عيـــلتنــا ((باللهجه الليبية))

البارت الثاني و العشرون (2)

#عيلتنا
حقوق النشر محفوظة

ملك : تعرفوا من بيجي اليوم?
°مني؟°
ملك : سمعة.
رامي : غر احلمي   عريس را.
ملك : تي خيركم انتوا؟... كل عريس يجي لحوش اهله الصبح ما تعرفوها هاذي؟
محمد 'جاب السماعات': امتى صارت اهيا?
ملك : هكي في عائلات هكي عاداتها و عيلتنا وحده منهم.
محمد 'قعمز على الكنبه جنب ملك': باهي غر ركبي السماعات هاك.
ملك ' ركبتهم و حطت سماعة في وذنها و سماعة في وذن محمد' : شن نفتح لك توا.
محمد : اسمعي من الاخير بنسمع الاغاني كلهم .. يعني افتحي من الاول.
ملك : به تمام 'بدت تفتح في الاغاني و محمد يقول لو يبيها او لا'
ميس : يا ناس محد كلم سالم؟
رامي : انا لا.
الصيد: معنديش رصيد.
دانا : مقفل تليفونه.
ميس : اووف يا ربي.
رامي : خيرك دراما هلبا?
ميس : تو لما تحب تعرف الدراما بجد.
رامي : ومن قالك ما نحب ؟
°اوووو°
رزان: و خوي مكبد.
دانا : غر مني  ؟
رامي : لا لا سر بيني و بين قلبي.
روان : انت يا رومنسي .
رامي : تي صقع عليك.
دانا :  خاطري في حاجة حلوه.
رامي : اهو انا قدامك😊
دانا : لا  بالحق ندوي انا.
الصيد: عاد محمود و وسام مسافرين دوري من يمشي للدكان.
دانا : اللطف كثرة من غير فايدة.
رامي : مصح وجهك و خلااص .
دانا : نتصل بسمعة .
الصيد: خلي الراجل في حاله  مقعمز مع مرته شن تبي فيه.
رامي : الصيد  ...  هني روحك 😶
الصيد: شن قلت؟  مقعمز مع مرته ما قلت معكس في السر..
رامي 'قاطعه' : ضم فمك 😱
دانا : علاش ديما تفكيركم خامر.
رامي : ما انقعمزوا مع محمود هلبا 😀
ميس 'ضحكت': لمي سنونك دنونه.
دانا : اقسم بالله تافهين .
الصيد : طالعين لك.
روان: كانك درت لسان يا صيد.
رامي : اي  بدى يعرف يلقح را.
رزان : ويهدرز مشاء الله.
الصيد: تحسابوني بكوش امالا.
دانا: و خيرهم !   احسن من هلبا ناس تدوي في حاجات تافهة.
الصيد: من جى شورك انتي?
دانا: من كلمك انت ؟
الصيد: ومن قال ندوي عليك انا.؟
دانا: ومن قال انكلم فيك اصلا.
رامي : خلاص الزح شن هذا    نفخ.
ميس : كمبراسوري على قولت وسام.
رامي 'ضحك من غير نيه': تجري في دمك ؟
ميس : لا ..  اصلا من كلمك انت؟
رامي : ايح عاد .
روان: خيركم ولعتوا مع بعض.
° جانا الضي°
'ضحكوا كلهم عدا ملك و محمد'
رامي : تو ملك و محمد و لوا خارج نطاق التغطية.
دانا : غر شوفوهم بالله.
كلهم قعدوا يشوفوا لمحمد و ملك كيف يسمعوا في الاغاني و يضحكوا و دايرين جو '
ملك حست بيهم : خيركم ؟
الصيد: ماشيين مع بعض تعرفوا.
دانا : فوله و انقسمت  .
رامي : تقول النص الثاني لبعض.
محمد 'ابتسم و استنى ردت فعل ملك'
ملك ' نزلت راسها': خلي انكملوا فوتهم.
محمد : هي افتحي.
ميس : مصح وجهكم و خلاص.
دانا : وين هلال?
°صح وينها°
----------------------------------------------

هلال ﴿﴿﴾﴾
نضت على صوت تليفوني يرن ... تلفتت و لقيت المتصل "وسام"  نطيت بسرعة  و رديت عليه.
انا : الو.
وسام : اووو شن الجو؟
انا : تمام  شن جوك انت؟
وسام: الحمدلله بخير.
انا : كيف حال محمود؟
وسام: باهي .. اهو قاعد ياكل في سمينسه.
انا 'ضحكت': صوت دوشه (وجيج) جنبك.
وسام : اي ماهو نتمشوا في لندن.
انا : الله ... سعدوودكم.
وسام: شن الكلمة اهيا؟
انا : صحه ليكم ... مشيتوا للخدمة؟
وسام: والله مزال .. الساعة 11 بنمشوا.
انا: اها .. مزال هلبا حتى ترجعوا؟
وسام: اي  مزااال غدوة التسليم و بعدها بنمشوا لروسيا.
انا "بحزن": علاش؟
وسام : محمود خطرله يحضر المونديال.
انا : اممم تمشوا و تجوا بالسلامة.
وسام: ان شاء الله ... تعرفي امبكري فتحت تليفوني ترا قولي شن لقيت؟
انا : شني؟
وسام "ضحك": الصور امتاع هذاكا اليوم.
انا : اييي حق ما خديتهم منك .
وسام: تو يقعدوا عندي لين نرجع.
انا : اممم... ما تفتحهم بكل امالا.
وسام "ضحك": لا لا من قال؟
انا : انا قلت .
وسام: عينك... هكي عناد فيك لما نفتحهم كل يوم باهي.
انا: شن بدير بيهم.
وسام "ضحك": نتأمل في جمالك .
انا 'سكتت بخجل'
وسام : وين مشيتي؟
انا: قاعدة.
وسام: شن امور العيله ؟
انا: باهي كساد و خلاص ضي هارب و مقعمزين في الجنان
وسام: اييه تو بتبدوا في موال هروب الضي.
انا: ايه ... و الله لكساد الفيلا من غيرك 'حطيت يدي على فمي '
وسام "ضحك": صار هكي.
انا : شن هكي؟
وسام: صار كساد من غيري.
انا 'عضيت شواربي': لا لا من قال؟
وسام: انتي قلتي .
انا : انا لا لا امتى؟
وسام "ضحك": تلفقي فيها.
انا : باااي 'سكرت الخط ' : اففف شن اللسان هوا اللي عندي ... تؤ   غبية.
%رن تليفوني %
انا 'رديت' : والله ما قصدي انقولهالك باهي.
ميس: شن هيا؟
انا : اه .. مني انتي  و وين وسام؟
ميس : وسام شني ؟ شن تخرطي انتي    انا ميس.
انا : ميس .. 'باعدت التليفون' حي على امك يا هلال حي 'رديته على وذني'  ايه  شي شي.
ميس 'بصوت واطي ': امممم صار وسام ... شن كنتي اديري؟
انا: راااقدة كنت راقدة.
ميس: كنتي تحلمي بيه شكلك.
انا : اه    شن تبي؟
ميس:تعالي للجنان و انتي  اختفيتي فجأة .
انا : خيرك تدوي بالشويه؟
ميس 'بصوت واطي ' وطي صوتك يا دراه معانا رامي و الصيد و محمد ... 'علت صوتها' : كاان تبيني انقول وساااام هكي عادي.
انا : لااا ياحمارة ضمي فمك.
ميس 'ضحكت': به  هيا تعالي كملتيلي رصيدي.
انا: امبااه. 'سكرت التليفون و طلعت للجنان'
----------------------------------------------
عند العمة (سارة) 👇👇