#عيلتنا
.
.
.
.انا : شن إديري أهنا ؟
هلال : نستنى في بابا .
انا 'حاولت نكتم عصبيتي' : به إستني الداخل .
هلال 'شافتلي و رفعت حواجبها' : بنستنى اهنا .
انا "بعصبية" : للداخل هلال ، متعصبينيش .
هلال : شوف ، أولا متدويش معاي هكي ، و ثانيا بابا راضي إن نستناه أهنا .
انا "بصوت عالي" : هلال متقوليليش بوك ، لان بوك ما يعرف تفكير الولاد اهما كيف ولا يعرف نظراتهم شن تعني ، و لما أنا نقول داخل يعني داخل .
هلال "بعصبية" : خيرك وسام ! ، مش كان إرتبطنا معناها تأمرني ، و معاش تعلي صوتك عليا .
انا 'شديتها من مفصل يدها بالقوة' : صوتك يا حلوة ، ما يعلى عليا فاهمة ، متخلينيش نتصرف بطريقة مش ح تعجبك .
هلال : تـي حول يدك من سمحلك تشد يدي هكي و كإني خدامتك! مـ..
عمي : اوو وسام كيف حالك .
انا 'طلقت يدها' : الحمدلله ، كيف حالك عمي .
عمي : بخير ، إسمع بالله عليك وصل هلال لـحوش خالتها ، غر انا عندي مشوار ضروري .
انا : باهي به .
عمي : و مبروك السيارة .
انا : الله يبارك فيك .
عمي 'شاف لهلال' : هي بري تو يوصلك .
هلال : به .
انا 'مشيت ركبت في السيارة و ركبت هلال و كان الهدوء سيد الموقف مشينا و طول الطريق بنفس الحال ، هلال تشوف للطريق و ساكته ... درت روحي متجاهلها لكن حسيتها معصبه بمعنى الكلمة'
انا 'شفتلها' : خيرك !
هلال 'من غير ماتشوفلي' : شيء .
انا 'وقفت السيارة و لفيتلها' : هلال شوفيلي أهنا .
هلال : لا .
انا : تؤ ، هلال ألف مرة إنقولك شوفي لعيوني لما نتكلموا .
هلال : منبيش نشوفلك ريح روحك.
انا 'رفعت حاجبي' : زعلتي مني؟
هلال : لا لا في قمة السعادة تعرف .
أنا 'ضحكت' : غر لا لا .
هلال : وسام منبصرش را ، حرقتلي دمي .
انا "بجدية" : شوفي ، أنا أسف باهي ، أنا غلطت و نتأسف منك توا ، لكن يا هلال لو أي سوء تفاهم بيصير بينا بديري هكي ، مش حـنتفاهمو .
هلال : عصبيتك مش سوء تفاهم ، صوتك اللي يعلى عليا مش سوء تفاهم ، هذا تملّــك و سيطرة ،وسام انا مانخدم عندك حتى تأمرني شن إندير ، وسام إنت غيور و متسلط و .
انا : ســاد ، شن مزال بتقولي ؟ ، طلعت انا اللي ما ننفع توا .
هلال : لا مـ ..
انا : خلاص خلاص وضحت الصورة ، سكري الموضوع 'تلفتت للطريق و قعدت نسوق و رجع الوضع زي البداية لين وصلتها و رجعت للفيلا ، دخلت و لقيت سمعة و بسام مقعمزين في الجنان مشيتلهم'
سمعة : حي حي خيرها طايرتلك ؟
انا 'قعمزت': فوتني بالله .
بسام : اووو ، شكلهم متعاركين .
انا : وين الشباب !
سمعة : في محل عمي .
انا : اي حق ، تعالوا نمشولهم .
بسام : أصلا نستنوا فيك .
انا : باهي هيا .'نضنا و مشينا مع بعض في سيارتي و قعدنا طول الطريق نضحكوا و نهدرزوا و حكيتلهم على اللي صار بيني و بين هلال لين وصلنا ، أول ما دخلنا شفنا رامي مقعمز ع الكاصّة و محمد و سالم في جهة المكياج و العطور مشينالهم'
محمد : جيتوا!
بسام : أيه .
انا : حي انا بنقول لـملك و لميس را .
سالم 'ضحك' : برا برا .
سمعة : مني في الدور الثاني ؟
محمد : حسام و عبد العزيز و أصيل و أيمن .
أنا : مني في الدور الثالث؟
سالم : أسامة و حاتم .
بسام : الصيد و مالك وين؟
محمد : مالك ما جى ،و الصيد في المخزن، معانا هوا .
أنا : معناها نمشي للدور الثالث .
محمد : دور ملابس الأطفال .
انا : أحسن حاجة .
سمعة : انا قاعد أهنا .
انا : هيا بسام .'ركبنا للدور الثاني شفنا أيمن و أصيل و اقفين جنب بعض و واضح انهم يكحلوا و يتسهوكوا في نفس الوقت'
بسام : ركزوا في خدمتكم بلا صياعة .
أصيل 'ضحك' : تي كساد يا راجل .
أنا : تافهين .'مشينا لجهة الدروج و شفنا حسام و عبدالعزيز خدموا بكل حواسهم ضحكنا عليهم و ركبنا'
انا : جيتكم .
أسامة : مرحباا .
أنا 'ضحكت' : شنج .
أسامة : اهو ، إنّاشب في الصغار من إمبكري ، تعرف في فرخ شيطـاان نفخهم.
حاتم 'ضحك' : يحوس في الدبش و أسامة يساوي .
انا : وينه ترا خلي نحصل عليه جو .
أسامة 'أشر على جهة كلها مرش و تطل على الطريق' : أهونا .
أنا 'مشيت و وقفت وراه و الولاد يشوفولي' : شن إدير .
الولد 'تلفت' : انا؟
انا 'تصنعت العصبية' : اي إنت شن إدير أهنا؟
الولد "بإرتباك" : كنت نشوف بس .
انا : قالولي تحوس في الدبش حق !
الولد : لا لا كذب .
انا "ع أساس بعصبية" : شن هيااا ، شفتك أنا را ، مزال تعاودها نهارك .
الولد 'قعد يبكي'
أنا : أسكت ، اس عيب .
الولد 'سكت و عيونه دموع'
أنا 'ضحكت و خذيته في حضني ، ومشيت للشباب'
أسامة : يسخف .
انا 'شفت للولد' : شن إسمك؟
الولد : مجاهد .
أنا 'إبتسمت' : أحلى إسم ، أمك وين !
مجاهد 'أشر على بنت واقفة و تشوف في دبش الصغار'
أنا "بإستغراب" : متأكد؟
الولد: أختي هاذي .
حاتم : أختك طرف .
مجاهد 'شافلي' : شن معناها طرف .
انا : حلوة .
مجاهد: حتى انت طرف .
'ضحكنا'
انا 'مشيت و وقفت ورا أخته' : عفوا .
البنت 'تلفتت' : نعم!
أنا : خوك هذا ؟
البنت 'إبتسمت' : آيه ، شني مداير!
أنا : شيء ، جو عليه .
البنت 'إبتسمت و خذت خوها' .
أنا : سلام مجاهد.'لفيت بنمشي'
مجاهد 'شدني من رجلي': نجي معاك ؟
أنا 'ضحكت و مديتله يدي' : به تعالى هي .
البنت : مجاهد عيب .
مجاهد 'ضحك وشد يدي'
أنا 'شفت لأخته' : عادي نسألك سؤال.
البنت : تفضل .
أنا : وين تسكنوا؟
البنت : قصر بن غشير .
أنا : الله ، قصدي، خليه معاي و بعدين نروح بيه .
البنت "بخوف" : لا لا منقدرش .
أنا : خيرك خايفة !، مستحيل إنديرله حاجة را .
البنت : لكن ، منعرفكش أنا كيف نخلي خوي معاك؟
أنا : به ، إسمي وسام وائل الـ*** ، صاحب شركة الـ**** ، نسكن في طريق المطار ، تخلي خوك معاي.
البنت 'ضحكت' : باهي أحلف بإنك مش حتضره .
أنا : أقسم بالله مش حنضره و لما نعامله كإنه ولدي باهي .
البنت : به ، تبي نعتت الحوش!
أنا : أيه ..' أعطتني نعتت الحوش و قعد مجاهد معانا و جوهه مليـح'
أنت تقرأ
عيـــلتنــا ((باللهجه الليبية))
Novela Juvenilرواية ليبيه تحكي عن صغار عم والحب اللي ترعرع بينهم و المشاكل العائليه و الهياجات و المقالب اللي داروها وماعمرهم ما دسو على بعض حاجه 😍 1# - طرابلس #1 - بنغازي #1- ليبين 2# - ليبيه #2 - رومنسيه 4#- ليبيا هاذي هيا العيله ... #عيلتنا 💙 للكاتبة...
