زوجة لسبعة أيام

٥٣

الحلقة دي مميزة بالنسبه لي لأني بكتبا وانا في الجو و هدوء وحاجة كدا مخلياني اكتب كتاب عديل ✈✈✈...❤ّ

بعد اكلنا لبست حبوبة توبها و انا لبست عبايتي ، و بقيت قاعده منتظرة احمد يجي زي م قال.. بعدها بشوية فعلاً خبط لي الباب
_ هلا علياء ( بأبتسامة كدا بشوشة سبحان الله رغم الحاصل معاهو دا يكسر ضهر ، بس م اتعامل زي طبيعة الزول انه يفرغ غضبه في القدامو ، بيقدر يفصل بين كل حاجة في حياته ، بالجد كان مصدر حيرة بالنسبة لي ، بس انا م قدرت ابتسم ليهو زي ما هو مبتسم لأني حسيتا مزيفة و انا كنت شايفه وسامعه الحاصل ، المنو كان كسر البيت دا فوق تحت و كان مسك رحاب دي خنقا و م كان في زول بيقدر يسألو ، المهم ، بقيت ماسكة الباب و بعاين في احمد و الحيرة الدخلها جوااي ، قالي تاني :
_علياء 
*نعم!
_حبوبة اكلت ؟ 
*ايواا حمدلله 
_ممكن تطلعي برا الغرفه ، حابة ادخل لحبوبة لو ممكن !
*طيب ..( طلعتا قعدت ف الكراسي البرا ) 
شفتو قعد جمبها ، و مسك راسو ، و اصلاً حبوبة حساسة شديد زي قلب الام بتتعاطف من جوا قلبها بالجد ، قامت مدت يدها في راسو ، بعدها انا طلعتا ، بالجد من جواي كنت متأثرة شديد ، انا اصلاً كنت عارفه انه عندها علاقة مع زول بس دا قبل اعرف انها متزوجة ، تتزكرو يوم كنت بكوي في الاوضة و هي كانت بتتكلم جمب الباب و انا سمعتها ، من الوقت داك كنت عارفه و بعد سمعتها بتتكلم قبيل م كنت مخلوعة ، بالعكس كنت قرفانه منها ، يمكن انا اكتر وحدة كنت شايفه قدر شنو احمد بيحبها ، وهي كانت بتعمل في شنو ! سبحان الله ... 

بعدها احمد جاني ، من بعيد قالي يلا 
جيت احرك حبوبه لقيتو هو سايقا ، و بقيت ماشه وراهم .. فجاة وقف بعد طلعنا برا ، قالي..
_ علياء 
*نعم ..
_عايز اطلبك طلب و م ترديني 
*بأذن الله ( بالجد كنت متطايبة من جوا قلبي معاهو الوقت داك م كنت حابة اكسر خاطرو في حاجة ) ..
_ما عارفه ابدا كلامي كيف ، بس زي م عارفه ( بي ابتسامة) الحصل و قعادك بقى صعب و الحاجات دي اكيد م محتاج اشرح ليكي و ..*قاطعتو .
*لا م تشيل همنا اكيد ربنا بيقسم لي رزقي في حته تانية م تشيل هم ، بس وصلنا البيت ..
_لا م كدا يا علياء ، انا م داير ارجعكم بيتكم ، انا دايرك تفضلي في شغلك زاتو بس حنحول البيت ....*قاطعتو بصوت عالي ..
*قصدك امشي عند رحاب لا اعفيني ما دايرة عني ما اشتغلتا ..
_علياء ، رغم انا م عارف في شنو حصل بينكم بس دا م وقتو بس اتأكدي انه حيجي يوم و اسألك ،انا م قصدت انك تمشي لرحاب و حالياً انا ما مسؤل عن رحاب بأي شكل من الاشكال .. انا دايرك تمشي في البيت الكبير ، اللي هو عند امي واخواني..
*خالتو ،وعبير ؟
_اي انتي بتعرفيهم اكيد ..
*بالحيل والله ، ما عارفه اقوليك شنو انا م عندي مانع اكيد ، بس كمان م دايرة اشتغل الشغل دا عشان انت اديتني كلمة ف انك تشغلني ولا عشان تتعاطف معاي ف النهاية الارزاق بيد الله ..
_لالالا ما كدا و علي فكرة بعد وضوع رحاب امي كانت دايراكي تجيها ف البيت ، لانه زي م عارفه مرة كبيرة و عبير حتعرس في الفترة الجاية ..
*على بركة الله ، انا م عندي مشكلة 
فعلاً ربنا بيقطع من حتة و بيوصل في حتة احسن حمدلله ... 
_طيب بما اننا اتفقنا ، انا كدا حأقدر اطلب منك ، طلبي التاني و انا مرتاح ..
*طلب !
_ااي طلب م تخافي نا حاجة فوق طاقتك ، بتقدري ..
*هاه
_ما عايز امي ولا عبير ولا اي زول يعرف بالحصل بيني و بين رحاب ..
*انا م لي علاقة يا احمد و لو ما صوتكم عالي انا م كنت حأعرف حاجة ، اتطمن انا ما النوع البينقل الكلام و الا كان كلمتك من .......*قطعت كلامي انتبهت اني طينت الدنيا .. سكتا ..
_شنوووو ، شنووو!
*مافي شي ، مش نتحرك عشان حبوبة م بتتحمل القعدة دي !
_علياء فضلاً كنتي عايزة تقولي شنو!
*ما دايرة اقول حاجة دا موضوع تاني انا لخبطتا ..
_انا م لحوح بس اتاكدي اني فهمت ، بس افضل تقولي انتي من افهم انا براي و اسيئ الظن ..
*احمد ، اعفيني لو سمحتا انا م دايرة اقول حاجة ..
_تمام .. يلا نتحرك 
*يلاه .. 

( في جانب رحاب )
*الووووو 
_في شنو حاصل ، قبيل احمد اتصل بي من تلفونك و زي السمعت صوتك !
*ايمن خلااااص بيتي اتخرب 
_عرف ؟
*ايوااه ، انت سويت شنوووو حرام عليك ليه تدمرني كدا !
_انا ! سويت شنو يا رحاب ؟
*طيب هو عرف من وين ؟
_اكيد انا ما قلت ولا وريتو حاجة يا رحاب معقولة ! تصدقي تهديدي داااك كلام زعل ساي ..
*طيب قالي صور بي قميصي الاحمر جابه من وين يا ايمن غير منك !
_صورررر! انا م وريتو حاجة غير صورة غرفتكم الاولى ديك و من بعد رجعنا لبعض تاني ما عملتا حاجة ..
*طيب فهمني الصور دي وصلتو كيف !
_طيب مش قلتي البت البتشتغل عندك سمعت كلامك معاي وعرفت !
*ايوااه بس الصوور معاك انت !
_ايواه بتكون هي حولت الصور من تلفونك و مشت طبعتهم ورسلتهم لاحمد بطريقتا ! انا مستحيل اسوي حاجة زي دي ي روحي ، و عشان تعرفي احمد بياع كيف حتى م اداكي فرصه تبرئي نفسك بي اي كذبة و جدعك !
*انت عرفت

من وين انه جدعني !
_مممم ما مم (تمتم) واصحة يعني اكيد م حيخليكي تقعدي بعد دا ..
*يا بت اللذين يا علياء ، اصلاً جيتك بيتي دي عن طريق احمد بي فهم انك تشتغلي دي ما استوعبتها نهائي ولا اقنعتني ، ااااخ بس اااخ 
ايمن اسمعني ..
_قولي يا روحي .. 
*دايراك توديني لشيخ
_ششششششيخ ! انتي بتؤمني بالخرافات دي !
*لا بس بيقدر يعمل لي ليها عمل !
_دا كلام فارغ ما تصدقي حتى البقولو ليكي بعالجو بالقران والكلام دا كلو كذب ، انتي بس امشي وراي انا بنورك ي روحي ..
*اهاااا اسوي شنو ؟
_بدردقا بجيبا شقتي و اسوي فيها البتعمل والما بتعمل و اجيبك في الحلقة الاخيرة لحد عندهاا وهي ف سريري ، وسوي الدايراهو وقتها ...
*فكرة ما خطرت على بالي 
_اها شفتي كيف 
*بس م انت التسوي معاها كدااا 
_اها اامريني 
*واحد من الكلاب الضالة العندك ديل 
_من عيوني يا عيوني انتي ، تحبي نبدا خطتنا متين ؟
*من اسي كان في طريقه 
_هاهاها م للدرجة دي ابردي ، من بكرة حلو جدااا ، بس اديني المعلومات والرقم والقورة لو عندك ..
*الله يبرد قلبك 
_حاف كدا م لي مكافأة !
*ليك اااااكيد ... 
_كنت واثق انك م حتبخلي علي ... 

#استككانة❤( القلب دا عشان جد مستكينة لسسه م وصلنا 😄😄) ..

يتبع ....