#عيلتنا
.
.
.
.
.
.
وسام : سلمكم 'فتح عيونه و شافلنا بصدمة' : محمد محمد ..'فك سلك التغدية و وقف' : في أي مستشفى أحنا ؟.
أنا : وسام قعمز ... إنت مزال دايخ.
وسام : لا مش حنقعمز ولا حنأخذ أي دواء الا لما نشوف محمد ... شن إسم هالمستشفى ؟
بسام : الـ٪٪-$-٪$.
وسام : هاذي هيا ، محمد أهنى 'شد رأسه بقوة'
محمود 'قرب منه و شده من يديه' : خلاص تو نشوفوه .
وسام 'شد في محمود' : رجلي على رجلك .
محمود 'تأفف لإنه متأكد إن ما في أي فائدة من الحوار مع شخص جرى العناد في دمه' : تمام هيا .
بسام : هلال تعالي نروحوا .
انا 'هزيت رأسي بنفي' : لا لا .
وسام : خليها ، هي محمود 'طلعوا و أحنا تبعناهم .. مشينا للإستقبال و سألنا على محمد و قالت إنه كيف طلع من العناية و أعطتنا رقم غرفته ... مشينا و أحنا متوترين و خايفين عليه .. وصلنا لمقصدنا و لقينا الدكتور واقف قدام الباب'
بسام : خيره يا دكتور؟
الدكتور : شن تقربوله ؟
محمود : أنا خوه و هما ولاد خاله ، خيره؟
الدكتور : دار حادث و فقد دم هلـــبا، لكن الحمدلله لحقناه في آخر لحظة.
وسام : باهي في أي أضرار؟
الدكتور : كسر في يده اليمين و شوية كسور في الرقبة .
محمود 'زفر بحزن' : باهي كسور الرقبة صعب علاجها؟
الدكتور : لا الحمدلله ، تبي شوية وقت ... ممكن شهر بس.
بسام : تمام ، نقدروا ندخلوا؟
الدكتور : أي لكن ما تكثروا دوة .
وسام : تمام ، 'دخلنا و شفنا محمد يشوف للسقف و عيونه كلها دموع'
وسام 'قعمز جنبه' : الحمدلله ع السلامة.
محمود 'قعمز ع الجهة الثانية و أنا و بسام قعدنا واقفين'
محمد : الله يسلمك.
وسام : علاش الدموع؟ .. حتشفى و ترجع زي قبل .
محمد : مش هامني أمتى نشفى ولا نتألم من الكسور ، الوجع أهنا 'أشر على قلبه'
محمود 'عقد حواجبه بإستغراب' : شنو؟
محمد 'شافلي و بعدها شاف لوسام'
وسام 'تلفتلي' : حبيبتي أطلعي شويا .
أنا : تمام 'طلعت و قعدت نستنى برا'
ــــــــــــــــــــــــــــــــــــــــــــــــــــــــــــــــــــــــــ
وسام ﴾﴾﴿﴿
طلعت هلال و الدموع خذت حقها على خد محمد ...
أنا : تي شنو ؟؟
محمد : متحبنيش ... متحسش باللي أنا نحس بيه ، قلبها مينبضش بإسمي ، ما تشتاق لشوفتي ولا يهمها حزني ... البنت اللي سكنت قلبي معجبهاش السكن. هجرتني ... علاش يا شباب علاش؟ ... في شني زياد خير مني؟ ... شن ناقصني علاش متحبنيـش هيا ؟ ... أنا لو تطلب قلبي نعطيهولها من غير تفكير ... انا اللي حبي ليها وصل لدرجة الهيام تعذبت أنا تعذبت ، تعرف لما طلعت بالسيارة حسيت بسكاكين في قلبي ... نـــار أهنى والعة ناار 'قعد يضرب في قلبه و كلمة (إنحرق) ما فارقت لسانه'
محمود 'شد يد محمد و باس رأسه' : و رأس الغالية إهفت خلاص عذبتني معاك.
أنا : بإذن الله يا محمد مش حياخذها حد غيرك ، خيرك يا راجل مش واثق فيا ولا شني؟
محمد : واثق فيك ، لكن الإحساس هذا يقتل ، تحب شخص حب أعمى و هو ميحبكش تي والله شيء يقهر .
أنا : الله غالب 'وقفت' .. أنا بنمشي للحوازه 'خذيت مفاتيح سيارة محمود' .
محمود 'شافلي' : وين وين؟ معطاكش خروج هوا.
أنا : مخصنيش ، أنا اللي بنتعب مش هوا ، و سيارتك تو توصلك مع سالم .'لفيت و طلعت ، فتحت الباب وشفت هلال مقعمزة و تتفرج على صورنا مع بعض' : تروحي؟
هلال 'إبتسمت' : أوكى.
انا 'شديت يدها و طلعنا ، ركبنا السيارة و وفتحت أغاني سيف نبيل❤ .. طول الطريق و أنا نفكر في مستقبلي هل حيكون مع هلال أو حيلعب بيا القدر و نتزوج جنان ... وصلنا للحوازة و أول مادخلنا للصالة حضنتني دانا بعدها ملك و قعدوا يبكوا'
أنا : خلاص عاد ما فيا شيء.
دانا 'باستني' : خفت عليك .
أنا : متخافيش أنا معاك .
دانا : وين محمود و بسام؟
أنا : مع محمد .
ملك "بخوف" : علاش خيره؟
أنا : في المستشفى.
ملك ' قعمزت على الأرض بصدمة و قعدت تبكي' : كله بسببي أناا ، أنا اللي جرحته أنا اللي غلطت و ما إعترفتله بحبي قبل ما يطلع .
سالم 'وقف و كان واضح عليه الحزن و الكآبه' : شن حاله توا؟
أنا : الحمدلله ، برا شوفه و خوذها معاك ، خلي تشوف حالته كيف خلتها.
ملك 'وقفت و حضنتني' : والله نحبه يا وسام الله ، أنا كنت حنقوله لكن هوا فهم خطأ و طلع.
أنا 'بست رأسها' : قوليله هوا هذا الكلام، حالته متدمرة .
ملك 'هزت رأسها وشافت لسالم' : نمشوا.
سالم : هي 'طلعوا'
أنا 'قعمزت و قعمزت جنبي هلال' .
أصيل : عليك زردة الزفت .
أيمن : خلو خاطري في الشوا.
أنا 'ضحكت' : بالله.
سمعة : السلاام عليكم.
°وعليكم السلام°
سمعة 'مد أكياس لـليان' : غر أطلبي بس.
ليان 'باست خده ' : شكرا.
أسامة : كيف هكي، سناچل را.
سمعة 'ضحك' : زوجهاا أنا.
أنا : غر تعالى قعمز .
سمعة : الحمدلله ع سلامتك.
انا : الله يسلمك، طول وصلت الأخبار.
سمعة : توا كنت نكلم في محمود .
أنا : اها .
سمعة : نبي نرقد.
أنا : برا أرقد.
سمعة : جيعان.
أنا 'وقفت' : شكلي أنا اللي بنمشي نرقد، رأسي يوجع هلبا .'مشيت للدار و رقدت'
ــــــــــــــــــــــــــــــــــــــــــــــــــــــــــــــــــــــــــ
في المستشفى ...
'محمود و بسام كانوا مقعمزين جنب محمد و ساكتين .. لين سمعوا صوت الباب ينفتح ، توجهت أنظارهم الثلاثة للباب و في لحظتها دخلوا ملك و سالم .'
سالم 'مشى جنب محمد بسرعة و عيونه تلمع مما يدل على حزنه' : يا ريتها فيا ولا فيك يا نصي .
محمد 'إبتسم' : من إمبكري و انا نستنى فيك خيرك عطلت.
سالم : والله مسافة الطريق 'حط يده على كتف محمد' : الحمدلله ع سلامتك .
محمد : الله يسلمك 'شاف لملك بعدها شاف لـسالم'
سالم 'همس في أذن محمد' : في خبر يَسُر قلبك و خاطرك.
محمد : شن هوا؟
سالم : تو تسمع و تشوف 'شاف للشباب' : تعالوا يا شباب نستنوا برا.
محمود 'شافله بإستغراب'
سالم 'غمزله و طلعوا الثلاثة'
ملك 'قربت من محمد بتوتر ، حست بالندم و إنها السبب في إصابته قعمزت جنبه و قعدت تشوفله ، دموعها سبقت كلماتها و خذت مجرى على خدَّيْها الناعمتان' : آسفه يا روحي.
محمد 'رفع حاجبه' : صدقتك.
ملك 'حطت يدها على خده' : محمد و الله أنا نحبك والله ، تعلقت فيك و لقيت فيك هلبا حاجات محتاجتها ، محمد سامحني لإني جرحتك و خليتك تتوجع من غير علم .
محمد 'قعد يركز في عيونها' : ملك هذه مشاعر حقيقية ولا غير سخفتي عليا و وجعك حالي.
ملك 'قعدت تبكي' : والله مشاعر حقيقية ، بي شني تبيني نحلفلك حتى تصدقني ، من شهر و أنا نفكر فيك ومش قادرة نطردك من ذاكرتي و مخيلتي ، من شهر و أنا نحس بالشــوق لما تغيب عليا ، من شهر و نبضات قلبي تتخربط لما نسمع صوتك، لما نشوفك ولما يذكروا إسمك ، صدقني محمد أنا نحبك .
محمد 'شافلها بحب و حنان ، تأمل في عيونها و حس روحه و كإنه يغرق في بحر لما زاد دقق فيهم ، شاف لخدودها و لاحظ الدموع تجري عليهم ، مد يده و مسح كل دموعها' : منبيش نشوفك تبكي ولا نشوف الحزن في عيونك .
ملك : غر سامحني و صدقني بس.
محمد 'شافلها بتفكير' : و زعما قلتي نفس الكلام لزياد؟
ملك "بصدمة" : شن تقول إنت ، محمد خيرك مش واثق فيا؟ زياد مجرد علاقة عابرة لكن إنت غير ، إنت تعنيلي هلبااا .
محمد 'ضحك' : يا ريتك تعرفي كمية الحب اللي في قلبي ، أنا نحبك لدرجة الهيام، تعرفي شن هوا الهيام؟.. هو اللي اللي تخطى كل مراحل الحب تخطى العشق و الجوى و الهوى و كل شيء .
ملك 'إبتسمت من بين دموعها و حطت رأسها على صدره' : ربي ما يحرمني منك و يدومك ليا.
محمد : أمين يا نبض قلبي، يا روح و هواء و كل شيء في محمد.
ملك 'إبتسمت و هيا تسمع في كلماته اللي ضافت لقلبها نسبة كبيرة من حبها ليه ، حست بحبه الكبير ليها و هيا تسمع دقات قلبه المرتبكة'
سالم 'فتح الباب' : اووو ، ربي يدوم .
ملك 'باعدت و وقفت جنب السرير'
سالم &محمد ضحكوا على ردة فعلها.
سالم : بالشوية عليك .
محمد 'ضحك' : خلاص تو تذوب من الحشمة.
سالم 'ضحك' : الحمدلله معاش بتنفخلي رأسي بتوترك و كيف بتعترفلها وجو .
محمد 'ضحك' : اي .
ملك : خلاص أنا نستنى برا .
محمد : خلاص حبيبتي روحي إنتي توا ، و غدوا تعالي.
ملك : تلز فيا.
محمد 'ضحك' : لا لا مش هكي ، غر نبيك ترتاحي .
ملك : تمام باي 'لفت بتمشي'
محمد : و بوستي ؟
ملك : لا عاد هذه مزال .
محمد 'ضحك' : حبيبك مريض و يده توجع فيه و إنتي باخله عليه بـبوسة .
ملك : ربي يشفيك حبيبي ، تو ندعيلك مش إندير حاجة تغضب ربي .
سالم 'ضحك' : هكي الصح ، محمود و بسام يستنوا فيك.
ملك : تمام 'طلعت'
محمد 'شاف لسالم' : اي شن آخر الأخبار؟
ــــــــــــــــــــــــــــــــــــــــــــــــــــــــــــــــــــــــــ
وسام ﴾﴾﴿﴿
نضت على صوت دانا تنادي عليا من الصالة ، وقفت و طلعت برا ، شفت البنات كلهم مقعمزين الا هلال ، شفت لدانا' : خيرك تنادي؟
دانا : خلاص سادك نوم و الشوا بيطيب.
أنا : اها ، هلال وين؟
دانا : في المطبخ .
أنا : تمام تمام 'مشيت للمطبخ و لقيتها إدير في نسكافيه ، وقفت جنبها و قعدت نشوفلها'
هلال : خيرك ويسو؟
أنا : شــيء، لكن حاسك تبي تقولي حاجة .
هلال 'طفت الغاز و شافتلي' : اممم ، صح.
أنا : شنو؟
هلال : بنسألك سؤال و نبيك تجاوبني بكل صدق و صراحة .
أنا : من عيوني و نوعدك إن نقول الصدق.
هلال :####
أنا : #####
أنت تقرأ
عيـــلتنــا ((باللهجه الليبية))
Ficção Adolescenteرواية ليبيه تحكي عن صغار عم والحب اللي ترعرع بينهم و المشاكل العائليه و الهياجات و المقالب اللي داروها وماعمرهم ما دسو على بعض حاجه 😍 1# - طرابلس #1 - بنغازي #1- ليبين 2# - ليبيه #2 - رومنسيه 4#- ليبيا هاذي هيا العيله ... #عيلتنا 💙 للكاتبة...
