عيـــلتنــا ((باللهجه الليبية))

البارت التاسع عشر

#عيلـ★ـتنا
.
.
.
.

وسام﴾﴾﴿﴿
قمت راسي و شفت عبدالمالك لابس تيشرت ابيض و سروال اسود و محلق شعره و جاينا.
انا: بسم الله الرحمن الرحيم.
عبدالمالك: السلام عليكم👋
احنا: و عليكم السلام و رحمت الله و باركاته .
عبدالمالك قعمز: كيف حالكم؟
الكل قعد مصدوم و يشوفوله.
سمعه: فيك حاجه ؟
عبدالمالك: ههههه لالا انا تو طبيعي.
انا: بنركب انا را .. محمود مصارش من المنصورة مره تانية 👋
سالم و بسام: حتى حنا راكبين.
انا: هيا .... تعالوا نقعمزوا في الملعب.
سالم: مش بنركبوا ؟
انا: مصارش.
بسام : هيا تعالوا  .
انا: لالا هي نمشوا للحوش.
سالم و بسام😒😒: هيا.
____________________________
هلال﴿﴿﴾﴾..
بعد ما صورنا و قعدنا نضحكوا سمعنا
صوت من ورانا: الله الله.
احنا تلفتنا بصدمة ولقينا رامي واقف و يتفرج علينا .
البنات مشوا وقعدت انا و حسناء مصدومين رامي كان مش طبيعي ابداً.
رامي يقرب: حي عليا من العسل انا .
حسناء: ر... رامي.
رامي: عيووونه... و مزال يقرب حتى و لا بينا و بينه اقل من شبر.
انا: راميي حوول حول.
رامي: تؤتؤ.
: رامــــي😡
انا سكرت عيوني بخوف و رامي تلفت بصدمة ... حسناء همست : وسام و سالم.
انا فتحت عيوني و دقات قلبي زادت لما شفته .
وسام شد رامي و طلعوه برا هو و بسام و سالم .
انا خفت يفهموا غلط قعمزت نبكي .
حسناء: هلوله خيرك؟
انا: بيفهموا غلط يا حسناء .. خلاص بيشكوا فينا خلاص.
ملك جت : تي وينكم انت..م... هلووولتي حياتي خيرك .. حضنتني.
انا حكيتلها كل شيء.
ملك: ماحد بيشك فيكم خلاص.
هلال : دانا هااتوا عبايتي انا و حسناء.
دانا جت و حذفت العبايات علينا: خيييركم شن في شن صار ااه؟
حسناء: غر بالشويه عليك ... ما بعده محمود .
دانا: هاهاها .. ع اساس بنعامله زي ما بنعاملكم هههه.. تسخفوا.
ملك: بري بري تو يسمعك .
دانا : و يسمع .. ناكذبتش انا .. نحطه في عيوووني .
: آه يا قلبي انا.
كلنا تلفتنا الا دانا .
ملك 'ضحكت'.
محمود: صار في عيونك 😉
دانا تلفتت ببطء.
انا: عيييب
محمود: شن هوا العيب😒
انا: عيب
محمود: خطيبتي 😏
انا: هيء عيب😲
محمود: وااك نفخ حااله انتي را .. طلع
ملك: ههههه درهتيله كبده.
هلال: زعما شـ..
وسام: السلام عليكم.
الكل تلفت : وعليكم السلام .
وسام: هلال حسناء تعالوا شويا .
انا تلفتت لحسناء بخوف و مشينا لوسام في الجنان ..لقينا وسام يتفرج على النافورة و عاطينا بظهرة .
حسناء: و.. وسام.
وسام تلفت : حسناء تعالي شويا ..
مشى هو حسناء بعيد عليا و قعد يكلم فيها و انا نحاول انركز و نسمع شن يقول ... بعدها مشت حسناء و وسام تلفتلي و واضح عليه معصب.
وسام : هلال
انا بخوف واااضح: ن ن نعم .
وسام ابتسم: يا خوافه.
انا قعدت انشوفله بصدمة: كيف.
وسام: هههههه خيرك خايفة؟
انا سكتت و نزلت راسي.
وسام: شوفي ... انا نعرف ان رامي غالط ... وعااارفه يسكر لكن هو قال انه معاش بيسكر لذلك فتناه ... قرب شويا.. لو نعرف انه بيدير هكي مارحمته من اول ما عرفت .
انا قعدت نبكي .
وسام: خلاص  معاش بيديرها مرة ثانية صدقيني .
انا قمت راسي و شفتله: به خلاص.
وسام: تمام هكي؟
انا: تمام.
وسام: امالا سلام ... لف و مشى للحوش.
انا قعدت نشوفله لين وصل ابتسمت على حنيته ... و فجأة تذكرت انه اصبح لجنان انقلبت الإبتسامه لحزن  و جرح عميييق في قلبي نزلت دموعي لا إراديا ... صح ما صارت بيني و بينه اي علاقه و ولا مرة قال انه يحبني بس انا نعشقه و نموت فيه ... كيف ما نحبه وفيه كل الصفات المثاليه 💕 ... اتمنيت لو لمرة يحبني ... تلفتت و توجهت للملعب.
____________________________
وسام﴾﴾﴿﴿
بعد ما كلمت هلال ركبت للحوش لقيت سالم و بسام و امي امقعمزين في الصالة .
انا: السلاااام عليكم.
امي: وينك معاش انشوفوا فيك؟
بسام: وعليكم السلام.
انا: والله الصبح خدمة و العشية نوم و مرات في الجامع و الا مع الشباب... قعمزت جنب بسام : خيره سالم؟
بسام: من امبكري وهو يفكر و نسأله مايردش عليا.
انا: ساللم سااالم خيرك .
سالم : تو نقولك بعدين.
انا مشيت جنبه: غر قول خيرك .
بسام جي : شن فيك سالم؟
امي: مشاءلله على شني متلقطين؟
انا: اووو تفيده اموليا تسألي يا قلبي.
بسام: تي غر خيييرك سالم.
سالم: مش هنى انقوللكم.
انا: به تعالوا للمربوعة .
بسام: هيا نوضوا .
نضنا و مشينا للمربوعة و سكرنا الباب.
انا: هي قول هي .
سالم تنهد .: بنمشي درنه .
بسام: خوذني معاك .
انا بصدمة: شنــي!
سالم زفر بقوة: ايه قررت خلاص... تلفت لبسام... شن تمشي معاي انت؟
بسام: غر شني بدير غادي؟
انا : غبي انت اه غبي.
سالم: شن بندير يعني ... ابتسم.. بنجاهد.
انا حطيت ايدي على كتف سالم: زيــنه يا خوي ... منصورين ان شاء الله.
سالم: ان شآء الله يااارب.
بسام: من كل عقلك تدوي انت؟
سالم: ايييه من كل عقلي.
انا: كفــو والله كفو .
بسام: ربي يقويك يا سالم .
دانا : بساااام ... سالم ... وسااام وينكم؟
انا: تو انجوا ... تلفتت لسالم ... امتى ناوي تمشي .؟
سالم : غدوا بعد الفطور ان شاء الله.
بسام: و امتى بترجع .
سالم: لما تتحر البلاد كلللها من شرقها لغربها و من شمالها لجنوبها .
انا ابتسمت بفخر على إصرار سالم : هذا هوا سالم اللي نعرفه انا  .
دانا فتحت الباب: تي وينكم بوي ليه ساعة ينادي عليكم.
سالم قرب من دانا و حضنها بقوة : ديري بالك على روحك .
دانا قامت راسها بإستغراب : كيف؟
سالم: تو غدوا تعرفي كل شيء .
دانا: به .... هيا بسرعة بوي ينادي عليكم .. ومشت.
انا: يا ولاد انديروا مقلب قبل ما يمشي سالم.
بسام و سالم: به .
انا: خلاص ميا ميا ... و طلعنا للصالة.
بوي: و اخيرا  جيتوا ليا ساعة انادي.
بسام: اهو جينا .
بوي: به ... بروا إشروا حاجات من سوق الخضرة .
سالم: بف سوق خضرة الساعة 10 عمرها ما صارت .
بوي: بااهي ... انزلوا شن قاعدين اديروا اهنا .
بسام: علاااش؟
بوي: شن اديروا اهنا بروا؟
سالم: شني كإن لوطا حوشنا مش هنا.
انا: تي هي ننزلوا اكيد الولاد لوطا.
بسام: لا لا محمد و محمود مشوا لبوهم و رامي و أسامة و الصيد مشوا للرياضية يهيجوا و أيمن و اصيل روحوا و حسام يقرى و حاتم الله اعلم .
انا و سالم😲😲
بوي: به برا تسقد لدارك.
بسام : سلامات و انتوا مصدقتوا الواحد اتجوز .
سالم اتكى : اووو شن جو هويده حقى.
انا : اكيد إ...
دانا: هي انتلف انت و ياه البنات جايات.
انا: عاادي بنات عمامي و عماتي.
دانا: لا معاهم صاحباتي .
سالم: مني؟
دانا: مخصكش.
انا: باهي نعرفوهم؟
دانا: خطيبتك جاية .... حقـــى تعرف من جاي يا سالم .
انا و سالم: مني؟
دانا: رواسـم.
سالم: من رواسم!
دانا: اللي كانت تسكن جنبنا .
انا:  عرفـــتهااااا.
سالم : من هيا ؟
انا: تي أخت رائــد.
سالم: اااه .. ام عرفتها.. به شن دخلي انا.
انا تلفتت لقيت تليفوني يرن: نازل انا ...  سكرت باب الحوش و رديت على جنان : الو.
جنان: اهلين وسام كيف حالك.
انا: لما نسمع صوتك تمااام.
جنان: ههههه تسلملي.
انا: شني جايه اليوم اه.
جنان: اها... ايه جايتكم.
انا: ميا ميا ... اول ما توصلي كلميني.
جنان: علاش😊
انا: نبي انشوفك.
جنان بربكة: ام ضروري.
انا بإستغراب: نبي انشوفك خيرك ليا قريب اسبوع ما شفتك.
جنان: تمام.
انا شفت محمود و محمد جايين: هي تبي شيء  الولاد جوا .
جنان: سلامتك.
انا: هي سلام .. سكرت الخط و مشيت لمحمود .
محمد: ويـسووسي شنج.
انا : ويسوسي وجهك .
محمود: ههههه ويسوسي.
انا: اهو اليوم ساهر معاكم انا.
محمد: خير يا طير شن في.
انا شفت لمحمود: و الله دانــا جايينها صاحباتها .
محمود بربكة: اها .. بااه خيرك تشبح.
محمد: صاحباتها بس؟
انا: و بنات عمامي و عماتي .. علاااش.
محمد: شــيء.
اصيل: من صاحباتها.
انا و محمود و محمد: بسـم الله.
أصيل بغيض: شني شفتوا جني.
انا: تي منين طلعت انت؟
اصيل: من بطن امي .
محمد: ته ته ته .
اصيل: غر من صاحباتها.
انا: تي وين نندري عليهم انا ...علاش؟
أصيل: اه .. لا شيء.
انا : ااااه .. اتذكرت اها .
أيمن جاي يجري : يا ولااااااااد .."و صل و هو يلهث" .... سمعتلكم سمعة.
احنا: شني؟
أيمن: ج ... جدي .. جدي غدوا يبينا كلللنا ولاد و بنات ضروووووري .
محمود: كيف وين امتى علاش؟
أيمن😒.
أصيل: منين سمعت انت.
أيمن: سمعت امي و خالاتي و مرت خالي وائل يهدرزوا ... و قالوا بيعطينا اوامر.
أصيل: شن هما ؟؟؟
أيمن: منــدري.
سالم: يا ولااااد .
انا: خير شن المصيبة الثانية .
سالم: سمعت إن بيعجلوا في عرسكم.
ايمن جى : اي صح .
محمود إبتسم: به عادي .
سالم: تي ضم فمك مش هادي المشكلة.
أصيل: شن في انت الثاني.
سالم: عمك ادم... بيحضر معانا.
احنا: واااااك.
سالم: ههههههه نبصر .. وااااك ... ههههه كان تشوفوا وجهكم.
انا: وقت بصارتك هيا.
سالم: موضوع عرسكم حق لكن عمي لا.
انا: به تمام .. شن رايكم نفطروا ع البحر غدوا.
أصيل: لا لا ... خلي نفطروا في أرض جدي.
محمد: اي صح جوو غادي.
انا: به كل واحد يمشي يكلم أهله و عياله.
احنا كيف بنمشوا سمعنا صوت بنات... تلفتنا للباب كلنا.
أصيل: تسنيم.
محمود: من تسنيم.
انا: جنان.
محمود:وحده منعرفهاش😹
انا أشرت لجنان تستنى .
أصيل : هي امالا انا بنمشي نقرا.
أيمن :هييء ... هو انا اللي امتحاناتي بعد العيد مافتحت فيها كتاب و انت بتقرااا.
محمد: باش تعرفه طالب علم مش زيك.
محمود: بنمشي للمربوعة من يجي معاي.
محمد و سالم: انا .
انا تلفتت لمحمود: عندي موضوع انديره و نجيكم.
محمود: به تمام ... ومشوا .
اصيل: هي حسني بنقرا.
ايمن شاف لأصيل: تي شني كل مرة تغير في لكنتك انت.
أنا: تي ماهو حسه قاري رواية جديدة.
أصيل: يا فاهمني انت.
انا: ميا ميا بعدين قولي اسمائهم.
أصيل: تمام .
ايمن: نعرف البنات بس يقروا روايات مش الولاد.
انا: عينك ...حتى الولاد المثقفين الرومانسيين الحالمين يقروا .
أيمن: اهو انا مثقف و رومانسي و ما نقرا فيهم  .
أصيل: هو اختلاف في التفكير و الهوايات لا أكثر.
أيمن: غر بالشوية علينا يا فيلسوف.
انا: هذا ع اساس بتقروا.
اصيل: اي صح ... هي تعالى ايمن.
ايمن: سلام .. "مشوا"
انا تلفتت لقيت جنان تستنى فيا مشيتلها : كيف حالك.
جنان من دون ما تشوفلي (تبحت فيا): تمام و انت.
انا : شوفيلي خيرك؟
جنان "سكتت".
انا: جنان فيك شيء؟ قوليلي.
جنان بربكة: آه.. اي..لا .. اي اي.
انا "بإستغراب": شن في .
جنان "قامت راسها": و.. وسام ا..انا.."تبكي".
انا ركزت في ملامحها كيف متغيــرة و كأنها مــرهقة و تعبــانه: جنان خيرك  فهمني شن صاير؟'شديت يدها'.. جنون في شيء صايرلك.
جنان سحبت يدها "بحزن": و.. وسام احنا "انفجرت بكاء".
انا احتضنتها "بحنان": اششش لا تبكي.. ما نحب انشوف دموعك تجرحني.
جنان بعدت من عليا "زفرت بقوة": بنقولك شيء ولاازم تفهمه.
انا "بقلق": شن هوا؟
جنان وكأنها تستجمع قوتها: احنا لااازم انبعدوا عن بعض.
انا "بصدمــة": كيــف!
جنان: زي ما سمعتني وسام ما في نصيب بينا خلاص "بدموع".. انت مش من نصيبي .
انا و كأن حد صب فوقي ميا .. سكتت بصدمة مش قادر نستوعب اللي قالاته ... كيف بعد هالأيام .. هالسنيين اللي حبينا فيها بعض .. كيف تهون عليها العشرة و علاش : كيف فهميني كيف تبيني نبعد عليك و انتي كل حياتي ..'شديت يدها'.. انتي ما تعرفي كم تعذبت في غيابك يا جنان و الله ما تعرفي ... ما تخليني تو .
جنان نزلت منها دمعة و مسحتها بسرعة"تنفست بقوة": هكي القدر كاتبلنا.. لا انا ليك و لا انت ليا.
انا حضنتها "بحب": متكابريش جنان .. انتي تحبيني وعارف ان هذا كله مش من قلبك .
جنان شهقت من البكى وقالت "بقوة": لا منحبكش انا ... كرهتك ..'باعدت من عليا'.. خلاص قتلك ما في نصيب بينا ... سلام توا .."مشت"
انا قعدت نراقبها بعيوني لين وصلت للداخل ... نزلت دمعة على خدي مع صدمة عمري ما توقعتها ... صعب انك تفقد شخص كنت تعتبره كل حياتك ... و في دقيقة وحده يمشي و من دون تبرير ... يعاتب ومن دون سبب.. يكابر و في قلبه جرح كبير .. و الأصعب انه يخليك حاير في السبب .. مشيت للولاد وخذيت مفتاح سيارة سالم ( كيا سوناتا بيضاء)
سالم: خيرك شن صاير؟
انا تلفتت وتجاهلت نظراتهم المستغربه: مضايق شويا و نبي نطلع " مشيت".
~~~~~~~~~   ~~~~~~~