حليت عيني كانت غرفة بيضاء .. كنسمع غير صوت الآلات .. آخر حاجة كنتفكر هي اني حاضن رغدة باش متآداش منبعد وليت نشوف كلشي كحل .. شت رجلي بانت لي مجبصة بان لي واحد الزر بديت نضغط عليه باش يجي شي حد دخلات واحد الممرضة
أنا : فين بنتي و مرتي ؟
الممرضة : أ. ..
أنا : هضضضضرت معاك فين بنتييييي و مرتي جاوبي
الممرضة : متخافش ا سيدي ا.. بنت بيخير عندها جروح سطحية و صافي
أنا : و مراتي ؟؟؟؟؟
الممرضة : (الصمت)
انا: جاااااااوبي الممرضة : أ. . الصراحة والله معرفت انا م.. دخل عمي
أنا : عمي .. فيييين رغد .. فيييينها واش طرات لها شي حاجة و لا شنو .. هضر متبقاش ساكت
أحمد : ولدي .. غالي تهدن شتو خرج و عاود رجع
انا : عمي هضضضضضر متجهلنيييييش
حاولت نوض من فراشي و هوما يدخلو تلاتة د الممرضين تمو جايين ليا شااااديني بزز ردوني لبلاصتي و انا كنغوت و نتنتر منهم جات ديك الممرضة و دربات إبرة ف المصل .. و بديت كنترخى شوية بشوية
انا : رغد .. ر .. غ..د،ر... •••••••
فتحت عيني. . كانشوف والديا و عمي و مرات عمي .. هاد الاخيرة و الأم ديالي كانو عينيهم منفووووخين
أنا : .. فينها ؟؟؟؟
ماما جات تلاحت عليا و كتبكي
أنا : علاااش كاتبكي ماااالكم هضرو .. ناضت من فوق مني و انا نحاول نووووض تاني
ماما : غالي .. غير رتاح ا ولدي
يلاه انهضر تا دخل رضى هاز رغدة كانو عندها شي خدوش فوجها و دايرين لها الضماضات حطها و جات لعندي
رغدة :دااااادي ماما هزاتها
انا : حطيها فوق مني حطاتها عندي و بديت نبوسها و نشم ريحتها كأني كنطمأن عليها
رغدة : دادي. . فين مامي توحسسستها .. نعست و فقت و نعست و فقت و نعست و فقت و ماستهااش
هزيت راسي كنشوف فيهم يشرحو ليا
رضى هز رغدة و خرجها و أنا بقيت كنتسناهم يشرحو ليا
أحمد : تضربتي فراسك و الضربة بسبابها دخلتي ف غيبوبة هادي سيمانة
أنا : و رغد ...
أحمد : ولدي ...
انا : هضضضضضضضر تقادا صبري
أحمد : رغد ا ولدي ملقيناش الجثة ديالها
أنا : ههههه كضحكو لا لا كيفاش ملقيتوش الجثة ديالها .. علاااااش كتقول الجثة على اسااااس ميتة لاااااا رغد مامتتش اتكون غير حاولات تعتق حياتها لا لا .. رغد .. رغد ميمكنش حياتي بلا بيها .. مستحيلة رغااااااااااااااااااااااد
إحسان : ولدي صافي مادييييرش فراسك هاد الحالة اهئ اهئ اهئ
أنا : راه .. راه رغد هي الهوا لي كتنفس منقدرش نعيش بلا بيها كيييفاش مانديرش فراسي هاد الحاااالة كيييييفاش
إحسان : بحالة انا ساهل عليا الحال مقلت انا و باها رجعات لنا أخيرا ولينا فقدناها نفس العذاب ايتعاود ولكن دابا .. قااااصح على اللول دابا للأبد
انا : سكتتتتتتو (درت يدي على ودني )سكتو
نضت كنعرج برجلي و لي كيجي قدامي كندفعو و هوما يبانو لي واحد العكاكز هزيتهم و خرجت و هوما تبعيني من حسن الحظ كانت غرفتي ف ريد شوصي خرجت شيرت ل طاكسي قلت ليه وصلني للكوميسارية ديمارا و كانشوف عمي تابعني بالسيارة حطني حيدت واحد الكورميطة د النقرة و عطيتها ليه و خرجت دخلت .. و عمي تابعني .. وصل ليا و شدني
أحمد : غاللللي تتتتببببت
تكيييييت على الحييييط و درت يدي فوجهي و بديت نغوت بأعلى صوت ..
عمي بدا كيهدني بالهضرة. . و وصلني للمصحة .. قالي انه هو مكلف شخصيا بالبحث عليها. .
دوزت أسبوع تماك داز عليا كحل دخلت ف صدمة مكاناكل ما والو غير المصل لي داير شغلو .. مابقيتش كنعس ايلا يلا دارو لي مهدء عاد كنعس .. ليوم انخرج و مكاين تا خبار على رغد حاس بروحي غادي تخرج مني مقادرش نتنفس و هي بعيدة عليا .. مشينا لدارنا لي عندنا ف فاس .. واحد اليوماين دازت و جات رؤية طل عليا هاد الاخيرة لي مني شدات الباك جات تقرا ف الرباط و جات سكنات معانا هادي عاماين غير كيجي صيف كترجع لدارهوم .. كانت مسافرة مع شي صديقاتها و جات طمنات عليا ليوم .. هي كتهضر معايا وانا ماشي فهاد العالم .. و هي كتهضر تا دخلات الأم ديالي و قالت لي انهم لقاو رغد
الدنيا مابقاتش سايعاني مشيت انا و رؤية بزوج قالو انا راه ف المستشفى .. وصلنا لقيت عمي ف الباب صبقنا و انا غادي بالعكاز بشوية .. مني وصلنا كنشوفو فين جابني ..
مستودع الأموات ..
أنا : ش..شكاديرو هنا. . علاااااش جبتينا لهنا
عمي شدني من كتافي و وجهو باين عليه الحزن
أحمد : حالتي ماشي حسن من حالتك ا غالي ولكن بغيتك تقوي راسك إلى كنتي مستعد تشوف الجثة .. دخل ماكنتيش مستعد غير بلاش .. انا شتها و قلبي دابا ماشي محروق .. قلبي مات .. تحرق نهار خطفوها و دابا مات
أنا : مااااشي هي سكتوووووو سكتو رغد مازال حية
أحمد :دخل تأكد بنفسك
وقفت بالعكاز ديالي متردد واش ندخل ولا لا .. خايف نعم خايف تكون هي بغيت نهرب من هاد الحقيقة لي معرفتش كيفاش انتقبلها ونكمل حياتي كأن رغد عمرها دخلاتها. . تشجعت و حركت راسي من الأعلى للأسفل حلو باب و دخلت صبقني ممرض و حل الدولاب و جبدها و حيد اليزار عليها نفس الملابس لي كانت رغد لابسا لكن مقطعين و ملطخين ب دم و الغيص قربت .. شدني دوااار مقدرتش نكمل الشوفة و جها كامل مشوه كولو ملامحها تمحاو تكيت على الحيط و طحت بطوووولتي درت يدي فوجهي و بديت نبكي .. نعم كنبكي .. كيفاش انفرق نصفي الآخر روووحي حياتي مراتي .. اش انقول ل بنتنا ماماك ماتت .. منقدرش آآآآآاه ا رغد لمن خليتينا آآآآآاه
نوضوني بزز و داوني واحد الغرفة دارو لي مصل و فيه مهدء .. غبت .. وليت كنفضل نعس
على اني نواجه الواقع و العالم الخارجي .. عالم مافيهش الإنسانة لي سكنات قلبي .. رفضو يخليوني نخرج دوزت سيمانة ثانية هنا .. كانو مسكتيني غير ب المهدءات ..حيدو لي الجبص من رجلي و وقفت على رجلي و نضت قالو ليا انهم ليوم ا يخرجو الجثة ديالها مشيت خديت تقرير عليها .. دايرين انو سبب التشوه كان سببو أننا كنا ف مكان مرتفع يمكن حاولات الفرار لكن بدات تدحرج الشي لي سبب ليها تشوه مع الربيع و الشوك و الحجر .. قريت أيضا أنه دارو التحليل حمض النووي مع عمي صدق مطابق ليه يعني .. هي تصلت من المشفى باش يجي عندي عمي جا عندي استلمنا الجثة
أنا : رغد غادي تدفن ف الرباط ماشي هنا
أحمد : كيفاش أولدي ؟
أنا : كيما سمعتي .. ايلا تدفنات هنا ماغاديش نقدر نزور قبرها و انا ساكن تماك
أحمد : .. شغادي نقولك لي بغيتي أولدي .. أما ا نتكلف بالأمر ..
داكشي لي كان تكلف هو بوثائق نقل الجثة و العائلة كاملة هبطات تاهيا للرباط .. تماك درنا الجنازة .. دفنت روحي و حبيبتي بيدي .. دفنت قلبي معاها كنحس كأني فحلم .. ميمكنش .. دازت 3 يام و سالات الجنازة كلها مشا بحالو .. و بقيت انا و بنتي .. بوحدنا دابا عاد انحس بعدم وجودها الكلي
ضميت بنتي .. كنشم فيها ريحت رغد .. رغدة لحد الآن مزال ممستعوعباش اش طاري .. فقط كتسولني على الأم ديالها فينها .. الأم ديالي بغات تبقا معايا لكن رفضت هاد المدة بغيت نبقى راسي .. ضميت بنتي و خانوني دموعي و انا ديما متصنع القوة قدامها كحزات عليا و حطات يديداتها الصغيورين ف وجهي و مسحات دموعي
رغدة : داااادي. .علاس كتبكي ..
أنا : لا ا بابا مكانبكيش غير عيني ضروني
رغدة : فين ماااامي .. توحستها بززاااااااف واس مغاتزيس ؟
أنا : (الصمت )
رغدة : دااااادي. . بغيت مامي اهئ اهئ اهئ 😭
أنا : حبيبتي .. ماما سافراااات
رغدة : امم .. وبلا بيااااا اهئ اهئ علاس مداتنيس معاها اهئ اهئ
أنا : (بصوت خافت ضميتها ): الله يحفظك ليا ا بنتي. . نتي لي بقيتي ليا ..
هزيتها و توجهت للمطبخ .. جبدت شي أكل سخنتو و عطيتها تاكل .. و لكن انا مكليتيش من نهار خرجت من المشفى ما طاحت النعمة ف كرشي ولا النعاس شفتو .. من بعد ماكلات ديتها تغسل سنانها و طرفت لها لبست لها و جبتها تنعس حدايا .. فرحات بزاف بقات متكية فحضني. . و انا كلعب ف شعرها حتى نعسات و انا بقيت فايق .. حتى العشرة د الصباح سمعت الهاتف كيرن كانت رؤية .. جاوبتها
رؤية : غالي .. صباح الخير
انا : صباح الخير
رؤية : ياكما فيقتك؟
أنا : لا لا اصلا كنت فايق .. اشنو واقع ؟
رؤية : مهم انا والله تا حشمانا منك ..
أنا : رؤية هضري خلاص ..
رؤية : منهنا تلتيام انبدا لقراية .. مهم واش نقدر نجي باش نجلس معاك ف الدار .. و منها نيت نقابل رغدة
أنا : رؤية الدار دارك اجي وقتما بغيتي ..
رؤية : شكرا بزاااااف انا راه شوية و نشد الطريق
انا : الله يجيبك على خير طيط طيط طيط
فاقت رغدة و جات كتبوس فيا نضت دوشت ليها و هبطتها تفطر و من بعد شعلت لها الرسوم و خليتها مدهيا .. ضربات 12 و نص سمعت دقان حليت كانت رؤية سلمت عليها دخلات مشات هزات رغدة و باستها و جلسنا ف الصالون
رؤية : غالي .. مالك وليتي هاكا .. عرفتي تحت عينيك زرق و عينك حومر
انا (الصمت ) رؤية : غالي كون كانت رغد مغاديش تبغي نشوفك فهاد الحالة .. كتعذب راسك على والو و الله لي عطا الله عطاه رغد ما..
انا (قاطعتها ): شششش اتسمعك رغدة
رؤية : ماعارفاش ؟؟
أنا : لا .. باقا صغيرة مزال مغادي تستوعب .. و مابغيتهاش تعرف .. قلت لها راها مسافرة
رؤية : مم .. (صونا تيليفونها ) .. سمحلي
انا : خود راحتك
رؤية : الو. . وي بابا .. ها .. لا لا .. وا بابا مالك كتغوت غير سمعني .. والله غير واحد صاحبتي كانت محتاجاهم مقدرتش نرضها لها فوجها و مبغيتش نبرزطك نتا .. مم صافي .. يلاه سلم على ماما
انا : تشربي شي حاجة؟
رؤية : اويلي جلس قالاك راني بنت دار ماشي برانية ..
اا
6PM ...
United States of America, Texas state, San Antonio City ...
السادسة مساءا ..
الولايات المتحدة الأمريكية، ولاية تكساس، مدينة سان انتونيو
الشخص 1: she hasn't woken up yet ؟
الم تستيقظ بعد ؟
الشخص 2: no sir, not yet
لا يا سيدي، ليس بعد
الشخص 1: holy fuck .. اللعنة ..
الشخص 2: sir just be patient. . We can't do it now سيدي ، كن صبورا .. لا يمكننا فعلها الآن
الشخص 1: okay okay I got it
حسنا حسنا .. لقد فهمت .
الشخص الاول عطا للشخص الثاني بالظهر و حل الباب ولكن قاطعو صوت الشخص الثاني
الشخص 2: sir .. wait wait she's opening her eyes سيدي. . انتظر إنها تفتح عينيها
الشخص الاول جا كيجري باش يشوف رسم على وجهو ابتسامة شيطانية و قال : I hardly think this is the time. . اعتقد ان هذا هو الوقت المناسب. .
#تصبحن_على_خير 💖
أنت تقرأ
اسيرة عيونك ( قصة بالدارجة المغربية )| مكتملة .
Romanceقصة مغربية بالدارجة من تأليف : يسرى . مقدمة : قطرات مطر على نافذتي، احتسي فنجان قهوة.. و تعود بي الذاكره للماضي .. ألم فضييع بقلبي وعقلي ..و تفتح جراح و عودة للصراع ...ذاكرة أتلفت و عادت بجمرة و بغصة. .أكان حلم هذا ؟ عودي للماضي و صارعي. ..اتيني بف...
