#عيلتنا
.
.
.
.
.
محمود : المشكلة شن ح تكون ردّة فعل محمد لو عرف ان إنت اللي قلت لخالي ان زياد بيخطب ملك ، بيـ...
محمد : شن تقول إنت ؟
انا & محمود 'تلفتنا و لقينا محمد مصدوم'
محمد "بعصبية" : شني اللي سمعته اناا ، كيف هكي كيف !
انا : محمد أهدئ .
محمد : تي شن نهدى شني ! ، انا قلتلك إني نحبها و نموت فيها ، و إنت تقول لخالي ان صاحبك بيخطبها ، بعدين لحظة ، زيااد ، زياد هو حبيب ملك ! كيف صـااار .
محمود : محمد اهدئ.
محمد : منيـش ، كيف صاحبي هو حبيب ملك ! 'لف بيمشي'
انا : وبين ؟
محمد 'من غير ما يتلفت': بنمشي لزياد ، بنخليه يندم على اللحظة اللي فكر فيها ان ياخذ حبي مني ، مش ح نرحمه .
انا : محمد استنى شويا انكلم فيك.
محمد "بغيض":خيرك شن مزال تبي.
انا : انت اللي خيرك معصب.
محمد: بالله مداير روحك بريئ يا كذااب و الله كنت نتوقع اي شخص يدير اللي درته الا انت ماخطرت في بالي بكل لكن العيب كان من اهل العيب مايعتبر عيب اصلا.
انا "بعصبية": محمد اصحى و افهم شن تقول .
محمد'همس في وذن وسام':اللي فهمته انك شخص حقير و غداااار.
انا :باعدت محمد و ضربه كف'
محمود 'فتح الباب و شد يدي و يد محمد و طلّعنا برا' : اركبوا السيارة و تفاهموا، انا متأكد ان كلهم سمعوكم .
انا 'ركبت في سيارة محمود من قدام' : اركبوا.
محمد : منيش راكب .
محمود "بعصبية" : أركب بلا عناد ، را بيركبني الضغط منك .
محمد 'تأفف و ركب الخلف'
محمود 'ركب في الكرسي اللي جنبي' : تفاهموا هي .
انا : محمد را انت فاهم الموضوع غلط .
محمد : باهي فهمني الصح ، ولا نقولك ، إكذب عليا و خليني نصدقك.
محمود "بعصبية" : تي سكر فمك الـ*** درهتلي كبدي ، افهم الموضوع بعدين تكلم.
محمد "بصوت عالي" : منيش بكبر صغارك حتى تدوي معاي بالأسلوب اهوا .
محمود : نقص حسّك خيرلك متخلينيش نغلط فيك .
محمد : تـ..
انا : خلااااص ، جايين نحلوا مشكلة مش إنديروا مشكلة ثانية 'تلفتّلهم' ... محمود هني روحك ، و انت يا محمد ، بتسكت و مش ح تقول اي كلمة لين نكمل كلامي 'عدلت جلستي' ... انا قلت لعمي على موضوع زياد قبل ما انت تقولي إنك تحبها ، ولو كنت نعرف بالموضوع ، را قلت لزياد ان ما في نصيب من غير ما نكلم عمي ، لأني واثق فيك و شفت الحب الحقيقي في كل كلمة قلتهالي وقتها ، الموضوع مش زي ما انت فاهمه ، بعدين شن مصلحتي انا كان زياد خطب ملك ؟ ، معنديش منه منفعة را ، وشن تحسابني قاسي لدرجة ان نحطملك قلبك و نخليك تشوف حبيبتك تِنْزَفْ لصاحبك ؟
محمد : باهي ملك كيف عرفت زياد ؟
انا : مندري ، هذا الموضوع اللي حاير فيه ، نقولك ، أسإل أختك أكيد تعرف و انا تو نسإل دانا .
محمد : به .
انا : توا فهمت ؟
محمد : أي ، و آسف .
انا : عادي عادي ، عارفك عصبي بزيادة .
محمد : به توا كيف الحل ؟
انا 'إبتسمت' : إنت و شطارتك ، خلينا نشوفوا ذكائك في حاجتين ، الاولى. كيف تقنع عمي إنه ما يقبل زياد ، و الثانية. كيف بتخلي ملك تحبك .
محمد : تمام .
محمود : صوت الآذان ولا ؟
انا & محمد: اي .
انا : هي إنزلوا خلي نصلوا .' نزلنا و توضينا و صلينا جماعة مع الشباب ، بعدها قعمزت في الجنان لين جتني دانا'
دانا : حق قلت تبيني؟
انا : اي ، قعمزي .
دانا 'قعمزت' : شن في؟
انا : بنسألك على واحد .
دانا "بإستغراب" : مني ؟
انا : زياد .
دانا "بإرتباك" : خيره؟
انا : تعرفي خيره .
دانا : لا لا .
انا : به خليني نزيد نوضح ، شن في بين ملك و زياد .
دانا 'رفعت رأسها بصدمة' : اه !
انا : دانا ، مديريش روحك عبيطه و ما تعرفي شيء .
دانا : به علاش ؟
انا : مخصكش ، قليلي شن في و كيف تعرفوا على بعض .
دانا : لا لا منقدرش نقول .
انا : شنو ! ، مصحك .
دانا : اسفة لكن لا ، سر و مستحيل إنقوله .
انا : به نوضي إقلبي وجهك ، و ناديلي ملك .
دانا : به 'ناضت'
انا 'قعدت مقعمز و نفكر في هلال لين جت ملك'
ملك "بخوف" : نعم .
انا : قالتلك ولا؟
ملك : مني !
انا 'تأففت' : قداش ما إديروا في روحكم أغبياء ، قعمزي و أحكيلي .
ملك 'قعمزت' : شن بنحكيلك؟
انا : كل شيء صار بينك وبين زياد .
ملك : لكن .
انا : ملـــك ، كلامي واضح .
ملك : به ، شن تبيني نقولك .
انا : كيف تعرفتوا على بعض ، و شن صار بعدها .
ملك : دارلي ڤولو ع الأنستا ، شفت صفحته و لقيته زياد ، قبلته و بدينا نهدرزوا.
انا : اممم ، شفتي صفحته لقيتيه زياد قبلتي ، مصح وجهك وخلاص ، يعني إنتي مفكرة فيه صح ! ، لو ما كان زياد ما كنتي قبلتيه ولا.
ملك 'قعدت ساكته و تشوف للأرض'
انا : ملك كيف تكلمي ولد ! و تبني بينكم قصة حب ? كيـــف .
ملك : هو قال .
انا "بعصبية" : مفيش حاجة إسمها هوا قال ، كان اللي بيقولهولك بتنفديه ربي يستر و إنتي فاهمة قصدي صح 'سكتت و زفرت' .. شن تبيني ندير فيك آه .
ملك "بدموع" : محمد قالك ولا ؟ أكيد هوا السبب ، هو اللي خلاك تعصب عليا .
انا : لا ، مش محمد اللي خلاني نعصب عليك ، أفعــالك يا ملك أفعــالك.
ملك "ببكاء" : خلاص سامحني وسام .
انا : وفري دموعك ، توا عرفتي وسام ولا ؟ ، مفكرتيش فيا قبل ما تكلميه و قبل ما تفكري تفتحي معاه هذا الموال ، ما فكرتي لو جى و قالي كلام عليك و. وراني المحادثات صح؟ ، غلط يا ملك غلط.
ملك : باهي أول مرة و أخر مرة .
انا : هاتي تليفونك .
ملك 'مدتهولي'
انا : افتحيه ، شن بندير بيه و هوا مسكر .
ملك 'فتحاته'
انا : أمسحي رقمه و ديريله حظر .
ملك ' مسحت الرقم و دارتله حظر'
انا : بري هي .
ملك : سامحتني !
انا : بـري .
ملك 'شدت يدي' : وسام أرجوك سامحني ، و الله أخر مرة نديرها ، وعد مني بالله عليك ، وسام إنت أكثر شخص حبيته و أعتبرته زي خوتي الله يرحمهم ، مش قادرة نشوفك مضايق مني .
انا 'حضنتها و إبتسمت' : خلاص مسامحك ، لكن معاش تعاوديها .
ملك : وعد .
انا : ولو في اي موضوع صار معاك قوليهولي انا اول شخص .
ملك : حاضر .
انا 'إبتسمت و باعدتها' : بري قوليلهم هيا خلي نروحوا .
ملك : به 'مشت'
محمود : شني مزال؟
انا : اهو قلتلهم هيا .
محمود : امالا انا في السيارة .
انا : حقى .
محمود : شنو ؟
انا : سيارتي بتوصل اليوم .
محمود : الله ، شن خذيت نوعها؟
انا : تيوتا عضلات .
محمود : قوية .
انا : أي .
محمود : تبيدها بالهناء .
انا : إن شاء الله .
ملك : هيا .
محمد : هي بنروحوا؟
انا : اي ،ملك بري مع محمد .
ملك "بإستغراب" : علاش ؟
انا : هكي .
ملك : به .
سالم 'ضحك' : إمالا أعطونا ميس .
انا : هي تعالي ميس معانا .
محمد 'رفع حاجبه' : ترا إحلفوا .
انا 'شفت لمحمد' : و الله .
ملك : مـ..
انا : بروا .
دانا : إسمعو را أمي بايته .
محمود : به ، هيا دانا .
انا : به ، هي طلعنا .
'هيا'
'طلعنا و ركبت ملك مع محمد و ميس معاي انا و سالم ، شويا و رن تليفوني شفت المتصل و لقيته محمود ، ركبت السماعة و رديت عليه'
محمود "بضحكة" : غر في شني تفكر .
انا 'ضحكت' : قلت خلي إنمهدله الطريق ، كان ذكي را يستغل الفرصة .
محمود : ايواه إيواه ، خطير إنت .
انا : صقع عليك ، قتلك .
محمود : شني ؟
انا : أمتى بتسكن في حوشكم !
محمود : بالك الأسبوع الجاي .
انا : و الله ربي يهديك ، تو مش كان سكنت فيه من الأول خير .
محمود : عادي عادي .
انا : و اللي فيه توا ،بتبيعه!
محمود : بنأجره .
انا : باهي ميا ميا .
محمود : هي سلام'سكر'
سالم : ميس ما سمعنا صوتك اليوم
انا : خلي البنت في حالها .
سالم 'ضحك' : لا ، خطيبتي طالعه طرف اليوم .
انا : سالم تحشم 'ضحكت' ولت حمره البنت ، تقول اول مرة تقولها .
سالم : تاسع مرة هاذي .
ــــــــــــــــــــــــــــــــــــــــــــــــــــــــــــــــــــــّ
عند محمد و ملك ...
'طول الطريق و هما ساكتين ..'
محمد : هئحم ، إدوي .
ملك : شن بنقول .
محمد : اي حاجة المهم تكلمي .
ملك 'ضحكت' : اها ، به ، شن كنت بتقولي امس ؟
محمد "بإستعباط" : أمتى!
ملك : غر هيا محمد .
محمد : اممم ، متأكدة تبي تعرفي ؟
ملك : اي .
محمد : به ، لكن مش توا .
ملك : امتي ؟
محمد : بعد ما نوصلوا .
ملك 'تأففت' : امباه .
محمد : ملك نبي نسألك سؤال .
ملك "بإستغراب" : شني ؟
محمد : تحبي زياد ؟
ملك : علاش؟
محمد : غر جاوبيني .
ملك : مجرد تجربة في حياتي .
محمد : اها ، به لو جى حد ثاني و قالك نحبك ، و هو بجد يحبك و يموت من غيرك ، هل ح توافقي ؟
ملك : على حسب الشخص ، "بإستغراب" : علاش ؟
محمد : لا غر نسإل.
ــــــــــــــــــــــــــــــــــــــــــــــــــــــــــــــــــــــّ
في حوش الجد ....
عائشة كانت مقعمزة في الجنان و فاتحة تليفونها ، لين جى أسامة و قعمز قدامها..
أسامة : شن إديري اهنا ؟
عائشة : شيء ..
أسامة 'قعد يشوفلها و هيا تشوف لتليفونها و تبتسم' : في مني تكلمي ؟
عائشة 'رفعت حاجبها و شافتله' : شن خصك؟
أسامة : نسإل فيك .
عائشة : به معاش تسإل .
أسامة : خيرك إنتي؟، عقاب سؤال و سألته .
عائشة "بإستهزاء" : و جواب و جاوبته .
أسامة "بعصبية" : متدويش معاي بالأسلوب اهوا .
عائشة : انا هكي إسلوبي ، مش عاجبك أخبط راسك في الحيط .
أسامة : سكري فمك ، الكلام اهوا تقوليه لصاحباتك اما ليا انا فلا .
عائشة : انت وين و صاحباتي وين ، بعدين من إنت حتى تقولي كيف نتكلم لا و تقولي سكري فمك معاها ، ناقصني غير انت .
أسامة 'وقف' : تي بري إنتحري ، شن المخلوقة أهيا .
عائشة 'حطت رجل على رجل' : و اللهِ شن ذنبي كان انت قاتل روحك عليا ، ولا مني اللي جى و دار روحه رومنسي هذاكا اليوم .
أسامة : مبردك الزح .
عائشة 'قلبت عيونها و مشت'
أسامة 'بصوت عالي' : معاش تقلبي عيونك ، تو يحصلوا .
أصيل : تؤ تؤ تؤ تؤ ، صعبه يا أيمن .
أيمن : اي ، ريت خونا الفالح شن صاير فيه .
أسامة 'تلفت' : من وين طلعتوا ؟
ايمن &أصيل: من بطن امك.
أسامة: تافهين .
أصيل : طالعين لك يا خونا الكبيـر ، المهزب.
أيمن 'ضحك'
أسامة : بروا .
أيمن : أســامة بطوله و عرضه تهزبه عائشة .
أصيل : ريت الدنيا ، أحسن خلي تاخذلي حقي شويا .
أيمن : اي و ..
أسامة 'حذف عليهم ميا' : بروا.
'ضحكوا و مشوا'
ــــــــــــــــــــــــــــــــــــــــــــــــــــــــــــــــــــــ
وسام ﴾﴾﴿﴿
'وصلنا و لقينا أسامة مقعمز في الجنان'
سالم : اوو ، اسامة شنج !
أسامة : تمام بخير و انتوا !
°الحمدلله°
انا : امالا وين أيمن و أصيل ؟
أسامة : الداخل ، بالله فوتهم و متناديش عليهم.
سالم : شكلهم مرقينهالك .
أسامة : اي .
انا : خيرك أسامة ؟
أسامة : حالة الزفت ما صدقوا .
سالم : شني !
أسامة :###
______________________________________________
ما تنسوا المتابعة للبروفايل ✌😍ّ
أنت تقرأ
عيـــلتنــا ((باللهجه الليبية))
Fiksi Remajaرواية ليبيه تحكي عن صغار عم والحب اللي ترعرع بينهم و المشاكل العائليه و الهياجات و المقالب اللي داروها وماعمرهم ما دسو على بعض حاجه 😍 1# - طرابلس #1 - بنغازي #1- ليبين 2# - ليبيه #2 - رومنسيه 4#- ليبيا هاذي هيا العيله ... #عيلتنا 💙 للكاتبة...
