عيـــلتنــا ((باللهجه الليبية))

البارت الثامن

#عيلتــنا
#حنين_الشوق
.
.
.
.
.
محمود 'يأشر بصبعه على الروشن من جهتي' : جـ..جـواد .
انا تلفتت لوين ما يأشر محمود : جــواد؟.
انا 'فتحت باب السيارة بسرعة و نزلت جري و اضبطت جواد'.
جواد 'شافلي، ابتسم و اضبطني بقوة'
انا: جواد!
جواد: وسام .
انا : حسبتك متت يا غالي دورت عليك وما لقيتك .
جواد : اه يا غالي ... والله كيف كنت في بالي و مشيت لحوشكم قالولي بعتوه
انا: ايه مش قتلك زمااان ان جدي يبني و بنسكنوا معاه كلنا .
جواد: بالله شن بيفكرني .
انا: والله والله لما تبات معاي اليوم .
جواد: لكن مـ..
انا : مفيش لكن ... تعالى محمود في السيارة يراجي .
جواد: من محمود ؟؟
انا: ولد عمتي هذاكا .
جواد : اااه حمود ..هي هي بسرعة .

'مشينا للسيارة وركبنا محمود سلم على جواد بشوق، بعدها طلع حاتم اول ما فتح باب السيارة وخر خطوات للخلف'.
حاتم 'فتح عيونه بتركيز' : بسم الله .. 'قعد يرمش في عيونه'... شباب شكلي انودع بديت انشوف في الميتين .
'انا و الشباب انفجرنا ضحك'
حاتم: تي من هذا را مشبه عليه انا .
انا: هذا جواد .
حاتم 'ركب السيارة' : غر برا برا .
انا 'بديت نسوق في السيارة وعيني علي حاتم المجلوط'
حاتم : كيف صار ؟؟... مش متت
جواد: مصح وجهك تعرف .
حاتم: لا والله نفس الصوت .
محمود : حاتم خلاص نفختهم حتى ايهم ميديرش هكي .
حاتم: تو انشوفوه ايهم لما بيشوفه شن بيدير .
انا: ايهم شني انت وياه ؟؟ تي هو انشاء الله يتذكر غداء امس شني .
محمود: اي حق شن الغدى امس ؟
انا: بالله ... ما هو تغدينا في مطعم .
حاتم: اي صح ... احسن حاجة .
انا: تي كان روحنا راهو خلونا انطيبوا الغدى نسيت شن قال جدي و اميما ؟
محمود:  زعما شن تغدوا ؟
حاتم: تو انروحوا نسألوهم .
انا: نسألوا جماعة الاقتصاد على قولت عمتي .
محمود: تي حرام عليكم الزفت هما يقروا في محاسبة و تمويل و مصارف من وين جي الإقتصاد الله اعلم .
انا: انت تسكت ارحملك .
محمود : هذا هو انت .
حاتم: يا ناري على جواد .
انا: اوو جواد نسيناك .
محمود 'شافلي ع جنب' : حتى كان هلال انقولوا متبانش .
حاتم: مصح وجهك اللي يسمع يقول شبر و نص .. وهيا واصله لصدرك .
محمود : مفيش احسن من دانا واصله لحواجبي .
انا: الفرق مش هلبا بينكم .
محمود: احسن .
حاتم : اقوى حاجة هلال 😂
انا: عادي مليحة البنت القصيرة .
جواد: حتى وسط حلو .
محمود: شعرها قريب يوصلها .
انا 'ضحكت' :  شن الغباء هذا
جواد: حلوه هيا شعرها قريب يوصلها 😂
انا تليفوني بدا يرن : شباب اسكتوا شويا.
انا: اووو بتموتي بالعكوز يا حاجه .
هلال: علاش ؟
انا: كيف كنا نقرموا فيك.
هلال: خــزي
انا: هههه ... خيرك ؟
هلال: شني مزال حتى الناس بتروح.
انا: احسن خلي ناكلوا حنى بس.
هلال: شن جبتوا ؟
انا: اللي في المحل كله نياهاهاها .
هلال: بالله شن متغدي .
انا: رشدة نياهاها .
هلال: خيرك ؟
انا: نيااااهاهاها ... كساد .
هلال: ربي يشفي .
انا: اجمعين .
هلال: تهي تهي باارد .
انا: سخنيني .. نياهاها .
هلال سكرت .
انا: ههههه نرفزتها .
جواد: متغيرتش يا صاحبي .
محمود: حتى الافعى تغير جلدها و وسام لا .
حاتم: هههعه علاش نمشوا بعيد تي الدوده تتغير .
انا: اسكتوا خل نوصلوا بسرعة .
__________ ________ _____