၄၃။ သေခြင်း ရှင်ခြင်းအတွက် သဘောတူညီချက်
Burmese translation of {Rebirth of Malacious Empress of Military Lineage}
[Translator - No_Cause]
___________________________________
ဆောင်းဦးချိန် တိုက်ခတ်လေသော လေပြည်က ရှင်းသန့် လတ်ဆတ်သောသဘောရှိတတ်သည်။ သို့သော် ယခုအချိန်၌မူ တင်းမာခက်ထန်နေသော အခြေအနေဝန်းကျင်ကြောင့် ပန်းရနံ့တို့သည်ပင်လျင် မာန်ဆောင်လာသည့်အလား . . .
ရှန်းယွဲ့ ပါးစပ်ကို လက်ဖြင့်အသာအုပ်ကာ အံ့ဩဟန်ဆောင်လိုက်သည်။ "ဒါ. . . ပဉ္စမညီမလေးက မိန်းကလေးပဲ... မိန်းမငယ်လေးတစ်ဦးက ဒီစိန်ခေါ်မှုကို လက်ခံဖို့ သင့်ပါမလား..."
"အဲ့ဒါပြောတာပေါ့လေ..." ချန်းရော့ချိုးက စိုးရိမ်ပူပန်စွာ ဝင်ပြောလာသည်။ "ရှောင်ဝူလေး... ကိုယ့်ကိုကိုယ် သိပ်ပြီး တွန်းအားပေးမနေနဲ့ ... ခဲအိုကြီးက စစ်သူကြီးဆိုပေမယ့် သမီးက ဒီလိုအရေးအရာတွေကို မဖြစ်မနေတတ်မြောက်နေစရာမှ မလိုတာပဲလေ..."
ချန်းရော့ချိုး စကားများက သူမအလိုရှိသော အကြောင်းအရာတို့ကို ပေါ်လွင်အောင် ပါးနပ်စွာ ဖော်ပြသွားလေသည်။ သူမ စကားတို့မှာ ရှန်းရှင်းသည် စစ်သူကြီးဖြစ်လျက်နှင့် သမီးဖြစ်သူ ရှန်းမြောင်မှာမူ လေးအတတ်ကို မတတ်မြောက်ဟူ၍ ဆိုလိုနေသည်။ မိန်းကလေးများ စစ်ရေးပညာ မသိမတတ်သောကြောင်း ဓားရေးလှံရေးတို့ မပြသနိုင်သည်မှာ နားလည်လက်ခံနိုင်စရာ အချက်ဖြစ်သည်။ သို့သော် မိန်းကလေးတစ်ဦးအနေနှင့် စာပေပညာရော စစ်ရေးပညာမှာပါ ကျင်လည်မှု မရှိပါက လှောင်ရယ်စရာ ပညာမဲ့သူ ဖြစ်သွားပေလိမ့်မည်။ ထို့အပြင် ရှန်းမြောင် စာပေအနုပညာလေးရပ်၌ မကျွမ်းကျင်မတတ်မြောက်သည်ကို လူတိုင်းက သိကြသည်။ သူမက စစ်ပညာပါ မတတ်ဟု ပြောခြင်းက ရှန်းမြောင်၏ ဂုဏ်သရေကို မြူမှုန်တစ်ပွင့်စာမျှ မကျန်တော့အောင် နိမ့်ကျသွားစေခြင်းဖြစ်သည်။ ရှန်းရှင်းတို့မိသားစုကိုလည်း လူအထင်သေးကြပေမည်။
"ဒါပေမယ့်... ဒီလိုစိန်ခေါ်တာမျိုးရဲ့ စည်းကမ်းက ပြောင်းလို့မရဘူးလေ..." ရှန်းချင်းမှာ စိတ်ပူနေဟန်ရှိသော်လည်း သူမ လေသံမှာ ရှန်းမြောင် အခက်ကြုံနေရသည်ကို ကျေနပ်လေဟန်ပါရှိနေသည်။ "ယှဉ်ပြိုင်ဘက်ကို ရွေးပြီးတာနဲ့ ဘာအကြောင်းအရာပဲဖြစ်ပါစေ... စိန်ခေါ်ပွဲကို ပါဝင်ယှဉ်ပြိုင်ရတော့မှလေ... ဒါပေမယ့် လူတိုင်းက ထူးချွန်တဲ့သူနဲ့ပဲ ရွေးချယ်ယှဉ်ပြိုင်တာဆိုတော့... ပဉ္စမလေးမှာ လျိုထားတဲ့ အစွမ်းအစတွေများရှိနေတာလား... မဟုတ်ရင် ချိုင်လင်က ညီမကို ဘယ်ရွေးပါ့မလဲ..."
YOU ARE READING
ငြိုးသူကလဲ့စား [ငွိုးသူကလဲ့စား]
Historical Fictionစစ်သူကြီးမျိုးရိုး၏ ပဏာမသမီးတော်၊ ဖြူစင်၊ ရိုးသား၍ အလိမ်အညာခံရလွယ်သော၊ မင်းသားသင်းအား ရူးရူးမိုက်မိုက်ချစ်ကြိုက်မိသူ သူမ သူ့ဇနီးမယားအရာရအောင် ကြိုးပမ်းခဲ့သည်။ သူ့အား ခြောက်နှစ်တိုင်ကူညီပေးခဲ့ပြီးနောက် သူမ တစ်လောကလုံး၏ မိခင်ဖြစ်လာတော့သည်။ တိုင်းပြည်...