زوجة لسبعة أيام

٤١

_راجلك بجي الساعه كم ؟
*لسسه م حيجي اسي طالما مشى عند اهلو ..
_حنقعد براحتنا يعني ؟
*ايمن يلا....
_جاي جاي ...

قاعدة ، و سلمى جمبي ، و حاساها م تمام ما ياها ، كدا غريبه بعد اتصال امها ،، 
قلت ليها مالك يا سلمى في حاجة ممكن تحكيها لي ؟ ّ
قالت لي لا سلامتك ، بس بعد دا لازم ارجع البيت حمدلله اتطمنا على حبوبة ، وامي داقة جرس عشان م شايفاني قدامها ، الظاهر اشتاقت لمناقرتنا هههه.. 
قلت ليها ربنا يخليها ليكي يااااا رب ، قامت جهزت و جات طالعة وقفتها ، قلت ليها ..
*االعفو والعافيه يا سلمى
_ لي في شنو ؟
*الحصل مني قبل كدا و انا ما.....
_بطلي هبالتك دي البنا عامر وانا لمن قلت ليكي انتي اختي ما قلتها من فراغ ، فا جيبي بوسه ...
*هههههه هاا ..... يلا سلام 
_لو في اي حاجة اتصلي علي سجلت ليكي تلفوني ، تمام ؟ 
*تمام 
_مع السلاااامة ...
رجعتا من الباب ،مشيت لحبوبة ،. عملت ليها حاجاتها كلها ، و شيكت على العلاجات كلها تمام ،، بس بقيت راقدة وبفكر في وليد !
دا ما وليد الانا بعرفو ، في حاجة غلط انا متأكده ، رغم صرامة شخصيتو الا ان في حاجة هزتو من جوا و اثرت عليهو جواهو بس هو ما عايز يظهر الحاجة دي .. فاا اياً كان البتمر بيهو مُر يا وليد ، اتأكد انه حيعدي على خير ، ثقة في الله ، ف بغض النظر عن المواقف الحصلت الا انك كنت اول نور ، بمساعدتك لي ، فا من جوا قلبي دايرة لبك الخير ..

(في جانب احمد )

يا الله ، ياخ انا كيف نسيت الشريحه ل رحاب ، استغفر الله ، و دي عربية منو الواقفة جمب البيت ! اممممممم
على حسب علمي ، طارق ما سايق ، ولا عمر سايق اممم معقولة تكون عربية أ الفاضل وغيرا !
بس هو ما بيركن هنا لكن ! 
ياخ انا مالي جنيت ولا شنو ، انا مالي ومال عربات الناس ، افف. انا جنيت وصل بي الفراغ للمرحلة دي وانا شعري م كنت بفدر احكو ... ّ
كدي امشي اجيب الشريحه و اجيب عشاء و اجي للحب كان ما جبت الشريحه تقوم تزعل ، فااشنو يا احمد ، اكسر الشر ..

( في جانب وليد)
*نعم !
_عليك الله ما تسوي كدا يا وليد حلفتك !
*واسوي شنو ؟
_اديني فرصه ، فرصة وحدة بس 
*رغد ، انا اديتك حياتي خلي مجرد فرصه و العملتو معاكي مافي راجل بيقبل بيهو يا رغد ، بس انتي كنتي مصرة تتمادي و بتتعاملي بلا وعي ، للاسف انا ما مجبور اتحمل حاجة فوق طاقتي ،وزي م دخلنا بالمعروف ننتهي بالمعروف ..
_بس انا بحبك يا وليد ..
*لا يا رغد انتي بتحبي نفسك ..
_لو سمحتي ما تضغطي علي 
*انت خليتني عشانها صح ؟
_عشان منو ؟
*انت عارف كويس عشان منو يا وليد 
_لا ما عارف ، بغض النظر عن انك بتتكلمي عن منو ، لكن انا خليتك عشان نفسي ،و دا سببي الوحيد .. 
*تمام 
_سلام ....

#استككانة😑~..