ااااه اول مرة كنحس بالسعادة تال هاد الدرجة تصورو معايا تفيقو على وجه الشخص لي كتبغيه هاد الليلة بالنسبة لي أحسن ليلة دازت فحياتي تعرفت على غالي مزيان واخا هو صارم و على مابان لي طبعو هاكا مع كلشي و لكن كيحاول يكون معايا مزيان و كيضحك معايا حليت عيني شتو كيلعب بشعري و ضاحك فرحت بزاف و من بعد دخلت للحمام عندو و خرجت لبيتي كنمشط شعري تا جا عندي و باسني فعنقي بورشني ههه حسيت بلحمي تشوك و هي تجي كنزة دار فيها واحد الضورة خطيرة الصراحة كيبقاو فيا حيت كيتعامل معاهوم هاكا من بعد ماخرجات بدا كايمشط لي شعري و كيضفرو و قلت ليه انبقا نعيط ليك بابا حيت كتعاملني بحال ايلا انا بنتك
غالي: هههه دابا نوريك باباك اش كيدير
هزني من الخصر ديالي بين يديه و حطني فالناموسية و كايشوف فيا و مطلع حاجب و مهبط لاخور
غالي : دابا اش ايدير فيك باباك امم ؟
أنا : هههههه لا صافي نتا حبيبي و راجلي ماشي بابا
غالي : هههه لا حنا كيخصنا نتبتو اني ماشي باباك ياك ؟
أنا : هههه لا ماشي ضروري
نزل و باسني بوسة وحدا : نزيد نتبت ؟
انا: هههههه واااا نقص غير من لحيتك و جي ديك ساع نديرو انا وياك الاثباتات
غالي : ههههه مابقيتيش تحشمي مني هاااا
مني قال هادي بقا فيا الحال غادي نويني شي وحدة مكاتحشمش بدون سابق انذار عيني تغرغرو اصلا انا من طبعي حساسة أي كلمة كتجرحني شاف عيني تغرغرو و جرني جلسني عندو
غالي : رغد .. مالك ا حبيبتي
أنا : امم والو. .
غالي : رغد هضري متختبريش صبري
انا (بداو دموعي يسيلو ): قلتي ليا مبقيتيش تحشمي خفتك تنويني شي وحدة مكتحشمش و خايبة
غالي : واش من نيتك ؟ أنا مقصدت فيها والو .. اصلا راه مخصش تكون بيناتنا الحشمة انا راجلك و بغيتك تصرفي بطبيعتك أي حاجة جات فلسانك طلقيها علاش اتبداي تقولي ا لا حشومة ايلا بقيتي هاكا هههه را مغانديرو ولاد
أنا(مسحت دموعي): امم ههههه شكون جبد الولاد دابا
غالي:ههه أنا جبدتهوم اش بان لك دابا نديرو شي بيبي ؟
أنا (حشمت ): احااااااي
غالي : ههههه ومالها اصلا انا باغي شي بنيتا تكون كتشبه لك هههههه .. شقلتي ؟
أنا (حدرت راسي ): الصمت
غالي : السكوت علامة الرضى ياك ؟
أنا : غالي.. مهم بصح أنا ويلك مزوجين فالوراق ولكن واش قدام الله حنا مزوجين ؟ اه بصح انا وياك كانبغيو بعضياتنا ولكن زواجنا كان بالإكراه قبل يعني مكناش عارفين انا بغيت منك حاجة وحدة ..
غالي : امم .. لي هي ؟
أنا : بغيتك طلبني من ماما و تقرا علينا الفاتحة و ديك الساعة انولي ماشي غير قدام القانون لي مراتك تا قدام الناس و قدام الله
غالي: عيني ايلا طلبتيهوم نعطيهم لك
بستو بوسة طويييييييلة ف حنكو
غالي : سمحيلي انا غادي نبدل الرأي ديالي ليوم بيبي هي ليوم بيبي
أنا : سااااافل نقص عليا غير اللحية بعدا هههههههه
غالي (بدا يشم فعنقي): اممم ويلا نقصت منها نديرو السفالة ياك ؟
(تحية لكيكو وسوكا 😂)
أنا : امم إن شاءالله هههه (نضت من عندو) يلاه خرج خليني نبدل
غالي : بدلي قدامي اش فيها
انا : مغاتخرجش .. خرج حسن لك
غالي: لا ... واا زوينة هادي توليو تحرمونا من عيالاتنا
انا : صاااافي بقا طليتيني شغلك هاداك
بديت نبدل حداه و بقيت غير ب دو بييس و عاد بديت نقلب على الكسوة لي نلبس .. تا ناض فحالو
أنا : فين غادي
غالي : انمشي قبل متصدقي حاملة هاد النهار
أنا : هههههه وارا علمتك..
غالي: انا انمشي نقص من اللحية (غمزني و خرج )
بقيت كنضحك غير بوحدي .. عمري حسيت بهاد السعادة فحياتي تا وليت كنبغيه
لبست واحد الكسوة حد الركبة فالغوز اصلا الخدم لي هنا كلهم عيالات على برا لي كاينين الرجال هبطت فالدروج وانا سمع شي توش ويش و اكيد راكم عارفين ختكم البركاكا مشيت نشوف شنو لقيت لخدمات مجمعين و كنزة كتهضر معاهوم
كنزة : والله ا البنات تا شتو بعيييني كايبوسها ف عنقها
البنات : اااححح سعادتها حنا شو شحال وحنا خدامين عندو عمرو شاف فينا و هادي لي قالك تزوجو بزز دغيا طيحاتو
كنزة : وا عرفتيو قالي خرجي و بقيت مخبية كنطل عليهم بدا يمشط لها شعرها و هزها و باسها ففمها
انا سمعت هاد الهضرة تعصبت ماكانش كيصحاب ليا هاد كنزة هاكا كتجسس على مرا و رجلها حشومة انا واخا راسي كايضرني عمري نتجرأ على مرا و رجلها معرفوش كي بعت معاهم
أنا : تبارك الله عليك ا كنزة
كانت عاطياني بالظهر تبلوكات ماقداتش دور
انا : نسيتي شي حاجة ولا نعاونك تكملي .. و نتوما كالسين مجمعين ليا هنا معضر غالي فيكم و نتي ا كنزة حسابك معايا حيت تقت فيك فاللول و عاملتك كي صاحبتي زدت و خليتها
مشيت و خليتها و جلست فالطبلة كنتسنا غالي تا وقفات عليا كنزة
كنزة : لالة عافاك الله يخلي لك ماعز عليك لاما سمحيلي
أنا : كنزة أنا عتابرتك صاحبتي فللخر تبداي توصلي خيارنا لبنادم و زايدها كتجسي علينا والله و يصيق لك غالي الخبار والله مايدوزها لك بالساهل داير فيك خير ونتي كترضيه ليه بموزوي ونتي كنظن كتعرفي طبعو كتر مني أو لا ؟
كنزة : نديييير لي بغيتي غير ماتقولي لو ولو الله يسهل عليك اهئ اهئ اهئ
أنا : أنا ماشي بنت الحرام باش نخرج عليك .. دابا سكتي ها هو جاي
كايبان لي جاي و كايفرنس نقص من اللحية ولات زوينة عاد بانت ليا مني كانت كتيفة كانت كاتبان كحلة دابا شوية مابين الأسود و البني .. جاتو فنة جاي كيضحك معايا وصل ليا و تحنا و باسني .. بعدت شوية و ديك كنزة غير مخرجة عينيها تقول ماعت اش شافت
غالي : عجباتك دابا ؟
أنا : احم. . (هو دار يشوف لقا كنزة مصدومة )
غالي : كنزة شكاديري ؟ ياك ماشي نتي لي مكلفة بالفطور
كنزة : أ.. م مم (انقدت الموقف )
أنا : لا راه غير انا لي عيطت ليها حيت هيا لكنعرف فالخدم
كنزة : آه ا سيد الغالي هادشي لي كاين
غالي (بدا يخنزر فيها)؛ يلاه صافي قابلي خدمتك و اه قولي لحتا واحد مايقرب لهاد الجهة
كنزة : واخا ا سيدي (حنات راسها و زادت هو دار كيشوف فيا ديك ساعة بدل ملامحو من تخنزيرة ل ضحكة )
غالي (جلس ف الكرسي): ايوا مجاوبتينيش عجباتك و لا لا
انا (بدون وعي ): بزاااااااااااف. .
مافقت تا سمعتو كيموت بالضحك اول مرة نشوفو هاكا كيضحك
غالي : ههههههههههههههه (نضت غادة بحالي و هو يجرني تا جلست فوق من رجلو )رغد ههههه والله حتى كنبغيك متبقايش تقلقي مني (هزيت كتافي زعما وانا مالي ) نتي مكتبغينيش
أنا (بدلال ): تت
ياااا لاه نوى يبوسني وانا نطير عليه ب واحد لعضة تا سال دم
غالي : ااااي .. عضاضة لاخرى
أنا : هههههههههه باش تعلم تستفزني
غالي : اننتقم منك على هاد العضة
انا : هههههههه (عنقتو ) كانبغيك بزاف ا غالي عنداك تخليني شي نهار راه نموت نتا وليتي هو الهوا لي كانتنفس
_____
مشيت درت الخاطر ل رغد نقصت من لحيتي ههه حيت كتقرصها و هبطت عندها اول حاجة درت هي بستها هههه منين سولتها واش عجباتها بانت لي ساهية و قالت لي بززززززاااااف فشلاتني بديت نموت بضحك تقلقات و جريتها ل عندي و ضرباتها لي بعضة تا طوش الدم بديت نتحلف فيها و هي تعنقني وبدات تعبر لي على الحب ديالها
أنا : رغد واش كاين شي حد كايخلي روحو نتي صافي سكنتيني وليت مسكون ههه ياكما سحرتي ليا
رغد : هههه اويييلي استغفر الله لا لا
بقيت نوكل فيها و نضحكو فعلا رجعات لي ابتسامتي لي غبرات هادي شحال
أنا : حبيبتي سيري بدلي هادشي باش حتى يلا بغيتي تخرجي للجردة بينما جيت تال عشية
رغد : علاش فين غادي ؟
أنا : عيطو ليا فالخدمة. . و نيت خصني نريgلي داكشي د الكونجي
رغد : امم .. واخا متعطلش عليا
انا : انحاول ا حبيبتي نجي قبل 3 باش نديك عند ماماك
رغد (طارت من الفرحة) : بصح بصح شكراااا بزاف (عنقاتني)
أنا : ههههه بان ليا نجلس من هاد الخدمة
رغد : لا لا هههه صافي غير سير
انا : دغيا باغا تفك مني يا ربي سلامة
رغد : بلعكس انا مكرهتش تبقا معايا 24 ساعة على 24 و عمري نمل منك
أنا : ههههه عارف ا حبيبة
هزيتها بين يدي و تميت طالع لبيتنا و نزلتها فوق الناموسية و بقات متكية وكتهضر معايا
رغد : غالي. .
أنا : وي حبيبي
رغد : واخا تعيط ل غيثة تجي تبقى معايا حتى تجي
أنا : واخا انا انعيط لها
سيفطات لي بوسة فالهوا
أنا : علاش متعطيعاش ليا د بصح ؟هههه
رغد: واش مكاتشبعش غير من البارح ليوم بستيني شي 100 مرة ههههه
أنا : منك نتي .. تت ابدا منشبعش .. عاد كنبغي المزيد
رغد : أو أو او ههههههه تا لهاد الدرجة
انا : و كتر غير شدرتي فيا ؟
رغد : عيط عيط ل غيثة و سربي لبس راه لابقينا على الهضرة مغانساليوش ههههه
عيطت لها ل غيثة تجي تجلس معاها
أنا : يلاه حبيبتي تهلاي ف راسك
رغد (جات عنقاتني ): حاسة بحالا غاتمشي عام عليا
باش نطمنها قبلتها أو بالأحرى انا خديت الجرعة ديالي
__
من بعد ما خرج غالي صليت صلاتي و بدلت حوايجي هبطت للجردة فمكاني المعتاد تا جات غيثة شتها تلاحيت عليها
أنا : توحششششششتك
غيثة : حتى انا اختي متصوريش قداش
انا : نتي لاباس عليك
غيثة : بيخير ا حبيبة نتي لي كيدايرة فحريرتك
انا : ههههه ها حنا كنحرحرو فيها
غيثة : ههههه بنتي ليا فرحانة
انا : غير حيت شتك
غيثة : احححح عليك يلاه زيدي زيدي نطلعو للبيت جراتني من يدي و غادا بيا جات ادخل ل بيتي كي كنت فيه ساعة كانو كايخملوه
أنا : هادا مابقاش بيتي
غيثة : وفين هو بيتك ؟
جريتها لبيتي انا و غالي غيثة بقات مصدومة
غيثة : نو واي
أنا : ههههههههه مالك جاتك عجب
غيثة : فخبارك نتي اول بنت أدخل بيت غالي
أنا : كيفاش .. و ديك بسمة
غيثة : شتي كاااااع هادوك لي كانو مع خويا عمر شي وحدة مدخلها لبيتو كان كايدير لهوم بيت بوحدهم شتي مني وليتي معاه ف بيتو عرفيه راه بصح كايبغيك
أنا : تا انا كنبغيه و كتر
غيثة : ااااااااااه متقوليهاااش دابا وليتو مع بعضياتكم
أنا : آه من البارح
غيثة : عاااااودي ليا دااااابا
أنا : ههههه اش ا نعاود ليك ؟
غيثة (غمزاتني): ديكشششي
أنا : اشمن داكشي
غيثة : واااا مالك ا زفتا داكشي لي كايديروه المزوجين
أنا : مابقيتيش تحشمي ا الحمارة
غيثة : اش فيها نستافدو قبل مانتزوجو
أنا : ههههههه غير تهناي مدرنا واااالو
غيثة : و علاااااش؟ ؟
انا : هكاك انا مزال ممستعداش نفسيا ..
غيثة : ياااا الضحكة انا منك كون راه قضيييييت الغرااااض
أنا : سيري ا الزفتا ديكشي خليتو ليك هههه
غيثة : شو شو شو فمها كي حمر و قالت لك ديكشي خليتو ليك
انا : على خوك مخليني يضور يضور و يبوس فيا اش بيدي ماندير يا ختي
غيثة : ايوا سعادتك يا ختي
أنا ؛ ولايني مابقيتيش تحشمي
غيثة : غااااا ضحكت معاك ا بيبي نشاء الله ربي يخليكم لبعضيلتكوم
انا : امييييين اختي
بقيت انا وياها هري دري تا ادن الظهر نضت صليتو انا و مورايا هي و هبطنا نتغداو و خرجنا على برا كالعادة الكرسي الطياش هههههه بقينا كالسين و نهضرو تا بان ليا الباب تحل و طوموبيل داخلا هبط منها غالي مشعرتش كيفاش نضت كانجري عندو نعنقو ساع هو هزني و كيضور بيا ف السما باسني و حطني حاني عليا
غالي : توحشتيني؟
انا (حطيت يدو على قلبي )؛ هادا يجاوبك
غيثة : احم احم نحن هنا
غالي مشا عنق ختو : البرهوشة شكاديري هنا
غيثة : وا شو شكون عيط ليا
غالي : ههههه غير ضحكت معاك
غيثة : وا راشقة لك مع راسك
غالي (جرني لعندو ): على لي عندو هادي بغيتيه يولي معبس ؟
غيثة : ااايييييه ياك ا خاي مني كايحضر الما كيترفع التيمم دابا جات رغد نسيتي ختك حبيبتك
غالي : ههههه كولا و بلاصتو نتي ختي و هادي مراتي
غيثة : هههههه غير لي يطل عليكم هادي يوماين كنتو دايرين كي القط مع الفار
انا : هههه ايوا يوماين راه ف الماضي
غيثة : هههه وا يلاه نخليكم
انا : لاااا بقاي معايا بلييييز
غيثة : أ.. مكرهتش ولكن خصني نمشي
درت شت ف غالي : عافاك قولها تبقا معانا
غالي:خصها تمشي يلاه بسلامة (دفعها)
انا : شريييير عقت بيك نتا لي كاتقولها سيري
غيثة : وااايه ا ختي هانتي تشوفي راه كيدير لي بيديه يدبحني لا بقيت
غالي : سير سير را حنا اصلا خارجين
أنا : اووووووف طلعت كنصوط و بدلت حوايجي و خرجت كنتسناه تا خرج مشيت معاه وانا ساكتا ركبنا .. و شدينا طريق ل قنيطرة
غالي : دابا مالك
رغد : مامااااليش صافي
غالي : رغد مطلعيش ل دين مي الدم
رغد : غالي تا انا طالع لي الدم و من الأحسن دابا كولا يسد فمو حسن مندابزو بقا ساكت و تا انا ديكشي لي درت تا وصلنا للبلاد د عائلة د ماما و هبطت انا وياه و لقينا دنيا عااااامرة شافتني وحدة من خالاتي جات تلاحت عليا و استغربت من تصرفها حيت هوما مكيحملونيش
خالتي : بنيتي حمدي الله مني جيتي
أنا : خالتي اش واقع؟
خالتي: زهرة هادي تلت يام وهي ك تحتضر و كانسناك غير نتي باش تسمحي لها و تودع
نفس الإحساس لي حسيت بيه باش قالو ليا مك ماتت عاود رجع انا يلاه كي قلت رجعات و دابا اتعاود تخليني تت لا لا ميمكنش
أنت تقرأ
اسيرة عيونك ( قصة بالدارجة المغربية )| مكتملة .
Romanceقصة مغربية بالدارجة من تأليف : يسرى . مقدمة : قطرات مطر على نافذتي، احتسي فنجان قهوة.. و تعود بي الذاكره للماضي .. ألم فضييع بقلبي وعقلي ..و تفتح جراح و عودة للصراع ...ذاكرة أتلفت و عادت بجمرة و بغصة. .أكان حلم هذا ؟ عودي للماضي و صارعي. ..اتيني بف...
