عيـــلتنــا ((باللهجه الليبية))

البارت السادس عشر

#عيلـ★ـتنا
.
.
.
.

هلال:نوضوا حي عليكم حي.
روان: راهوا خوات اميما جو

احنا:كيـف! 😱😲😲😨
هلال: تي نوضوا عن يشوفوكم تو.
أسامة: به والمنادير .
روان: انتوا نوضوا و احنا تو نساووهم .
وفي لحظة طلعنا كلنا من المربوعة و كل واحد مشي لحوشهم.
انا : واك شن البلاده  هاذي جايين من الصبح .
سالم: حااالة.. بنمشي نغسل وجهي.ومشى
مرت جنبي دانا و بحتت فيا ببرود و بعدها قعمزت في الصالة وفتحت التلفزيون.
انا قمت حواجبي بإستغراب و قعمزت جنبها: خير شن فيك.
دانا😒😏
انا: بالله .. تي شن فيك ما تشوفي فيا؟
دانا: هه ع اساس انت تشوف ولا تعبر فيا.
انا: اللــه لو انا مامعبرك مني المعبرك؟
دانا: به به قلنا شيء.
انا: بري ملحي هذا اللي يسأل عليك.
دانا حطت الريموت بعصبية و ناضت: ما تسأل عليا ما لازمني... ساد انك تسأل على بعض الناس .. ومشت.
انا: خيرها هيا؟؟ ... ربي يشفي و خلاص .. جت امي .. صبااااح الخير.
امي: صباح النور.
انا: بالله خيرها دانا.
الام: ما نعرف حتى امس ركبت تبكي و باتت هنا.
انا بإستغراب: خيرها هيا؟
امي: خلاص فوتها تو ترضى .
((جي بوي))
انا: الله الله ليـه زمـــان القمر ما بان.
بوي: هي انت احترم نفسك بوك انا.
انا: على راسي ... هلا بالوااالد هلا بالغالي.
بوي: تي خيرك انت هبلت؟
انا: والله ترا آني صرت مجنون من حبك ترا.
بوي: هي احترررم نفسك شن حبك ما حبك.
انا: والله طال عمرك آ... ولد يحب ابوه مافي شيء خطاء
بوي عصب: انت الخطاء اللي اخطيته طوول عمري .. وطلع .
انا: هههههه اخطيته حلوه هاذي ... اخطيته جديده والله..تلفتت لأمي... الحين انا خطاء و الا وائل يهرس و يودع؟
اني: تحشم .
انا: و انا وش قلت اوووف ترا يما انتم صايرين معقدين وااايد ما تنطاقون ... خل اروح اشوف حمود واقابل وجهه افضل من ما اقابل و جوه بعض الناس((قصدي دانا))
امي: برا ربي يهديك برا.
انا: ولو قلت ماني ب رايح.
امي: واااك نفاخ نفاخ راهو صبح.
انا: نفاخ ؟؟  وش ذا كمبراسوري ؟(ينفخوا بيه عجلت السيارة.. الكرهبه)
امي: وووه انت مفروض يعطوك جائزة نـ..
انا قاطعتها: نوبل للسلام ... ادري ادري اساساً اهم ارسلوا لي كم دعوه كذا عشان استلم جوائز واااايد اولهم نوبل للسلام ...و ملك جمال العالم ... و ملك عناد العالم... و ملك ..
امي قاطعتني: وملك نفخ العالم
انا: وش قالولك انا بروكلي ههههههه.
امي ناضت وهي اتمتم.
انا: ارفعي صوتك يا الغالية نبغى نسمع دعاويك.
امي: ربي يشفيييييي... وسكرت الباب.
سالم: ووووه درهتلي كبدي.
انا: سلامت كبدك من الدره.
سالم: هههههههه دره ههههههه.
انا : بالله ما تعرف  دانا خيرها.
سالم: لا لا .... خيرها.
انا: كان نعرف را ماسألتك.
سالم: اسأل هلال اكيد تعرف.
انا: تو نسأل ملك و لا ميس .
سالم سكت و سرح بعيــد
انا: يا هووووو هيييي هاااااا يا ولا.
سالم:هههههههه.
انا: حقى بسام جاي اليووووم .
سالم: خلاص بيجي بكل؟
انا: ايه و بيسافر بعد عرس سمعه.
سالم: معاك؟؟
انا: لا  نفس اليوم بس ... هو طيارة وانا طيارة.
سالم: وين بي يسافر.
انا: شن دخلك.
سالم: الباب.
انا: ها هي هوو ظريييف.
سالم: ماهو خوك.
انا: واااك خلاص فديت هيا ننزلوا.
سالم: تعال نمشوا لمربوعة الرجالة اكيد فاضيه و كلم الشباب يجونا.
انا: تم .... هيا انزل بس.
نزلنا و لقينا الشباب في الجنان ..
انا: صباح الخير .
الكل: صباح النور .
أصيل: شني وسام؟؟ مش عندك شغل.
انا ومحمود و حاتم: هيييء.
أسامة: سلامتكم ... اشربوا ميا.
انا:هي بسرعة انت وياه ... انا بنغير و ننزل تعطلوا نهاركم .
الشباب: تمام .
ركبت غيرت دبشي و لبست سوريه بيج فيها خطوط بنيا رقيقه و سروال بني و سبيدروا بيج ولبست نظارات شمسيه ونزلت .
أيمن صفر: هي من بتقابل يا ويو.
انا: والله ما عندي من انقابل توا .
محمد: متأكد مافي موعد بعد الخدمة 😋
انا اتذكرت جنان: آه ... لالا بنطلع للمحلات بس .
سالم: اممممم.
انا: محموووووود حاتم هيا ... وركبت لسيارة محمود لان سيارتي بيغسلوها الولاد .. سيارة محمود .. تيوتا كامري سوداء امسلفره ومن الداخل بانوراما..بعد شويا نزلوا محمود و حاتم.
محمود : انا بنسوق انزل.
انا: احسن ... نبي نتمرقد.
حاتم: حتى انا بنستمخ ... يلا ناخدوا ساعة في الطريق .
محمود: ايه طويلة هلبا .
انا: احسن خلى تتطول النومه .
حاتم: احسن نومه .. نومت السيارة.
انا ومحمود : ايه .
انا : اسسس شباب تليفوني يرن.
انا: ايوا؟؟ ....اهو ماشيه الامور.... تمام وانت ... اها ... لا بنمشي للخدمة .. اي. باهي به ... ام تمام ... هي سلام ..باهي سلام قلنا ... تي كم مرة بتعاودها ... بالله برا .. وسكرت الخط في وجهه .
محمود: مني ؟
انا: بسام .
حاتم: اوووو بيسو .
انا: ههههههه بيسو ... قولهاله اليوم تو تشوف شن ايدير فيك .
محمود: بالذات قدام هويده .
انا : يفنيك فني.. . تي سكر التيتوا يا را نبي نرقد .
محمود : امم به ..
انا: ايوا هكي مظلمه اطلع طول.
حاتم: افتح المكيف بالله .
محمود فتح المكيف .
انا: ما في شرشاف ؟
محمود : حاتم قيم الكرسي اللي جنبك تلقى 5 شراشيف امتع الطيران .
حاتم : اهو لقيتهم .. تبي انت؟
محمود: لا لا .
انا خديت واحد و تغطيت: امممم .. ما عندك مخاد .
محمود: لااا عاد هكي هلبا .
حاتم قعمز ورا محمود: نزل كرسيك وسام .
انا نزلت الكرسي و رقدت .😪💤
وما حسيت الا بمحمود يعيط عليا انا و حاتم.
محمود: يا درااااه انت وياه نوضو لينا ساعة واقفين قدام الشركة اللي ماشي و اللي جاي يشوفلنا.
حاتم بكسل: اممم.. اعصابك .
محمود: تو تعرفوهم الأعصاب يا.. استغفر الله و خلاص. . فتح التيتوا و فتح أغاني  وقعمز جنبنا.
انا: يا حماااار.(حشاكم)
محمود: يا ... وووه كل الألفاظ إستعملتها
تي راهو الساعة 12 ونص را بسرعة.
انا قعمزت طول: تي حي على امك يا حاتم.
حاتم بغيض: علاش امي انا بالذات.
انا: لأنك راقد و مخلي الـعقود امتاع التوزيع الي بياخذوهم اليوم.
حاتم: حي حي والله حق .
انا نزلت: هي هي بسرعة يا ولاد.
محمود: تي باهي لا جي مصطفى و فتحها .... كان عابيين عليكم راهو لي توا الموظفين في الشمس و ... فتح عيونه لقانا مشينا طلع يجري ورانا ... يا هييي هوووو يا مهبله ليا ساعة تنوض فيكم .. حي حي السيارة مفتوحه ... رجع يجري سكر السيارة و ولّا للشركة .
انا و حاتم وقفنا على الكيف(مقهى في الشركه) ..
انا: بالله  زوز كابتشينو و كرواسون.
:تمام .
حاتم: اوينا محمود جاي .
انا: ههههه الدخان من ودانه .
حاتم: اشي كيف يشوفلنا قريب ياكلنا بعيونه .
انا : غر شوف هادي .. غمزت لمحمود وهو تعصب للمليون .
خاتم: ههه قويه الغمزة يا مان .
محمود وصل: يا مصااايب من امبكري وانا انادي عليكم .
: تفضل يا سيد .
حاتم: خيره أهوا؟؟
محمود: لا و طالبين زوز مش ثلاثه.
انا: بأي صفة نطلبوا وانت مهناش تو مهند يحسابنا بناكلوهم بالنص.
محمود: مهند يا مهند .
مهند: اها ؟
محمود: بالله اعطيني كابتشينو و كرواسون.
مهند: تؤ ... ما نشبع انت .
انا و حاتم و مهند ضحكنا بقوة على محمود مما خلى الكل يتلفتلنا.
محمود: تي امتى كليت انا النهار الأحرف.
مهند: انبصر عليك يا راجل.
محمود: اممم بااه جيب وانت ساكت .
انا: هي خود والحقنا فوق .
محمود : وين ؟
انا: تعال في مكتبي.
____________________________

البارت كان قصيـر ...
لأن خلاص قربنا على النهاية 💕

و آخر حلقة ممكن تكون في العيد او اخر يوم رمضآن .... و حتكون احداث الرواية منطبقة على الواقع من البارت الجاي حندخلوا على 24 رمضان و حتتسلسل الاحداث لأخر يوم العيد  💕💖

#حنين_الشوق 👍