اسيرة عيونك ( قصة بالدارجة المغربية )| مكتملة .

23

لوكان ماحبستهاش  كنت نطيحها  معايا  ف الحرام .. كون كانت مرا  آخرا لي مزوجها  كنت  نتقرب  منها انا اصلا حابس  راسي بزز حبيبتي  و مراتي  قدامي  و ماقادرش  نقرب  ليها  .. ولكن حيت حيت رؤية ختها و حرام نجمع  بين الخوت  .. كون كانت مرا أخرى كانت تكون مزال مراتي ولكن دابا الوضع  كيختالف خبرتها  ب الحقيقة  .. جاتها هستيرية  د الضحك  حتى  جمعتها  معاها عاد تواعات  تلاحت  فحضني  و بقات كاتبكي  ..
رغد :  اهئ اهئ  غالي .. ياك عمر  طرات بيناتكم  شي حاجة  من غير المرة لولة 
أنا :  كانقسم لك بالله عمري  عاودت حطيت  عليها يدي أنا ماعاقلش  على ديك الليلة  .. حتى كانشوفها  حدايا .. انا لي عاقل عليه هو نتي .. قلت لها انا راجل و انتحمل  مسؤليتي  .. و كنواعدك ا رغد غير تولد انطلقها  ..
رغد :  ولكن  الولد اش غادي دير  معاه .. راه حتى هو ولدك
أنا :  مغاديش  نقصر من جيهتو  راه  تا هو ولدي 
رغد  :  و ايلا هو كبر غير مع رؤية .. و رغدة اتكبر  معاك راه  يقدر  يتعقد  ..
أنا :  معععرفتش  ا رغد والله معرفت  .. دخت
رغد : و ماما و بابا اش غادي يقولو مني اتطلق  نتا رؤية باش نرجعو انا وياك .. غادي يتقلقو  منا ياك
أنا :  منهنا  لتماك  يحن الله ..
رغد :  غالي كاتبغيني  ياك ؟
أنا :   كنموووووت  عليك  .. (بست  راسها ) نتي هي روحي  و حياتي .. و كلشي  دابا عاد كانحس  براسي عايش  .. من قبل كنت ميت 
رغد :  علاش هاد المصائب  كاملة كاطيح  علينا غير حنا ..
انا :  هادشي لي مكتاب  .. علينا و انتخطاو  كلشي بزوج  بينا و نعيشو  انا وياك و بنتنا  ..
رغد :  يا رييييت  يكون هادا غير  حلم  ..
أنا :  يلاه نوضو  نعسو  ا حياتي  ..
رغد :  صافي نتا سير لبيت  النعاس  و أنا  خليني هنا أنا نعس فوق هاد الاريكة 
أنا :  نعام .. مسمعتش 
رغد :  وا قلت ليييك  .. غااااالي  .. نزلني
هوب  .. كنت هزيتها بين يدي  و مشيت  لغرفة  النوم 
أنا : معمرك  تحلمي  نبعد  عليك عمرك
رغد :  وا غالي وا راه حراااام 
انا  (نزلتها ): مالنا  اش انديرو  ؟ عادي ا تنعسي  حدايا ولد عمك  و اتنعسي حداه هههههه
رغد  (شيرات بمخدة ): الله يمسخك 
زولت حوايجي  .. بقيت ب الشورط  .. و تكيت  حداها 
أنا : زولي  عليك  البنوار  .. الصهد  عليك
رغد :  اويلي  راه ملابسة  تحت منو والو
انا :  توحشت  نشوفك  بوالو 
رغد :  مابغيتش  تحشم  راه اندير  بناقص  أنا  كاع 
جريتها  لعندي .. جات متكية  على صدري. . 
انا :  مااابقاش  بزاف ا حياتي و نننننن
رغد :  اش  تتتت يهديك الله 
أنا : راه غاندير  بناقص  و نغتاصبك  هنا وا هنينا  ..
رغد :  نعس  ا حبيبي  نعس ..
أنا :  ماجاش  معاك هاد اللون لي دايرا  لشعرك ..
رغد :  عرفت جاني خايب ..
أنا :  حيدي دوك العدسات  .. تاهوما مخبيين  لك لون  عينيك 
رغد :  ويلي نسيتهم  (مشات للحمام زولاتهم  و رجعات )
انا :  غير  نساليو هادشي  غادي تحيدي  الصباغا  و ديك الخالة المزورة  و ترجعي  حجابك  ..
رغد :  عرفت .. إن  شاء الله  حبيبي ..
بقينا  نهضرو  حتى دانا نعاس. . وأخيرا  نعسنا فحضن بعضياتنا  ..
____
صبح  الصباح .. حليت  عيني  لقيت راسي ناعسة  على صدر  غالي و رجلو  وسط  رجلي لقيت  البنوار  تحل  مهم نعسة  معنكشة  ههه ابتسمت  لا اراديا  .. كان هو ناعس   قررت نفيقو  بحال شحال هادي .. شديت خصلات من شعري و بديت  نديرهم ليه فوجهو. . حيدها  المرة الأولى. . الثانية. . الثالثة حل عينيه  مخنزر. . غير  شافني  و هو يضحك  ..
غالي : ههههه مكانحلمش ؟
أنا :  تت .. مكنحلمش 
غالي  :  انا لي سولت ماشي نتي
انا :  تا انا كان عندي نفس  التساؤل  ..
قلبني  و جا فوق مني  ..
غالي: ااااخ  شحال توحشتك. . توحشت  الطروحة  و الماتشات و الأشواط الإضافية  😉
أنا :  هههههههه غالي نوض نوض  راك تقييييل  عليا
ناض  عليا .. و انا نوض   مع كان البنوار  محلول 
غالي :  احم .. سدي البنوار 
أنا :  هئ. . (سديتو  بزربة  )
غالي :  ههههه بشوية عليك راه داكشي شايفو  ما مرة  مازوج 
أنا : سير  بعد  مني من قلة الحيا
مشيت  للحمام و هو كيهضر  ..
غالي :  هااااه. . داكشي راه ديالي اصلا
انا  (طليت  عليه ): هيههيهيهي منين دلالك
غالي :  كاتحدايني ؟
أنا :  اوهو  ا الحبيب  غا ضاحكة  معاك هههههه
غسلت و طرفت حالتي .. هو ناض للحام لي كاين على برة .. شوية سمعتو  كيهضر  ..
أنا :  حبييييبي. . معامن كاتهضر
خرجت  وانا نلقا..  إيمان و سعد
أنا : اوبس  .. جيت راجعا بلور 
إيمان  : اجي ا ديييك  الشفارة  يلا  مدخلتكش  بيدي  الحبس  مانتسماش
غالي :  إيه ايه .. حتارمي  راسك و عرفي معامن  كتهضري 
إيمان؛  معامن ؟ مع شفارة  خدامة مع العصابات 
سعد : اييييمان. . سكتي زدتي  فيه
إيمان : انا مفهمتش  اش دايرا  لكم هادي لي كلشي كايجي  منها ..
سعد :  سارة ماتخافيش  غير خرجي  ..
غالي : .. دخلي للبيت و سدي  عليك تخرجي  نكرض  لك رجليك 
سعد :  إيه مالك كاتحكم  ف السيدة 
أنا :  غالي. . ولك..
غالي : رغد هضرت  معاك متصعرينيش 
دخلت سديت  عليا ديك الساع  و درت ودني  كانتصت  عليهم
سعد :  رغد ؟ كيفاش رغد هههههه  مالك حماقيتي
غالي :هههه هاديك مرتي ا الشريف
سعد :  ههههه لا نتا يمكن حماقيتي 
غالي :  مامحتاجش  نبرر  ليك  رغد مراتي و ماسميتهاش سارة سالينا 
سعد :  طيب  من حقي نعرف فهمني
غالي :  كنت كنظن  أن مراتي  ماتت ف حادثة  سير طرات لينا .. ولكن العكس  شي حد خطفها  و هي فقدات  الذاكرة و عطيتوها  اسم سارة .. أنا كنت كنظن غير كيتشابهو  .. مع كاين اختلاف  فلون الشعر  و العينين  و ديك الخالة .. ولكن مني قالت لي ديابيتيك عرفتها هي .. طاح لها السكار  مني وريتها  تصاورنا  سخفات. . و رجعات لها الذاكرة
سعد :  صدمتيني..
غالي :سالينا يلاه تفضلو
سعد  :  غالي جيت  انا نشرح لك واحد السوء تفاهم طرا بيناتنا و هاهيا إيمان ..
غالي :ههه هادشي داز 8 سنين مابغيتش
سعد : شوف لطالما كنتي له بالنسبة  لي ماشي صديق  ولكن نتا منك الغلط  حيت مخبرتينيش  ب علاقتك  بإيمان  .. حيت هي كانت معايا  قبل منتعرف  عليك .. ولكن مكنا  قايلينها  لحد .. حيت راك عارف خدمتنا  كيدايرا  .. انا والله مكنت عارف  شي حاجة .. و حتى مني حاولت نهضر معاك معطيتينيش فرصة
غالي:سعد.. 8 سنين دازت و انا نسيت هادشي بفضل رغد لي نساتني كلشي نقدر  نسمح لك نتا ولكن هي لا و اصلا  مستحمل  وجودها غير بزز .. حتال منبعد  ونهضرو. . دابا تفضلو  . . سمعت الباب  تسد .. و انا نخرج