اسيرة عيونك ( قصة بالدارجة المغربية )| مكتملة .

12

غيثة واش كضحكي عليا؟
غيثة : اهئ اهئ واش هادشي فيه الضحك
انا : اويييييييلي فين كان عقلك ا غيثة ففيييين
غيثة : هو لي ضحك عليا اهئ اهئ قاليا إيجي غير يشوفني دخلتو من الباب لوراني فللول بدا غير يقرب ب البوسان معقلتش تا كنشوف أنا وياه فواحد البيت لتحت و خدا ليا شرفي اهئ
أنا : ناري ا غيثة ايلا صاق لك غالي لخبار يقتلك نتي وياه و ميحنش فيكم .. كي..كيفاش رضى يديرها خصنييي ضروري نهضر معاه كيفاش يضحك عليك هو راه واخا يكون كيبغيك خصو يحميك راك بنت عمو قبل متكوني حبيبتو و هو اش دار ضحك عليك .. واش هو مزال هنا فالرباط ؟
غيثة : اممم ..
أنا (عنقتها ): شوفي نتي ختي و حبيبتي منقدرش نخليه يفلت بفعلتو هاكا كوني هانيا
اتصلت بيه
أنا : الو خويا رضى
رضى : أهلا ختي كي دايرا لاباس
أنا : الحمد لله .. توحشتك
رضى : انا راه فالرباط
انا ؛ ياك و متقولهاش ليا
رضى : نتي عارفاني مع راجلك كنت داير مع ماما انشوفها
انا : واخا نشوفك ليوم نخرجو غير انا وياك
رضى : اهاه واخا .. ايمتا ؟
أنا : منهنا ساعة نتلاقاو ف الكافي ****
قطعت و مشيت لبست حوايجي و درت الفولار و خرجت قلت لماما انا انتلاقا برضى الشيفور وصلني تال القهوة لي كنا دايرين فيها لقيتو كايتسناني عنقني و جلسنا بدا كي سولني على الحمل ديالي .. انا : رضى بغيت نهضر معاك ضروري ..
رضى : ها أنا هضري ..
انا : اش داكشي درتي لغيثة ؟ ألوان الطيف دازو فيه
نتا ولد عمها قبل متكون كتبغيها انا عارفا قصتكم من شحااااال هادي مني كان عرسي سمعت حواركم كامل و سمعتك كتقولها كنبغيك واش لي كيبغي كايتفلا ؟
رضى : رغد راه ماشي كيفما كيتصحاب ليك غلطة و صافي
أنا : ايااااااه دابا نتا كتعتبر هادشي غلطة .. تصور معايا شي واحد يدير هاكا لرؤية بقا سااااكت .. منحتاجش نقولك كي داير طبع غالي حيت ايلا صاق الخبار كنقسم ليك انه ايقتلكم بزووووج يمكن كان عندو لحق باش حاول يفرقكم تصدمت فيك ا رضى بزاف والله كيفاش قدرتي ديرها محرامش عليك لعبتي بيها صبتيها صغيرة هي قد ختك الصغيرة قد رؤية و كتقول دابا غلطة .. واش اتصلح غلطتك
رضى : اه انصلحها ..
انا (ابتسمت ): تصور معايا تحمل ؟ عارفاك اتقولي حتا تقفل هي 18 لعام و ديك الهضرة و من بعد تقلب عليها شوف كيدير ا رضى حيت الوقت ضدك فعلا نتا خويا و نجي من جيهتك ولكن فهاد الحالة ايلا تخليتي على غيثة كنواعدك انا غادي نشهد ضدك و انعاود كلشي ل غالي ولكن انغرقك باش تعلم
هزيت صاكي و نضت فحالي
طلعت للوطو و بديت نبكي غيثة كتر من ختي و منبغيييش يطرا لها هاكا بحالا طرا لي تطعنت كنحس بغصة فقلبي من جيهتها كرهت خويا لواحد الدرجة متصوروش و عنيييت اش قلت ايلا تخلى عليها انقول ل غالي جا شربها شي حاجة و ضحك عليها و ديك الساع يضبر مخو معاه و هادشي كايطرا ل بزاف د البنات فالمجتمع ديالنا كيضحك عليها شي واحد ولكن كتنسى انها تا هي مذنبة معاه تا هي سلماتو راسها و من بعد كتقول هو ضحك عليها .. رجعت للفيلا و طلعت بدلت حوايجي و عيطت لغيثة و عاودت ليها قطعات لي فقلبي حتى واحد مكيعرف اش ايطرا ليه ف مور دقيقة كانت مسكينة مابيها ما عليها جا ف دقيقة شو اش دار انهيت معاها المكالمة و مشيت كنكتب ف الكتاب لبنتي .. بدات كادوز ليام علاقتي انا و غالي غادا ف منحى مزيان أخيرا عاد جا رضى طلب يد غيثة ولكن غالب كانت ردة الفعل ديالو خايبة بدا يغوت و بغا يجري عليه فهاد اللحظة انا جريتو من يدو بزز و دخلنا لبيتنا و سديت باش نهضر معاه
____
بلا حشمة بلا حيا قالك باغي يتزوج ب غيثة مشعرتش بديت نغوت تا جراتني رغد دخلنا البيت
رغد : غالي واش حماقيتي اش هاد الحالة درتي ليه
أنا : رغد بلا متزيدي تصعري ف دين مي تا نتي
رغد : هيه هيه .. بشوية بلا تخصار الهضرة
أنا : تا هادي عليا تخصار هضرة 😒
رغد : اااه. . شوف اتسمعني بزز تصور كون دابا شي حد وقف ليا انا وياك فطريقنا ومخلاناش نتزوجو
أنا(بلا منفكر هضرت):انتزوجك صحة بغاو ولا كرهو
رغد : هااااااا ايوا شتي نتا دابا أناني واقف فطريق جوج د الناس كيبغيو بعضياتهم و السيد مطلب غير لحلال
أنا (ضربت ف الحيط ): ااااااوف ااااوف انا داك السيد مكانرتاحش ليه
رغد : غالي .. هاداك راه خويا
أنا : و يكون تا جدك انا مالي ولد عمي قبل ميكون خوك و كنعرفو مزيان كل نهار مع وحدة
رغد : كنتي تا نتا كل مرة مع وحدة و دابا تبدلتي .. دابا واش نتا لي مزيان و نتا لي كتعرف بنادم كي داير ؟
أنا : رغد الله يرحم والديك بلا تاني هاد الهضرة
رغد : واخليييهم حتى يديرو شي موصيبا و ديك الساع نوليو فمشكل اااخر. . خلي الناس فحالها و هو راه خدام و كلشي ايفرو ليها متكونش أناني تصور يفرقوك عليا
أنا : صاااااااافي صافي واخا ..
غمقات عليا بالهضرة عندها الحق صافي ولكن ايلا مشا
حتى آذى ختي بشي حاجة نحيييه من هاد الدنيا خرجت عندهم
انا : سمعني مزيان .. العقد غايكون هاد السيمانة باش حتى يلا بغيتو تخرجو مكاين مشكل ولكن غير تخرجو ماشي تمشي معاك .. حتى تشد الباك و ديك الساع ديرو العرس و الله يعاونكم
ختي غيثة طارت بالفرحة اول مرة ا نشوفها فرحانة لوهلة مندمتش على هادشي لي قلتو سعادة ختي أولى واخا مكنحملكش رضى ولكن مخصنيش نوقف لها فطريقها رغد عنقاتني من اللور جبتها قدامي و بست راسها و حاوطت يدي على كريشتها لي ولات كي البالونا .. الصراحة مكرهتش موعد ولادتها يزيد يبعد حيت خايف .. نعم خايف و مكانبينش لها خوفي بلعكس كنتظاهر على أني 100 ف المية متأكد أنها اترجع للحياة ولكن لداخل خايف لانخسرها هي روحي و عقلي و الهوا لي كنتنفسو كيفاش ايلا م.. مكنقدرش تا نفكر فيها كيفاش انقدر نكمل حياتي بلا بيها. . مستحيل و كل ما هاد المعد كي قرب و انا كنحس بالضغط من جهة الخدمة و هاد القضية د حاتم لي مزال مربجاني مهناش لي بالي اكيد ا يبغي ينتاقم على هادشي لي طرا .. و خصني نحمي رغد من أي مكروه .. دازت سيمانا و فهاد الويكاند كاين ضريب الصداق د غيثة كانت الفرحة باينة ف عينيها رغد عاوناتها فالتوجاد و جا رضى و جاب العدول اكيد كانو غير دارنا و دار رغد و صافي تعاقدو و دارو حفلة صغيرة و كلشي بات فالفيلا داك اليوم
____
فقت ليوم شوية عيانة من ليلة أمس .. فالصباح فقت خديت دوش توضيت و صليت لبست حوايجي و هبطت كأن غالي مشا للخدمة .. دايزا من حدا الغرفة د غيثة حتى كنسمعها كتشهق بالبكا دخلت عليها تلاحت عليا و كاتبكي حتى تهدنات شوية عاد سولتها
غيثة : اهئ اهئ ختي رضى مكايبغينييييش
أنا : اويلي يهديك الله ا غيثة
غيثة : عرفتي اش قالي اهئ. . قالي هو غير بغا يصلح غالاطو و مبقا كيحس من جيهتي والو حيت انا سلمت ليه راسي قبل زواج. . اهئ اهئ و المشكل اختي كنقسم لك فمي بالله انا معاقلا على داكشي اول حاجة هي باسني تاني حاجة هي انا نايضة و كنشوف راسي تحت منو بحالا كنت مرفوعة
أنا : ااااه اختي .. خليييها على الوقت دابا تفرجك فيه مهم ..داااابا ا تكونو مع بعضياتكم وتعيشو فدار وحدة و ندمييييه متكونيش ضعيفة بيني ليه راسك قوية حيت كل ما شافك ضعيفة ا يزيد يطلع للسما واخا خويا كرهتو والله صدق ماشي راجل معضر غالي فيه لي نقولك هو متهضرييييش معاه متحاشيها ليهش و تفرجي ..
بقيت نهدن فيها حتى تكالمات هبطنا فطرنا مجموعين و ماما فاجئاتني قالت لي بلي خصها ترجع شوية لفاس عندها مايدار ولكن هدرات مع خالتي زينب هي لي لتبقى معايا هاد الاخيرة كاعما عاودت لكم عليها واخا كانت هضرات أول مرة كان خصها تبع مع طبيب نفساني باش تحسن حالتها و الحمد لله رجعات مزيان
ماما و بابا كانو نهار العرس ديالي عرفو بأمرها حيت حنا نسينا معاودنا ليهم عليها بابا مني شافها كان ديك الساعة مهبطني عند غالي بقى مبهوض ماما و خالتي زينب تسامحو حيت كل وحدة كتلوم فراسها وحدة كتقول انا سباب باش مشات البنت و لخرا كتقول انا سباب باش دخلتي ف صدمة مهم تصالحو و علاقتهم يمكن رجعات كيف شحال هادي و حسن إ منعاودش ليكم على خالتي زينب من اطيب خلق الله انا عزيزة عليا بزااااف كتعاملني بحال بنتها و كتر و خاصة دابا مني حملت تدور تدور و تصيفط مع غالي شي شهيوة المهم ديك 12 بابا و ماما و رضى و رؤية مشاو و عمي كمال رجع لدارو خالتي زينب هي و غيثة ايبقاو معانا ..
●●●●●●●●●●
كدوز ليام و انا حملي غادي مزيان واخا خوفي من يوم الولادة غادي
و يكبر .. دابا فشهري السابع و حنا فشهر ستة علاقتي مع غالي مزيانة و بزاف و مزال خالتي زينب هي لي معانا مقابلاني مزيان توحشت ماما بزاااااف ليوم سمعنا خبر زوين فالدار لي هو نجاح غيثة اختي .. تفكرت كون تا انا دابا كنقرا انا عارفة راسي كنت ننجح حيت الحمد لله متوفقة ف قرايتي و كانت عندي نقطة مزيانة ف الجهوي على شرف نجاحها درنا حفلة .. غيثة قررت تدير الآداب الإنجليزي المهم كلشي كان فرحان دازت واحد السيمانة و هي تجي ماما أخيرا توحشتها بزاف .. قالت ليا بلي رؤية كاتسنا وقتاش تاخد نقطة د الجهوي و تجي هاد الأخيرة لي معرفتش علاش واخا طلبات مني السماحة محاملاهااااش فخطرة الصراحة رغم داكشي لي دوزوه عليا ماما زهرة و بابا عبد السلام والله تا كنت مهنية دابا شوفو على خوت عطاني الله وحدة كتبغي راجلي وانا عارفاها باغا تفارقنا و خويا شو اش دار للبنت لي كنعتبرها ختي واخا ماشي من نفس الأم و الأب .. كان كايداعي انو كيبغيها و فأول فرصة تاحت ليه ضحك عليها و منبعد قاليها مابقيتش كنبغيك .. المهم هو هادا هادشي حيت مطراتش شي حاااااجة .. بقاو معايا ماما و مرات عمي و تال واحد الساعة كاتبان لي رؤية داخلا و انا نخرج عيني من داكشي لي هازا و داكشي لي كاتقول. . 😵😨
داخلا هازا معاها واحد الحلوة و كاتقول هابي بيرث داي غالي .. وايت وايت كيفاش هابي بيرث داي غالي واش ليوم عيد ميلاد غالي ولا شنو ؟أنا مراتو و معارفاش
داخلا كتفرنس ليا بحال الراس المشوط يخ جايا كي شي بليدة تفو هابي بيرث داي نيااااع حنيت على غيثة قلت لها واش ليوم عيد ميلادو و نتي مقلتي ليا والو ؟
غيثة : راه نسيت و اصلا حتى لغدا راه ماشي ليوم
كانشوف ف غالي مخنزر درت ل غيثة مالو ب عيني قالت لي فودني ؛ راه مكايحملش لي زانيفارسير
صافي عرفت غالي غادي ينوووووووض ليها نيت قبل هي متوصل هضرت مع غالي فودنو
أنا : عافاك ا غالي على وجهي متقولها وااالو
مهم جاية و حطاتها و كلشي مبهوض و هي تسلم على غالي من حناكو و طرطقات ليه واحد البوسات نيييييت ناري انا وليت كنغلي من لداخل غير مصبرة راسي بزز جبدات واحد البواطا من الصاك ديالها و حلاتها فيها كورميطة قالت ليه غير قبل عليا و صافي ..
زيرت على غالي باش يدير ليها خاطرها حيت جاتني هاد الأخت ماشي طبيعية مني كدير هادشي
رؤية؛ ونتي ا رغد اش جبتي ل غالي ؟
أنا : حبيبة حتى غدا عاد عيد ميلادو واصلا حبيبة ديالي معزيزنش عليه حفلات د أعياد الميلاد يعني انا موجدة ل حبيبي مفاجأة و اتعجبووووو
غالي نسا بلي را حنا جالسين مع الناس و هضر هههه
غالي : بصاح ا حياتي هي غدا شي ل.. ااااااه.. عفطت عليه واحد العفطة حيت عرفت اش كيدور ليه فداك المخ و ماما و خالتي زينب فهموها طااايرا تفركعو بالضحك و تا رؤية فهمات و هي المستهدفة الوحيدة ف هادشي بداو ألوان الطيف كيدوزو عليها ههههههه و دابا فكهااااا يا من وحلتيها اشمن مفاجأة و لا الزعتر انا بغيت غير نفقص ديك الحمارة صدقنا ف المفاجئات هههههه عام الله اش كيضور ليه فداك الراس كملنا العشا و يضور يضور و يغمزني ناري وحلا هادي .. تعشينا و تعمدت اني نتجاهل رؤية و ندير كأنها مكاينااااش و اكيد نفقصها اوه كم انا شريرة
أنا : حبيبي .. واخا تهزني مقداش نطلع
اكيد حامل الأثقال ماغديش يرفض هزني براحة بين يديه و تم طالع بيا أمام أعين الكل و انا هدفي هير ديك رؤية وصلنا تال للبيت و دخل و حطني بشوية على الفرشة كانو خايف على شي حاجة تكسر نضت انا غسلت سناني انا وياه و رجعنا بقينا نهضرو نهضرو تا دانا نعاس ..
فقت كنتحسس واش كاين غالي ماباااانش ليا نضت طرفت و طليت يلاه سلمت و هي دخل غيثة كي العجاحة و قالت لي واحد الخبر صاااادم
دموعي بداو يهبطو لا اراااااديا و لما لا و هي كاااانت اختي فواحد الوقت اكيد باغيين تعرفو شنو. . قالت لي غيثة أن الباج د الليسي فالفايس مقلووووبة على هجر دارهم تحرقات و كلهم مااااتو هي الوحيدة لي بقات عايشة و دابا ف حالة خطرة .. واخا نعتاتني ب ديك الكلمة القبيحة عمرني نسا أنها كانت صديقتي .. لا بل اختي عمري نسا خيرها و خير عائلتها ماماها كانت بحال ماما عمرها فرقات بيني و بين هجر أي حاجة تجيب منها جوج وحدة ل هجر و حدة ليا ،الماكلة كتصيفطها ليا ،ختها أسماء كانت كتجيبلي تا هي معاها .. هادشي كامل منتألمش بكييييييييت حتى عيت سولت غيثة واش دايرين فينا مستشفى هي ؟
غيثة : لااا ..
انا : شكون حط المنشور ؟
غيثة : معرفتش ولكن انا غادي نسيفط ميساج الباج داكشي لي دارت و انا بقيت كنتسنى وكنبكي حتى بدات ضرني كرشي
غيثة : رغد مالك .. ختي تكايسي على راسك راك حاملة مخصكش تبكي و لا تعصبي
انا : .. نسايني عليك واش جاوبوك
غيثة : اه راه فمستشفى ابن سينا
ديك ساعة بديت نلبس حوايجي و مشيت انا و غيثة و صلنا لتماك بقينا نسولو تا وراونا فيييين اااااه اختي .. ضرني قلبي فهاد الحالة لي شتها فيها شداتني دوخا كولها محروقة وجها تمحا من الملامح و ملوين عليها الفاصما كلها بدات تحل عينيها و كتشوف فيا
هجر : .. رغد .. سمحييييلي هادو دنوبك اختي (كتهضر و هي سخفانة )
أنا : شششششش اختي متقوليش هادشي اهئ اهئ
هجر : عيطي ل راجلك بغيت نهضر معاكم بزوج
انا : غالي .. ؟ علاش !
هجر : نطلب منكم السماحة و نقولو شي حوايج مهمة باش نفكر على دنبي انا مغاديش نعيش فهاد الحالة
أنا : ششش ا هجر انا اانعاونك و غادي ديري عاماليات و ترجعي كي كنتي
هجر : .. كح كح عيطي لو ا ختي عيطي
درت ديكشي لي قالت لي هزيت التيليفون و عيطت ليه جاوب ديك الساع انا: آلو. . غالي
غالي : رغد .. اش واقع مامولفاش لك تعطي فهاد الوقت
انا : غالي عرفتي صاحبتي هجر
غالي : هجر ... أمم لا
أنا : هاديك لي كانت مع حاتم النهار وصلتيني لعندو شحال هادي غالي : ااااه اه .. مالها ؟
أنا : راه تحرقات بيهم الدار عائلتها ماتت و هي لي بقات و جيت نشوفها طلبات مني نعيط ليك حيت بغات تهضر معانا انا معرفتش علاش .. واش يمكن ليك تجي حنا دابا ف ابن سينا انا و غيثة
غالي : لا اله الا الله .. انا جاي عندكم دابا
قطعت ماكاملاش نص ساعة جا غالي .. و دخلنا عندها و هي تنطق ..
هجر : شكرا بزاف ا رغد .. بقات كتشوف فيا .. حاملة؟
أنا : امم .. آه
هجر : الله يفك وحايلك على خير .. شكرا ا غالي حيت جيتي .. مستغربش حيت عارفة سميتك انا عارفا عليك كلشي تقريبا عارفاك انك خدام ف المخابرات عارفا زواجك ب ختي رغد كي كان
غالي : .. نتي منين عرفتي هادشي
هجر : كلشي بدا من النهار رغد ولات مع حاتم فالصراحة انا فللول حسدتها حيت كانت مع الأستاذ ولكن كلشي تبدل نهار سمعت حاتم كيهضر مع شي واحد كايشرح ليه الخطة لي كانت هي يوصلو ليك نتا عن طريق رغد نتا كانو عندك شي وراق مهمين د شي عملية باغيين تشدو واحد العصابة و كان باغي يستعمل رغد ضدك انه يجيبها لصفو ويقلبها عليك كان باغيها هي تدخل لدارك تضحك عليك و تسرق الوراق ولكن للأسف من اللول رغد بانت ليه صعيبة و الوقت كان ضدو باش يديرها ف جيبو يعني لو كنت أنا كنت دغيا نطيح ف فخو و نفد اش قال و واخا هاكاك طحت ففخو منين كنت كنتصنط علييه حصلني ولكن فعوض ميهددني كان العكس و قالي اني كانعجبو و رغد غير طعم و صافي أنا خنت الصداقة لي كتجمعني ب رغد و تبعتو كان مطمعني ديما كايعطيني الفلوس و يشري ليا لي بغيت و انا عطيتو أغلى ما نملك و للأسف حملت منو مني قلتها ليه تقلب عليا و أنا نبدا نهددو و هو يحرق لنا دارنا تا من حد ختي لي كانت على برا كانت هنا و كلشي مات اهئ اهئ
غالي : هجر هادشي لي كاتقولي واش متأكدة منو .. يعني واش عندك شي دلائل لي تبت هادشي
هجر : كاااانو عندي .. ولكن.. كلشي تحرق ولكن لا بغيتو نعاونكم حيت عارفا شحال من حاجة كنت ديما كنتصنط ليه على العمليات فين كايديروهم و فين كايخططو و نزيك حاتم هو اليد ليمنا د رئيس العصابة
غالي : كيييفاش.. ولكن ..
هجر : اه هو اليد ليمنيا ديالو
غالي : هجر نخليوك ليوم ترتاحي غدا عاودي لينا كلشي حيت انا محتاج هادشي .. غادي نقلوك لمستشفى خاص و غدا انجي عندك
شتوني ضاربة الطم ياكو صدمة ثلاثية الأبعاد انا كنت دايرا الثقة ف رجل عصاباااات مقادااااش نتيق مقاداش بقيت غير كنشوف فيهم مشينا و خليناها على أساس غدا ا تعاونا ف كلشي من ناحية فرحت أن حاتم ايتشد ايلا عاونات هجر غالي خرجت انا وياه و لقينا غيثة على برة رجعنا للدار و غالي رجع للخدمة كنت عوالا باش ندير ل غالي شي مفاجأة ولكن الكانة مكاينااااش و الظروف متسمحش ..
______
تضرب لينا كلشي ف الصفر عاوتاني تصدمت مني عرفت انو ماشي هو البوص .. عليها هو لي تقرب من رغد شخصيا حيت مايمكنش البوص يدير حاجة هاكا بنفسو دابا توضحات الأمور لوراق د هادوك العمليات كانو عندي دار رغد طريق باش يسيفطها تهز لي الوراق ولكن دابا أنا خصني حجج و براهين لي اتبت لي هادشي .. رجعت للمقر من بعد ما وصلت غيثة و رغد للدار حاولت اني نركز فهادشي و انا بغيت نربح انا هاد القضية حيت تهنيت من قسم التعذيب يعني ايلا ربحت هاد القضية انتخلص من داك القسم بصفة نهائية و انستقر فهادا لي كايصيفطو لنا القضايا لي صعابت على الشرطة المهم رجعت بليل عياااااان لدااااار بانت لي الواليدة و مرات عمي و رؤية و غيثة كيتعشاو و مكايناش رغد
أنا : بالصحة .. فين هي رغد ؟
غيثة : راها لفوق كتسناك تا تجي عاد تهبط تعشا
إحسان : دوز تعشا
أنا (ابتسمت ): بالصحة .. انا طالع عند رغد
طالع فالدروج و كايبان لي البيت د بنتنا مشعول و معززي مشيت بالخف حيت عرفتها اتكون تماك سمعتها كتغني حلقها زوين و صغيور
رغد : ييييياي سحر عيونو و نظراااااتو .. أول متلائينا عين بعين هووووووب و هاهي رغد و رغدة طايرين ف السما
رغد : هئى غااااالي حراااام عليك خلعتيني
أنا : هههههه مالي جن باش نخلعك
رغد : غالي نزلني راك دوختيني
درتها بين يدي هازها : شكون هاداك لي كنتي كتغني عليه هااا ؟؟؟
رغد : هههههههه تا واحد
انا : امم
رغد : نتاااااا ا حبيبي من أول مرة شت عينيك قلبي دق
أنا : شي بوسة على هاد الهدرة
رغد : نتا خصك ديما تباس راه نتا لي خصك تبوسني مزيان تبارك الله
انا : ههههههه مطلبتي غير الموجود حطيتها باش نبوسها و هي تهرب
أنا : واخا عليك واخا كتخصري لي خاطري و ليوم عيد ميلادي وقفات و دارت تكات عاى الباب و بدات تبكي
رغد : اهئ اهئ غالي سمحلي مقدرت ندير لك والو قلبي دارني على صاحبتي
أنا : حبيبتي صافي .. انا مطلبت منك والو قربت ليها و ضميتها ليا و بست راسها طلعات عينيها فيا امم ولكن عندي لك واحد الحاجة جبدات من جيبها بحال واحد كتيييب صغيور فضي و حلاتو كان فيه تصاورنا بزوج
رغد : هادي عمرها تفارقك ديما تكون ف جيبك
أنا : أفضل هدية جاتني فحياتي هزيتها بين يدي و بست راسها من بعد هبطت انا وياها تعشينا و طلعنا نعسو
لغد ليه مشيت راسي باش نشوف هجر صاحبتها و ..
____
كانت جات عندي غيثة للبيت و بقيت نهضر أنا وياها هي لي قتارحات عليا الفكرة د الهدية صيفطتها هي لي جابتها انا مكانبغيش نعيق ف الخروج حيت هو ممنوع عليا من غير يلا كنت مع ماما و لا معاه مهم شي حد كبر مني كانخرج، أما راسي ولا مع غيثة مكايليق بيه واخا مكايهضرش المهم سيفطتها و جابتها لي واحد الكتيب فضي و مع كنت عطيتها زوج تصاورنا تصغرهم درتهم و من بعد دوزت النهار عادي ف الدار وقيت العشا كنت نتسنا غالي باش نتعشى غير انا وياه دخلت للبيت د بنتي و بديت نشوف ف حوايجها و التجهيزات لي ناقصين هنا و كنغني حتى كانحس براسي طاااايرة مع الطيور هو الحقير هزني بقينا نضحكو من بعد عطيتو ليه قالي ايبقا ديما عندو عمرو يفارقو هبطنا كلينا و طلعت نعست على مخدتي المعتادة انتي ايليرجي هههههه ولفتها خصها تكون عاد يديني النعاس فقت كنتحسس بلاصتو ملقيتوش هزيت الساعة بانت لي 9 دخلت غسلت وجهي و هبطت نفطر لقيتهم كاملين كاينين كلينا فجو زوين من بعد طلعت جمعت البيت كيعجبني نتحرك حسن لي من الخمول من بعد دخلت للدوش و عمرت البانيو و درت فيه المستحضرات تا ولا كولو رغوة و دخلت قلب منو و استرخيييت دازت واحد الربع ساعة سمعت الباب تحل لقيتو غالي
أنا : اهليييين حبيبي (تبسم ليا ) مالك جيتي دابا
غالي : قضيت غرض و صافي تا العشية عاد نرجع
أنا : اااه. . اش درتي فداكشي د هجر
غالي : امم.. والو مزال مشت .. مم ديري لي بلاصة حداكم هههههه
أنا : بشرط .. بلا بسالة هههههه
غالي : منضمنش ليك راسي ههههه
دورت و جهي غمضت عيني تا كنحس بيه دخل معايا تا هو و جرني ل جيهتو جيت وسط منو و متكيا على صدرو بدا يدوز يديه على كرشي و يتحسسها
غالي : كيدايرا بنت باباها ؟
أنا : توحشااااتك بزاف ..
يااااخ شقلت .. فهمني غالااااااط ماشي داكشي لي قصدت دورت وجهي كنشوف فيه لقيتو كيفرنس
أنا : لا لا لا مااا ..ممممم طار على فمي المهاوش لاخور اييييوا متفكيت منو غير بزز تا لعب ماتش ناض هو للول وقف نااااري ناري ا البنات اول مرة نشوف صاحب المهمات الصعبة اويلي واش دابا داكشي كامل ... لا لا اويلي حااااي تضهشرت غير شت فيه ضورت وجهي و غمضت عيني وبديت نقول أعوذ بالله من الشيطان الرجيم. . عاق بيا المسخوط كنسمعو كيضحاااااك بديت نحل عيني بشوية كان لبس بينوار و مزال كيضحك بديت نشير عليه بلي لقيت مشطة شامبو لي جاني ههههه خرج مفرنس من بعد توضيت و خرجت من الدوش و سمعتو كيهضر جاتني الدوخة ..
____