بارادتي مايمكنش ..
~~~
وصلنا للدار بليل رغدة نعسات فطريق هزيتها و طلعنا ب ثلاثة للدار مابغيتش نفيقها خليتها ناعسة بحويجاتها و تكيت حداها حتى داتني عيني .. حسيت بيدين كايفيقوني حليت عيني كانت رؤية
أنا : مم .. واش صباح؟
رؤية : لا لا نوض تنعس ف بلاصتك
انا : اه .. واخ.. قبل مانكملها شتها لابسا واحد الشوميز دو نوي طلعت فيها و هبطت .. و المشكل هو انو د رغد وقفت و شديتها من يديها و كنهضر بشوية باش منفيقش رغدة
انا : رؤيية اااش هادشي لابسا
رؤية (مبتسمة): جا معايا ياك
جريتها ب عصبية و خرجنا برا البيت
انا : اشششش هاد الحمااااق و اصلا شكوووون عطاك الحق تلبسي حوايج مرتي شكوووون
رؤية : انا دابا وليت مولات هاد الدار و أي حاجة هنا كاينة ف هي ديالي و انا لي مراتك دابا ماشي وحداخرة
أنا : رؤؤؤؤية متصصصصصعريش ديين ميييي قد ما انا صاعر حوايج مراااااتي متقربيييش ليهم و الا غادي تشوفي وجهي الخايب انا علمتك. . و دابا سيري حيدي عليا هادشي منعاودش نشوفك لابساه
زدت ل غرفتي و خليتها حيدت حوايجي و نعست .. حتى كنفيق على صوت المنبه مني حليت عيني لقيت رؤية ناعسة فوق صدري دفعتها عليا بلا نشعر
تاوحدة معنها الحق تنعس عليه من غير رغد .. هي اول وحدة و آخر وحدة مشتش اشنو كانت ردة فعلها نضت دخلت نيشان للحمام دوشت لبست حوايجي و خرجت فطرت ف الزنقة و عاد اتجهت للخدمة .. بقيت خدام نهار كامل.. رجعت للدار كانحل باب دار غير حليتو و هي طير عليا رؤية بتعنيقة
رؤية : حبييييبي جييييتي توحشتك
قبلاتني ففمي يلاه انبدا نهضر حتى قاطعاتني
رؤية : حبيبي شوف هادو صحاباتي ف المدرسة جاو يباركو لينا
ابتسمت ابتسامة صفراء من فوق قلبي و استادنت و مشيت لبيت بنتي غير حليت لها و هي طير عليا و كاتبكي
أنا : رغدة .. بنتي مالك واش ضراك شي حاجة .. حبيبتي هضري
رغدة : اهئ اهئ اهئ دا...د..ي اهئ 😭
انا (شاد وجها بين يدي ): رغدة .. شوفي فيا أبابا ... مالك ا بنتي
رغدة : اهئ اهئ طا..طا غوتات عليييا اهئ كالت لي متخلزيس من البيت
انا : رؤية لي قالت لك ماتخرجيش من البيت ؟
رغدة : مممم اهئ اهئ متخلينيس معاها دادي بليز اهئ
هزيت رغدة و هبطت عندها للصالون ا نغوت و نوريها قدام صحاباتها ولكن للأسف كانو يلاه خرجو
انا: رؤيييييييييييية
أنت تقرأ
اسيرة عيونك ( قصة بالدارجة المغربية )| مكتملة .
Romanceقصة مغربية بالدارجة من تأليف : يسرى . مقدمة : قطرات مطر على نافذتي، احتسي فنجان قهوة.. و تعود بي الذاكره للماضي .. ألم فضييع بقلبي وعقلي ..و تفتح جراح و عودة للصراع ...ذاكرة أتلفت و عادت بجمرة و بغصة. .أكان حلم هذا ؟ عودي للماضي و صارعي. ..اتيني بف...
