عيـــلتنــا ((باللهجه الليبية))

البارت الرابع

دانا : قال لبابا ان انا مننفعش و اندور في الأولاد ودوا ثانية .
انا: تبصري😲
دانا تبكي وحضنتني: لا وخدى تليفوني و النت ع أساس انكلم في الاولاد  وهذا كله على خاطر في ولد قعد يناشب فيا وانا ماشيه المدرسة وشافه سالم .... وبابا قاله لا وهو معند وتوا شفت لما ناداني .
انا : تي لما نوريه نجوم الظهر😠
دانا: لا يا وسام نبيش تصير مشكله من تحت راسي .
انا بحتت فيها : تبصري انتي هذا اكيد في شيء فراسه يبي ايديره وانا حنوقفه كان يفكر انك بنت يقدر يتحكم فيك فهو غالط ... وطلعت وسكرت الباب بقوة .
وانا  ماشي لدار سالم كنت نسمع فيه يتمتم بعصبيه فتحت الباب بقوة .
سالم انخلع : تي خيرك الزفت  علاش دايرينا الباب 😠
انا : هات تليفون اختك و النت 😤
سالم بهزوه : هه لحقت تقولك .
انا: اي في مانع 😒
سالم: والله ما هالكها الا تدليعك ليها الفرخه اهيا .
انا شديته من وذنه : تطلع ستين فرخ  نسمعها تشكيل منك مرة ثانيه نهارك و لا تقول اللي قلته السانك انقصه فاهم😡
سالم: تي فاهم فاهم الزفت حول يدك.
انا طلقته : هات هي .
سالم مدهملي : هااك 😒
انا : بالك مش عاجبك 😠
سالم : عاجبني عااااجبني .
انا : اكبر الهم اكــبر ... وطلعت من دارة  ومشيت لدانا .
انا : هاك دنونه .
دانا : صحيييت يا احلا وسام .باستني على خدي .
انا : تبي حاجه من الدكان ؟؟
دانا : اللي تجيبه باهي .
انا : تمام ... كان جي الصيد قوليله مصارش اليوم و سالم قوله استناني في جناحي .
دانا تأشر على عيونه : من عنوووني .
انا بإسلوب صغار : ثلم عنونت .وطلعت
دانا : ههههه .
___ ____  _____
وانا  طالع من باب للجنان شوفت هلال تبكي إستغربت و مشيتلها  حطيت يدي على كتفها رعشت بخوف .
انا : خيرك شن في ؟؟
هلال تمسح في دموعها : لا شيء .
انا قعمزت جنبها : تي قولي يا ودي .
هلال : وسااام قتلك  ما في شيء .
انا : هلاااال 😒
هلال : اففف ... كان قتلك شن بتستفيد
انا : نرتاح و نكسر راس اللي زعلك .
هلال: صعب عليك .
انا : لا لا مافي شيء صعب .
هلال زلقت بالكلام : تقدر تكسر راسك 😏
انا بإستغراب : كيف😓
هلال تجمعوا الدموع في عينها : خلاااص قتلك ما شيء فوووتني ... وناضت .
انا قعدت مستغرب وانفكر شن قصدها مشيت للدكان  وانا بالي مشغول بيها .
______________

هلال ﴾﴿

كنت امقعمزه في الجنان نبكي من كل قلبي حسيت بيد شخص على كتفي انخلعت  و رعشت تلفتت  وانا ندعي ان ميكونش وسام ولما لفيت لقيته هو قعد يسأل فيا و انا مقهووورة من داخلي وزلقت بالكلام  ويا ريتني  ما فتحت فمي ركبت نبكي منبيش نركب لحوشنا مشيت لحوش عمي وائل انهدرز معا دانا راح من بالي اني بنشوف وسام قعدنا  نهدرزوا ونضحكوا و جونا سمح بكللل و لعبنا بلستيشن مع بسام لين الباب طق وخش وسام😫
وسام : اووو هلالو  عندنا .
انا  ابتسمت حلو اسمي من فمه حلووو : ايه 😊
وسام : دانا جيبي سفرة  و طواسي ((كبايات 🍷))
دانا : حاضر
وسام قعمز جنب سالم او بالأحرى اتمدد : امالا  الفرخ سالم وين 😏
بسام : ميبيش يجي مشعارف خيره .
وسام : احسن  اجعنه ما يجي .
بسام : شني مداير الفرخ من عمايل .
وسام : هو و دانا .
بسام،: ووووه مفهمتش انا غيره منها ولا شني .
وسام : اكيد عاد جايه  بعده .
بسام : تعرف اليوم شفتلك  بنت تمنيتها ليك يا راجل .
وسام : نعــم 😖... فكككني سريب الحب يبي خلوق و راس و انا الخدمه سادتني .
انا تحشمت و تعصبت في نفس الوقت معرفتش ليش تعصبت  لما سمعتهم حبيت نقطع الموضوع لإنهم  بدو يفتحو في مواضيع تانيه زي الخطبه و الحب. و و و ومش معبريني .
انا : وين دانا عطلت.
تلفتولي الإتنين بصدمه و إستغراب وقالوا مع بعض : هلاااال 😨
أنا: ايه خيرني 😁
بسام : انسيناك 😅
أنا: بالله .
وسام: من قصرك 😄
أنا: ها ها ها مصح وجهك .
وسام كيف بيتكلم خشت دانا .
وسام: بكري 😏
دانا : حصلت سالم و بابا .
وسام: خيره ميهنيش روحه شن مداير .
دانا: اه ... هه ههه هه.
بسام : شن في تكلمي ؟؟
دانا : سسـ ... سياراتكم 😔
وسام نط : خيرهم ؟ .
دانا : حاقد عليكم عباهالكم وركينه في المحرك 😋
وسام و بسام : نعـــم 😱😨
أنا : هههههههه تستاهلوا 😂
وسام : تي حيوااااان والله لنلعن خيره الــ*** كلب يعطيه ما يرفعه الفرخ .
بسام : تي لما يندفنه وهو حي القرد هوا .. وطلعوا يجروا .
انا : لهاذي الدرجه 😰
دانا : واككثر تي وسام اغلى غلاه سيارته بعدين عيلته  بعدين صحااااابه و ولاد عمامي و عماتي  المقربين بعدين خدمته بعدين حوايجه و حاجاته الخاصه  و بعديييييين البنات اصلا ميعتبوش مهمين مش انتم طبعا انتم من عيلته اكيد 😊
انا : شن قعد هوا ؟
دانا : هاذو المهمااااااات والباقي نص نص.
انا : وبسام ؟ خل نحكوا لهويده .
دانا _: بسام ... اولا ماما و بابا و هويييييده بعدين صحابه و الشباب و بعدين انا و بعديــن خدمته و بعدين سيارته و حاجاته .
انا : به مليح. و سالم ؟؟
دانا : اولاً ماما و بابا و صحابه و بعدين تليفونه و النت وبعدين حوايجه و سيارته و بعدين قرايته و بعدين سيارته و بعديـــــــــن انا اصلا كان مهمه 😏
انا : في تناقض بين سالم و خوتك صح؟
دانا : وسام وبسام يشبهو بعضهم في الطبع هلبا في إختلاف بسيط بينهم لكن تقدروا تلاحظوه و الحق تعجب فيا علاقتهم اكثر من صاحب و خوت كل شيء مع بعضهم اي خطوة لازم مع بعض متعلقين في بعض وااااجد 😍
انا : ربي يحفظهم ... هي باي بنرقد .
دانا شهقت : هيييء طيييح ساعدنا غدوا مدرسة وتوا الساعة 1:45 حييي .
انا : هي باي باي ... بستها ونزلت رقدت طووووول .
_______  _____

وسام ﴿﴿﴾﴾
طلعنا انا وبسام من الدار جرييي لسالم ولقينا بوي يعيط عليه ويقوله .. حي عليك منهم .. انا شديت سالم من رقبة تيشرته
انا :يا فرخ شن دررت😡
سالم و واضح عليه الخوف : شش شي
انا كريته وراي : ا ما لا تعالى هي ... هي بسام ... ونزلنا للقراج امتعنا ..كل عيله كان عندها راج كبيير ... المهم .. وصلنا و شفنا السيارات حالتهم حاله لكن الغريب هو ان سيارة سالم مضروبه  في الشباك و متشقق سالم بحت فينا بصدمه
انا: هذا شنيييي😨
سالم : مش انا مستحيل نضرب  سيارتي مهبلتش انا 😥
بسام فتح سيارته وفرغها من الوركينه وبعد جهههد كبيير  ولعت  و كذلك سيارتي و قريب درت عرس من الفرحة
سالم : مني الكلب اللي ضارب الشباك كان نعرفه نفتفته تفتفيييت .😡
انا : تستاهل كما تدين تدان 😃😏
بسام : تي خل نرقدوا الزفت الساعة 3 هيا .... انت راهو  عندنا خدمة غدوا .
انا : اي صح. هي هي .. بحتت في سالم .. تو غدوا نتحاسبوا .
وركبنا وانا مجرد ما خشيت لجناحي  حذفت روحي على السرير و رقدت في ساااابع نومه .