اسيرة عيونك ( قصة بالدارجة المغربية )| مكتملة .

18

كانت هازة صينية  و هي طيح  لها 
رؤية :  ن..ن..نعا..م
انا :  علاااااش  غوتي  على رغدة و مخليتيهاش  تخرج  ؟
رؤية  :  ل..لا م..مغوتش  عليها
رغدة :  اهئ اهئ  دادي غوتات  عليا اهئ 
نزلت رغدة و بست راسها  : طلعي  ا بابا لبيتك  شوية  و نطلع عندك
مشات و انا درت كانخنزر  ف رؤية و كنقرب  لها 
انا :  جاوبيني يلاه هانا كنسمع 
رؤية :  غ..غالي عافاك متعصبش  انا راه مغوتش  عليها غير قلت لها متخرجش
انا  :  علاش متخرجش  ها ؟
رؤية :  على ود صحاباتي  .. مم حيت  انا قلت ليهم لنا وياك تزوجنا عن حب و ايلا هبطات  رغدة ايتكشف أمري 
أنا : عن حب ههههه يااااك (شديت شعرها و لويتو  على يدي) يااااك 
رؤية :  أي أي. .. غالي كضرني  اهئ اهئ
انا :  هههه سمعي مزياااان  مزاااااال  ماتزاد  و لا تزادت  هاد ولد و لا بنت المرا  لي تغوت  لي ااااانا  على بنتي
رؤية :  اهئ اهئ  غالي راه مغوتش  عليها
أنا :  انا اااا  بنتي متكذبش  فهمتتتتي  انا عارفها مزيان و مربيها حسن منك ا الحمماااارة  انا عاملتك مزيان و لكن نتي شوفي اش كاديري  (دفعتها  ) يلاه جمعي عليا هاد الزبل لي طيحتي
زدت و خليتها  و الدخان مزال خارج  من ودني  عصباتني أنا  و مها عمرنا  غوتنا  عليها تجي هادي و ديرها  بهاد التصرف  كملات على داكشي د البارح  و الصباح  طلعت عند رغدة  سكتها و لبستها  و خرجت انا وياها  .. نتعشاو  برة ماقادرش نستحمل  هاديك  لي ف الدار انخلي تا دوز شي ست شهور  و نطلقها ميمكنش  ..نستحملها كتر من هاكا
____
دازت واحد السيمانة  انا بديت نتعلم كيفية  إطلاق النار  .. واخا مرضت  سعد بزاااااف  ولكن كيشد  ليا الخاطر  بزاف  ليوم من بعد ماسالينا التدريب  دخلت نتكى ف بيتي  .. جاني الوجع .. لقيت جاتني الدورة  الشهرية  ..  درت الفوطة  الصحية  كنت خديتها واحد المرة مشينا لواحد سوبر مركيت  .. وبقيت  نتوجع  جاني وجع  مجهددد  هاد المرة  بقيت نتوجع. . شي نص ساعة و انا  كانحس  بنصي تحتاني  ميت  .. حتى دخل عليا سعد بجهد
سعد :  سااااارة  مالك اشواقع  من صباح  و انا نعيط  لك مكاتسمعيش 
بقيت ملوييية  على كرشي  و ماجاوبتوش   جا ل حدايا  كايحركني 
سعد: سارة هضري  مالك ؟
أنا :  اممممم وا..لو  مم
سعد :  سارة متجهلينييييش 
أنا :  ممم .. أوف فيااااا  الوجع .. لوووجهعع
يمكن فهم  و خرج  واحد ربع  ساعة  و دخل  هاز  كاس 
سعد  :  سارة  .. سارة  نوضي  شريي  هادا
أنا  (هزيت فيه عيني ) : اشنو هادشي 
سعد :  شرييه  و صافي
تكعدت  و خديتو  شربتو  و بقيييت  سااااهية  فيه .. حتى قربنا  لبعضياتنا  و غصنا في  قبلة  .. كان كيبوسني  بجهد حطني  فوق حجرو  و دخل يدييييه  تحت  تريكو  لي لابسا بقا يجر و يمص فشفايفي  و انا عاااايشة  معاه. .
سعد (كيحرك  يديه ): hello  !!! فين ساهية 
عاد تواعييييت  كنت عاااايشة  الحلم  فيقني  من سهوتي 
أنا :  همم ... ها لا لا.. آه غير سهيت 
سعد :  يلاه رتاحي دابا
باس  راسي و خرج انا تكيييييت  تلويت  ف الغطا  بدا الوجع  يخف  مني تدريجيا  مفهمتش  علاش فكرت  بديك الطريقة  تكون زعما  غير حيت ف سيمانتي  .. بديت نفكر  هاكا  بديت نخبط  بافكاري  حتى داتني عيني .. و مني فقت .. فقت على خبر  صادم  .. معمري  كنت نتوقعو ..
انا :  اشششششنو
سعد : ..كيفما  سمعتي  و مابقاش لك بزاف د الوقت خصك  تجندي أكثر                                           
انا :  د..با نتتتتوما  كدبتو  علياااا  ياك  ياااك  قولو  لي من لول راني خدامة مع عصابة 
سعد :  سارة راه قلت لك أنا كاندير  غير اش قالو  علاش كاتغوتي  عليا انا .. و اصلا أنا  عاد جديد  معاكم كنظن  انو نتي قديمة عليا و راك كنتي خدامة معاهم  و يمكن درتي  ماكتر
مشعرتش  كيفاش  بديت نترعد  غير  بوحدي  كانحس  بدمي كيغلي  كيغلي  .. حتى غيبت 
~~~مااااامي.. حياتي فقتي  و لا مزال.. هههههه ~~~
كانسمع فعقلي  قهقهات د شي بنيتة  .. و صوت  رجولي كيقول  حياتي  فقتي  ولا مزال .. بلا  صورة بلا والو فقط  هوما يتحلو عيني  .. غرفة بيضاء  و مصل دايز  فيدي و سعد جالس  حدايا
أنا :  ش..شكاندير  هنا 
سعد :  سارة حمد الله  فقتي .. مكاضرك تا حاجة  ياك
أنا :  مم علاش أنا هنا 
سعد :  سارة ف الحقيقة انا معرفتش  كيفاش  غادي نقولها لك ..
أنا :  شنو .. سعد هضر  خلعتيني  ..
سعد :  مهم الصراحة معرفتش  يمكن قبل متفقدي  الذاكرة  كنتي  عارفاها  و على  حساب  مقال لي الدكتور  ..
أنا :  سعد :  هضر  ..صبري  نفد 
سعد :  نتي مريضة  بالسكار هادي 4 سنين  يمكن هادشي مكان عارفو  حد من غيرك .. يعني دابا خصك تبقاي  ضربي  لانسولين
انا ودني بداو  يصفرو  واش انا صكعة  ا عباد  الله المشاكيل نازلة  غير عليا انا .. فلول كدوبو  عليا صدقت انا خدامة مع عصابة  قالي قبيلة سعد انو خصني نزيييد  نتدرب  حيت انمشيو  لواحد المعسكر  كاين ف الحدود  الميكسيكية  مع ولاية  تكساس  و خصنا  ندخلو  واحد الكمية  من عشبة  الماري خوانه   .. و على حساب ما شرح لي  باش كيتفاداو  الشبهات  كيدخلوها  للولايات المتحدة الأمريكية و  كايرسلوها  المغرب  .. حيت مجرد انو السلعة  جاية من تماك  ف مكايحكروش  عليها .. أما لكانت جاية من أمريكا اللاتينية  فهاد  الأمر  كيدخل  ليهم الشك  ..  بقيت كنبلق ف عيني  من بعد هاد الأخبار  الصادمة لي سمعت ليوم سالا لي المصل سعد دوزني  لعند دكتور  كاين ف المصحة  ..  بقا كيهضر معايا و ينصحني  اش ناكل اش ماناكلش و منتعصبش  ..  كتب لي نوع الأنسولين  لي نولي نضرب و قالي نضربها  زوج د المرات ف النهار  قبل الفطور  و قبل العشا  .. من بعد خرجت أنا  وسعد توجهنا  ل فارماسي  و خدينا  الأنسولين  ..
كل نهار  حاجة فشكل كنتمنى  انو شي نهار نفيق  نلقا هادشي كولو غير حلم و انا مافاقدا  لا ذاكرة  لا والو و عايشة  حياة  عادية  .. كنتمى
___
دازت سيمانة ..  الصراحة  فعايل رؤية كتستفزني  .. مابقيتش كنتسوق  ليها  .. واخا كنفيق  الصباح  كنلقاها حدايا كنتسنى  غير ماما تجي و نعيط  لها تبقا  هنا  معاهم .. حيت كنحس  براسي  اني ممخليش  بنتي ف أمان  معاها  كون يرجع بيا الوقت و منسكرش  ديك الليلة  و ومايطرا  بيني و بينها والو ..  ليوم كان عندي خاوي و جالسين  كنتغداو  بثلاثة  هي ساكتة و رغدة كتهضر  معايا  و كنضحك  أنا وياها  .. حتى ناضت  رؤية كاتجري  متسوقتش  لها .. ولكن سمعتها  كترض  لا ياااا  ربي .. متزيدش  تربطني  بهاد السيدة. . ميمكنش  مشيت كنجري  لعندها
أنا : مالك  .. ؟
رؤية :  معرفتش  .. معدتي  ترونات  عليا 
أنا : يلاه دابا للطبيب 
رؤية  علاش .. صافي متخلعش عليا انا نولي  بيخير 
انا  (فخاطري): مالقيت  علامن  نتخلع غير  عليك نتي 
... زيدي لبسي دابا متجهلينيش  يرحم باك 
مشات لبسات و انا طلعت بدلت ل رغدة  و  نزلت للسيارة نتسنا  فيها  غير جات كسيريت نيشان  عند الطبيبة  لي كانت متبعة  مع رغد مني كانت حاملة مني وقفت قدامها  رؤية بقات كتشوف  ..
رؤية : علاش جايبني  عندي هادي ..
انا : نزلي ...
رؤية : ول...
انا  (غوت): قلت لك نزززززلي
نزلات  و دخلنا لحسن حظنا كانت  خاوية  دخلنا  عندها  شافتني   و هضرات  قبل كتشوف رؤية
الطبيبة :  أهلا سي العمراني .. كيداير  لاباس  .. مدام  رغد لاباس  عليها ؟
ماجيت  فين نجاوب  حتى طارت رؤية
رؤية :  سلااام رغد الله يرحمها و انا مراتو  دابا
طبيبة  بقات مشوكيا  و كتشوف   غمضت  عيني  بالاعصاب  ..
الطبيبة :  مم .. أ .. اش خبار الكتكوتة 
انا :  الحمد لله ا دكتورة  .. عافاك بغينا  نتأكدو  واش المدام حاملة و لا لا حنا شاكين  ..
الطبيبة :  مزال مدرت  لا تيست  لا تحليل  ؟
أنا :  لا مزال  ..
الطبيبة : تفضلي  ا مدام جلساتها   و بدات دير  لها فكرشها  داك السائل  .. و تشوف  ف الشاشة  لي قدامها
الطبيبة : هم .. مبروك  المدام حاملة  ف تلاتة  الأسابيع 
يااااا  ربي اش هادشي .. حسيت ب سطل د الما سخون تكب عليا .. انا ماباغيش  نزيد نربط راسي بهاد المصيبة. . و مبغيت  ولاد لا ماكانتش  ماماهم  هي رغد .. لوكان مكانش  حرام نقولها  تجهض  .. ولكن كتبقا  روح .. و قبل  من  هادشي قطعة  مني .. منقدرش  خرجت  معصب  بجهد و هي فرحاااااانة
أنا :  شتك  فرحاااااانة  ها ؟؟؟
رؤية :  آه
انا :  سكتيييينا  اووووف
.رؤية:. لااااا انا طلما حلمت نكون أم  تا انا بحال كاع البنات
انا :  قطعي  حسك  مترضيييييش  عليا الهضرة 
رؤية :  هاااااء شكون  لي غتاصب  لاخور  انا ولا نتا انا لي قلت لك اجي تعدى  عليا .. نتا درتي غلط و تحمل  مسؤوليتو  انا ماشي شغلي   و من هادشي كامل أنا الضحية  اشنو دنبي  جيت عندك بصيفتك  خويا  الكبير  و راجل ختي نجلس  معاك حيت كنقرا  ف الرباط  نضتي  نتا تعديتي  عليا . . و هاد  الولد و البنت لي فكرشي فهي نتيجة  غلطت  و تهورك. . دابا انا بحال  كاع النسا بغيت نعيش  حياتي هانية  مع راجلي و ولدي 
أنا :  سكتي .. سكتيييييييي  بديت نخبط  ف الفولون  طلعات ل دين مي الدم  كون نلقا  ندوز  عليها ف هاد اللحظة  .. رجعنا الدار  اتصلت ب ماما قلت لها  ترجع ف أقرب  وقت  ..
🚨🚨🚨🚨🚨🚨🚨
بدات  دوز  ليام حاولت نتأقلم  مع مرضي لي ربما جديد  ربما قديم جديد حيت فقدت  الذاكرة  و  قديم حيت يمكن كنت عارفا بلي راني  مريضة  .. ولكن لي لاحظت انو ف دراعي عندي واحد لاطراس  ديال الوخز. . يمكن كنت عارفة  .. بالنسبة التدريب ولا سعد كل ساع  كايعلمني  ..  مكايعطينيش لوقت فين نرتاح كنحس بالضغط.. دازت تقريبا زوج  سيمانات و بقات دابا تلت يام  باش نفدو  الخطة  ليوم  كنت جالسة  حتى دخل سعد  كان  خارج  غير شتو  و انا نطلقها  بواحد الضحكة 
انا: هههههههههههه اويلي مالك هههه مالك على هاد الحالة
سعد : مضحكييييش  عليا هادشي داخل ف المهمة
كان صبغ لحيتو  و شعرو   في الزعر و دار  العدسات  فاللون  الأزرق  .. غير جبد لي حس المهمة تزاد  معايا الزايد .. الصراحة   مخلوعة  بزاف دابا .. حيت بالنسبة  لي اول مرة اندوز  شي مهمة و المشكل هو أني كنحس  ب تأنيب  الضمير  .. واش تال هاد الدرجة كنت أنا خايبة  كنت مع عصابة  و مكانش  عندي القلب  ربما  قتلت  ربما  سرقت  .. ربما نصبت على ناس .. أنا  قضية  مربجاني بزاف فعقلي  .. كل ليلة كنسمع نفس الصوت  الرجولي  ف عقلي  .. و  صوت بنيتة  و قهقهاتها  مني قلتها ل سعد قالي ربما هادو ذكريات من طفولتي  مع وليديا  .. و ايلا كانو بصح واليديا  فينهم  دابا  .. و علاش قدرت نكمل  حياتي بعيدا  عليهم  ميات سؤال  و سؤال عندي فعقلي ولكن بلا جواب.. قرب نهار المهمة  و دابا سعد كيقريني  و يوريني  كيفاش  اتكون  الخطة..  و هاد الخطة  لي مقسمة  لقسمين  ..   فهمني الخطة مزيان .. خصني نكون بارعة ف التمثيل  ..   ايلا  منجحاتش  لينا الخطة الأولى  عاد غنضطرو  أننا نلجأو  للخطة الثانية .. و هادي واخا ساهلة صعيبة  ساهلة حيت انهربو  .. ولكن صعيبة  ف التطبيق  حيت غادي نطبق  فيها كاع  داكشي  لي تعلمت  و نقدر  نقتل  ناس أبرياء  جايين  يخدمو  .. و مخليين  عائلتهم  و ولادهم   باش يعيشو  ..  هادي هي لي خلعاتني  أما  الخطة  الأولى  ايلا دازت مزيان .. فداكشي لي كنتمناوه  ..
دازت يوماين ليوم  .. هو يوم المهمة .. سعد حفضهالي  ما تا طلعات  ليا فراسي ..  عطاني سعد جواز السفر  ديالي كانت سميتي  سارة  ميشيل  و شت ف الصورة لي دايرين  ليا .. و  بقيت نتأمل فيها ..  شفت بزاف د التأشيرات  كاينين  يعني دخلت ل شحال من بلاد.. واو التزوير عندهم ساهل  تال هاد.. الدرجة  ..  قلعنا  و توجهنا للحدود  ..
انطلقنا  .. شدينا الطريق بلوطو  حتى وصلنا للحدود بقيت كانشوف  ديك الجيهة  .. بان لي داك المعسكر  .. هاد المعسكر ايلا حصلنا هو فين انتشدو  مؤقتا   .. بقينا شادين الصف بلوطو  حتى توصل نوبتنا  ..  انا متوترة  بزاااف  شاف فيا سعد ..
سعد :  مالك ؟
أنا :  امم .. خايفة 
سعد :  سارة حنا مزال  فلول  ودابا كترعدي  ايلا وصلنا  للمعقول اش غادي ديري ..
أنا :  سعد فهمني ..راه بالنسبة  لي هادي اول مرة
سعد :  واخا واخا .. مهم دابا تهدني وماتحاوليش  تباني متوترة  راه أي تصرف ماشي تال تماك كيدخل ليهم الشك 
أنا :  صافي .. فهمت
حاولت نكون هادئة  مني وصلات  نوبتنا  عطيناهم  جواز السفر  الخاص  بينا  بقاو  كيحنززو  ف التصويرة  و فينا من بعد جابو  واحد الكلاب  قالو ل سعد يهبط  يحل الكوفر  .. بداو كايشمشمو  مالقاو  والو  .. سد سعد الكوفر و طلع للسيارة و كملنا .. دخلنا دابا للمكسيك  بالضبط مدينة  ciudad juarez  .. بقينا شحال شادين الطريق  حتى وصلنا  لواحد الحي  .. و دخلنا لبين  شي زناقي  كان بحال معمل مهجور  .. نزلنا  من السيارة  .. سعد أجرى  شي تصال  من بعد تحل واحد الباب  بقيت حالا عيني    .. تحل و خرج  واحد الراجل  سلم على  سعد ..
دخلنا لداك  المكان المهجور  خرج واحد دخل السيارة  كانو بزاااااف  د الرجال  تماك  كايقادو شي سلعة  .. و انا مزال كنهضر  مع راسي قاطعني صوت نسائي  : good morning  miss Sarah صباح الخير آنسة سارة 
دورت وجهي .. كانشوف فيها :emm ..good morning مم صباح الخير 
قالت لي تبعيني  شت ف سعد .. دار لي بعينيه  نتبعها  .. طلعنا فشي دروج  و دخلنا  لواحد  البيت .. كان صالون د الحلاقة على حقو  و طريقو و كانو شي ثلاثة  د البنات تماك .. جروني  و بداو  كايخربقو  ف شعري  قطعو  لي القصة  لي كاتكون على الجبهة  بحال د البنيتات  الصغار .. بداو يطليو  فيه شي تخربيق .. من بعد شحاااال  سالاو  منو خلاوه  ملوي  ف الألمنيوم و دازو لوجهي  دارو  لي حجباني  ف اللون  البني .. طراساو  لي واحد الخالة  فوق من فمي ..  دازت  مدة  حلو ليا شعري  غسلوه كان فاللون  الأشقر  صاوبوه  لي و زادو  لي اكستنشن  باش يبان  طويل .. مم بعد جمعوه  لي ديل  حصان و عطاوني واحد العدسات  فاللون  البني  نديرهم  ..  و جروني واحد البلاصة  .. على مافهمت  انتصور  قالو لي مانضحكش  هههه المهم بحال شكل د التصويرة  د البطاقة الوطنية  تصورت  من بعد هبطت   عند سعد  ..
انا :هههههههههههههه
سعد :سارةenough  (باراكة)
  انا :  ناري يا ربي هههه كترت الهم كضحك  .. شكل سعد كان مضحك بلا قياس  ههه كان   ..😂
ناري ههههههههههه كان زول اللحية  و حيد داك اللون لي فشعرو  رجعو كيف كان ولكن زاد عليه شوية  د الشيب  هههههههههه يا ربي جا داير  بحال شي بيبي
سعد :  سارة .. هضرنا 
أنا :  ههههه ونتا لي جيتي  كضحك هههه مالي قلت لك سير زول اللحية 
مجاوبنيش  ..  حتى جاو وحدين قالو لنا زيدو  توجدو  راسكم .. تبعنا هم انا وسعد  انا تنكرت  على شكل مراة  حاملة .. و دارو لنا الواقي  من الرصاص سعد لبس  بدلة  كلها  فيها السلاح و زاد عليه  مونطو  فوق منها .. دازت ساعة  .. جابو  لينا جوازات السفر حليتو كان اسم جديد و الصورة  لي خداولي قبيلة  ..  عطاونا  سيارة جديدة  و عطاونا  الوراق كلشي صاوبوه  وسعد كانو عطاوه اسم جون  .. ركبنا ف السيارة .. معرفتش  هاد السلعة فين دايرينها مهم انا لي عليا انديرو .. شدينا الطريق  مرة أخرى كان دابا الظلام طاح    وصلنا للحدود  صافي قلبي ايسكت .. كيضرب  ف 100 وصلات نوبتنا .. عطانهم  جوازات السفر  بقاو كيحققو  فينا مزيان   تا دخلو ليا الشك .. يلاه  بان  ليا غادي يعيط  ليهم يقلبو  و انا نطلقها  ب غوتة اااااااااااااااااه
Aaaaawh  oh my gosh  John .. John I'm giving birth  .. o m g I'm giving  birth right  now  hellllp  .. help me 
اااااه  ا ربي جون جون انا غادي نولد  .. غادي نولد دابا عتقنيييييي  اهئ اهئ
بديت نغوت  سعد بين على انو مخلوع  داك لي كان خدا لينا   الجوازات براسو مسكين تفتن  بدا غير يدور  معرف اش ادير 
الحوار  بالإنجليزية  :
الرجل : ايلا كانت اتولد  دابا ندخلوها  المعسكر  راه كاين  عندنا أطباء 
سعد :  لا أسيدي راه خص الطبيب  ديالها هو لي ولدها راها مريضة ب السكر  و خصها طبيبها 
الرجل : ممم ... اوكاي  اوكاي 
أنا : وااااااع واااا ذ الهييييل  آر  يو واتين  فور اهئ اهئ  انمووووووت   جون شوف الدم اهئ       
سعد :  حبيبتي  بلييييز  صبري  مابقا  وااالو   .. سيدي عافاك سربينا  راه مراتي اتموت
طبع لنا دغيا ف جوازات السفر  و كسيرا   سعد و خلا الرييييح  موراه ف مدة  ربع ساعة كنا وصلنا لبلاصة  لي غادي نحطو  فيها السلع و قفنا و شفنا  ف بعضياتنا  و طلقناها  بضحكة : هههههههههههه 
سعد :  صدقتي  ممثلة  محترفة  .. انا  و كنت انتيق راك بصح اتولدي 
انا : ههههههههههه موهبة  آخرة  كتشفتها 
سعد :  كي درتي هبطتيي  الدموع ؟
أنا :  معرفتش  ههههه هبطو راسهم 
بقينا كنضحكو حتى دخلنا لمكان كان كيشبه  للمكان السابق  لي هزينا  منو السلعة .. 
دخلنا شعلو الضواو  و خرجو شي رجال  جا واحد  بغا  يحيد  لي ديك الكرش  منعو  سعد  و هو لي حيدها  ليا تصدمت  حيت تاهي  كانت عامرة  ب الماري خوانه  .. بداو يجبدو  داكشي  بزااااف  ..  سمعت  واحد  الخطوات  جايين  كيتسمعو  فداك المكان .. (طاق طاق..) كانضور  وجهي  باش  نشوف شكون  جاي  و شكون  صاحب  هاد الخطوات  لي مجرد  تسمعهم  كيخليو  الرعب  يتزرع  فيك .. حتى  لمحت  شخص  واقف  حدا  واحد  الكرسي كبييير .. جلس  ..  الضو كان  كيبين  غير رجليه  و مني كيتحرك  كايبان شوية  من كسدتو  شعل  سيgار وبقا يطيش  بشوية  بداك الكرسي  معرفتش ولكن هاد المنظر حسيت بيه تعاود بحالا  فايتا  شايفا  شي حاجا  هاكا .. رجلين  لي ضارب  فيهم  الضو  و الوجه  لي جيهة  المظلمة  ..  حسيت  بدوار  .. راسي بدا يحرقني   كنت انطيح  و هو يشدني  سعد
سعد :  سارة .. باش كانحسي 
أنا :  امم.. صافي  انا بخير  ..بخير  
هاداك  الشخص  المجهول  .. حرك  دوك الزوج  صبعان  لي شاد  بيهم السيgار  و هوما  يتحركو  واحد الزوج  و جاو  مقصدين  ل سعد كتفوه  و هو كيتنر  منهم 
أنا :  اييييييه  سسساااااعد  طلقوووووه 
مسمعوش  ليا  و خرجوه  بقيت  انا بوحدي  مع  هاد السيد  .. من بعد صمت طويل   قررت  نهضر  ..
أنا :  who are you؟ شكون نتا ؟
هو : (الصمت )
أنا :  hey .. I'm talking  to you .. who are you ? And what the fuck are you want from me ؟ هييه. . كنهضر  معاك  شكون نتا و شنو  بغيتي  مني ؟
طلق واحد الضحكة شريييييييرة 
هو : هو هو هو .. هههههه بشوية عليك
أنا :  ممم .. حتى نتا مغريبي
هو :سكتي شوية ... صوتك  مزعج  .. كيضرني  فراسي
أنا :  شنو بغيتي  مني ؟
هو : عجبتيني  ليوم .. بارعة  ف التمثيل  ههه
أنا :  علاش مابغيتيش  تجاوبني  ؟ زدت واحد الخطوات  لجيهتو  و هو يقاطعني  بواحد النبرة  حاااادة 
هو : هيييه حباااس  (مقدرتش  نزيد نتحرك ).. شتي الشريك ديالك سعد .. أو نقول  الحبيب  ديالك  ههه نقدر  نقتلو  فأي  لحظة  ايلا مامتاتلتيش  للأوامر. .  ونقدر  نقتلك  نتي براسك  ..
أنا : اناااااا  مدرت لككككم  واااالو  حرااام  عليكم حرام اهئ اهئ 
هو : درتيييي  .. و كدفعي  دابا الثمن  لداكشي  لي درتي .. انا حذرتك  كنتمى  تكون فتاة  مطيعة هه صفق و هوما يخرجو شي  رجال حلو الباب  و وقفو قدامو بمعنى  نخرج  .. حنيت راسي و زدت
خرجت لقيت سعد ف السيارة  شافني خرج  كيجري  لعندي   شد  وجهي بين يدو 
سعد :  سارة .. آر يو اوكاي  ؟ مدارو  لك تا حاجة  ياك
أنا  (تنهدت )؛تت والو
سعد (باس راسي بوسة  مطولة ): أوف الحمد لله  كنت مخلوع  عليك  بزاف
انا : نمشيو ؟
سعد :  اهم ... يلاه عييتي  ليوم بزاف ..
ركبنا  و انا  عقلي ماشي معايا كانفكر  ف ديكشي لي قالي داك السيد .. يقتل سعد و يقتلني حتى انا .. معندي مندير من غير أنني نطبق اش بغاو .. و انا فعز سباتي قاطعني صوت سعد ..
سعد: هيييلو ... راني كنهضر معاك
أنا :هم .. كيفاش؟
سعد : قلت لك اشنو قالك هاداك .. واش تعرفتي عليه و شتي وجهو كيداير
أنا:  تت . . معرفتوش شكون
سعد: و اهضري .. مالك ساكتة وساهية
أنا: سعد عييت بزاف ليوم بغيت غير نرتاح
سعد: سمحيلي ا سارة ..
أنا: معليش ..
كملنا الطريق ف صمت تا و صلنا للدار .. دخلت كليت هو اللول من بعد تلاحيت على الاريكة بقوة العيا .. حتى نعست ..
من بعد بدات دوز  ايام  .. و شهور  .. تقريبا  تلت شهور  و فهاد ثلاث  أشهر  كلها دوزناها  ف المهمات  كنتقلو  عبر  الولايات  لي عندهم الحدود  مع المكسيك مرة نيو ميكسييكو مرة كاليفورنيا مرة أريزونا  و كل مرة اش كانديرو  .. كتاشفت ان العصابة عنديها مقر فكل من هاد الولاياتلي ذكرت ... ولاو عندي بزاف د الهويات  و بزاف د الأشكال  كل مرة مغيرين  ليا شكلي  .. اقتنعت بلي انا معندي  هدف ف حياتي .. غير عايشة  و صافي.. و فنفس  الوقت كنحاول نتعايش مع المرض  .. ماكايديروش بحساب  اني مريضة  ولا شي حاجة بالعكس  .. و نهار كنفكر  نتعكس  كايفكروني  ب انهم  ا يقتلوني انا و سعد .. ايلا بغاو أنا يقتلوني غير يقتلوني  معنديش  المشكل ولمن سعد .. اش ذنبو  يموت بسباب  وحدة  لي يمكن دارت شي حاجة ف الماضي ديالها و دابا كاتعاقب  عليها ياااا  ريت نفيق  شي نهار نلقا  ذاكرتي  رجعات  و نعرف كلشي يا ريت ..و على ذكر الذاكرة   مزال كنسمع  دوك زوج أصوات  ف أحلامي  لدرجة ولفتهم  ههه  وليت نحس  بيهم أشخاص  كنعرفهم  وخا عمرني  شتهم ولكن أصوات دوك الزوج مكاتفارقش  أحلامي  .. حاليا كنستعدو  لأكبر  مهمة  غادي ندوزوها  مغاديش تكون كباقي  المهمات حيت هادي غادي يكونو  فيها البوليس  و حاضرين مستخفيين  ..