#عيلتنا
.
.
.
.
ايمن :باهي توا تحب ؟
أسامة : تبي الحق ... اي.
اصيل 'عدل جلسته' : اووو. مني ؟
أسامة 'إبتسم' : من تتوقعوا ؟
ايمن : من العيلة؟
اسامة : اي.
اصيل : حسناء ؟
اسامة : لا.
ايمن: ملك؟
اسامة : لا لا
اصيل : امالا مني ؟
اسامة 'إبتسم ' : عائشة.
ايمن & اصيل : اااه ؟!
أسامة : اي ... خيركم ؟
اصيل : عائشة متأكد ...؟؟
أيمن : هاذي قصدك. عائشة بنت خالي ادم؟؟
اسامة "بعصبية" : اي هيا. خيرها شن ناقصها زيها زي باقي البنات.
اصيل : تو سيبت كل البنات وحبيت عائشة ؟
ايمن : اسامة ... انت تحبهاا ولا لانها ملتزمة و ضامن ان ما في حد كلمها قبلك؟
اسامة 'ضحك' : ساعة ننصح فيكم و في النهاية. تقولي لان ما حد يكلم فيها ؟؟ تي نحبها. ا ن ح ب هـ ا. افهمواا ... نحب قوتها و شخصيتها و التزامها وجمالها. و طول لسانها و كل شيء فيها.
ايمن: امالا شمّر كمامك يا ودّي .... بتتعب هلبا.
اسامة ' مشّى يده على لحيته' : مش اسامة اللي يتعب .
اصيل : لنقنا خبرة الماضي بتطلع توا .
اسامة 'ضحك' : عليك نور. بنحاول بكل الطرق ... و عادي خلّي نتعب معاها.
أصيل : امالا كيف. حتى هيا عيّوشة .
اسامة : سكر فمك .
أيمن 'ضحك' : او غاار.
أسامة : اكيد.
أصيل : باهي هيا نوضوا.
أيمن ' فتح دولابه ' : سوريتي الزيتونيه وين ؟؟
اسامة : سوريتي ولا سوريتك هيا ؟
ايمن: سوريتي .
اسامة : امالا علاش تسإل.
أيمن : متفهك ... اصيل وين سوريتي؟
أصيل : نفس كلام أسامة .
أيمن ' بصوت عالي ' : امــــي... يمـــا.
'دخلت امهم ''سالمة'' : خيرك تنادي ؟
أيمن : ما شفتي سوريتي الزيتونيه ؟
الام : في دولابك .
ايمن : دورت و مالقيتهاش .
الام : افتح عيونك و دور صح .
ايمن : اقسم بالله ما لقيتها .
الام : معااش تقسم. تو كان انجي انطلعهالك .
ايمن "بثقة" : به تعالي هي.
الام ' وقفت قدام دولاب ايمن و مجرد ما مدت يدها. طلعت السورية 😂😅'
ايمن : اعوذ بالله من الشيطان الرجيم. تي كيف صار ؟
الام : مش قتلك في الدولاب ... افتح عيونك زين .'مشت'
ايمن : واحد منكم يفهمني اللي صار توا .
اسامة ' ضحك ' : تعويذة خــاصة بالأمهات .
اصيل : تي نوضوا هيا مكثر كلامكم.
____________________________________________
هلال ﴿﴿﴾﴾
'كنت امقعمزة في الجنان و نفكر في الغلا نفكر فيه و حاسه بالشوووق وان البلاد ما ليها طعم من غيره .... حسيت بيد شخص على كتفي لفيت بسرعة'
:وين عقلك ?
انا "بصدمة": وساااام.
وسام'ضحك': اي وسام .
انا 'حضنته لا شعوريا':استاحشتك.
وسام 'قعد واقف مصدوم'
انا'نزلت ايدي و باعدت عنه بخجل'
وسام: شن قلتي ترا عاوديها.
انا 'نزلت راسي بخجل'
وسام 'ابتسم':شعور متبادل على فكرة.
محمود:هي تعالى العيله بتسلم عليك.
وسام'ضحك'مياميا ... تو هوا ولا مخرب اللحظات الرومنسيه ... ' تلفتلي ' : هي تعالي .... ولا بتقعدي بروحك اهنا ؟
انا : هي ندخل معاكم خير.
وسام : به .. ' مشينا و دخلنا و قعد وسام. يسلم عليهم و بعدها قعمز جنب بوه في الصالة '
أنت تقرأ
عيـــلتنــا ((باللهجه الليبية))
Подростковая литератураرواية ليبيه تحكي عن صغار عم والحب اللي ترعرع بينهم و المشاكل العائليه و الهياجات و المقالب اللي داروها وماعمرهم ما دسو على بعض حاجه 😍 1# - طرابلس #1 - بنغازي #1- ليبين 2# - ليبيه #2 - رومنسيه 4#- ليبيا هاذي هيا العيله ... #عيلتنا 💙 للكاتبة...
