عيـــلتنــا ((باللهجه الليبية))

البارت الثاني عشر

#عيلـ★ـتنا
.
.
.
.
.
ايهم خش يجري : حي حي مزال راهو عمي ادم دالب الحوس والساعة 2:00
انا: كيــف😲
وفي لحظه الكل كانوا في السيارات ..
انا وقفت نضحك و بعدين طلعت و لقيت امي و دانا و ميس معاس و ماركزت الا في سيارة محمود اللي كان فيها أيهم و هلال و مرام .
ولعت السيارة و انطلقت و راهم و كانت الدنيا ليــل و امي والبنات ساكتين .
انا: اتحفونا بأصواتكم شويا😄
دانا: نبوا نرقدوا .
انا: اممم ... عاد عطله غدوا جمعة.
ميس: لوولي و اخيرا .
دانا: وذاني 😒
انا: خليها ما ملت من التزغريت.
ميس: حقى دنونه .
انا: شني😁
ميس همست في وذن دانا .
دانا: ايه ايه اتذكرت .
انا: شن في ؟
امي: الهى في الطريق و خلي البنات في حالهم .
انا: اوو حويجه استاحشت صوتك 😂
امي: وسام راهو ليل تريح .
دانا: اوو .. شوف طولك و عرضك و ماما تقولك تريح .
انا: دانا .. للبصارة حدود را 😠
دانا: حدود تونس ولا مصر 😊
انا: لا النيجر 😡
ميس: دندونه تريحي .
انا: اوو .. شن طولك شن طول شعرك ميس تقولك تريحي .
ميس:ههههه .
دانا: شني تردها ؟؟
انا: على الاقل انا امـي قالتهالي مش بنت عمتي 😆
دانا: تهي تهي تهي ... تخفف في دمك.
انا: لالا نتبرع بيه ههه.
دانا: هه هه تعرف تنكت .
انا تلفتت لامي: شني حويجة مزال ما بتخطبيلي .
امي: من بنخطبلك ؟
انا: غر انا قتلك را عندي وحدة في بالي.
امي: من العيلة؟😃
اتا: لا لا 😒
امي: امالا مني .
انا: تو بعدين نحكوا .
امي: باهي به .
دانا: شنــي .. ماتبي تقولي😞
انا: تي بري العبي بعيد نفختيهم .
دانا: شن هما ؟
انا: جواجيا 😂
دانا : ههههه انت يا جواجي .
انا: واااك يا ريتني ما قلت اتحفونا بأصواتكم😒
دانا: هئحم احم .. شن رايك في صوتي .
انا: يخلع قبيلة .
دانا بزعل: ها .. مصح وجهك .
انا: انبصر ... هو في انعم و اجمل من صوتك 😜
دانا ابتسمت: تسلملي .
انا: هيا عااد اسكتي شويا .
دانا: حاااضر.

مر الوقت واحنا في السيارة وكل مرة بوابه توقف في اسامة لان معاه شباب بس وهما اصيل و ايمن و سالم ... وقعد هكي الحال ليـن وصلنا ...

انا :_ واخيـراً .
امي: الحمدلله على السلامه .
انا: الله يسلمك .. تلفتت للبنات لقيتهم راقدين .. ههه رقدوا .
امي: شيل اختك .
انا : باهي به .. تلفتت لمحمود اللي كان نازل من سيارته .. محمود تعالى شيل اختك .
محمود يضحك من غير نيه : جاااي و احنا ما قعدنا الا نقيموا .
انا نزلت من السيارة : غر تعالى حتى الاجر بيضيع .
محمود وهو جاي : اما اجر ؟؟ شني انقيموا في ساعي احنا ((حشاكم))
محمود فتح باب السيارة شاف دانا سكت.
انا نولع في السبسي و عاطيه بالظهر: حيرك سكتت كمل .
محمود بربكه : اه لا لا شي .. شال ميس و خدى حاجتها ومشى .
انا : خيره هوا ؟؟
حذفت الدخان و شلت دانا .
تلاقيت مع سالم وانا راكب .
سالم بسرعة : ربي يقويك.. لف بينزل.
انا : تعالى جاي .
سالم لفلي : ها .
انا: قول نعم يا دياولي((بمعنى داره و حاجه هكي ))
سالم: نعــم .
انا: تعالى خودها وحطها في دارها .
سالم: نعم!!
انا: زي ماسمعت .. و مديتهاله .
سالم شد دانا وهو متعصب .
انا: ايوا ... برا هي .
سالم مشى بعصبيه و يضرب في رجله بالقوة على الدروج .
انا: بالشويا الدروج يتكسر ... مزال نبوه.
هلال جايه:ممكن تحول لان معنديش خلوق.
انا تلفتتلها : نعـم؟
هلال: زي ما سمعت .
انا: بري من شدك ؟؟
هلال: تي حول به .
انا: تي هذا كله ميسدكش ؟؟ حتى الثور يمر وهو يتمختر .
هلال: تهي تهي تهي بارد .. ومرت.
انا: اهو سدك ولا غير تشحطوا فينا .
محمود: مني يشحط فيك .
انا: حناك .
محمود: خيرها العزوزة .
عمي محمد: من هيا ؟؟
انا: ماميتك .
عمي: اها .. ونزل .
انا و محمود قعدنا نبحتوا فيه وهو نازل.
انا: يبي شحطه اهوا .
محمود: بمفتاح 15 .
انا: لالا 10 تمام .
محمود: مقنوط .
انا: ايه ... اسمع تعالى بات عندي .
محمود: لا لا انضايقكم .
انا: تي هيا نومه يا راجل .. والفطور لوطه غدوا .
محمود: اي حق علاش ؟؟
انا: ماهو اخر جمعه في شعبان .
محمود: اها .. تو هاذي اخر وحده و الجمعه الجايه الفطور لوطا .. لان اول جمعه اوينا .
انا: باهي بتبات ولا لا وانت تعرفش تسكت.
محنود: باهي به ..
انا كيف بنتكلم نشبح في دانا نازله تجري.
انا_: اللطف خيرها هيا .
محمود : ماندري.
دانا مرت جنبنا وما عبرتنا ابداً
محمود: وعليكم السلام .
انا: تبكشت البنت .
محمود: غر تعالى واحنا قعدنا في الدروج.
انا: بالك تحسابنا درجا هاذا علاش ما عبرتنا.
محمود: والله في درجا شقرا ؟؟ لا وعندها عضلات .
انا: ولا درجا طارحه بالـ 1000 😂
... حقى قويه لبستك را .
محمود: صقع عليك .
انا: لا نو .
محمود: به شن رايك في اللحيه خففتها.
انا: مليحه .. احسن حاجة شعرك و لحيتك سود حتى كان مخففتهاش مليحه... مش زيني مان مخففتهاش نطلع بابا نويل.
محمود: لا يا عيني .. يا ريتني اشقر و الله لحيتك فوته الموضوع .. امالا شعرك .. تي خليني ساكت بالله تو نكبد عليك.
انا؛ مش كنا بننزلوا .
محمود: هي هي للجنان .
انا: اكيد ..
نزلنا ولقينا الولاد في المربوعه يضحكوا و يفسفسوا كلمناهم وطلعنا كلنا للجنان ولقينا البنات يغنوا وقفنا نتفرجوا عليهم وهما مايندروا علينا .
حسناء: ماشي جاي على رجليه .
البنات: حي حي حي حي 👏👏
حسناء: بعد فراقه اندير عزى.
حي حي 👏
روان: يا ماشي جاي على الساليطه.
حي حي حي حي 👏👏
روان: تجبدني فتحت سوريته .
حي حي 👏
روان:يا صايع سكر سوريتك .
حي حي حي حي 👏👏
روان: شعر صدرك طيح شخصيتك.
البنات كلهم بحتوا فيها و لما تلفتوا بحتونا
انا انصدمت وفنصت لين عيوني طلعو.
انا : نوضي خشي انتي وياها عن نقتلكم تو.
محمود: قلت ادب .
البنات ناضوا و قعمزوا قدام الباب .
محمد: هي قعمزوا شباب.
قعمزنا كلنا و قعدنا ساكتين و انبحتوا في بعض.
انا: اي و بعدين ؟
أيمن: تي يا ودّي علاش امكلمنا ؟
اسامة: نبي نرقد الزفت غدوا بنفطروا لوطا و بنتغدوا لوطا .
الصيد: ايـح معناها انوضو بكري.
سالم: بسام بيجي غدوا؟
محمود: خيره اهوا؟
انا: تي جاي الصبح بياخذ الغذاء .
رامي: هو وهويده؟
أصيل: تي اسكتوا و انتوا تدوا مع بعض.
انا: هي بروا ارقدوا .
محمود: هي وسام هي.
انا: حقى حودة بايت معااي.
سالم: معناها السهرة مطولة.
أصيل: اييح خيركم عاد شباب مش كل يوم انباتوا اهنا حنا را .
محمود: رسمي يا راجل خلي انباتو لوطا اليوم .
انا: باهي هي ابنركب انبدل .
محمود: حقى حوايجي حطيتهم في دارك.
سالم: به هي نركبوا.
ركبنا للحوش خشيت لقيت دانا امقعمزة تتفرج معاها هلال و ملك .
انا: خشوا الداخل معاي محمود .
دانا: اه باهي به .ومشت .
انا: خش محمود .
محمود: الســلام عليكم .
سالم: س ع.
انا: اسكت يا راجل تو يسمعك بوي يفتح محاضرة .
:####
والشباب تلفتنا.
انا:###