عيـــلتنــا ((باللهجه الليبية))

البارت العاشر

#عيلتـ★ـنا
.
.
.
.
.

هلال وقفت ورفعت راسها لينا .
أصيل ومحمودو سالم دفلوا💦مع بعض
و تجي الدفله في فم وليد اللي كان فاتحه على وسعه 👄
وليد قعد يستطعم فيها ...
احنا بحتنا في بعض بصدمة و انفلقنا ضحك مع بعضنا 😂
____________________________

هلال﴿﴿﴾﴾

وانا جاية بوليد نادوا عليا الولاد من فوق بحتت فيهم و فجأة دفلوا و جت في فم ولودي ..
وليد قعد يستطعم فيها: نم نم نم يم.
انا بحتت فيه: نم نم نم .... تعالى نغسلوا  فمك ووع .
غسلتله فمه وركبته للولاد .
وسام: مصارش اصلا نازلين .
انا: مصح وجهكم .
الشباب نزلوا وقعمزوا في الملعب  ... واحنا قعمزنه قدامهم ..
بسام: كســاد.
اصيل: شباب نغنوا يا ملا عيشة الاوباش.
وسام: لالا نلعبوا كورة .
الشباب: اطلع طوول .
احنا البنات قعمزنا في جهة  نتفرجوا عليهم .
ايمن: جيبوا عصير على الاقل .
انا نضت جبتلهم عصير شربوه وبدوا يلعبوا
___________________________

وسام﴾﴾﴿﴿
انا: هي فريق الأتحاد معاي .
محمود :كالعادة .. انا وانت و بسام وسمعة و أسامة وأصيل .
سالم: واحنا الاهلي😊
محمد: انا و سالم و حاتم وحسام والصيد و ايمن 😃
جي رامي : نلعب معلق ☺
انا بحتت في محمود : باهي هي .
محمود: انت حكم و معلق 😂
انا: وينه جمهوري وين 😉
هلال : على اليمييين احنا .
بسام: اوو جمهورنا اكثر من الاهلي.
سمعه: ترا مني جمهورنا ؟
انا: هلال و ملك و ميس و حسناء و دانا و الأهلي مرام و رزان و روان هههههه.
إصيل: هي أسامة حارس .
أسامة: به تمام.
محمود: هي رامي هي .
رامي خدي الصافره .. وصفر .
وبدينا نلعبوا و نجروا كلنا و البنات يشجعوا و الجو مليـح و فجأة أيمن طيـح اسامة ... رامي صفر ... واعلن ان ريقولي .... وبدينا نشجعوا في اسامة.
احنا: اووووو اوووو.
أسامة ضرب الكورة.
احنا: ايييييي ..
وبدينا انصفروا و نجروا و البنات يصفقوا
رامي: الاتحاد 1 و الاهلي 0 ... وصفر.
انا: حموووود  باصي .
محمود طالع يجري بالكورة اعطاها لأصيل .
اصيل: وسوم وسوو هاك .
اعطاني الكورة و بديت نجري زي الطلقة و دخلت قول⚽
أيمن : الـزفت 😡
انا: نياهاهاها تسخفـوا 😂
رامي : هي ارجعوا العبوا ...صفر.
سمعة طلع يجري جهة سالم باش ياخد الكورة .
سالم ضرب الكورة جت في وجه أيمن
ايمن: ااااي 😵
رامي : وقفوا اللعبة .
وقفنا كلنا و مشينا لأيمن نجروا .
انا: يمون خيرك 😞
ايمن: اااه وجهي يا عن شكلك .
اصيل: معليشي خلاص ايمن .
ايمن : به به .. جيبولي تليفوني.
انا: هي خلاص ساد.
و  مشينا جهت البنات وين مافي مكان الجمهور وقعمزنا معاهم
انا: هاك تليفونك
ايمن : اااه .. بحت في تليفونه  .. تي جمااالي ضاااع ضاع .
احنا: ههههه.
أصيل: حلو مكان المربعات امتع الكورة في وجهك 😂

'ضحكنا' 😂😂😂😂
سالم: شن العشى ؟
ميس: 🍢🍢 شيش طاوق و بيتسا 🍕
مرام: بحبحــوا .
ايمن: امبحبحين من يومنا يا حبي .
الكل سكت و بحتوا في ايمن .
محمود: شن تخرط انت😡
ايمن: والله ما قصدي تعرفني ديما انقول فيها .
محمود: ايه ايه لفق لفق 😠
انا: حموود والله ايمن يقول فيها ديما خلاص عاد .
محمود: باهي به 😤
انا: هي نوضي انتي وياها جيبوا العشى.
ميس: اميما قالت نتعشوا مع بعض الداااخل.
انا: ايييه ... امعاي الولد ميجيش.
جواد😆
انا: بريييي.
ملك: باهي العفوا ... مجاااعة.
محمد: بري خير ما نوريك المجاعة على اصولها 😁
البنات مشوا واحنا بحتنا في محمد.
محمد: خيركم!
الصيد: اللي قلته .😳
محمد: خيرني شن قلت .😃
محمود 'ضحك' :. كان سمعك حد يفهم غلـط 😂
محمد : يا معفنيــن.😁 😂
'ضحكنا'
بسام : صايعين الزفت😡
انا: اااايه مزال اسبوع على رمضان.
اسامة: والله مشعارف كيف انا عرس قبل رمضان بإسبوع .
ايمن: للكوجينه طول .
البنات جابوا العشى وقعمزوا قدامنا .
بسام: عادي مرة نفطروا في حوش اماليا ومرة في حوش اماليها ... مش مهم الطبخ .
دانا: سعدودها هويده مش حتتعب.
محمود بخبث : مت قال مابتتعب .؟
أصيل: عاد ميبيش الطبخ عنده ما ياكل ... همه في حاجة تانيه 😉
البنات فهموا الموضوع.
ملك: نجيبلكم ميا .
محمود 'ضحك'
بسام: ضم فمك انت وياه 😡
أصيل: صار اخر همك اه 😁
بسام ناض : صايعيـن... ومشى.
جواد يكلم في بسام: ايييه يرحم ايام كنت سنقل 😩
انا: هي سمو بالله وكولوا 😃
ابدينا ناكلوا والبنات خشوا الداخل ايمن مرة مرة يضحك ويشد في الضحكة .
أسامة: اهدى يا فرخ شن جاك .
ايمن: شـيء😁
انا: من امبكري انشوف فيك را 😄
ايمن 'ضحك' :... اسمعوا انقوللكم حاجة.
بسام: شني ؟
اصيل 'ضحك بقوة'.
الصيد: شن حتى انت معاه ؟
ايمن "بضحك" : .. ايه ... اسمعوا البيتسا اللي تاكلوا فيها 😂
انا: شني .... في حاجة في بالي لو طلعت هيا نهارك .
ايمن: به .... 'ضحك بطريقة هستيرية'  قوللهم اصو قول.
اصيل: احنا طيبناها .
سالم: به 😒
ايمن: مش اهنى المشكلة .. 'ضحك بالقوة'
اصيل: حطينا  طماطم حكة بدل الصالصه.
ايمن 'غمض عيونه من كثر الضحك' : و .... و بدال التن  حوووت  .
اصيل: والصاعقة الاقوى ... هذا مش فلفل .... هذا خيــار.
ايمن ' شد جنبه من قوة الضحك'.
انا نضت حذفت عليهم ااميا: يا عـن***
وطلعنا نجروا وراهم في الجنان كلـه وخشينا الداخل و ايمن واصيل يضحكوا وانا ومحمود و حاتم نجروا وراهم ..
ايمن وقف ورا كرسي اميما و اصيل ورا جدي .
اميما: خيركم😡
انا: اسأل الفرخ اللي وراك .
ايمن يبحت فيهم ياكلوا في البيتسا : وسوم  بحت بحت ...يأشر بعيونه عليهم.
ضحكت انا ومحمود وحاتم..
ملك: من طيبها البيتسا  ... طعمتها مش عارف كيف ... حاشه النعمة .
هلال: صح من طيبها .
عمتي سارة: حسبتكم انتوا درتوها 😨
الشباب ضحكوا
دانا: مني طيبهاا ؟؟
انا:. اصيل وايـمن 😂
روان: نعــم .
حاتم: طيح سعدكم ... طماطم حكة  وحوت   و خيااار 😂
هويده:   تسمــم .
اصيل 'ضحك'
جدي شد اصيل من وذنه: تبي تسممنا.
اصيل: اي اي ... انتوا قلتوا تبوا الغدى فدرنالكم عشى .ًاااه جدييي .
عمي مجد: فروووخ.
ايمن وخر وقرب من جهتنا وهو يبتسم.
انا: خيرك انت؟
ايمن : اصوو .. انت حطيت طماطم .
اصيل فطن : حي حي تفااااح 😂😂
ايمن: هههههه . بيتسا فواكة و خضروات ... للشيف ايمن و الشيف اصيل 😂.
عمي مراد: مهابيــل .... هي مجد  وائل   محمد  جمال ... خل نديروا دوره .
بوي: هيا ماقعدنا غير ندوروا احنا ... وناضوا .
عمتي سارة: هي حاتم عطلنا را تو بوك يتعصب .
عمتي سالمة: اي والله حتى انا خل انوض ... هي أيمن و اصيل عندكم امتحان غدوا.
ايمن و اصيل + البنات اللي في المدرسة: هــىء ... الامتحانات  😱😱 وفي لحظة ركبوا كلهم يقروا .. و عمتي سارة و // سالمة روحوا .
انا: ههههههه .
محمود هي نطلعوا نصي.
انا: هيا ... طلعنا ولقينا شباب الجامعة مصدوميــن قعمزنا معاهم .
محمود: خيركم ؟
محمد يكلم في جواد: هـيء هذا وين شفتك تعرف 😲
سالم: راح من بالي انه العميد 😰
الصيد: عاد لاقيناه يبصر و يضحك 😨
جواد: ههههه اللي يسمع يقول شيطان .
انا بكسل : اااه شباب ... خل نرقدوا .. انتوا عندكم جامعة واحنا خدمة .
بسام : اوو صح .. راح عن بالي .
سالم: اللي واخد بالك😉
بسام: زودتوها را😡
انا: خل هي هي ... اسمع محمود.
محمود: ها ؟؟
انا: بنباتوا لوطه اليوم ... معانا جويده.
جواد: يا عـن ... اففف بتخلينا نغلطوا تو.
سالم : هي تصبحوا على خير .
انا: اصبر اصبر.
سالم: ها ؟
انا: تعرف تتناقر انت و دانا لسانك نتله😠
سالم: واااك باهي باهي ... ومشى.
محمود: خوك هوا مفهمتش خيره.
بسام: مستاكي .
جواد: هي نبي نرقد.
انا: هي تعالوا ..
خشينا للداخل و قلنا لإميما ورحبت بجواد كأنه ولدها لانه تعرفه وتعرف القصه كلها ... تفرجنا على التلفزيون شويا و بعدها رقدنا وغطسنا في النوم .
___________________________