اسيرة عيونك ( قصة بالدارجة المغربية )| مكتملة .

13

مني دخلت للغرفة لي كانت ناعسة فيها هجر كانت خاوية يلا انخرج و هي دخل واحد الممرضة
الممرضة : نعام ا سيدي آش حب الخاطر؟
أنا : آه. .. البنت لي كانت هنا فينها ؟
الممرضة : واش كتجيها شي حاجة
أنا : اه انا من عائلتها
الممرضة : الله يعدم الأجر ا سيدي. . البنت لقيناها ميتة فالصباح
أنا : ك .. كفاش ميتا واش كضحكي
الممرضة : الله يصبركم ا سيدي حتى تمشي وتقاد شي إجراءات و دوز ل مستودع الأموات استلم الجثة
خرجااااات و خلاتني انحماق مييييمكنش مايمكنش تموت تا كان كلشي ايتصلح كيييييفاش انقولها ل رغد كيفما كان الحال كانت صاحبتها فواحد الوقت أتحزن عليها بزاااااف خرجت حييت عليهم و قلت لهم اتديرو بزز التشريح و غادي تشوفو كيفاش ماتت حيت كون كانت شي حاجة غادي يقولوها لنا البارح و هي نجاااات كان خصها غير الحروقات لي تبرى ليها انا شاك لا بل متأكد حاتم هو مور هادشي حيت باش حرق الدار كان مستهدف هجر و هي لي ماماتش اكيد خصو يتخلص منها و هي عارفا كاع اسرارو رجعت للدار عند رغد ولكن للأسف سمعاتني كانغوت مع واحد خدام ف السبيطار و هي تسخف لبستها دغيا حوايجها حيت ماكانت لابسة والو من غير بينوار و هزيتها نيشان السبيطار دارو لها لمصل
حتى سالا عاد خرجت ها و رجعت نوقف على شغلي قلت ليهم عندكم نهاااااار منفوتوش ليكم و يجيني التقرير هددتم بالشرطة و مشيت كنشوف التسجيلات د الكاميرا د الطابق لي كانت فيه و ياه على صدفة ديال لبارح بليل د الطابق لي فيه هي مااكااااينش هنا تأكدت رجعت للدار طمائنيت على رغد دازت عليا ليل طويل و انا كنفكر ف هادشي .. فقت اول حاجة درتها هي مشيت للمستشفى .. لقيتهم خرجو التقرير .. ماتت مخنوقة صعرت معندي حتى دليل ضدو خرجت صاعر ماعارفش اش ندييييير لا منقدم و لا نوخر هبطت باش ناخد للوطو و قبل مندخل للباركينك كنسمع واحد الهدرة لي رجعات فيا الروح .. و أخيرا ..
سمعت صوت حاتم و توقفت كنسمع
حاتم : جيت تأكدت دابا بنفسي واش ماتت ولا لا .. صافي .. آه اه .. متخافش مكاين تا دليل و حتى ايلا كان راك عارف شكون ايمشي فيها و ايلا مشى تا هدر لخبار فراسو .. آه راني عارف شنو ليوم مع 6 و نص .. ف الطيارة لي جاية من ميريكان ..عنداك تنسى خصك هاد المرة توقف نتا على شغلك حيت اول مرة .. صافي .. تهلا
متحركتش الفرحة لي كنحس بيها ماكتوصفش غير ديمارا مشيت هزيت اللوطو متاجه للمركز ديالنا و نيشان لعند رئيس ديالي عارف الكفاءة ديالي مقلتش ليه بضبط اش طرا لكن قلت غير وصلاتني غبار طلبت منو يعطيني الأمر بالتفتيش باش مني نمشي للمطار نحبس السلعة تقلب كلها عطاها ليا و هو ثايق فيا و قالي حتى يلا ماكان والو مهم نديرو لازم مشيت نيشان شديت الطريق بلا منعلم تا حد حتى من رغد متصلتش بيها شديت الطريق 3 كنت تماك حجزت ف اوطيل رتاحي شوية دربات الخمسة مشيت تماك و سولت على فين اتنزل الطيارة د السلع لي جاية من الولايات المتحدة الأمريكية و وقفت فلول تا انا كأني واحد من هادوك لي كايتسناو السلعة .. و كنشووف اش كايطرا جات الطيارة و جاو الجمارك كتقلب و انا مزال حاضي و لي تار انتباهي هو مني وصلو لواحد السلعة دازو عليها مرور الكرام .. يلاه ايبداو يحملو داكشي ديالهم و كولا و اش عندو
انا : حبسسسسسس
كلشي ضار كيشوف فيا عطيت دوك لي خدامين ف الديوانة الاذن بالتفتيش بداو يشوفو ف بعضياتهم ويسرطو ريقهم خديت لائحة لي فيها أسماء السلع بانت لي واحد الماركة د الهواتف مامعروفاش يعني لوكان كانت جاية من شي بلد آسيوي كنت نقول ممكن لكن من الولايات المتحدة الأمريكية ميمكنش سولت فينها هاد السلعة وراوها لي كانت هي لي دازو عليها الديوانة مرور الكرام حليت الكارطونا اللولة جبدت البواطة اللولة د التيليفون يلاه انحلها نقز واحد : عافاك ا الشريف متحلهاش اتجبد لنا غير المشاكيل طلعت فيه و نزلت و شت مورايا : معايا ؟ حرك راسو بمعنى أه
أنا : ههههه عرفتي راسك معامن ؟ سد دلقوشك ولا انجي نهرسو ل دين مك
حليت بان لي كلشي عادي هزيت دال الهاتف و حليتو و هووووب كان عامر ب الغبرة. . بديت كنضحاااااك .. استغربت لعصابة كبيرة بحالهم تدير خطة غبية هاكا .. ولكن كون انا مسمعتش المكالمة د حاتم كانو ايفلتو منها كالعادة
أنا : باش كتعجبوني غير بحلان الفم اتصلت ب رئيس ديالي هو صيفط الخبار للمركز لي كاين هنا ف ربع ساعا جاو تهز كلشي حتى من حد الديوانة .. مشيت كنشوف شكون مول هاد السلعة كانت شركة بسمية د الماركة د الهاتف غالبا شركة وهمية .. و لقيت سمية د مول الشركة كانت : كريم الشاوي .. طاحت ف بالي مرات عمي حيت نفس النسب يقدر يكون من عائلتها بما انو باها كان تاجر أسلحة و مخدرات .. رئيس ديالي جا و جاب معاه بزاف من رجالا لمخابرات وقلت ليه علا الفيلم كامل على الديوانة لي 100%مرشيين..
حنا كنا تابعين هاد العصابة على ود السلاح و هنا لقينا عندهم المخدرات يعني اتدخل شرطة مكافحة المخدرات و لكن حنا اتبقا لنا خدمة د التعذيب خصهم باش يgرو و هاكا انا باش تدربت باش ندخل للمخابرات أول حاجة هي قلبك كيرضوه حجرة درنا شي حوايج لي مكاتخطرش على البال كيرضو منك من انسان ل وحش و كيجردوك من المشاعر لحسن حظي انا خدمت فهادشي غير واحد المدة من بعد نقلوني ل قسم آخر وليت كنمشي عميل سري مني الشرطة كطلب شي عميل يقوم لهم بشي مهمات كنت أنا من هادوك لي كيسيفطوني من بعد دوزوني لهاد المهمة لي عاماين و الصرف و حنا كلما كانحصلو السلعة مكانلقاوش الدلائل الكافية لي غادي توصلنا لمول الشي كنلقاو ف الوراق لا اسم لا والو ولكن هاد المرة على حساب هضرة د حاتم انه ا ل مرة ايقومو بعملية تهريب المخدرات و قاليها انو خصك توقف على شغلك هاد كريم الشاوي كان نيت تماك ف المطار و تلقا عليه القبض دخلناه و دخلنا دوك لي اينقلو السلعة و تا حد ما بغا يهضر كريم الشاوي قالك خصو تا يجي المحامي عاد يهضر خليناه على خاطرو حيت هاد المرة ماغاديش يفلت .. من بعد ما خرج المحامي دخلت عندو
وهاز الملف ديالو كنقرا المعلومات .. كريم الشاوي 40 سنة .. رجل أعمال مغربي مقيم بالولايات المتحدة الأمريكية هههه ردخت داكشي قدامو
أنا : اوواا ا سي كريم ماغاديش تنطق .. مهم باش نجيك من اللخر بلا منحسبو داكشي د الأسلحة لي كانت كدخل من ميريكان المغرب و للأسف لي ماشدينا عليكم تا دليل .. نهضرو غير على هاد المخدرات لي دخلتي و بسميتك نتا هههه واش عارف شحال اتحكم عليك هههه ؟ 30 عام هي القليلة نجيك نيشان واش بغيتي يخف عليك الحكم ؟ .. جااااااااوب حرك راسو ب معنى اه ..
انا؛ هههه دابا مزيان بديت نطلع الكمام د القميجة لي لا بس .. حاتم بن جلون دراعك ليمنا اتقاسم معاه النص 15 ل عام 15 و عاد ايلا عاونتينا يقدرو يهبطوها لك ل 10 سنين اش قلتي بقيت معاه بالهضرة تا أخيرا هضر من بعد مهددتو انه اتعرض لأقصى أنواع التعذيب
كريم : حاتم بن جلون هو دراعي ليمنا انا يلا بديت هادي 3 سنين باش كونت هاد العصابة كان الاختصاص ديالنا السلاح و كنا كنرشيو ديما الشرطة و الديوانة باش يدوزو عمرنا حصلنا حتى ايلا حصلاتو السلعة كايكونو الوراق مزورين و حيت هادي اول مرة كندوزو المخدرات حاتم قالي انه ادوز هاد المرة ماشي ف حال المرات لي قبل خص نديرو السمية كأنه منتوج جديد عاد ادخل و هو ا يتكلف ب رشوة د الشرطة
أخبرت الرئيس ديالي انه خص يتلقى القبض على حاتم..
__
ليوم فقت الصباح مكانش غالي مني سولت قالو لي خرج من الدار مع 11 مع انا وليت نصبح ناعسة منفيق حتى لاين و لاين جا ليوم رضى و تعجبت من تصرفو قالك بغا يدير العرس ديالو هو و غيثة ف أقرب وقت ممكن و يديها و قال بلس ايخليها لهيه تكمل قرايتها تماك ف فاس بانت لي غيثة فرحانة مشيت سولتها
انا : غيتوووت قولي لي راني مكانحلمش
غيثة : هههه ناري ا رغد مغتيقييييش تصوري عيط لي قالي انه كايبغيني و ندمان على كلشي متصوريش فرحتي .. كان عندك الحق مني قلتي لي ماتبنيش ليه الضعف ديالك أنا من نهار قالي ديك الهضرة معاودتش حاشيتها ليه
أنا : شتي ا صحبتي توريييييني ف الرجال
غيثة : هههه باينة كاديري ل غالي هاكا
أنا : أ سكتي هو لي كايديرها لي ههههههه
بقينا نضحكو قلت انا لرضى حتى يجي غالي و هضر معاه .. غالي لي هاد النهار مسولش فيا كاع من الستة د العشية و انا نعيط ليه والو مكايجاوبش عييت معاه ..تا 9 عاد جاوب
انا : غالي مالك مكاتجاوبش
غالي : رغد حبيبتي انا مشغول دابا مع الخدمة راه نقدر منجيش و ايلا جيت راه انجي بليل ..
أنا : امم ..
غالي : كيدايرا نتي .. كاتخدي الدوا ف الوقت ريجيم
هو هاداك .. لانسولين ضربتيها ياك؟
أنا : هههه درتي بحالا عام و نتا غابرو كتسول
غالي : هههه وا را توحشتك .. مهم ا حياتي تهلاي فراسك و ف رغدة ..خصني نقطع كنبغيك
أنا : حتى انا
طيييط طيط طيط
_—
عيط ليا الرئيس ديالي خبرني انو مهمتنا عنا وقفات و مخصنيش انا كاع نبان و بدا عليا بقوة لهضرة قلت ليه انو القضية كانت كتمسني شخصيا عليها هضرت معاه قالي انه بلغو ب حاتم بن جلون و كيقلبو عليه هادشي من مور ما عيطات لي رغد لي هاد النهار هملتها و معرفانيش تا انا فين بزز باش قدرت نجاوبها دابا عاد غادي نرجع للرباط حيت دابا الشرطة هي لي غادي تكلف شديت طريق وصلت مع 12 د ليل كان كلشي ناعس طلعت لبيتي و حليت الباب بانت لي ملاكي ناعسة بدلت حوايجي و تخشيت حداها فالفراش غير حطيت يدي على كرشها و هي تفيق
رغد: غالي .. ايمتا جيتي شحال و انا نتسناك ساع غلبني النعاس
كانت كاتشوف فيا و حالا عينو سادة عين ومع كانت غير مضورة وجها دورتها عندي و حطيت لها راسها على صدري
انا: شش صافي غير رجعي تنعسي انا يلاه جيت
رغد : توحشتك مبقيتش كنشوفك بزاف غير ف ليل و لا ايلا جيتي شي مرة وسط النهار
غالي: حياتي راه كانت عندي الخدمةبزاف و خاصة هاد ليام .. مهم متعمريش راسك .. كيدايرا بنتي ؟ ياكما محناك؟
رغد : ههههه لاباس عليها
دوزت يدي على كرشها طلعات هي شوية تا تقابل
وجهي مع وجها و دخلنا فقبلة ساخنة جهلاتني حتى بغيت نقلبها
رغد : حبيبي هير نعس انا كنموت بالنعاس و مافياش غير توحشت نبوسك و صافي
نعساااات فساعتها و خلاتني محنسر .. نعست حيت كنت عيان ب الطريق .. فقت على شي حاجة كاتهرني فوجهي حاولت نحيدها و نكمل نعاسي .. عاوتاني حسيت بيها و انا نحل عيني و انا نلقا رغد شادا خصلات من شعرها و كاتديرهم لي فوجهي كاتهرني ابتسمت لا اراديا
أنا : صباح الورد
رغد : صباحو حبيبي .. نوض دوش و خرج تفطر
ابتسمت لها و شت شحال ف الساعة كانت العشرة نضت دخلت ل دوش خرجت لقيت طبلة ف البيت و فيها الفطور و كاينين جوج كراسا شت ف رغد لي كانت لابسا سالوبيط د الجينز و كريشتها بارزة شافتني جات و تعلات جراتني و باست حنكي ..
رغد : دوز تفطر ا حبيبي ليوم انفطرو غير أنا وياك
أنا : ههههههه واخا زيدي
كانخدها غير على قد عقلها ..اصلا باقا صغيرة 19 لسنة راه مزال كيقراو و هي دابا مزوجة و عن قريب اتزاد عندها بنت وتولي أم وتحمل المسؤلية .. فطرنا فجو زوين .. حتى صونا لي الهاتف تاني
_____
قررت ليوم نفطر غير انا و غالي حيت ديما ماكنفطروش مع بعضياتنا و لا كانكونو مجموعين مع العائلة عاوناتني خالتي زينب و مادام خديجة صاوبات داكشي و خرجنا فطرنا حتى صونا تيليفون ديالو تاني بدا يهضر و قال بلي ها هو جاي قطع و انا عيني عمرو دموع
انا : عاوتاني اتخليني ؟
غالي (جا باس راسي ):حبيبتي سمحيلي خصني نمشي
أنا : اتخليني تاني ليوم نمشي راسي ..
غالي : علاش فين غادة
انا : عندي موعد مع الطبيبة باش نطمنو على الصحة د البيبي .. كي ديما انمشي راسي اهئ اهئ اهئ
غالي : اااااوو .. نسيت اووف .. صبري صبري خرج للبالكون هضر ف الهاتف و دخل
غالي : صافي ا حبيبتي انا انمشي معاك غير دوك العوينات باراكا عليهم من البكا راك طيبتيهم باس عيني
انا : متبوسنيش ف عيني .. كيفرق
غالي : مغتفرقني عليك غير الموت .. يلاه زيدي
نضت كنصاوب الشال ديالي و هو لبس حوايجو درت شوية د المايكب ايلاينر و ماسكارا و خرجنا مشينا عند الطبيبة و دخلت انا و غالي هادي ثاني مرة غادي يكون معايا شفنا بنتنا .. رغدة كيما بغا يسميها غالي
شت الفرحة فعينو مني شافها ل ثاني مرة طمناتنا الطبيبة على صحتها و من بعد خرجنا انا وياه و صلني لدار و باس راسي
غالي : حبيبتي تهلاي فراسك و تهلاي لي ف بنتي
أنا : غادي تا ني ..
غالي : رغد سمعي هاد الليام خاصة عندنا الخدمة بزااااف و كنواعدك انه قرب يسالي هادشي و غادي نتفرغ ليك و هادشي لمصلاحتنا ا رغد والله
ابتسمت ليه و خرجت هو ديمارا و انا داخلا تلاقيت ب رؤية . رؤية : اووووه عليك كنقلب
رغد : صباح الخير .. اش واقع
جراتني لداك الكرسي لي كايطيش و جلسنا جبدات تيليفونها و وراتني تصويرة د واحد البوكوص
أنا : شكون هادا ؟
رؤية : واحد المرة كنت خارجة ندير شوبينغ و تلاقيتو صدفة و تعرفنا .. الصراحة انا طحت
انا : ههههههههه وا زعطة هي
رؤية : مالك كضحكي قولي لي اش بان لك
أنا : ايوا اختي منكذبش عليك غير رض بالك راه مبقات ثقة
رؤية : متخافيش على ختك ههههههه
معرفتش ولكن فهاد اللحظة رتاحيت من جهة رؤية حيت مغاديش تبقا دور ليا بغالي مهم بقيت شادا معاها الهدرة شحال و كتعاود على هاد خاينة ..
_____
و حنا كانفطرو جاني اتصال قالو لي أنو الأمر كيتعلق ب حاتم ولكن مبغيتش نخلي رغد حيت تقلقات مشينا عند الطبيبة طمناتنا على بنتنا و رجعتها و مشيت نشوف القضية فين وصلات .. و الصدمة هي انهم ملقاو حتى دليل على حاتم ف كاع القضايا خرج منهم راسو كي الشعرة من وسط العجينة ايلا البوص لي صدق مكلخ و تزف ولكن قبطو حاتم بتهمة الرشوة لي عطا للجمارك و لكن هو دفع كفالة لي غتخفف عليه الحكم و يقدر يتسجن مدة قصيرة ست أشهر .. مهم هو أنه يلقاو جازاءهم واخا حاتم كاعما مشا فيها ولكن .. المهم ف الأمر هو أنه كاعما وصل ليا و لعائلتي و ماحد هويتو تعرفات عمرو ايوصل ليا .. هاد الملف تسد عندنا و خلينا الشرطة هي لي أتكمل مهمتها كيفما سبق و قلت أن حنا مهمتنا هو نجمعو المعلومات الكافية لي مقدراتش الشرطة بوحدها انو تجمعها .. قيلت النهار كامل و انا تماك و من غدا انتفرغ ل رغد لي ولات كتحس بيا بعيد عليها و خاصة و انا متأكد انو نفسيتها اتكون محطمة هاد ليام و لما لا و موعد ولادتها مابقالو والو بقا لها شهر و ماشي أي ولادة .. تقدر هي لي تعتق و بنتنا لا و العكس .. و لكن كنتمنى من الله اني نشوف بنتي و مراتي ف أحسن حال و نربيو ها أنا وياها .. رجعت للدار كانت كاع العائلة مجموعة لبارح مع جيت بليل كاعما شتهم كان عمي جا من فاس و كان حتى الأب ديالي و رضى لي مزال كنكرهو ألقيت التحية على الكل و اتجهت لعند رغد و بست راسها و جلست حداها فاتحو معايا الموضوع د عرس غيثة بغاو يديروه هاد الشهر مابقا لي منرفض و انا اصلا خليتهم يتزوجو عطيتهم الضو الخضر باش يبداو التحضيرات .. تعشينا لجو زوين لطالما افتقدناه .. اصلا كنا هاكا شحااااال هادي ديما مجموعين من نهار تخطفات رغد و ماما دخلات ف صدمة مابقيناش هاكا و لكن القدر رجعها بلا منحسو .. نعم العالم صغير شكون كان يقول راه ديك لزوجها بابا ليا تصدق هي بنت خوه .. تعشينا و طلعنا و مع كنت موحش رغد ههههههههه مطلقتها تانعسات لي فيدي ههههه فقت لقيتها ناعسا ف سابع نوما دخلت دوشت تا كنحس بيديدات صغيييورين محطوطين على ظهري الضخم غسلت عيني من شامبو و درت شفتها كانت لابسة ملابسها الداخلية
انا : كتقلبي عليا نتي هههههه ؟
رغد (ببراءة ): لا .. مم خليني .. تشهيت ندوش ليك ولكن عافاك غير بلاش منها بسالة راني تهلكت يا أخي
أنا : أولا انا ماشي خوك تانيا نتي لي جيتي لعندي ثالثا مكنقدرش نقاومك (بغات تخرج و انا نرضها )اجي لمك
رغد : غالي مممممم كنت طرت على شفايفها ههههه ميقدوش يسلمو مني .. بنييينين بحالها
بعدات عليا
رغد : شوف اتجلس تسكت انا لي اندوش ليك اتقرب لي نضربك .. ههههه خليتها على خاطرها دوشات ليا و جرات عليا و بقات هي فالحمام هههههه
____
بدينا نوجدو لعرس غيثة و انا كنساعدها ف الحوايج انا لي كنختار معاها .. ها حنا مع النكافة ها حنا مع التريتور غالي و أخيرا وليت كنشوفو بزااااف على الله نشبع منو ههه .. رؤية علاقتي بيها تحسنات و ولات كتجيني نيت مبقاتش كتشوف ف غالي عاد رتاحيت كليا مهم داز شهر ف التواجد العرس غادي يدار هنا ف الفيلا ديالنا تدخل عارضين على العائلة كااااملة يعني ايكون العرس عامر قادينا كلشي استعدادا لغدا لي غايكون عرس غيثة و رضى .. فقنا فالصباح بكري شوية ديك 8 د الصباح مهم كلشي كايدير المهام ديالو و صلات العشية جات الكوافورا لعندنا مهم قاداااات غيثة طلعات فنة فنة تبارك الله وجداات و جا غالي لي كان تا هو ماشاء الله عليه تييييهبل و تيصطي هههه وقف قدام غيثة و باس راسها و دموعو خانوه و هبطو مشهد مؤثر دار لها الطرحة على وجها و تأبطات يديه و هبطو ف الدروج انا كنت لابسا قفيطن ف الباج و مرصع بالأحجار و كريشتي بارزة فيه هبطو و انا هبطت موراهم و غالي عطا غيثة ل رضى و بداو مراسم العرس ماما كالسة و دور بيا و تقدم فيا هادي رغد بنتي ههههههه كان تماك الأغلبية من عائلت بابا و عائلة مامات غالي أما عائلة ماما ماكان حتى واحد مهم طلعوها ف العمارية و الطيفور و اكيد دارو ليها اللبسة الفاسية نظرا لأصولنا مهم ماجا فين يسالي العرس بديت نحس بوجع. . تألمت فصمت وجهي بدا يولي حمر .. غالي رد ليا البال .. و هو يجي حدايا
غالي : رغد .. مالك ؟
أنا : ممم .. لا لا والو ا حبيبي ممم مابيا والو
بقا شاد يدي و جالس حدايا و انا غير صابرة مبغيتش نخصر عرس غيثة واحد اللحظة صافي الوجع تجهد و كانحس بشي حاجة بدات تهبط مني و انا نطلقها بغوتة من أعماق الأعماق ديالي
أنا : اااااااااااااااااه غاااااااالي اهئ اهئ عتقنيييييي همممممممم
كلشي تلفت كيشوف فيا غالي بلا ماسولني حيت باين انه موعد ولادتي .. هزني بين يديه و بابا صبقو كيجري هز لوطو ديالو و دخل معايا غالي للور و كيدهن فيا
غالي : رغد .. رغد تنفسي مزياااان دخلي النفس وخرجيها يلا .. صبري ا حبيبتي مابقا والو
انا : ااااااييييي اهئ اهئ انمووووووت ا غالي .. اااااه غالي تهلا ف بنتنا و متحسسهاش باليتم
غالي : رغااااد سكتيييييي صافي صبري
بقيت ديك الطريق كلها و انا نغوت تا وصلنا للمصحة لي فيها الطبيب لي كان داير معاه غالي غادي يولدني داروني فكرسي متحرك و مشاو بيا نيشان لغرفة العمليااات غالي بقا برا و ياريت كان الما لي هبط مني .. جاني نزيف .. بداو عليا يلاه قاومي و انا كنحااااول كل ما فجهدي درتو حتى كانحس بالقوة ديالي بدات كاتمشي .. كلي فاشلا
-دكتوووور المريضة بدات تفقد الوعي .. قاااااومي لا ماتغيبييييش
كانو هادو آخر جمل سمعاتهم رغد .