عيـــلتنــا ((باللهجه الليبية))

البارت الثاني

عيلـ★ـتنا
.
.
إسماعيل : يا وسااام تعالى إجري
أنا : شني
إسماعيل : راهو طيبوا تشيز كيك.
أنا : نعــم انى جاي
'وطلعت نجري زي القضاء المستعجل لإن كل شيء نصبر عليه الا التشيز كيك '
ميس : العفووو مسرع تلميتوا الأولاد.
حاتم: تي الا الحلويات .
رزان 'شافتلي': اصلا الحلو يحب الحلو.
الشباب تلفتولي'
أسامه : بحبح يا سي.
أنا : تعرفي تاكلي خير ما ناكلك وجهك ونشوفو من الحلو
°كلهم شافولي°
سالم: بالشويا الزفت .
أنا : لا شويا لا ميا ترا
محمود: لا شاميه
كلهم تفجروا ضحك .
انا طارتلي و نضت : تو ينفعكم الضحك .. 'وقعمزت على الجلسة وفتحت التلفزيون وكلهم يشبحولي مخلوعين طلعت للجنان و بديت إندخن' .
قعدت شويا وحسيت  بيد  على كتفي تلفتت .
ملك : خيرك وسام .
انا: لا شيء ... 'وتلفتت للنافورة وكملت تدخين'.
ملك: وسااام خيرك إحكيلي .
أنا: شن بنحكيلك باش نحكي.
ملك: اوووو لا هذي تبي جلسه' إبتِسمتْ و رفعتني لجلسه قدام الحوض فيها كرسيين و طاوله'
ملك : هي إحكي .. ليييش متعصب.
وسام : انا الكل يعرف ان منحبش حد يضحك و انا طايرتلي و متعصب وانتوا كلكم مشآء الله ضحكتوا ..
ملك : هدا علاش متعصب ؟؟
أنا : حتى رزان البارده منتحملهاش بكل والكللل يعرف إن لو القتل حلال راه قتلتها  وتفكيت منها .
ملك غمزتلي : يا ولد عمييي.
انا إستغربت : شني ؟
ملك: رزان معجبه بيك .
أنا 'ضحكت'
ملك : وانت تحب ؟
أنا : انا منحب حد و لا معجب بحد صح مرات نبدا اناشب في البنات وكلا  لكن مش حب عادي يعني وحده عحبتني بسبستلها  لا أكثر ومن الأخير كل بنت تبي الولاد يبسبسولها 😏
ملك : اممم يعني انت تشوف فكل البنات تافهات هكي ؟
أنا : لا طبعا ... بس نقولوا اغلبهم الا من رحم ربي واكيد في البنات المحترمات و اللي يصونوا نفسهم ... زيكم انتوا من غير رزان و روان طبعاً ... وزي اللي يقروا في الرواية توا.
ملك: هههه المهم مش معصب توا .
وسام : لا لا .
ملك باستني على خدي .
أنا : ملــك .  نجيك را.
ملك 'ضحكت و مشت تجري'.
'خشيت للحوش وأنا رايق ولقيت العيله كلها ملتمه قعمزت معاهم  وبدينا نلعبوا في شكبّه انا و الشباب والرجاله شطرنج طبعا من غير عمي ادم و صغارة .. والبنات يهدرزو ويتفرجوا علينا والنساوين يتفرجو'
سالم 'يهمسلي' : يا غبي إرمي الدخان خير ما ينطو فيك .
انا إبتسمتله بهزوه'
أسامه :  كلب شكب بالعشرة .
أنا: باش تعرف بس .
أصيل: اياه وسام حتى الحيه عنده الزح.
الشباب 'كلهم فنصوا في أصيل بمعنى أسكت' .
تلفتلنا عمي مراد : شني قلت أصيل؟
أصيل: اه ... قلتلهم اياه وسام حتى الحيه عنده ا .. اربح
مراد: اه به .. 'وكمل لعب'.
احنا 'كلنا شفما لأصيل و انفجرنا ضحك مع بعضنا ... ويا محلى جدي وهو يدعي ربي يهدينا
وكلهم يدعولنا ربي يدوم الضحكه و صوتكم في الحوش ووو تعرفوا دوة النساوين عاد'
محمود : معاش قادر جنابي ..
أيمن : فلقنا النـ...
كلنا : ايمـــن
أيمن 'ضحك'  : عقريب انزلطت
أنا 'شفت للبنات' : ديرولنا شاهي وانتوا من امبكري فاتحين تريبونه ((جمهور)).
هلال 'شافت الساعة' : اكيد مهبول اللي يشرب شاهي الساعة 9في الليل.
حاتم : غر نوضي يا حلوة طيبي
انا : سكر فمك
حسام : او غار
أنا : تي لااا .
الصيد: تفو هكي تكبد ومتقولش .
انا 'بدا الجو يتكهرب عندي': قلنا لا
إسماعيل :  ولد خوووي يحب
انا 'طارتلي' : قلنالكم لا يعني لا تفكير خامر  .
وكالعادة قلبت الكارته و نضت اندخن في الجنان .
جاني بسام : وسام  خيرك ؟؟
انا 'شفتله' : بسام اطلع من راسي .
بسام: اسمع والله اللقطه اللي درتها معجبتنيش
أنا : لقطت شني ؟؟
بسام : العياط و قلبت الكارته الولاد كلهم إستغربوا مش من عاداتك هكي معانا .
أنا: مش لازم يعجبكم تصرفي
بسام : خوي و نعرفك، شن فيك ؟؟
أنا : يا بسام اه
بسام : يا بروّي شن فيك .
أنا : بيني و بينك ... شهرين و بنسافر
بسام "بصدمه" : علاش
انا : تي الشركة الزفت بدت تخسر في الأرباح و الأسهم في بريطانيا بدت تنزل
بسام : به انت ومني ؟؟
أنا : منعرفش ممكن محمود ولا حاتم .
بسام : وسمعه خيره .
أنا : تي عرسه الشهر الجاي مش حناخده معاي العفو من اول شهر انطبو الولد
بسام 'ضحك'
أنا : تعالى نخشوا الداخل بنقول للولاد .
بسام: هيا .
وخشينالهم وقلنا للشباب اللي معانا وقعمزنا على طاولة العشى .
إميما : مشآء الله على ولادي و بناتي انشاء الله نشوفكم لبعض .
°احنا الولاد كلنا بحتنا في بعض الا بسام طبعاً'
محمود 'يهمسلي' : شن تخرط اهيا
أنا : خليها  شكلا ضربها الزهايمر
محمود : ممكن
عمي أدم : سادكم همس والعياذ بالله .
جدي : كولوا قريب يكملوها السفرة .
إميما : تو غدوا  الشباب يطيبوا الغدى
انا 'كنت نشرب في ميا شرقت'
ومحمود 'غص بالخبزة و الشباب اللي فنص واللي شرق و اللي بزع المشروب .'
أنا 'ضحطت ببرود' : تعرفي تنكتي يا إميما .
إميما : لا والله حق .
جدي : اي حق .
أسامة : و الله معندناش مشكله كان تبو تتسمموا
محمود و أصيل : ايه ايه.
أنا : تكلم عن نفسك انا نعرف انطيب بيتسا .
سمعه : ايه هوا يدير في بيتسا  تاكل صوابعك معاها .
ناضوا الرجاله و النساوين ... قعدنا الشباب و البنات بــس

محمود : حتى انا نطيب في امبكبكه
انا و سمعه و بسام حاتم 'شفناله'
محمود : العفو خيركم .
أنا : زي امتاع الشركة هذاكا اليوم
حاتم : جاني تسمم .
سمعه : انت وتي الطاولة بس.
انا : حقى ولااد بنباتوا اليوم اهنا  في حوش إميما .
أيمن و أصيل : حق؟
أنا : الكبار بس المفرخ لا
أصيل : واك .
هويده : مصح وجهكم احنا بايتين لوطا اليوم .
محمود: ماكتر ربي غير الديار في الفيلا
أنا : ايه صح مكبر الحوش شن المشكلة
هلال: ايييح لازم انتوا تخشوا فكل شي.
محمود: شن قصدك مفهمتاش .
هلال: لا شيء.
إسمعايل : النبي إقلبي خلقتك انتِ اليوم مدرهتلي كبدي.
هلال 'قعدت تشوفلنا بعدين ناضت'
انا 'كنت نهمس لإسمعايل، تلفتت لقيت البنات يشوفولنا' : شني انت وياها يا كولو يا إنقلعوا أرقدوا .
قعدوا ياكلوا  و دانا و ملك مشوا لهلال .

انا شفت الساعة لقيتها الـ12 : الساعة 12 نوضوا ارقدوا عندنا إجتماع .
أصيل :  بتنا بتنا في النهاية .
محمود : بترقدوا بروحكم واحنا بروحنا.
محمد: اهيه احنا في الدار اهيا ... اشر على دار جنب المربوعة ... وإنتوا اهيا .ً اشر على دار جنب دار البنات .
انا مسحت لحيتي بيدي : اففف به به بروا هي 😒
محمد و الشباب : تصبحوا على خير .
انا و سمعه و الجماعة امتاع الشركة: قدامكم الخير .
وخشينا للدار .
انا طلعت نشرب في ميا سمعت البنات يهدرزوا .
رزان : أصلا و سام ####
دانا : هي احترمي نفسك الا خوي .
ملك : تحشمي رزان .
هلال: حتى لو ضربني انا الغالطه و نستاهل .
رزان : بفففف هال #####
انا قربعت الباب بقوة : رزاااان 😡 وشديتها  وطلعتها للصالة .
_________     ______

لااااااايك

لاااااااااااااايك