Tomorrow Programme

Part~20

အိပ်ယာမှနိုးလာသည့်အချိန်မှာပင် Jessicaစိတ်ထဲ၌ ထင့်ခနဲ ဖြစ်သွား၏။ ရုတ်တရပ်မို့ ဘာကြောင့်ပါလိမ့်ဟု တွေးတော၍မရ။ တစ်ခုခုထူးခြားနေသည်ကိုသာ စိတ်က အလိုလိုသိနေ၏။

အရင်ကဆို မနက်တိုင်း သူမ၏အခန်းတံခါးကို ဒေါက်ဒေါက်ခေါက်သံနှင့်အတူ .....

'Sicaရေ ... အိပ်ယာထတော့လေ'

ဟူသော Yuri၏အသံကို အမြဲကြားနေကျ။ အခုတော့ ထူးထူးခြားခြားပင် တစ်အိမ်လုံးတိတ်ဆိတ်နေ၏။

ဘာဖြစ်နေတာလဲ။ Yul အိမ်မှာမရှိဘူးလား။ စောစောစီးစီး ဘယ်သွားနေတာလဲ။ ဒါမှမဟုတ် ငါပဲ အစောကြီး ကြိုပြီးနိုးနေမိတာလား။

ဒါတော့ မဟုတ်ဘူးထင်သည်။ ခပ်ရေးရေးဝါးတားတားသာ မြင်ရသော သူမ၏မျက်လုံးက အဖြူရောင်အလင်းကိုတော့ အာရုံခံစား၍သိနေသည်။ ဟုတ်ပါတယ် ... မနက်မိုးလင်းနေပါပြီ။

'Yulရေ ... Yul'

Jessica အားကိုးတကြီးအော်ခေါ်မိသည်။ ပြန်ထူးသံကိုတော့ မကြားရ။ သူမက တရွေ့ရွေ့ လက်ဖြင့်စမ်းရင်း ကုတင်ပေါ်မှ ဆင်းလိုက်၏။ Yuriသင်ပေးထားသည့်အတိုင်း ခုတင်တိုင်ကို လက်ဖြင့်ပွတ်သပ်စမ်းကြည့်လိုက်တော့ သူမ လမ်းလျှောက်ဖို့ သွယ်တန်းပေးထားသည့် ကြိုးကို ကိုင်မိသည်။

'Yulရေ ...'

Jessicaက ကြိုးတန်းကိုအားပြုကိုင်ကာ တရွေ့ရွေ့ဖြင့် အခန်းအပြင်ဘက်ဆီသို့ လျှောက်လာခဲ့၏။

'Yul ... Sica ခေါ်နေတာကြားလားဟင် ... Yul ဘယ်မှာလဲ'

Jessicaစိတ်ပူလာ၏။ နံရံကို လက်ဖြင့် တရွေ့ရွေ့စမ်းသည်။ Yuri၏အခန်းဆီသို့ သွယ်ထားသောကြိုးကို ကိုင်မိ၏။ ကြိုးကို အားပြုကိုင်ကာ Yuriအခန်းဆီသို့ စမ်းစမ်း စမ်းစမ်းလျှောက်သည်။

'Yulရေ .... Yul ဘယ်မှာလဲ'

Jessica၏အသံက ငိုသံပါလာ၏။ ထိုစဉ်မှာပင် သူမ၏ ခြေထောက်က ကြမ်းပြင်ပေါ်မှတစ်စုံတစ်ရာကို တိုက်မိပြီး ....

'အို ... အမေ့'

Jessica ကြမ်းပြင်ပေါ်သို့ လဲပြိုကျသွား၏။ သူမက ကမန်းကတန်းလူးလဲထပြီး တိုက်မိသောအရာဝတ္ထုကို လက်ဖြင့် စမ်းကြည့်လိုက်သည်။