عيـــلتنــا ((باللهجه الليبية))

البارت الثامن عشر

#عيلـ★ـتنا
.
.
.
.

_
____________________________

مرت الأيام وجي يوم 24رمضان ...
في هذه الفترة صارت بعض الأشياء المهمة وهي ....:
وسام طلع من المستشفى بعد غيبوبه إسبوعين و خطب جنان .... ومحمود خطب دانا و قرر انها تقعد خطبه حتى تكمل قرايتها ... علاقة سالم بميس زااادت و صاروا أجمل عصافير حب ... .
____________________________
24رمضان ....

وسام﴾﴾﴿﴿.
كنت راقد في مربوعة حوش جدي انا و محمود و أصيل  و فاتحين المكيف على 20 ... و جو ولا احلى لين جت هلال.
هلال: تي نوضووو سادكم نوم يا همي الساعة 7:30 را بسرعة  الولاد كلهم ناضوا الا انتم .
محمود: باه شن المطلوب توا .
هلال: نوضوا .
اصيل: تي بالله روحي ..
هلال: انت اللي روح شن ادير اهنا.
انا: تي بري الـ... اللهم اني صايم وخلاص..
هلال: هاهاها .. نوضوا هيااا.
أصيل حذف مخدة على وجه هلال: اطلعي.
هلال بعصببة: أصلا ما تبوا الا عمي ادم انتم ... باش انقوله لا صلوا لا قروا قرآن.
محمود و أصيل: تي لاااا .
محمود وقف: تي خيرك نضنا احنا.
أصيل: ايه ايه ها .. ومشى للحمام(حشاكم)
هلال : هه ما تمشوا الا بالعين الحمرة.
انا: باه اقلبي وجهك خلي الواحد يرتاح الزفت ما سد خدمة و نفخ راس هلبا هكي .. خديت تليفوني و مفاتيح السيارة وطلعت للصالة .
اميما: كيف حالك يا وليدي.
انا: باهي ...و انتي يا اميما.
اميما: الحمدلله ..وناضت.
خش سمعة: جيييتكم شن كنتوا تقولوا؟
انا: شيء.
سمعة قعمز جنبي: ما شفتش ادم.
انت: لا لا .. ضحكت بهزوة.  تو تلقاه يصلي .
سمعة: اكيد عاد شيخنا هوا .
انا تعصبت من الكلمة : شيخ نقبه تعرفه ... تي شيخ شني يا راجل يكذب عليكم و انتم تهزوا في روسكم و مصدقينه.
سمعة: شن قصدك انت ؟
انا طلعت تليفوني و فتحت على الفيديو: شوف وما تقول لحد .
سمعة فتح عيونه بصدمة : هذا شنييي!
انا حطيت ايدي على فمه: يا غبيي قلت اسكت ما تفضحنا .
سالم خش : خيركم ؟
انا: ااه لا كان بيسب و سكرتله فمه لان رمضان ههه.
سالم: اها ... به .
انا: بي نطلع انا للجنان من يجي معاي.
سالم: مش انا .
سمعة: منبيش.
انا: ملحوا تو نمشي للصيد .
انا طلعت برا ولقيت الصيد يدور بروحه: خيرك ؟
الصيد: تي كساد يا راجل .. ما شربت ميا وتو قريب انموت من العطش.
انا: تستاهل ساعة قبل السحور و انا انوض فيك .
الصيد: تييي بالله حتى انتم مهبله را... تلعبوا في كورة الساعة 2:30 و المشكلة ناديتونا كلنا وخليتونا نلعبوا و مشيتوا رقدتوا انت و اصيل ومحمود و سمعة .
انا: تي صقع عليك طرووح يا را.
صيد كيف بيتكلم و شفنا هلال ماشية بالشوية و في ايدها نوتيلا و فتحتها وبدت تاكل.
الصيد : هيييي فطاااارة.
هلال تلفتت بصدمة و وجها ولا أحمر.
انا 'ضحكت'
الصيد: تي والله لما نفضح بيك يا نقبه يا فطارة رمضان .
انا 'ضحكت بالقوة'
هلال خشت تجري.
الصيد شاف الولاد طالعين : يا ولااااد تعالوا.
انا 'تلفتت للصيد بصدمة.'
الولاد جوا .
الصيد: تي شفتلكم ..
انا سكرتله فمه: تي اسسس .. جبدته بعيد عن الولاد .. يا غبي كيف تقول هكي؟
الصيد: تي حوول حول خل نفضحها .
انا: تي تفضح شني يا حمار .. يا غبي ياللي ما تفهم .
الصيد: به هاات سبب مقنع يخليها تفطر.
انا  'فنصت فيه'
الصيد: اااااه .. باه قول هكي من الاول .
انا: تي شن انقول.. افطن على روحك .
الصيد: باهي به تمام .. غر معاش تعاودها.
انا:  تي شن تشبح فيا انا الفاطر ولا كيف؟
اصيل: هيييء من الفاطر؟
انا: ايييه ختمت .
الصيد: هذا ا..
الله أكبر الله أكبر.
أصيل: تعالوا نفطروا تو و بعدين نتفاهموا.
خشينا الداخل ولقينا الشباب و البنات يستنوا فينا ... كنا مدايرين طاولتين طواال و بعاد عن بعض وحده للكبار والتانية للشباب.
قعمزنا حلينا صيامناو بعدها نضنا صلينا كلنا و من ثم رجعنا نتعشوا.
أصيل: اييه من الفاطر قلتولي.
انا شفت لهلال لقيتها متوترة و رايحه طماطم .: آه... أبرار يا راجل.
أصيل: ااه به .
رامي: صبولي مشروب حتى بالكذب.
هلال: مش للصغار.
الصيد: ايه ايه .هه.
انا شفت لهلال: ومش للفطارين. ورقصت حواجبي.
هلال قعدت تفنص فيا.
انا: اييه مش للفطارين .. شفت لأيهم و أبرار: تسمعوا فيا و لا.
هلال ناضت من الطاولة و قعدنا نضحكوا انا و الصيد.
سمعة: خيركم انتم.
الصيد: سر مش للصغار.
سمعه: مصح و جهك وخلاص.
انا: شني نطلعوا يا ولاد.
محمود: تي مش بنمشوا للمنصورة.
انا: اه ايه صح .. سالم بسام محمد و توا روحكم توا.
سمعه: ويين بتمشوا.
انا: للمنصورة .
رامي: شن بديروا غادي؟
محمود: بنمشوا لي شارعنا .
حاتم: تحطوني في بوسليم.
سالم: ريح روحك بالله مشوار صغير بس ما نبوا نعطلوا.
حاتم😒: كلمتك انا.
انا: خيرها سيارتك؟؟
حاتم: خيرها😲
انا: لا قصدي .. فيها حاجة ؟
حاتم: لا لا علاش؟!
انا: امالا برا بيها ماشين خمسه و ين بنحطوك ان شآء الله؟
حاتم: باه.
محمد: اصلا شن عندك ماشي غادي؟
حاتم: بنشري دبش.
الولاد كلهم تلفتوا لحاتم.
حاتم: خيركم؟
الصيد: مش بنشروا مع بعض.
أصيل: مصحك تعرف لين اسبوع ندوا في نفس الموضوع.
حاتم : اسمعي صبي شاهي..باهي خلاص كلمة وقلتها نسيت.
حسناء: وين تشوف فيه الشاهي انت؟
حاتم: اهوا اللي جنبك.
روان: افتح عيونك هذا سحلب.
حاتم: ايااه.
ملك: تبوا سحلب.
ايمن: شوياا مش هلبا.
انا: لا لا.
سالم : انا نبي .
ميس: به نوضوا خودوا.
سالم ناض و مشى جنب ميس .. صبت له سحلب و مدتهوله.. سالم مد ايده و شد الطاسه(كباية) و مس صوابع ميس.
انا حسيته عطل شفتلهم و حسيت ان محمود مستغرب فحبيت نقطع اللحظه(😂😁) : تي هيا تقول في الموزنبيق.
سالم فك ايد ميس بسرعة و مشى للطاولة .: تي ماهو سخون .
محمود قعد يشوف لسالم بنظرات غريبة مما خلى الكل يلاحظ هذا الشيء ..
انا همست لبسام لإنه جنبي: خيره محمود؟
بسام: ممكن حس بيهم او شافهم.
انا: ربك يستر .. قتله سالم انا ... قتله ماعاد يدير شييء معاها لين يخطبها.
بسام: تي تعرفه انت راسه يابس زي الحيط.
انا: حقى لاحظت انه متغير هلبا.
بسام قعد مركز على سالم: بدت عنده لحيه خفيفه.
انا 'ضحكت' :.. يا غبي قصدي من الداخل .. يعني افعاله و تصرفاته مع دانا .
بسام: اها .. ايه بدى يحبها و يلعب معاها و يبصر وجوهم مليح.
انا: لنقنها ميس غيراته.
بسام : شني ؟ لنقنها ؟ .
انا: غر فوت فوت .
سمعه: ما عيتوش .. تقول مش خوت كل اليوم مع بعض .
دانا: انتوا امتى بتنوضوا ؟
تلفتنا لقينا البنات قاموا كل شيء .
رامي: امتى مشت الطاولة العفوا.
سمعه: مشروبي وييين؟😢
ملك: في المطبخ فوق الطاولة .
سمعه مشي للمطبخ.
انا: تعالوا نعكسوا في الجنان.
الشباب: هي .
مشينا و قعمزنا في الجنان عدا سمعه.
انا: وين سمعه؟
سالم: مشى للمطبخ .
حسام: خيره دار وضعيت ذهب ولم يعد.
محمد: تلقاه ياكل و اموره في السي.
محمود: المشكلة مايسمن بكل .
انا: ماهو عضلات الاخ ما يأثر طول اليوم يتريض.
سمعه جي: خيركم سكتوا ااه شن في؟؟ قولوا.. اكيد تدوا عليا !😞
اسامه: خيره هوا ؟
انا فتحت تليفوني و قعدت نمشي في الصور و مش لاهي باللي يقولوا فيه.
محمود جنبي: هييء وسام وسم غر قيم راسك و شوف بسرعة .
انا: ااه لالا ما نبيش.
بسام من الجهة الثانية: يا وسام شوف تي والله لتقول كذب باهي .
انا قمت راسي و شفت#####
___________________________

هلال﴿﴿﴾﴾
خشينا للمطبخ و قعدنا انضموا فيه بعدها طلعت انا و دانا و ميس و ملك و حسناء
للصالة و بدينا انضموا فيها .
ملك: تي الحمدلله ان الولاد برا  .
انا: غر سكروا الباب خير مايخشوا زي المره هذيكا.
دانا: ايييه مقدمك .
ميس مشت وسكرت البيبان كلهم .
انا: هههه تأمين.
ملك: هي كل وحده تاخذ سماعاتها و تبدا اضم.
دانا 'ضحكت' :تعجبيني.
ملك غمزتلها: امالا شني.
حسناء: نفتحوا المكيف؟
احنا: اييه ايه.
دانا: بسرعة هي
حسناء حلت مكيف الصالة و مكيف المربوعة الدخلانيه (امتع النساء )
دانا: اللَـه
انا: هكي الحوش .
ملك: يااي .
انا و ملك كنا لابسين فستان لي الركبه استريت ابيض بالأسود و فيه دائرة في الكتاف و ميس و حسناء و دانا نفس الفستان بس ابيض بالأزرق و فاتحين شعرنا كلنا.
انا: هي نصوروا .
البنات: هي هي.
وقعدنا انصوروا و خذينا لقطات حلوه و عبيطه و مخلطه .
وقعدنا نضحكوا.
صوت من ورانا:####
احنا تلفتنا بصدمة ولقينا###.
_____________________________