#عيلتنا
.
.
.
.
جواد "بتوتر" : خلاص سكروا الموضوع.
سالم : علاش نسكروه؟
محمد : والله كان نحصل عليه الفرخ اللي دار هكي لما نفنيه.
سمعة : أنا تلامحتهم.
جواد 'شاف لسمعة و الخوف مسيطر على تعابير وجهه' : شـ..شنو؟
أنا : تعرفوا، إحساس بايخ لما تعطي حد ثقتك كلها و تعتبره أقرب شخص ليك و تفديه بروحك لكن هوا يجازيك بالخيانة و النــفاق.
محمود : واعرة.
جواد "بإرتباك" : من قصدك؟ 'بلع ريقه بخوف'
أنا : واحد.
جواد : أها .'لف وجهه و عروقه متشنجه و على أبسط كلمة بينهار'
بسام : خلي ندعوا دعوة مقومة على اللي رمى عليكم.
°به°
محمود : هئحم، الله لايوفقه ولا يوجهله الخير لا دنيا لا أخرة.
°آمين°
سالم : الله لا يسامحه و يحرق قلبه على أغلى غلاه.
°آمين°
محمد : ربي يطيحه بين إيديا و نلعب فيه تسعة.
'ضحكنا و قعدنا بالواحد يدعي لين وصل دور جواد'
جواد 'قعد ساكت و متوتر'
أنا : إدعي هيا.
جواد : ر.. ربي ، يسامحه و يغفرله.
'لحظة صمت ... شفنا لبعض و قعدنا نضحكوا'
جواد 'قعد يشوفلنا و الأفكار تلف في عقله' : خـ.'قطع كلامه صوت ملك اللي وقفت قدامنا'
ملك : قالتلكم إميما تعالوا إشربوا شاهي.
محمد ' شافلها و الغيرة واضحة في ملامح وجهه المتشنجه ، وقف و وجهلها كلامه' : بري تو نجو.
ملك 'رفعت حواجبها بإستغراب و باعدت من جهتهم'
محمد 'تلفتلنا' : شويا و نجي يا شباب.
سالم 'شافله بتنبيه' : شد أعصابك .
محمد 'أشرله تمام و مشى'
أنا 'كنت فاهم تصرف محمد و كلام سالم ، لكن درت روحي غبي و فتت الموضوع' : هي نوضوا يا شباب.
°هيا°
'دخلنا للمربوعة و شربنا الشاهي و قعدنا نهدرزوا و جواد مركز في كل حرف نقولوه'
محمود "بهمس" : وين محمد؟
أنا: منعرفش، أكيد شويا و يجي.
ــــــــــــــــــــــــــــــــــــــــــــــــــــــــــــــــــــــــــــ
عند محمد ↓↓
كان واقف قدام ملك و يشوفلها بعصبية ، و هي تشوفله بإستغراب .
ملك : خيرك؟
محمد : إنتي اللي خيرك ، علاش لابسه هكي و جايه تكلمي في الشباب؟
ملك 'رفعت حاجبها بصدمة من كلامه' : شنو؟ محمد هذا لبسي و أنا ديما نلبس هكي ، بعدين الشباب اللي تحكي عليهم يكونوا ولاد عمـامي و كلمتهم لأنا إميما هكي قالتلي.
محمد : و مفيش غيرك تنوض تتكلم؟
ملك : إنت خيرك؟ شكلك ناوي تحرقلي دمي و تعصبني.
محمد : ملك إسمعيني، اللبس أهوا فوتيه و لو في آي حاجة تبوها من الشباب كلمي وحدة من البنات ولا قوليلي، إنت لا.
ملك 'حطت يديها على خصرها' : باللهِ، عفواً من تكون؟ بوي راضي و خوتي في ديار الحق، مفيش حد غيرهم يتحكم فيا إلا وسام ومش في كل شيء، لبسي مش حيتغير لإني مقتنعه بيه تمام ، و بالنسبة للكلام التاني فقوله لإميما، أو خلي أختك هيا اللي تكلمكم تمام.
محمد 'شدها من يدها بقوة، هالمرة لعبت بأعصابه و غيرته، تكلم من بين سنونه وقال' : إسمعي يا فرخة، متجربيش تلعبي بأعصابي لإن ساعتها حتشوفي شيء مش حيعجبك و حتندمي عليه، لذلك أوزني كلامك و اللي نقوله يتنفذ.
ملك 'فكت يده بصعوبهو تكلمت بنبرة حادة و عالية' : أولا أنا ملعبتش بأعصابك إنت اللي متعب روحك و جاي معصب و مش عارفه شن السبب ، ثانيا أنا محد يهددني سامع. محد يقدر يهددني و أعلى ما في خيلك أركبه، ثالثا إنت من تكون حتى تأمرني لا و تبيني إنفذ أوامرك ، مستحيــل تتحكم فيا لا إنت ولا غيرك و ألهى في روحك خيرلك مش ناقص جو الفروخ هذا 'لفت و مشت'
محمد 'العصبية زادت عن حدها و لمعت عيونه ماتبشر بالخير أبداً' : تمام يا ملك إنتي اللي بديتي النزاع ، تي والله ما نتسمى محمد كان مامشيت اللي في رأسي 'لف و مشى للمربوعة'
أنت تقرأ
عيـــلتنــا ((باللهجه الليبية))
Подростковая литератураرواية ليبيه تحكي عن صغار عم والحب اللي ترعرع بينهم و المشاكل العائليه و الهياجات و المقالب اللي داروها وماعمرهم ما دسو على بعض حاجه 😍 1# - طرابلس #1 - بنغازي #1- ليبين 2# - ليبيه #2 - رومنسيه 4#- ليبيا هاذي هيا العيله ... #عيلتنا 💙 للكاتبة...
