زوجة لسبعة أيام

٩

عاينت لعم اسماعيل بي خلعه قلت ليهو سجمي دا شنو الفي راسك دااا جرحك شنو لا حول ولايوة الا بالله كفارة ليك والله .. خالتو صفية قالت لي علي اليعترو وقع قدام الحمام ، قلت ليها سبحان الله قاليك كدا ، قالت لي اي والله ، عاينت لعم اسماعيل قلت ليهو صحي الكلام دا ! لكن دي زحلقه والله ، المهم اجر وعافيه م تشوف شر يا عموو ...
طوالي شال كرسيهو ورزع الباب و دخل ، خالتو صفيه قالت ليهو بسم الله يا راجل ما كانت عويقة دي ...عاينت لي وقالت لي خليكي منو ادخلي اشربي ليك كباية عصير عرقانه كداا ، قلت ليها لا حبوبة براها و اتاخرت عليهاا ..سكتت مسافه
قالت لي عليا صراحه انا عايزة اقوليكي حاجه لكن خايفاكي تفهميني غلط ،، قلت ليها لالا اتكلمي عادي اكيد كلامك خير ،، قالت لي يا بتي انتي لسه صغيرة و قاعده تصارعي في الدنيا دي و م متحملة نفسك و انا راي يا عليا يا بتي ، تسوقي حبوبتك دي توديها دار العجزة و تشو......*قاطعتها
قلت ليها لمن حبوبة تزح من عيني انا فايدة حياتي شنو ؟ اعيش عشان شنو ؟ في شنو ملهم في الدنيا دي اعيش ليهو ؟ من قمت لا تالي لا والي لا اخ لا اخت حتى قولة يمة محرومة منها ، حعيش عشان شنو و الانسانه الوحيدة الكبرتني و قدمت لي كل البتقدر عليهو ، وباعت و اشترت ونضفت عشان تربيني اجي انا اجازيها كداا يا خالتو صفيه ، دي عمودي كوني اصطبح ساي بي وشها كدا نعمة من رب العالمين هي الام وهي الاب يا خالتو صفيه و تعبي الانتو شايفنو دا انا ماحاسه بيهو بالعكس غير احساس العجز ما حاسه بي حاجة تاني ..عشان كدا ي خالتو صفيه لو انا مكسحة و مقطعه قطيع حأشيل حبوبة دي فوق راسي و ازحف بيها زحف ..علياء يا بتي انا م قصدت حاجة غير اني عايزة اريحك يعلم الله بشوف فيك بتي الما رزقت بيها ، ما تزعلي مني ،صح انحنا عشرة ايام لكن قلبي عليك يعلم الله و دايرة اساعدك و ما عارفه اسوي شنو .. قلت ليها لو دايرة تساعديني ، وفري لي شغل عند اي اسرة وضعهم كويس او حتى مطعم انا بغسل عدة و بنضف م عندي مشكله ، و في غيابي تطلي على حبوبه ان شاءالله نرة وحدة في نص اليوم ...قالت لي كلمت ليك المرة القلتها ليكي و عندي ليكي فكرة و بتمنى توافقي ، قلت ليها ابشري بالخير ،، قالت لي انا بديكم اوضة دي ما شايفه بيتي كبير منو تكون حبوبتك جمبي و تمشي شغلك و انتي مطمنة و حق الايجار دا اولى بيهو تصرفي نفسك لحد م تقيفي على رجولك ...
قلت ليها يا ريت بس للاسف عندي سبب يمنعني اعفيني منو يا خالتو و انا ما عارفه ارد ليك جميلك دا كيف و بتمني فعلاً اقدر اقيف على رجولي ، قالت لي ما جميل الفي مكاني حيعمل كدا ، قلت ليها لا والله ما اي زول حيعمل كدا ..شكرا ليكي و منتظرة منك خبر و استعجليها لي عليكي الله
قالت لي تمام ... ومشيت
( في جانب تاني )
*الوووووو
_نايمة انتي ؟ّ
*اممممممممم اقفل اقفل برجع ليك بعدين
_يا بت قومي و صحصحي كدا غسلي وشك وارجعي لي
*افففف حبيبي ياخ انوم شويه بس
_لا عبورتي قومي ياخ
*طيب طيب اقفل برجع ليك
_لا حتقومي اسي عندي ليك مفاجاه
*طيب سلام
_سلام ف عينك قومي يااخ ، اسمعيني الليله عندك حاجه ؟
*لا
_بتقدري تطلعي ؟
*افففف ياخ انت تاني رسلت هديه صح
ياخ كلمتك م ترسل لي هدايا بتجيب وانت م عارف مقاساتي و بدفع الحاجات للبنات و قلبي بيطقع
_ اذا انتي رافضه تديني مقاسك ولا حتى صورة ليك ما شفتها استحملي بس متاكد الهدية دي حتعجبك يلاااااا قومي ، الساعه 4لازم تمشي تستلميها من جمب ال(..)
*متعب متعب ياخ اسي الساعه كم ؟
_اسي الساعه 3
*ووووبعلي 3 متين جات ياخ بتهزر والله م قادرة افتح عبوني سهرانه للصباح اقراا وااي دايرة ابكي ..
_ياخ بطلي كسل مشوار رايح جاي اخدي امجاد وانا بحاسبو ّ
*تحاسبو يا مقطع انت قالوك م عندي قروش و بعدين الا كان تحاسبو دليفري انت وين وهو وين.. اقطع وشك بس..
_بالله ف وحدة تقول لي حبيبا اقطع وشك يا بت احترميني شويه بس انا حبيبك
*بالمناسبه دي مشتاقاك ياخ
_احلفي
*والله والله والله
_وانا كمان مشتاقك ياخ ، علي فكرة حقوليك حاجة بس م تقولي لاحمد
*شنو ؟
_ناس احمد راجعين بكرة
*احلللف بسم الله دا شنو شهر عسل تلاته يوم دا كلام شنو ؟
_علمي علمك ، قومي يلا اجهزي وخليكي متواصله معاي
*تمام حبيبي يلاااا ... *نبذه عن عبير*ّ
( عبير اتعرفتو عليها قبل كدا بس م بتعرفوها هي منو ، عبير دي اخت احمد العريس اللي زوجتو رحاب ، و البتتكلم معاهو دا صاحب اخوها احمد و اسمو معاذ ، دا مغترب ليهو فترة ما جا السودان ، و علاقتهم كانت صداقه عن طريق الفيس و اتحولت لي حب قوي شديد ،وكل دا وهو ما شافها و متواصلين ليهم سنتين ، و عبير من نوع البنات الضاربين الدنيا شلوت اقصى طموحاتا انها تنجح و تقرا و زولة الله ،، و ما يفوتكم انها شخصية دبدوبه جداً و ازمتا انها ماقادرة تعمل رجيم والازمة الاكبر متخوفه من معاذ انه يشوفها وهي كداااااا .... بس لسه ماعارفه الصدمة المنتظراهااا شنو .. خلونا نرجع شوية

لأحمد و رحاب ونشوف الحاصل معاهم شنو ...
( في جانب تاني )
*قومي صلي
_اممممم اي طيب
*ليكي ساعه بتقولي طيب و ماسكة تلف نك دا وقاعده
_احمد دي حاجة بيني وبين ربنا ما بيجوز الاكراه فيها
*دا كلام شنو يا رحاب ! الصلاة يا بت الناس دي كمان فيها اكراه ، من يوم اتزوجنا بتسمعي الاذان دا و تجري غطاكي دا و تنومي و انا اذا كنت بتكلم فاا دا لمصلحتك ..
_مصلحتي انا عارفاها
*الله يهديك
_مالي مجنونة ؟
*لا يا ستي العفو مجنون اناا ، و من يوم جينا وانتي خاتاني زي الحيطه واحد يادايرة تنزلي السوق ..
_بمناسبه السوق انحنا بكرة مسافرين و انت قطعت لي شهر العسل ، ممكن تديني قروش انزل اتم باقي حاجاتي ؟
* اول حاجة تنزلي !! براكي يعني ؟
و تانياً بعد الشيله الجبتها دي كلها قلت م مشكله م بكسر خاطرك ف حاجات عجبنك بس موضوع السوق كتر ، لحد متين ؟
_م كنت عارفه انك بخيل كداا صراحه ، وانت عارف انه عرس بت خالتي كمان ولازم اشيل هدايا ع الاقل م اخش يدي فاضيه ..
* ياه ههههه انا بخيل ؟ بعد دا كلوووو؟ سبحان الله ههه طيب شكرا يا ستي
_انا اسفه م قصدي حاجة
*لا ولو قصدك يعني عادي
_قلت ليك اسفه *وقربت منو ......

اماااا انا ..
دخلت البيت كلعادة مع حبوبة ، اغني ليها و اونس فيها تنوم حبة و تصحى حبة .. قمتا مشيت فتشت محل كنت خاته الشنطة ، لعل و عسى القا القروش واقعه ، بس للاسف م ليها اي اثر ، كأنه يد شالتهاا ...

#استككانة👻~....