#عيلتنا
.
.
.
.
محمود : تحبها؟
انا 'ابتسمت و شفت للطاولة ' : معجب بيها هلبااا.
محمود : باهي تتوقع انك في يوم تحبها؟
انا : الا متأكد.
محمود 'ضحك' : و اخييرا اعترفت .
انا 'شفتله' : مندري خيرك مهتم بالموضوع اكثر مني.
محمود 'وقف' : لاني متأكد و عارف الموضوع قبلك.
انا 'ضحكت' : هو قلبي ولا قلبك؟
محمود : قلبك لكن انا الوحيد اللي فاهمك و فاهم لغة عيونك.
انا : ايواه ايواه مركز انت.
محمود : يا ودي العيون تفضح الشخص و تفضح كل مشاعره.
انا : نندري ... لكن كيف انت حاس بالموضوع قبل ما يصير.
محمود 'ضحك' : سر .
انا : علم النفس ولا؟
محمود : سر سر .
انا 'وقفت و شديت البضاعة' : باهي تعال خوذ معاي.
محمود 'قام الاكياس' : هيا .
انا : هي.' مشينا و حجزنا الأثاث و بعدها رجعنا للفندق ... مشي كل واحد لغرفته و بعدهاوقعمزنا في الصالة و كل واحد متغطي ب بطانيته من كثر الصقع'
محمود : وااي بنتجمد.
انا 'طلعت تليفوني ' : بنفتح نت شويا بالك ندفى.
محمود 'ضحك' : حطلهم Ask me .
انا : صح خلي انطير الكساد.
محمود : مني فاتح ؟
انا : كلهم .
محمود : من كلهم ؟... دانا فاتحه؟
انا : اي .
محمود 'فتح تليفونه' : ميا ميا .
انا : حاله انتوا.
محمود : خلينا متهنين .
انا : هلبا .
محمود : شن المشكله؟ اثنين مخطوبين يحبوا بعض .
انا : يا سيدي ربي يعقد عسلكم باهي .
محمود "بخبث" : ويعقققد عسلكم.
انا 'رفعت حاجبي ' : اسكت خيرلك.
محمود: عادي دعيتلكم بس .
انا 'فتحت تليفوني' : واحد يفتح النت خير.
محمود : اي حق ... تعرف من كلمني امبكري.
انا : مني ؟
محمود : راشد.
انا : من راشد؟
محمود: تي راااشد هذاكا ...
انا : اه لا عرفته ... تي من هوااا ومن وين نعرفوه.
محمود : واااي. تي هذاكا اللي كان يقرى معانا في الثانوي.
انا : ايواه ايواه. شن بي يفكرني .
محمود : الطويل الاسمر اللي امه كانت تقري فينا في الدين صف9
انا : اللطف يا ربي. تي غذا امس ان شاء الله نتفكره. و جاي تقولي صف 9
محمود : تي هذيكا .
انا : معااش تقول جدها الكلمة هاذي ع أساس بنعرفها كان قلت هذيكا ... اعطيني علامة مميزة فيها.
محمود : تدوي زي عيسى بن دردف .
انا 'ضحكت بقوة' : عرفــتها.
محمود :و اخيرا .
انا : لكن راشد ما عرفته.
محمود : فوت الموضوع .
انا : احسن.
محمود : الساعة كم؟
انا : 12. ااااه 12. مسرع.
محمود : اي .
انا : تي صقععع افتح المدفئة اللي جنبك.
محمود : لا لا ولع امتاع الحطب خير.
انا : تي افتح الهم صقع.
محمود 'فتحها' : تعرف ما استمتعت بيها روسيا.
انا : بالله. و المونديال ؟ و الهياجة امتاع الاسبوع اللي فات؟ و الهبال اللي درناه هذا كله و ما استمتعت.
محمود 'ضحك' : كل ما نتذكر اننا قعدنا انادوا ليبيا قدام الشط نضحك.
انا : والله جو .
محمود : ا ما لا كيف كتبنا اسامينا. على الرملة و على الحيط و كيف الشرطة قادة الدور فينا.
انا : تي احمد ربك ان مافي كاميرات مراقبة. كان هذا ضعنا في الضباب.
محمود : عادي ادفعلهم شويا يطلعوك.
انا : بالله. تحسابهم في ليبيا ؟
محمود : كان في ليبيا را ما جرت ورانا الشرطة اصلا. و اصلا ما في شرطة في ليبيا. اللي يكسد يدير ميليشيا.
انا : تو لما نروحوا انديروا ميليشيا مع ولاد العيله.
محمود : اي امالا الصيد وجهه وجه بوابات؟
انا 'ضحكت' : هذا حتى كان شاف واحد يحشش يمشيه.
محمود : و انحطوا جنبنا رامي باش ايكون مثلهم الاعلى.
انا'ضحكت' : اي.
محمود : كساد ولا ؟
انا: هلباااااا.
محمود: بالله بنمشي نرقد انا.
انا : اي را غدوا بنمشوا من الساعة 11:30
محمود : به تمام.
أنت تقرأ
عيـــلتنــا ((باللهجه الليبية))
Ficção Adolescenteرواية ليبيه تحكي عن صغار عم والحب اللي ترعرع بينهم و المشاكل العائليه و الهياجات و المقالب اللي داروها وماعمرهم ما دسو على بعض حاجه 😍 1# - طرابلس #1 - بنغازي #1- ليبين 2# - ليبيه #2 - رومنسيه 4#- ليبيا هاذي هيا العيله ... #عيلتنا 💙 للكاتبة...
