#عيلتنا
ممنـــــوع نشر الرواية من غير اسمي ممنـــوع ومش مسامحة اللي ينشرها من غير اسمي و من غير موافقتي ارجوكم احترموا هذا الرإي و رأي كل الكاتبين لان هذه حرية راي و حقوق نشر .
حقوق النشر محفوظه.
#قريبا
المقتطفات .
حط يده على كتفها بحنان و ابتسم :نغار عليك منه را.
-'ضحكت':تغار عليا من القمر العفو!
:امالا شني ... من امبكري تشوفيله و تبتسمي نغار منه.
-:نعلي.
:تعالي ندخلوا مليت اهنا.
:هيا.
*******************************************************
وسام كان مقعمز قدام البحر يدخن و يفكر في ليبيا و العيله .
محمود 'قعمز جنب وسام': شاغلين البال غير من هما واخذين عقل الغالي و زايدين همه.
وسام 'وعيونه على البحر': مرايف على احباب ليهم غيبه ما يعرفوا ان الشوق واخذ في قلبي نصيبه.
محمود: عطيهم خبر اعطيهم خبر ان غلاهم في عروقك يمر.
وسام: نوض اقلب وجهك نوض اقلب وجهك خير ما نفصل لانك تلمح على حاجة ماليها اصل.
محمود: مش نايض مش نايض لان اللي في قلبي فايض.
وسام: به نوض هي .
محمود:لا.
وسام'بزع على محمود رمل وناض يجري'
محمود'ناض يجري ورا وسام وقعدوا الزوز يضحكوا و يجروا على الشط '
********************************************************
وسام : محمد استنى شويا انكلم فيك.
محمد "بغيض":خيرك شن مزال تبي.
وسام:انت اللي خيرك معصب.
محمد: بالله مداير روحك بريئ يا كذااب و الله كنت نتوقع اي شخص يدير اللي درته الا انت ماخطرت في بالي بكل لكن العيب كان من اهل العيب مايعتبر عيب اصلا.
وسام"بعصبية": محمد اصحى و افهم شن تقول .
محمد'همس في وذن وسام':اللي فهمته انك شخص حقير و غداااار.
وسام' باعد محمد و ضربه كف'
********************************************************
رامي و الدموع في عينه: ما حد يقدر يحرمني منك انتي الهواء و النفس و كللل شيء والله نموت من غيرك انا و الله.
: نحبك نحبك يا رامي لكن خوتي ما نعرف ليش رفضوا.
رامي : والله تبت والله معاد سكرت ولا كلمت بنت والله من بعد ما وسام بعتني لل*** شفعت و حق الله تبت .
:مصدقاتك و الله مصدقاتك.
********************************************************
هلال 'كانت امقعمزة في الجنان و تفكر في الغلا تفكر فيه و حاسه بالشوووق وان البلاد ما ليها طعم من غيره .... حست بيد شخص على كتفها لفت بسرعة'
:وين عقلك ?
هلال "بصدمة": وساااام.
وسام'ضحك': اي وسام .
هلال 'حضناته لا شعوريا':استاحشتك.
وسام 'قعد واقف مصدوم'
هلال 'نزلت ايديها و باعدت عنه بخجل'
وسام: شم قلتي ترا عاوديها.
هلال 'نزلت راسها بخجل'
وسام 'ابتسم':شعور متبادل على فكرة.
محمود:هي تعالى العيله بتسلم عليك.
وسام'ضحك'مياميا ... تو هوا ولا مخرب اللحظات الرومنسيه .
*******************************************************
حسناء : كان انقوللكم مني اللي يبعتلي في الورد و الهدايا .
°مني°
حسناء "بإستهزاء": رامي.
روان:وبالك مش عاجبك.
حسناء:مش عاجبني عندك مانع!
رزان:وخيره خوي بسلامته. ميه وحدة تتمناه.
حسناء: لا مشاء الله خوك غير يسكر و يشرب و يعاكس بس.
*******************************************************
حاتم "بعصبية": خاطري نعرف خيره تغير بعد السفر .
محمد:حاله .
حاتم: تو من امتى وهو يحبها هلال امتتتى. كان يكرها و ديما عراك الزفت و خلاص.
محمد "بهدوء": هلال! يحب هلال؟
حاتم:ايه. امس جي و قالي باعد عليها. ولما سالته علاش قالي عشقتها. بليد .
محمد: ***
*
******************************************************
رامي: متحركش الخروف بعد ذبحه. شكلها روحه طلعت.
'في لحظة تحرك الخروف بالقوة '
وسام 'ضحك': اعييي. سكتك يا مهزب.
محمود: كالشوا للضي.
اسامة: رجلي الزفت من امبكري يضرب فيها و روحه ماطلعت.
وسام: مكتوب عليك الشقى روحه معلقة بالغالية مزال.
محمد: وقت اشعارك يا طيري.
وسام: اشعاري اشعار. تلف الجوش و نرقد في الدار.
عمي مجد: تعالوا قيموا الزقيطة .
بوي: خلاص قيمه الخروف.
انا: مزال ما طلعتش روحه ..'تلفتت لبسام'.. كم مزال خروف؟
اصيل'ضحك من غير نيه': تي احنا لتوا ذبحنا 3 خروف جدي و خروفك و خروف بوك هذا.
وسام: يا حبيبي. مطوله الحكاية.
******************************************************
هلال: اعطوني كبدة .
وسام: نعطيك كبيدتي 'بهمس' يا كبيدتي.
هلال : غر اعطيني هيا.
وسام 'تلفتلها': لا ليا انا هيا. لما بوك يذبح تو نعطيك.
هلال: اعطيني توا. و بعدين نقسملك من امتاعنا.
وسام'ابتسم': تعجبيني لكن لا .
هلال: هيا بالله.
وسام: تي بري خير ما نغرسه في بطنك تو .
هلال: نعم.
وسام'ضحك' :نبصر عليك .. هاك و بري كوليها بعيد.
******************************************************
محمود : وســـــام. لا وســـام.'حط ايديه على راسه بصدمة'
'الشباب كلهم جو يجروا'
بسام : وســــام 'طلع يجري '
في لحظة كانوا كلهم برا و مصدومين.
******************************************************
:ارجعي يا روحي. والله الدنيا من غيرك ما ليها طعم انتي الدنيا كلها يا غااالية ... اخر همي البيبي اااخر همي .'حط راسه على قبرها و قعد يبكي' اتمنيت ان نربوا صغارنا مع بعض انا و انتي. انا و اننتي مش انا بس.
********************★*******************************
دخلت للجنان و شافت الكل يبكي. لحظتها ايقنت ان موته حق مش حلم جلست على الارض بدموع : لااا لا خوووي لا حي حي الغالي حي ما مات.
هلال "ببكاء": دانا خلاص هذا قضاء و قدر. معاش تبكي .
دانا 'حضنت هلال': مات مات يا هلال ماات.
★★★★★**********★★★★***********
#_كونوا_في_الانتظار.
حقوق النشر محفوظة.
قريبا. الجزء الثاني.
#الكاتبة_حنين_الشوق
أنت تقرأ
عيـــلتنــا ((باللهجه الليبية))
Подростковая литератураرواية ليبيه تحكي عن صغار عم والحب اللي ترعرع بينهم و المشاكل العائليه و الهياجات و المقالب اللي داروها وماعمرهم ما دسو على بعض حاجه 😍 1# - طرابلس #1 - بنغازي #1- ليبين 2# - ليبيه #2 - رومنسيه 4#- ليبيا هاذي هيا العيله ... #عيلتنا 💙 للكاتبة...
