#عيلتنا
وسام 'إبتسم' : بطل ... عاش بطل و مات بطل.
بسام "بصدمة" : شنو؟؟
وسام 'حط وجهه على كتف بسام' : عظم الله اجرك يا خوي💔
بسام 'حضن وسام' : لا اله الا الله .
انا 'حطيت يدي على فمي بدهشه.ولفت عيوني على الشباب كلهم '
محمد 'حط يديه على راسه' : لااااا ... لا يا سالم لا.
محمود 'حط ايده على كتف محمد' : وحد الله يا محمد .
محمد : علااش علااش يا ربي .
محمود : محمد خلااص.
محمد: رفيق عمري و توأم روحي هذا .
وسام : ان لله و ان اليه راجعون .
أسامة : كيف بنقولوا للنساوين؟
وسام 'مسح دموعه' : تو انا نمشي نقوللهم ' باعد من عليهم و مر من جنبي '
انا ' شفت لوسام و لمحت في عيونه إنكسار ... لفيت و ركبت لملك ... دخلت و الدموع محبوسه في عيني '
ملك : خيرك؟
انا 'قعمزت من غير ولا كلمة'
ملك "بإستغراب" : خيرك خيرك؟
انا : سـ..
ميس 'فتحت عيونه و قعمزت بخوف فجأة '
انا 'تلفتت' : خيرك ميس ؟
ميس 'حطت يدها على قلبها' : سالم ساالم .
ملك 'حضنتها' : خيرك ميمي؟
ميس 'تبكي' : سالم مش بخير .
انا 'قعدت نبكي'
ملك : ايااه خيرك حتى انتي؟
انا : وقفت و طلعت للصاله'
شويا و طلعت ملك و قعمزت جنبي ..
ملك : هلال خيرك شن صار؟
انا 'شفتلها' : سالم .
ملك : خيره؟
انا : مات 💔.
ملك 'شهقت' : تبصري.
انا : والله ... توا وسام جى و قاللنا.
ميس +كانت واقفه قدام باب الدار و سمعتهم+ : لااااا تبصري انتي تبصري صح؟
انا 'تلفتت بصدمه'
ملك 'شافتلي' : سمعاتك!
انا 'وقفت ومشيت لميس' : ميس حبيبتي .. اهدي .
ميس 'قعمزت على ركابها' : لا لا لا يا ربي لاااا .
انا 'حطيت يدي على كتفها' : ميس هذا قضاء و قدر.
ميس 'قادة تبكي و تعيط بالقوة' : اااااه يا ربييي. ساللم. ساااالم.
ملك ' حضنتها' : حياتي اهدي خلاص.
انا 'فتحت تليفوني و اتصلت بمحمد'
محمد: ايوا.
انا : محمد تعالى بسرعة.
محمد: شن في و وين؟
انا : ميس. سمعت بيه. و ما قدرنا نهدوها.
محمد : كييف. تي من قاللها منيي!
انا : كنت انقول لملك و سمعتنا .
محمد : باهي به انا. جاي .
انا: تمام هي .
؛ شوية دقائق و جى محمد ؛
محمد ' دخل و مشى لميس و حضنها '
ميس 'قعدت تبكي بالقوه'
محمد : اسسس. خلاص يا عمري خلاص .
ميس : مشى يا محمد مشى ... مشى و خلاني بروحي .
محمد : يا عمري خلااص ... بعدين. معاش تقولي بروحي. و انا وين مشيت؟ و محمود حتى هوا .
ميس : مااات سالم مااات .
محمد : ان لله و ان اليه راجعون .
ميس 'قعدت تبكي بأنين حاد'
محمد 'رفع راسها' : ميس ... خلاص ميس تعذبي فيه هكي .
انا ' لقي ت و ما قدرت نتحمل اكثر ... نزلت و قعمزت مع النساوين. و للحظتها مزال ما سمعوا بالخبر'
_______________________________________________
وسام ﴾﴾﴿﴿
'قعدت نفكر كيف ح نقوللهم الخبر. و حطيت كل التوقعات و كل شيء ممكن يصير في دماغي ... تنفست بقوة و دخلت للصالة ... اول ما دخلت وقفت قدام النساء. و كان واضح عليا التوتر.'
أمي : خيرك وسام. فيك شيء؟
انا 'غمضت عيوني' : لا ... قصدي اي .
امي : شن في .
انا 'قربت من امي' : هئحم ... وحدي الله .
امي : لا اله الا الله ... خير ان شاء الله؟
انا 'بلعت ريقي' : امي ... انتي مؤمنه بالقضاء و بالقدر. و ان كل شيء يصير من حكمة الله عز و جل. صح؟
امي : اكيد .
انا 'شديت ايديها و غمضت عيوني' :سـ .. سالم أستشهد .
امي 'سكتت بصدمة'
انا 'فتحت عيوني ببطء. و شفت امي مصدومه .. حضنتها قبل ما تقول اي كلمة ... قبل ما تبكي و تتوجع ... نتحمل كل صعاب الحياة الا الموت💔. لإنه يوجع القلب من الصماصيم' : عظّم الله اجرك يا غاليه ' بست راسها و باعدت عنها ... بعدت عن الكل و انا منزل عيوني ولا فكرت نرفعهم لان اي حركة ثانيه ح ننهار ... طلعت للجنان و خليت النساء في دوامة البكاء .... مشيت و توجهت للملعب ... كان مظلم و ما في اي صوت ... حسيت انه انسب مكان لنسمح لدموعي بالخروج ... قعمزت على ركابي و بدت دموعي تسيل ، تذكرت كلامه و نظراته الأخيرة ، زادت دموعي. و تبعتهم شهقات من وسط قلبي ...
تذكرت اخر مكالمة بيني و بينه. نبرة الحزن اللي في صوته ... الشك اللي مراود حروف كلماته ... كل شيء تذكرته ... ضربت الأرض بإيديا الاثنين. و قلت بأعلى صوتي : لاااااا يا ربي لااااا .... مـــات. و قعد كلامه في راسي قعــد .... آآه يا سالم ... ' حطيت و جهي على الارض و قعدت نبكي '
أنت تقرأ
عيـــلتنــا ((باللهجه الليبية))
Novela Juvenilرواية ليبيه تحكي عن صغار عم والحب اللي ترعرع بينهم و المشاكل العائليه و الهياجات و المقالب اللي داروها وماعمرهم ما دسو على بعض حاجه 😍 1# - طرابلس #1 - بنغازي #1- ليبين 2# - ليبيه #2 - رومنسيه 4#- ليبيا هاذي هيا العيله ... #عيلتنا 💙 للكاتبة...
