زوجة لسبعة أيام

١

نحنا المن دواعي الغفلة سمينا الحقيقة مُصيبة ...

*مالك اتخلعتي !
*متوقعة مني شنو ! ااااا اضربك مثلاً ؟
ولا اكورك فيكي والجيران يسمعونا والم علينا الحلة كلها ، ولا متوقعة افضحك و اكرك كرررر من شعرك و اوديكي بيت اهلك ! متوقعة اني ممكن اسوي كدا ؟
ما خجلاااااانة من نفسك ، ما مستحية مني و واقفة قدامي بكل بجاحة و تعايني فيني زي كأني الغلطان في حقك ! ااااخ ااااخ ااااااااااخ عارفه انا الفي مكاني كان ممكن يقتلك شفتي اضبحك ضبح ومافي زول بقدر يسألني .. اسمعي هنا ! هو
سؤال واحد رغم ان كوّن راجل نفسي ما سامحة ان اسألك ليهو !
_طبعاً زي ما قالو خير وسيلة للدفاع هي الهجوم ، ولا ما كدا ؟
*انا ما قادر اصدق انك لسه بتحاولي تستصغري عقلي و تعامليني علي اني انسان جاهل و متخلف ، انا يمكن اكون كنت عميان طول الفترة الفاتت دي ، لكن تعرفي حاجة !
الكلام معاكي بيقرفني ،بحس اني قذرر ، بقرف من نفسي شديد ،كل ما اتزكر ان مرت ايام و انا كنت بنوم جمبك في السرير دا و علي نفس المخدة دي ، و انتي كنتي ........*قاطعتو 
_حدددددددددك ، ا ووعك !
*وانتي وين كان حدك يا هانم ! لمن مشيتي و ..... ايوااه بمناسبة الفي بطنك دااا !
دا ولد منو فينا ......؟
*جزئية معلقة*

حبوووبة ... حبووووووبة ، قومي
حبووبة اصحي ، قومي ، فتحي فتحي ،عايني لي ، عايني لي .. ااااي حاولي تساعديني خليني اقعدك ، يلاااا يلااا .... ايواة ايووة براحه براحه .. تكي هنااا ختيت ليكي المخدة ورا ضهرك .. مرتاحه كدا ؟ 
يمة حبيبتي انااا ،مرتاحه حبوبة ؟. '' هزت لي راسها هزتين بالايجاب ، معنى انها مرتاحه '' 
يلا يا غالية ساعديني لازم تاكلي عشان اقدر اديك دوواك اتفقنا ؟ 
اهااا يلااا ، شفتي جبته ليكي الكسرة البتحبيها مع السلطة ، شوفيها شوفيها زابطة كيف عليكي الله ، زي ما بتحبيهااا ...
يلا هاكي ..... 
اففف دا منو البتصل علي اسي ... لحظة يا حبوبة ارد واجي اا اكلك يا غالية حقك علي قطعت ليك اكلك .. 
_االووو ... ااهاااا 
*اهاا شنو بس دا وقت اتصال ليكي ، ياخ انا عيني طلعت 
_واااي يا عليا كان نفسي اكون معاكي لكن انتي عارفه وضعي ..
*عارفة عارفة ي بت بطلي عليك الله
_اهم حاجة البيت كويس اتفقدتيهو ؟ّ
*ما بطال حاجة تسترنا بس 
_يا حليلك والله ، فضل ليكي شنو ؟
*هو الما فضل لي شنو يا هولة حمدلله بس ، ياداب بديت افرش حبة العفش العندي دا 
_معليش كله لخير ، اهم شي البيبان بتتقفل كويس عليكم و جيرانك كويسين ؟ 
*الله يسترا من عندو يا ستي ، و بالنسبة للجيران ما بعرف والله غير وحدة قبيل جاتني لمن شافتنا بننزل في العفش ، جات اتشمشرت و وصفت لي بيتا ، عايشه هي وراجلا م عندها اولاد ، غايتو شكلها طيبانة 
_برضو يا بت هووووي اعملي حسابك 
*الله بحرس يا زولة
_و نعم بالله ، اها جهزتي حاجات رمضان ؟
*بري والله انا فضيت لي حاجة يا هالة ،وضعي انتي اكتر وحدة عارفاهووو ..
_طيب اقبلي اني احول لي قروش و لمن تشتغلي سددي لي 
*انتي عارفه موقفي تجاه الموضوع داا ، بتدبر يا هوولة ممم تشيلي هم ..
_ طيب م ح اضغط عليكي بس م تنسى لو احتجتي لي انا موجودة
*اكيييييد ،، انتي الله يديمك لي بس
_ امين ياا احلا اخت ، و يللا انا حأقفل ولدي صحا 
*و انا كمان بغدي في حبوبة ، في امان الله .
_الله يديها العافيه 
..ّ

___ بعدها بي تلاته يوم ...

* اا السلام عليكم 
_يا .... مرحب 
*انا بعتذر علي الازعاج ياعمو بس دايرة خالتو صفية لو موجودة 
_خالتك صفية جوااا ، تعالي ادخلي ليها 
*لالالالا ااا انا مستعجلة لو ممكن يعني تناديها لي 
_ما صح تقيفي كداا قدام الباب يا بتي ، انتي خايفة ولا شنووو 
*لالا العفو انت زي ابوي برضو بس زي ما قلت ليك انا مُستعجلة .. ( اي بنت في الدنيا بتقدر تعرف نية الزول القدامها من نظراتو ، و انا ك بنت ، كنت شايفه نظرات عم اسماعيل و انا واقفة قدامو ، نظراتو لي و هو بيتفحص جسمي ، بياتو عقل انا كان ممكن ادخل ؟ )
_ مع انو عادي ممكن تدخلي هي اساساً جواّ
*و انت ليه مصمم علي اني ادخل جوا يا عمو في حين انه اسهل شي لو موجودة تناديها لي بكل بساطة ، ولا شنو ؟
_ااااااااا ( بي تمتمة) اا ااي ااي يا بتي صحي كلامك هي جواااا جوا جوااا ..ّبعد شوية جات خالتو صفية بي وراي من الشارع ، شايله ليها حبشاي ولبن .. طبعاً طوالي عاينتا ليهوووو .. بقى يتمتم قال لمرتوو 
هوووي يا مرة انتي متين مرقتي من البيت داا .. قالت ليهو مالك انت جنيت ولاشنو يا راجل ما قدامك مارقه .. بلع لسانه وسكت 
.. ختت يدها في كتفي ، قالت لي : 
ادخلي يا بتي تعالي اشربي معاي الشاي ، قلت ليها لالالا انا مستعجلة و الله و جيتك محتاجة ليكي شديد و على عيني والله اطلب منك كدا لو ما الظروف بس ..
قالت لي بأهتمام كداا ، مااالك يا بتي في شنو ؟ قلت ليها م تقلقي مافي حاجة .. بسس .. بس.. اذا م عندك مانع تقعدي مع حبوبة 
عندي مشوار ضروري ساعه ونص بالكتير انا برجع البيت ..
قالت لي خلعتيني انا اسي قل

ت حصل ليك حاجة ، خللاااص طوالي اصن م عندي شغله اشرب شايهي دا وبمش عليها .. قلت ليها جدا عليك الله ؟
قالت لي ايوة يا بتي الناس لي بعض .. قلت ليها ربنا يبارك فيكي يا رب .. انا بمشي اجهز و اجي اديكي المفتاح حق البيت ،،قالت لي الدايراهو بس انا عيوني ليكي ،، قلت ليخا تسلمي لي ...
كلامي مع خالة صفية كان نوع من انواع البشاير لخير قادم ، زي ريحة رمضان كداا ..
المهم .... 

#باك_للاستككانة🙈..

يتبع .....