عيـــلتنــا ((باللهجه الليبية))

البارت الحادي و الأربعون (2/21)

#عيلتنا
.
.
.
.
.

وسام 'شد يدي و لبسّني خاتم' : هي أفتحي عيونك.
انا 'فتحت عيوني و شفت خاتم عليه حرف w إبتسمت و شفتله' : حلــو.
وسام 'إبتسم' : إنتي خاتمك بحرفي ، و خاتمي بحرفك 'رفع يده و وراهولي' ... خليه في يدك ديما .
انا : تمام 'رفعت يدي بتهديد' .. وحتى انت خليه ديما في يدك .
وسام : أكيد ؛ نحبك .
انا 'نزلت راسي بخجل' : بنمشي ، البنات يستنوا فيا .
وسام 'ضحك' : حـنسمحلك في البداية انك تهربي ، لكن لما تزيد علاقتنا مش حـينفع هروبك .
انا 'ضحكت' : به ، سلام توا 'مشيت و دخلت للمطبخ ، لقيت البنات يجهزوا في الفطور ، قعدت إنساعد فيهم و بعدها طلّعنا الفطور و حطّيناه ع الطاولة ، دخلوا الولاد و فطروا ، بعدها ناضوا و طلعوا للجنان حتى يبدوا في الذبح،
اما أحنى ، ضمينا المواعين و غسلناهم ، طلعنا و قعمزنا في مربوعة الولاد'
ملك : قداش نحبه المكان اهوا.
ميس : شن الفرق بينه و بين مربوعة النساوين ؟
ملك ' تنفست بقوة ' : ريحته دخان .
انا 'ضحكت' : تافهة .
ملك : والله ، مهما ضميناها و بخرناها ، تقعد ريحتها دخان.
عائشة 'ضحكت' : اول مرة معرف انك تحبي ريحة الدخان .
ملك : نموت فيها ، إمالا لما تبدى ريحة عطر ممزوجة بدخان ، الــله .
روان : كساد .
انا : هلـــبا .
ملك : نفتحلكم النت !
°أيه أيه°
ملك 'ضحكت و رفعت يدها' : بوسوا يدي .
انا 'رفعت حاجبي' : تفوو .
ملك 'ضحكت' : إنبصرر .. 'فتحت النت و حطّاته على الطاولة'
ـــــــــــــــــــــــــــــــــــــــــــــــــــــــــــــــــــــــــــــ

وسام ﴾﴾﴿﴿

كنت واقف جنب الخروف بعد ما ذبحته ، و رامي شاد الخروف من رجليه و أسامة كذلك .
رامي: متحركش الخروف بعد ذبحه. شكلها روحه طلعت.
'في لحظة تحرك الخروف بالقوة '
انا 'ضحكت': اعييي. سكتك يا مهزب.
محمود: كالشوا للضي.
اسامة: رجلي الزفت من امبكري يضرب فيها و روحه ماطلعت.
انا : مكتوب عليك الشقى روحه معلقة بالغالية مزال.
محمد: وقت اشعارك يا طيري.
انا : اشعاري اشعار. تلف الجوش و ترقد في الدار.
عمي مجد: تعالوا قيموا الزقيطة .
بوي: خلاص قيمه الخروف.
انا: مزال ما طلعتش روحه ..'تلفتت لبسام'.. كم مزال خروف؟
اصيل'ضحك من غير نيه': تي احنا لتوا ذبحنا 3 خروف جدي و خروفك و خروف بوك هذا.
انا :يا حبيبي. مطوله الحكاية.
محمود 'لف' : انا بنذبح خروفي ، و كل واحد يذبح خروفه ، ما يمشي الحال هكي نقعدوا واقفين على خروف واحد .
انا : به ، و انا تو نشدّه معاك .
محمود : هيا .'مشينا و جبنا خروف محمود من الزريبة ، أنا شديته من رجليه و لفيت عيوني عليهم كلهم ، شفت. عمي آدم بيذبح خروفه و معاه ولاده يساعدوا فيه ، راجل عمتي سالمة بيذبح حتى هوا و أسامة يتفرج عليه ، بسام بيذبح و يساعد فيه محمد ، و كذلك سمعة و أصيل ، إبتسمت على حاجتين ، الأولى إن في أمل نكملوا بكري و الثانية ان العيله ملتمه و الفرحة غامرة الكل ، قطع إبتسامتي و تفكيري صوت محمود المعصّـب '
محمود : تي شد باهي و حول صبعك شويا و قطعته .
انا ' شديت الخروف صح و ضحكت' : كنت نفكر.
محمود : مش مهم ، غر ركز على الخروف را يتحرك و يميل عن إتجاه القِبله.
انا : به ، حي ذبحته انت!
محمود : لا نستنى فيك ، أكيد ذبحته و انت لاهي في التفكير .
أنا 'بصوت عالي' : إسمعوا .
° شنو °
انا : شن رايكم العيد هاذي نرفعوا للجزار .
سمعة : أي صح ، على الأقل نلحقوا نكملوا بكري .
محمود : و نعيدوا في أرض جدي.
بوي : باهي ، شن رايكم انتم؟ 'تلفت لعمامي'
° عادي °
عمي مجد : إمالا أبدوا أرفعوا لـجزار الـ****
سالم : تو نمشي انا و محمد و من ثاني؟
عمي جمال : خوذوا معاكم الصيد ، ع الأقل يدير حاجة ، وإمشوا بسيارتي حتى تحطوهم في صندوق السيارة (القابينه)
محمد : تمام ، لكن الصيد وين !
انا 'ضحكت' : جنب الخرفان .
سالم 'يصوت عالي' : يا صيـــد .
الصيد : اها؟
محمد : تعالى تعالى .
الصيد 'جى' : شني ؟
سالم : بتمشي معانا لـ..
الصيد : وين !
سالم : للجزار .
الصيد : به ، ع الأقل ما نشوف اللحظة الصعبة اللي بتذبحوا فيها خروفنا .
عمي مراد : عيب عليك ، حتى بنتي ما قالت هكي .
بسام : مني !
عمي مراد : هلال ، مش زوجتك .
محمود "بخبث" : كيف عاد ، حتى هيا هلال بنت مراد .
انا 'صربته على ظهره وضحكت مجاملة' : ايه ايه ، خلاص سكر الموضوع .
محمود : باهي خلاص.
سالم : هي انا بنمشي نسخن السيارة ما بين ما جبتوا الزقايط .
محمد : تمام ، 'خدى خروف بوي و مشى'
الصيد : قصدك انا بـنقيم الخروف لا و يقعد منظري مبهدل و كلّي دم !
عمي جمال "بعصبية" : الصيــد هيا قيم بلا دلع ماصخ .
الصيد 'قام الخروف و علامات التقزز مرسومة على وجهه ، لف عيونه بغيض ومشى'
انا : نكته الولد هذا .
عمي مجد : هي خلي نكملوا الذبح .
انا : اي هيا .