تصويت وعلقوا بين الفقرات 🌟🌟🌟
نعيش سنين نبني بأحلامنا نربيها كطفل صغير داخلنا نسعئ للحصول عليها ولكن ليس كل ما يتمناه المرء يدركه ....فنحن نريد والله يفعل ما يريد
🌟🌟🌟🌟🌟🌟🌟🌟🌟🌟🌟🌟🌟🌟
**بقلمي رفل حسن**
لطالما كنت تلك الفتاة الرومانسيه الحالمه التي تتخيل انها ستخوض احداث قصه حب ثم تتزوج من حبيبها رغم انني ابدو جريئه بكل شيء الا انني خجوله في الحب اؤمن بالحب بدرجه كبيرة ولدي اعتقاد ان الحب هو تضحيه ....ان كنت تحب حقا ستتخلئ عن كل شيء يحيل بينك وبين الحبيب ...هذا كان شعاري الدائم الذي لم افصح عنه لأقرب الناس ....لدي عالمي الخاص لم يدخله احدا سواي ....ولكن هل سأحصل علئ الحب الذي ابتغيه ذلك الخوف الذي بدأ بالنمو داخلي اتجاه الرجال منذ ان كنت في السابعه يسيطر علي في بعض الاحيان ولكن لا يوما ما سأتغلب علئ مخاوفي ...سأخيف مخاوفي......
سمر :-ورد ماما جم مرة كتلج لا تكعدين وحدج وتطفين الضوة الدنيا مغرب مايجوز
ورد وهي تحط اديها علئ عيونها حتئ تمنع الضوة :-اووووي ماما دطفي تعرفين ماحب الضوة احب الظلمه والهدوء......
سمر :-كومي كومي يله نسوي عشه
كامت ورد بلكوة من مكانها ولمت شعرها الاسود الفاحم الي يوصل لنص ظهرها وطلعت من غرفتها متوجهه للمطبخ وي امها
جاي تكلب بالمعكرونه وتتأفاف :-هف والله ضوجه هاي عود صار اسبوع من اتخرجت اخ لو طالع اسمي كليه جان هسه اني ناحجه لثالث
سمر :-كلمن وقسمته ماما وانتي قسمتج المعهد ..
ورد بحركه كلب:-هسه لو راسبه سنه الله يراضهه اتخرج واني عمري 19 سنه وصفطت وكعدت بالبيت ....
ابتسمت سمر وهزت رأسها علئ سوالف بنتها وبنفس الوكت شالت هم شلون راح تفاتحها بذاك الموضوع تعرف بنتها وتعرف ردة فعلها كولش زين قررت تمهد الها بالموضوع صار شهر هي وابوها معارك علمودها وهي متدري بالديصير
سمر بهدوء:-اكولج ترة الاسبوع الجاي نروح لعمامج ...
اندارت ورد علئ امها مستغربه وعاكدة حواجبها :-عمامي هههههه والله ضحكتيني هو اني اعرف عمامي اصلا اشو لا نعرفهم ولا يعرفونه ولا فديوم سألو علينه بس بيبي وجدو يجون علينه بسنه مرتين لو ثلاثه ......
سمر:-ماما عيب ذوله اهلج صح صار هوايه ممتشاوفين بس ابوج علئ تواصل وياهم نسيتي من رحنه مرة الهم من جان عمرج 12 سنه ....
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
